Belle Ame: A Beautiful Soul (DS Auxiliary)

Prologue

"Stop, Papa! Please, stop! Don't hurt Mama!" sigaw ko at saka hinarang ang maliit kong katawan para protektahan si Mama.

When my mother called my father a devil, I wanted to believe he really was in the way his devil eyes glare with full rage.

Sadyang mabigat ang mga kamay ni Papa. Kaunting pagkakamali o kahit wala'y natitikman ko ang bagsik niyon.

"Go to your room, Santino!" sigaw ni Papa. "Go to your room!"

Umiling ako at yumakap kay Mama na wala ng suot na damit.

Wala na 'kong pakialam kung magulpi na naman ako, basta ay mapagtanggol ko si Mama. Nasasaktan akong sinasaktan siya ni Papa...

Kahit ako na lang. I'm a tough boy...

"Santino!" sigaw ni Mama nang malakas akong hablutin ni Papa at marahas akong binuhat palayo kay Mama.

"Papa, please!" galit na galit kong pakiusap. Pilit nagpupumiglas palayo sa kanya. But my father's physically stronger and bigger than I. "Don't hurt Mama! Don't hurt Mama!"

Nagpatuloy ako sa pagpupumiglas, ngunit mabilis akong naiakyat ni Papa sa sarili kong silid. Pabalibag akong binato sa ibabaw ng kama, at sa isang iglap ay nakakandado na mula sa labas ang pinto.

"Papa! Papa!" paghampas ko ng walang humpay sa pinto, humahagulgol. "Papa!

I heard my mother wailing in pain.

"Huwag! Nagmamakaawa ako, huwag, S-Sancho" narinig kong sigaw ni Mama.

"Mama!" Hinayaan ko na ang pag-agos ng mga luha ko. Why am I still little and weak? Why can't I protect her?

"Mama! Mama!" Hindi na 'ko makahinga sa pag-iyak, kasabay nang matinding pananakit ng puso ko.

Napahawak ako sa dibdib ko. Sa naghahabol na hininga ay kinuha ko ang gamot ko sa ibabaw ng bedside table at ininom iyon.

Pagkuwa'y pilit kong binubuksan ang pinto kahit pa sa katunayan ay walang kuwenta ang ginagawa ko.

Kumulog ng malakas kasabay nang paghagulgol at pagmamakaawa ni Mama na tumigil na si Papa sa...

Napaupo na lamang ako sa sahig. Niyakap ang mga binti ko...

Bumuhos ang malakas na ulan...

Anim na taon na ang nakakaraan pero tandang tanda ko pa rin ang araw na pilit kong iwinawaksi sa pinakadulong parte ng utak ko.

"Santino, hijo? Santino?"

Napadilat ako ng mga mata. Agad na napatayo at paika-ikang tumakbo nang bumukas ang pinto ng garahe.

"Manang Rosa, get me out of here. Please..." pumiyok na 'ko. I don't want to stay in this cold and dark place while there's an angry storm.

Nabanaag ko ang awa sa mga mata niya. "P-Pasensya na, Santino. H-Hindi ko kayang suwayin ang utos ni Don Sancho. N-Nagbanta siyang tatanggalan kami ng trabaho ni Benito sa oras na mangialam kami..." tukoy niya sa asawang katiwala din ng aming pamilya.

Mabilis na binaba ni Manang Rosa ang tray ng pagkain na dala niya.

Paikang tumakbo ako palabas ngunit nakaharang na si Mang Benito sa pintuan.

"Let me go!" Pinagsalikop ko ang mga kamay ko. "I'm begging you, p-please get me out of this place!"

Nangilid ang luha sa mga mata ni Manang Rosa. "H-Hijo, p-patawad at hindi ka namin m-matulungan... Kung nandito lang ang Mama mo ay..."