قيود بين سلاسل الماضي(مكتمله)

بارت ٣٤

أفنان اريد امج لو سمحتي
هدى اي بعيني ودخلت اصيح امي
ماما ماما يردوج بالباب
أفنان طلعت امه واني مثل السعفه ارعش خوف وقلق
ام هدى هلا يومه تفضلي

أفنان يزيد فضلج خاله ممكن سؤال
ام هدى اي يومه كولي
أفنان اباوع إلها والله وجهه حزين وكءيبه وخفت حيل اسألها وتصدمني بااجابتها حسيت حزنها بسبب ابنها الي مشه وي عماد

وبقيت فاصله دقيقه وافكر
ام هدى شبيج اسم الله خومابيج شي
أفنان خاله اني زوجي رايح وي ابوكم وسافر وما اعرف عنه وين لااتصال لاشي
ام هدى باوعت عليها حامل وعيونها مورمه بله هاي شكولها هسه وبهيج وقت
أفنان ها خاله اشو مجاوبتي

هدى سحبت أفنان من ايدها وكتلها تعاي اكعدي هنا ونحجي عيب هيج واكفين بالباب
أفنان مستعجله والله ممكن تجاوبوني
ام هدى اي بعيني بس هاي مو وكفه عيب بحقنه تعاي هنا حتى لو ورى الباب بالطرمه ونسولف روحي هدى جيبي مي عيب البنيه اول طبتها

هدى رحت وبكلبي تحمدت الله لان دخلت خطيه شلون راح امي تكولها اوف شلون قهر مردونه مرد بروحتهم هاي
أفنان ها خاله احجي

ام هدى والله ياامي الموضوع من يوم الصار وعمامه ماخلوا مكان ماسالوا بي ولحد هالحظه وهو يدورون ويسألون حاليا الخبر الموجود عدنه انو هم من واصلين
أفنان كالت واصلين يعني عماد عايش عفيه خاله كملي اترجاك
ام هدى اي يومه واصلين وقبل وصولهم بدقائق ناطيهم اكل والاكل مسموم واول وصولهم ناس ميته وناس متخربطه وناقليهم بمستشفى بس وين محد مدايعرف

أفنان بقيت أغمض وافتح أغمض وافتح مااكدر استوعب الكلام ابد عماد عماد منو الي يكدر يطمني عنك ويطفي النار البكلبي 
ام هدى اسم الله الرحمن يومه حامل هونيها وتهون حرام عليج البطنج اله حق عليج

أفنان رجعت من يمهم مدمره دمر وبس سمع أبويه الحجي كال خلص اني باقي اسال وراح اروح للرياجيل اسمع منهم

أفنان دخلت وعشت اسوء يوم واسوء ليله بحياتي احس كل الكون توقف ماكو لاهوى ولاضوه بحياتي اسود بااسود مرت الايام اروح كم يوم بيتي وبس أدخله احس جهنم واشتعلت بي محمد صار عمره سنتين ونص وحاليا حامل

هذا شهر الثامن وكل يوم اصعب من القبله بااضعاف صار على فقد عماد شهرين لاحس ولا خبر ولااي اتصال كل مااروح الأهلي اروح البيت ام هدى ادور أخبار عن عماد وجماعته وارجع البيتي الي صار مثل السجن الي أبويه حيل صار حذر بتعامله هاي الفتره وياي واهلي مقصروا ابد من ناحية كل شي

اما عيالي شهرين محد دك بابي ولا واحد بيهم سال عن عماد او سال عن وضعي شاكل او ششرب اني وابني لحد يوم مقررت أراجع عن حملي الي هملته كل هاي المده وقررت اروح بعد ملحت امي و اصرارها انو لازم اجيك وضع الطفل لان اهلي يكلولي بطنج صغرانه وذبلانه وكبرها مو مال ٨ أشهر