الحكيمة المجنونة

ثاااااارتيييييي فااااااااااااايڤ

دارت ماسكارا هزت تيليفونها و هبطت تسمعو يهدر في تيليفون باين مقلق كي شافها قال : ايا مبعدا و ارواحي للريسطو تاع العادة

مريم دارت روحها ماسمعاتوش كملت طريقها لبرا حتى تسمعو عيطلها كي لحق قاللها : هادي وحدة تخدم معايا

مريم : ماكش مجبر تبررلي . و درك هايا

ليث : مي مبعدا رانا نتلاقاوها

مريم سكتت ولاو خرجو راحو ضربو تور حول العالم قصدي حول لندن كان ينعتلها في لبلايس بسك لازم تحفظهم منا و رايح كابابل مايكونش معاها المهم مبعدا راحو للبارك اول حاجة راحو سلعو من الشيبس و شعر البنات (لحية. بابا ) احم أكيد مريم هبلت عليه ركبت نص لي جو بلا ماننساو la grande tour 

 طبعاا ليث أيقن بلي تبلا بطفلة صغيرة ، ولاو راحو يتغذاو وبينما هم ياكلون في أمان الله تزدم عليهم مرا او بالأحرى زدمت على ليث سلمت عليه  لا حشمة لا حيا لاقدر لاكوكيطة مريم قعدت تكيل فيها و مزالت تاكل طبعا هي جونفي طويلة باينة ميش عربية  شعرها احمر عينيها عسلي لابسة سروال جينز + تيشرت نوار مدايرة غوج ياتيري من طاطاوين ، المهم بعد التكيال هاداك مزالت اللصقة هادي لاصقة في ليث لي يجبد في روحو بالسيف عليها ولات دارت تلقى مريم قاعدة تاكل شافتها محجبة و كذا حسبتها ماتفهمش قالت لليث : هادي وين لقيتها

مريم حطت الكأس على الطابلة قصدي خبطاتو يزيد شوي يتكسر

ليث قاللها : هادي مرتي 

نطقت ايلا (اسمها ) : من وكتاه ونتا تتمسخر بيها نعرفك جامي كنت سيريو مع وحدة لدرجة تتزوجها 

مريم سمعتها تشوكات يسما هو كان خلاط اكثر من الميكسور تاع ام وليد  ولات ناضت ليث دنق فيها تاع كالمي روحك  حطت يدها على كتفها كي دارت قالتلها مريم 'اكيد بلونجلي المخلوقة 6 اشهر و هي تندب باه تعلمتلها بيان ' : هادوك كان يعقب بيهم الوقت مي انا الصح سوو ماتكومبارينيش بامثالك اوك بب 

 . و نحات يدها  هزت ساكها و قالت لليث اني رايحة للتواليت 

ايلا قعدت توال ليث مشوكية حسبتلها مافهمتهاش 

احم نعرفكم بايلا هي طفلة عمرها 25 سنة تخدم مع ليث  كانو ديزامي من صغرهم مالغري وين يتلاقاو الحرب تقوم مي  مايفرطوش في بعضاهم هي وحدة تحب تلعب على المورال تنارفيك في دقيقة  سووو ربي يبقي الستر مع مريم

المهم مريم ولات لبلاستها لقاتهم مزالو يهدرو كي شافتها ايلا حبت تطلق سماطتها عليها

ايلا : سوو  حبيبة ليث واسمك

مريم قلبت عينيها و قعدت تاكل كشغل ماهيش ثما 

ايلا : اوك اوك زوجة ليث واسمك

مريم  قالتلها بلا مادنق في وجهها  : مريم

ايلا  : nice to meet yu meriem