🌚 عواشر مبروكة يا البنات ......جيت و ماجيتش بيديا خاوييين جيت ندوي ليكم ....على دريات لي ناشرين و مادين يديهم للحنا .....و كيتسناو في فارس الاحلام ... إلا بطلتنا جامعة يدياتها عندها ....لا فلوس في جيب ...لا زين فحال دريات ... لا قرايا فحال ال...
Oops! This image does not follow our content guidelines. To continue publishing, please remove it or upload a different image.
🌙رمضان كريم 🌙 🏺زهر الخايبة 🏺 🌟oumaima mega 🌟 🕯41🕯 خرج عمر من القصر ...محامل يشوف وجه حد شتي راسو و محاملوش خارج ...هاز التليفون ديالو آيفون كيشوف فيه ديزابيل و لي مساج و مشا للطموبيل ديالو ...كين غير صباح الخير سي عمار ...تفضل اسي عمر ...هو مكيجاوب حد و مامسوق للحد تقاد الجاكوزي للالة حليمة في الدوش و عمروه ليها بالما دافي ...دخلات هي هازا غير الفوطة ديالها و تجبد في عينيها تشوف في جنابها و تشوف في الحمام بالرخام قداش كبييير و زين و باالكريي و كين فيه الرشاش معزول ومدور بالجاج و جاكوزي بالكري دارت عندها الخديدمة سعيدة و كتهضر و تبزق في فمها : لالة هاهو البانيو عامر بغيتي شي حاجة اخرى حليمة حولت عينيها فيها : ءءء؟ (تبسمت ليها ) لالا ربي يخليك اختيي عدبتك معايا سعيدة طلع فيها و تنزل تحلفي هي مولات الدار : مرحبا الالة خدامتك الالة ...و دارت تمشى فحالها و تحسدها على زهرها ...حليمة خلاتها تمشات و حيدت حوايجها بشوية و جلست في لرض مدخلتش لبانيو وبدات تهز لما بيديها من البانيو وتدوز على لحمها عيات تقلب بعينيها على شي طاسة في حمام والو ملقتهاش قالت يمكن نساو معطاوهاش و كتشد صابون لي قدامها وترغوي فيه و دوزو على لحمها هادشي على حساب عرفها مسكينة دخلت حكيمة و جارتها خديجة و دريات من موراها هازين الكفف للباب الخارجي دالقصر الكبير ....جات دخلتهم مع خرجت سي عمر بطموبيل ... الجاج فلو مقشعو والو غير دريات لي موراهم يتناغزو ....كانت لالة كلثوم تسنا فيهم على برا و تبسم ليهم ترحب بيهم سلات حليمة تدواشها بزز و خرجات من الحمام مجموعة تحت الفوطة و طل على سيقانها لي مافيهم الزغبة فرحانة و تمشات بشوية عليها للفاليزتها لي باقين مستفوش ليها حوايجها مشات تقلب على حوايجها من الملابس داخلية للملابس الخارجية و كلشي بطاي ربعة إيكس إيييل ....بدات تلبس و حاديا مع الباب و تزرب لبست كيلوطها و ستياناتها و جبدورها بالبيض زين اما حتى راسها مقاستوش بلعاني بلما حيت فيه البروشينغ مبغاتش تخسرو حليمة تمشط في شعرها قدام المرايا : ياربي متلققش مني مي كلثوم مبغيتش نفزك شعري (هما يدقو عليها في البيت ديالها دارت للباب ) شكووووون ؟ سعيدة من ورا الباب : هانا لالة بغات تشوفك لالة حكيمة حكيمة تبسم و هازا الكفة ديالها و حانية راسها : لالة و لالك بنت رسول الله ....تحل عليهم الباب حليمة خرجات عينيها بالفرحة و تلاحت على حكيمة عنقتها مابين فيها لا ليلة دخلة لا ستة حمص ...سعيدة دارت حيدت من تماا اما لالة خديجة و بناتها جوج و خواتات حليمة ثلاتة جالسين في طابلة لالة كلثوم و باين فيهم الجوع شافو الكراواصة و المالفاي و الحلاوي و بداو غير يخشيو في فمهم و لالة كلثوم جالسة و خاطرها مامهنياها عينيها غير الفوق كلثوم تبسم : مرحبا بييكم خديجة : ربيي يخليك الالة اناا لي كنت نوكل حليمة و نكسيها ....فضيلة و فوتيحة و عويشة كانو ياكلو غير سمعوها و هي توحل ليهم في دقة وحدة و لاو يتجاراو يجيبو ليهم الما في البيت ديال عمر ....جالسة حكيمة فوق الناموسية دسيدي عمار و حازمة راسها بسبنية و دور عينيها على البيت و دور معاها حتى حليمة راسها و الكفة حدا رجليها حكيمة تبسم : وااا تباااركالله ابنيتي فين وليتييي عيشة هادشي زين عمري شتو حليمة دارت تشوف فيها : تانااا مي كون تشوفي الحمام لي نعومو فيه كااااااااملين كين هنا غير ديال سيدي عماار و حق الله تعاليي دخلي تشوفيي حكيمة دارت تشوف فيها و تخرج فيها عينيها : بلاتي بعدا كي دااااز داكشيي مزيان حليمة خرجت فيها عينيها : اينا داكشي اميي ؟ حكيمة طرطقت فيها عينيها : اويلي على لهبيلة كنهضر على كيف داز نعاسك مع سي عماار شفت لبارح السروال خرج لينا بكري حليمة ولات كلها حمرة : اااااااه (سرطت ريقها ) م م مزيان الح حمدالله حكيمة : تقصحتي شي ؟ راجلك راه تباركالله باينة فيه عامر حليمة ضامة يدها عندها و تحرك راسها بايه : ءءءءء؟ ااه اه مزيان مقصحني موالووو كلشي مزيان حكيمة تجبد فيها عينها : تي اشنهو لي مقصحكش تي سايرا تكدبي على ميمتك حليمة ولات غير دور في عينها : والله ماكدبت عليك حكيمة : امم يقد غلضك ميخليكش تحسي (تبسمت ) جبت لبنيتيي للفطووور .....يتبع🌙رمضان كريم 🌙 🏺زهر الخايبة 🏺 🌟oumaima mega 🌟 🕯42🕯 حليمة عاد رجعات تبسيمة للوجها و تشوف فيها : عدبتي راسك أميي حكيمة : تعالي تعالي نزلو لا يعود راجلك يجيي و يتقلق حليمة تفكراتو و جمعت الضحكة : اااه اميي طبعوو صعييييب اميي حكيمة : و مالكي غتلقايه ساهل راه حفييد الشيخ هاداك يلاه نودي نخلطو على خواتاتك لتحت و عكوزتك يتسناونا في القصر للتحت ....جالسات فضيلة و فتيحة و عويشة و يتفرجو في السلوكية لي تجري قدامهم و بناتها يأيدوها في ريهم ...أما لالة كلثوم فغير جالسة و تشوف فيهم و تبسم و عقلها ماهوش معاهم حتى طلعت عينيها و بانت ليها حليمة نازلة هي و ميمتها ضاحكين و فرحانين عاد ارتاحت دارت خديجة فرحانة و ناضت وقفت : بنيتي حليمة يويويويويويو شو كي صابحة بنيتي منورة تبارك الله ...حليمة نزلت كتشوف فيها باستغراب هاد سيدة مكانتش تعطيهم حتى شربت الما و لالة حكيمة غير مغطية فمها و تخرج عينيها في لالة خديجة لي ولات هي ميمت حليمة قدام كلثوم...طلبات منهم كلثوم يتفضلو يجلسو و ياكلو .... خواتات حليمة مطلعوش فيها ولا طلعو جاب الله وجيبة الماكلة غادي يدخلو فيها طولو عرض ولاو هما و بنات خديجة يتنافسو و حكيمة توكل في حليمة و توصيها و خديجة تبخت راس كلتوم بالهضرة ...حتى سلات الزيارة ديالهم و مامشات حكيمة حتى وصات بنتها على دارها و راجلها عاد تهنات عليها و هما واقفين في الجردة ...و خديجة و بناتها واهليي سبقوهم برا فضيلة كتشوف في حليمة : لاش متسكنيناش معاك ا حليمة حليمة طلعت فيها عينيها و حجبانها : ءءءء؟ حكيمة تشوف في فضيلة و قرصتها : تي تسطيتييي لاا ؟ تقزدريي على ناس ختك زيديي قدامي لاباغا تزيدي فضيلة تقصحت و تبعد : ايي اميي عويشة : ماقالت عيب أميي حكيمة : زيدووو قداميي وليتو تحلمو و تفكوو دوزي بخير ابنيتي الله يكمل ليك بالخير ... جراتهم قدامها و بقات واقفة حليمة تشوف فيهم و جامعة يديها عندها و علاين تبكي بقاو فيها في قلبها دابا خاصها تعيش مع ناسها و هي دور بشوية عليها حانية راسها و قليبها كيضرها على خواتاتها و ميمتها مجات فين الدخل حتى جات عندها كلثوم كلثوم و تكحيلة في العينين و الدهوبات في اليدين : صافي مشاو حليمة كطلع عليها غير تحت عينيها و تحرك في راسها : اااه ا مي كلثوم كلثوم : دابا سيري طلعي دابا و بدلي ليك و ارتاحي راه راجلك علاين يجي من الخدمة باش يتغدا هو و باك الحاج يلاه حليمة طلعت فيها راسها عينيها تحلوو : واخااا ا مي كلثوم ....معاوداتش معاها الهضرة دغيا مشات تمشا و طلعت في الدروج طالعة للفوق و كلثوم كملت المشية ديالها تتنخوى في اتجاه الكوزينة ....و حليمة طلعت دغيا دغيا تسمع للهدرة للبيت السي عمر ...دخلت دغيت تنهج لبيتها و مشات لفليزتها و دهازها تبدل كيف قالت ليها لالة كلثوم نزلت تشوف و تخير اهم حاجة حويجها يكونو بالبيض حيت مزالا عروسة جديدة هزت قميص بالبيض دغيا دغيا نسلت حوايجها و لبست القميص و قاداتو مزيان جمعت شعرها حيت تحشم طلقو قدام الحاج نزلت جمعت فاليزتها و بغات طرفها في بلاستها ...و هي كتمشى خارجة حتى قشعت غرفة الملابس حليمة : ديالاش هاد البيت لي بلا باب ...تمشات بشوية غادا جيهة للبيت و مجبدة عينيها نيت مكينش سيدي عمار تشوف البيت على خطارها🌙رمضان كريم 🌙 🏺زهر الخايبة 🏺 🌟oumaima mega 🌟 🕯43🕯 دخلت حليمة لداك البيت لي كان مقاد و عصري ...و كل حاجة في بلاصتها ها الساعات في بلايسهم ها الكاسكيطات مستفين بالانواع و الملابس الرجالية معلقين و مقادين بطريقة انيقة و الريحة دسي عمر غير دايعة في هاد البيت ...دخلت حليمة فاتحة فمها و تمشى فوق الرخام الرمادي ...و الدور في عينيها و تشوف و تستكشف حليمة : هادشيي زيين تهو ديال سيدي عمااار (دارت للحويج لي معلقين و هي تعقد الغوباشة ) هادوك مالهم مامطويينش ... تمشات ليهم و جبدت وحد من العلاقات هي مامولفاش تشوف الحوايج هكا و باش تعرفو الحداكة كفدت يديها و نزلت على للحويج من الراس تال الراس ...كين غير طوي و تقادد كاع العلالق خواتهم و تستف لتحت و تقادد و العلاقات تطرفهم تبارك الله عليها يرضي عليها جمعت كلشي ...عاد ناضت فرحانة حليمة : صافي كملتهم ...ودارت تمشا ويد تقاد في القميص و يد تقاد في الشعر ديالها لتحت كان جالس سي الحاج على الطبلة و شاد عكازو و يشوف في الشيهوات لي في الطبلة و جات جلست حداه كلثوم ....الحاج دار يشوف في وحد الفرشة في لرض و ينعت بحجبانو : تي علاش منجلسووش لهيه كلثوم كتشوف في الخدامة : حطي هنايا هاد الجلسة الحاج راه لامود ... و دورات عينيها للحاج الحاج جالس في كرسي : و هاد لامود راه يضرنييي في ضهريي انااا كلثوم تبسمت و هي كتشوف في الدروج : ها حلييمة نازلة الحاج يشوف فيها و يضحك : ههه تبارك الله على مرت حفيدي ....نازلة حليمة تبسم ليهم و جامعة يديها عندها و مشات دغيا باست يد الحاج غير هربها ليها و جلست حداه ....عاد دخل عليهم سبع البرمبة ديك الحداش لي عاقدها ممفارقاهش كيتمشى للعندهم للطبلة و كيتبودر عليهم ...حول عينو لمرتو حليمة لي غير شافتو ناضت وقفت دغيا ....هو يزفر محول عينو عليها ماحملش يشوفها ...الحاج مطلع فيه غير القنت ديال عينو هو غير يشوفيه اش ساير يدير كلثوم : جلس اولدي جلس ...حليمة غير تبسم تحت نيفها و تشوف فيه ....جلس بالنفخة تماا و يسوط مخنزر محاملهاش و هي وقفت فوق راسو و تشوف فيه كلثوم تشوف فيها : حليمة جلسي...حليمة جلست حداه و هي تشوف فيه باغا ترضيه مسكينة عمر مخنزر : ففففففف ....و مد يدو بغا يهز كاس ديال الما و هي تنوض من حداه فحال العجاج هزاتو ليه وحطاتو قديمو هو يكحزو بيدو بنفرة و على شوية مايطيحو و خدا الكاس لي من لهيه ...حليمة رجعت جلست و كتشوف فيه ومطلعة حجبانها عرفاتو رافض يشد من عندها و هو كيشرب في الكاس ديالو الحاج شاف الستون و اصلا كان حاضيه : لااش مالووو الكاس لي عطاتو ليك حليمة عمر حيد الكاس و كيهضر بحدة بلاما يدور عندو : الحاااج قلب عليااا🌙رمضان كريم 🌙 🏺زهر الخايبة 🏺 🌟oumaima mega 🌟 🕯44🕯 الحاج هو يصعر : اناااا نقلب عليييك انااا و ميشدش من عد مرتوو ....عمر دور عينو مخنزر فيهم و حول عينو للحليمة لي غير شافت شوفتو خشات وجهها في لرض الحاج فقصو : شووو كيدير يشوف فيها ...كلثوم تدوي من لتحت : صافيي الحاج تا صافي ....عمر حول عينو للطبلة الحاج كيبقا جدو معندو ميدير ليه ...حليمة لي نزلت راسها للرض الحاج دار عندها : كولي ابنيتي كولي مديهاااا في حد ...حليمة طلعت فيه راسها و حاولت تضحك ليه مسيكنة ...و عمر كيكل بنكهة الاعصاب هو كيتخيل غير هاد الكثلة مرتو هو ....كلاو و هما غير يشوفو في بعضهم عندك عمر لي مهز عينو في حد و الحاج مقابل معاه ....حتى سالا و ناض فحالو للبيتو بلا كلمة بلا جوج كلثوم تنغز في حليمة و تدوي : نوضي تبعي راجلك حليمة طلعت فيها عينيها : ءءء؟ و و واخا ...و باين من صوتها خايفة الطلع عندو ..دارت تمشى بشوية و هي ترعد و ناري شحال الطريق طوالت عليها و هي غادا ترعد حتى وصلت للبيت دخلت تدور في عينيها مع الدخلة سمعاتو كيخسر في الهضرة و هي تعض في شفايفها و بغات تدور تخرج فحالها ....و هو يخرج معصب و مكشكش عليها و مخنزر و عينو فييها : شكووون ليي قرب ليااا لزمر واش نتيي ؟ حليمة غير مجبدة عينيها فيه معرفت تجاوب باه و لا لا : ش ش ششنوهو ؟ عمر واقف معصب و الهضرة مخرجها بين سنانو : أجييي لهناااا ... ناريي قلبها هادي هي ساكتة المسكوتة بدات تمشا عندو بشوية و عينيها لي يشوفو فيه و حناكها قد ما هما عراض قدما هما حومر ...حتى وصلت قدامو اصلا هو طالعة ليه وهو يشد مها من دراعها و خشا فيها صباعو حتى نزلت حجبانها حيت قصحها نيت و جرها مع صحيح لداخل للدريسينغ تبارك الله دريسينغ مطويي على حقو وطريقو عمر كيشوف فيها : شكووون دار هاد زمر حليمة مقصحة من جيهة دراعها و تشوف قدامها : أ أ ن ناا ش شفتو مرون و انا نطويه عمر رفع حاجبو فيها : شناااهوااا ؟ حليمة تهضر بشواية و تشوف فيه : أ أنا ل لي طويتوو عمر هو ينفضها قدامو : واااش عند موووك شي عقل و لامالك (حليمة غير جمعت يديها و تشوف فيه و الخلعة شداها من صباع رجليها تقولي غياكلها هو مكرهش يخرج فيها جنونو الكركاس ديالها كيعصبو و كيهضر تحت سنانو ) آخر مرة تقربي لشي حاجة هنااا كتخصنيي و لاا حليمة مزال مكملش الهدرة : ص صافي صافيي منعاودش س س سمحليا عمر بعصبية : غبريي من قدامييي ....حليمة معاودتش معاه الهضرة مشات دغيا مدارتش من وراها دغيا خرجت و حالة عينيها تلهت و كتمشى بزربة : مييي كلثوووم مييي كلثوووم ...كانت كلثوم كتعطي الهضرة للدريات و هي تسمع الصوت ديال حليمة مع الدورة كتبان ليها درية جايا تجري عندها ووجها مخطوف من وراها حليمة وصلت قدامها : ناري نارييي اميي كلثووووم قلقت سيديييي عماااار اميي كلثوووم كلثوم خنزرت : تي اش درتييي ؟ حليمة : وااا طويت لييه حويجووو و هو ميبغييييش لي يقيسهم ليه كلثوم تعجب : تي اييناا حويج طويتييي حليمة : واااا الحويج ا مييي لي كانووة معلقيين في البييت هوكا مستفين ضربتني النفس عليهم هكا واقفين طويتهم كلثوم شداات من راسها : الله ياااربييي الله حليمة ماديري والو سعيييدة واا سعييدة جات سعيدة تجريي : نعام الالة كلثوم : طلعي لبيت سيدك قادي ليه حويجو و ستفيي حوايج لالك يلاه سيري سعيدة : واخا الالة كلثوم : و تييي اجييي معايا حليمة : وااخاا ....جراتها معاها كيتمشاو و يهضرو كلثوم : دوك الحويج كيبقاو هوكاك معلقين متقربيش ليهم حليمة تمشا : لا لااا بالعما ما بقي نقيسهم امي كلثوم : داباااا سمعيني و حليي ودنييك لبارح دوزنا سروال بدم تهاميي (حليمة تحرك راسها بأيه ) دابا نستناو عمر يخرج و نطلعو نشوفو دوك شوميز دونوي لي شريت لييك لي يجي معاك و يجي قدك باش تلبسيه ليوما في ليل حليمة كلها ولات حمرة كتعرااف شناهو شوميز دونوي ماهياش بغلة : نحشم امي كلثوم نلبسهم كلثوم دارت يد فوق يد : ايه وبغا تبقاي هوكاااا ؟.....يتبع
