احبك رغم الصعاب

البارت 15

الكاتبة آنثى 💜 ملائكيه

من گد ماأحبک بس
أسولف بيك
وصرت بيک آني اسولف
   حتى بالسكته
من سآلوني شسمک
   تعرف شرديت
بأسمك جاوبت
حتى اسمي تيهتة

گعدت لليل ماطلعت من غرفتي جنت خايفه بابا يشوفني والله استحيت من نفسي تمددت بفراشي وكلساع اتلمس شفتي واتذكر الموقف وگلبي يدگ سريع ويصير مغص بمعدتي دخلت امي وشغلت الشمعه نزلت شعري ودنگت بالكتاب ..

منى ..شكو حظره البرنسس ماكملتي گولي هاي البنگلادش تعبت وتريد واحد يساعدها ..

حجيت واني مدنگه وگوه ابلع ريگي ..يمه جاي اقره وهذا الكتاب ضوجني..

شوكت اجيتي ماحسيت بيج اگلج هم شفتي خطيبج ..

اجيت گبل لغرفتي اي شفته ..جان دنگ وترفع راسي خرب ضليت فاتحه حلگي من الخوف مدري الهبطه ضليت ابجي وعايشه دور الضحيه ارتميت بحضن امي واناشغ ...يمه رحت اهناك والله هوا استفرد بيه واريد اشرد وميخليني شوفي شسوه بيه وطلعت اثر الي بخاصرتي الونه بنفسجي مادري بنزرقي ..

عزاااا هذا شمسوي بيج كون تمادة اكثر وياج احجي ..

لايمه قابل شنو يسوي اني خايفه ماريد زواج وجان احضن امي تنفست براحه من عرفت امي مصدگتني لان اذا مامسويه هيج سويها جحيم عليه گرصتني من زندي ..

انتي غلطانه ثوله رخصتي نفسج شوفي ولج بعد اگص رجليج اذا ترحين فاهمه ..

هزيت راسي بأي واني اباوعلها مثل البزونه بفلم شريك برطمت شفايفي وغورگت اعيوني وهي مسدت على راسي وطلعت وحجت بتحذير

ممنوع اطلعين عيب من ابوج صح هوا خطيبج بس الاصول من تتزوجون هاي سوالف رگعت الباب وراها ..

خرب انه والله ردت أموت نوب سويت نفسي الضحيه دگ موبايلي كرار الوو

الوو شلونج ..

يعني شلون امي گرصتني من وراك ..

يااا بللا وين كرصتج ..

بزندي سويت نفسي بريئه وذبيتها براسك ومنعتني منعاً باتاً اجي الكم بعد ..

اووف كون انتي يمي اله اخلي جسمج يون لو مزوجين مو احسن من هاي البهذله بس اخ منج ..

اووي حبيبي غير امتحانات ..

وجعوي لاتتنعوصين تحرگين دمي وباجر ماكو دوام ..

هاا ليش ..

شنو مشوفين شفايفج حسبالك مسويتهن فلر ..

خرب كرار عوف الغيره باجر امتحان ..

اني اخذلج اجازه وأجل المتحان حتى تقرين زين اعرف هسا تفكيرج بيه ..

كرار كافي ترى خجلت ..

خرب بالحظ والله كلساع اريد ارزل حوراء والزم نفسي ..