اليوم جا عندناخطيب ختي على غفلة بايبارك لينا العيد ما قالش لختي بلي غايجي ما علينا جا حلات ليه الوالدة وانا و ختي مازال خامرين نسينا كاع واش كاين شي عيد حنا ناعسين فالبيت الفوق او هو جلس فالصالون او مع هو فيه القوالب صونا لختي أنا سمعت الصوني فقت او فيقتها تجاوب غير شافت السمية هي توكض مهم بدا عليها ولش كاين شي شفنج شي مسمن او مع هي عندها الدكتوراه فالكدوب قالت ليه لهلا ايوريك ملي حليت عيني وانا واقفة فالكوزينة او هو واقيلة واش ريحة حزاقنا وصلات عندو الصالون او هي راخية عليه سلوكية .. ايوا شوية الوالدة كاتعيط علينا نزلو هي تقوليه يلااه نخليك أحبيبي غانمشي نحط الفطور او أنا وياها ضروري ندابزو كل صباح على شكون غايسبق ايدخل لطواليط حنا مع عيطات لينا الوالدة وقفنا بجوج او نزلنا ندردبو مع الدروج او مبرزطين الدنيا أنا نزلت حفيانة او شعري شاد الريزو او هي لابسة دوك البيجامات ديول 600 ريال هه او مقطعة من عند الكتف بحال الى تعرضات الإغتصاب ههه ما علينا أوصلنا الباب ديال طواليط او حطينا ايدينا بجوج على البواني ديال الباب انا نجبد او هي تجبد او السي الخطيب جالس مورانا حنا ماشفناه عاطينو بالضهر او جالسة كانقول ليها أنا غانسبق نتي كاتعطلي قالت ليا راه كانتعطل غير الى بغيت نخرا دابا فيا غير البول دغيا غانخرج قلت ليها تفو ريحة بولك كتر من ريحة الخرا فيه ريحة الحلبة وااا طلقي انا اللي غاندخل ايوا يا خوتي ما فقنا براسنا حتى جاتنا واحد صندالة من حيت لا ندري شفنا فالواليدة لقيناها كاتغمز او تندب فحناكها ايوا شفنا مورانا لقينا السيد مفرشخ بالضحك او وجهو حمر ناري ما نقولش ليكم باش حسينا بديك اللحضة اما واحد ختي بلا ما نهضرو عليها شافت فيه هي تقول ليه من إمتا و نتا هنا قاليها ملي قلتي ليا بتنزلي تحطي الفطور ختي مع الصدمة جاتها صريصرة نص ساعة او هي فطواليط حنا ايسحاب لينا نتاحرات كل شوية كاندقو عليها ههه او خطيبها مسكين كايدق عليها او كايقوليها راه عادي ما أو قع والو او هي مجهدة روبيني باش ما نسمعو الأصوات هو ايقول ليا مسكين راه واقييلة كاتبكي قلت ليه راه غير كاتصايب ليك السفنج ديال العيد غير صبر شوية دابا تبدا تشم ريحتو 😂😂
