يوميات زوجية 2 💜

27

هو قعمز وطلب قهوة
؟؟ : فرح بطلي بكي واحكي شن فيك
اني فلقت شكارة كلها من بداية لنهاية حسيت روحي ارتحت هلباا
؟؟ : نسبة لمحمد حيجيه يوم ويرجع للطريق صحح وموضع شركة وانك تحوليها باسمك صح مليون بالميه حوليها باسمك واخدمي انتي وكبريها ، وفرح نسبة للفلوس اي شي ناقص عليك قوليلي
طلع من جيبه فلوس مدهملي
اني : لا لا شن تقول
؟؟ : فرح مش بيناتنا! اني هادم يلي ف جيبي عندي حساب ف مصرف حنحوله ليك
اني : منبيش فلوس اننني حاليا تحتي ووقت ينقصو عليا حنقولك
شوية شرين نقالي
اني : الو
بتول : وينك فروحة تاخرتي
اني : شوية ونجي حاضر هي 💜
سكرت ع بتول ونضت
اني : لازم نمشي توا بس سيارتي ؟
؟؟ : لا لا سيارتك امورها تمام
اني : تمام مع سلامة شكرا
؟؟ : اعطيني رقمك ي فرح
اني فنصت فيه
؟؟ : متفهمينيش غلط بس والله ي فرح نيتي نساعد بس
اني ترددت شوية بعدين اعطيتهوله وطلعت ركبت سيارتي وروحت حوش كنا مقعمزين كلنا نهدرزو وسوجي جت💜
اني : خالتي بتول تعالي معاي شوية
اني طلعتها برا
اني : تفضلي هادم
بتول : شنو
اني مديتلها فلوس
اني : عندك فضانية بنت صاحبتك وانتي قلتي تبي تشريلها حاجة ف خودي هادم اشريلك حاجة لو ميسدوكش نزيدك
بتول : فرح من وين جبتي فلوس
اني : مش ضروري من وين جبت فلوس بس مهم جبتهم❤️ افرحي توا وبري هيجي خوديلها هدية مقومة هكي 😍😂
بتول حضنتني : ربي ميحرمنيش منك ي بنيتي
شوية هكي جي امير شد سروالي اني قمته وبسته
اني : اميري ي حلوووو
امير : ماما استاحشتك
اني : واني اكثر يا احلى شي صار ف حياتي وين اميرة وملوكة
امير : يلعبو وميبوش يخلوني نلعب قالولي لعب بنات
اني : تعال باهي امك تلعب معاك😍❤️
روان : فرححح شوفي بنتي فوق تبكي اني نغسل ف ماعين
اني : خليهم اركبيلها انتي اكيد تبي ترضع
بتول : نزليهالي ي روان
روان : اوكي
شوية هكي خش قصي
قصي : اهلا
اني : وينكك قصي متعشيتش
قصي : والله خدمه ي فرح
اني : ربي يعاونك اركب بدل تلقى ماكلتك واتيه
قصي : لا لا ي فرح معنديش نيه
ركب قصي دار ونفس وقت روان وبنتها نازلين
روان : قصييي
قصي مردش وخش داره
اني : شن فيه
بتول : هاتي بنوتي العسل
اني ركبت داري مع صغار شوية
اميرة : ماما
اني : نعم ي عيون ماما
ملك : مامءا
اني : ي وخيتي محلاها كلمة ماما منننكك هاتي بوسه😍😭❤️
ونتفكر محمد وقت يقولي هاتي بوسة ديما نتفكر فيه بس الله غالب اني متاكده انه حيردلي ❤️
ملك : ماءما امير ضربنا
ااني : ضربكمممم
امير لبد وراء سرير
اني : حقا اميرة ضربكم
اميرة هزت براسها ااي
اني : تعال ي امير علاش ضربتهمم
امير مد راسه من سرير : امبكري نلعب مع صاحبي بالالعاب جو خشو معانا
اني : 😂😂😂😂 واكككككككك
اميرة : ماما اضربيه
اني درت روحي فنصت : تعالل
امير لبد
اني : اميرررررر
جاني امير وني كيف جاية بنشد ودنه خشت روان وسوجي 💜
ساجدة : امير واميرة وملوكة حبيبتي اطلعو برو لعمو قصي شوية💜
امير : تمام
طلعو
اني : شن في
روان قعمزت شدت يدي وساجدة قعمزت ع ارض وقعدو يتكلمو معاي
ساجدة : تحسابينا مش حاسين بيلي تحسي بيه؟! احني حاسين ونفضفضو لبعض انتي تقاومي بالسيف علاش ي فرح شن فيها لو حكيتيلنا
اني دموعي نزلو
روان : فرح كان كله ع خاطر محمد راه حيرجع صدقيني محمد يحبك💜
اني : ي ريت موضوع هكي تي محمد محمد يقتل ف روحهه! محمد محمد معاش بدي محمد ! ساجدة محمد بدي مدمن مخدرات
ساجدة : شنوووووووو
روان من صدمة معاش عرفت شن تقول
اني : اااي زي م نقوللكم وباع نص املاكه وغدوا حيبيع باقي شركته غير اتفقت مع ادم
اني حكيتلهم يلي صار بيني وبين ادم وشن اتفقنا
اني قعدت نبكي لن معاش قدرت نسكت
اني : روان ساجدة كلام هادا بيناتنا منبيشي يطلع
روان حضنتني 💜
ساجذة : فروحتي اهدي وياسرك بكي
قعدت روان تلعب بشعري وساجدة تمسح ع راسي لن رقدت ومعاش حسيت بشيء هما غطوني ورقدت كنت محتاجة لكمية الحنان هادي 💜
ساجدة : خنكلم غسان نقوله بنبات اهني
روان : اي اي خنغيروً لفرح جوها ونديرو سهرية بنات وجو 😍💜
ساجدة : اي هي 💜
روان : خنشوف قصي ونجي
طبعا باقي عيلة يلي هو خش داره ورقد💜
خشت روان لقصي ولقاته مطبس راسه روان : قصي
قصي ومطبس : نعم
روان : قيم راسكك خيركك
قصي : فوتي موضوع
روان : قصييي
روان قعمزت ف ارض وقامت لقصي راسه وركزت فيه لقت شوية كدمات
روان : قصي هادا شنو
قصي : لا لا شي
روان : قصي هادي كدمات؟
روان مستهم بيدها وقصي تالم وتغيروً ملامح وجهه
روان : لا لا لا توا بتحكيلي
روان : قبل م نجي حوش بخمسة دقايق قلت نخطم نشوف محمد ف شركة لقيته مهناش كيف بنطلع لقيته جاي ومعاه بنت وحالته مزريه تي كان يشرب ي روان اقسم بالله شيشة مشروب ف يدههه! وعلقت بيني وبينه
روان م انصدمتش من يلي سمعاته : نعرف
قصي : ومن وين تعرففي!
روان : فرح تعرف بالموضوع وتوا حكتلي قعدت تبكي لن عيتتت
قصي : زفتتت ع مرة خوي اااه ي فرح وخلاص ، وينها هي خنكلمها بالك ناقصها حاجة
روان : رقدت شوية
قصي : صغار وين ؟
روان : ف دارهم يلعبو
قصي : وبنوتي وينها
روان : مع حناها😍❤️
قصي : بالله ي روان اي شي ينقص ع فرح قوليلي عارفها هي مش حتقولي بس انتي اعرفي
روان : حاضر نجيلي الحنين ، حقا بنقولك ع موضوع
روان فلقتله شكارة ع مووضوع ادم وان محمد بيبع املاكه ف شركة ووو
....
روان : فرحححححححح
ونقزت ع سرير
اني : ي ساتر ي ساتر شن ففففي
روان : نوضي
اني معدلتش ورجعت رقدت
ساجدة : فروحح نوضي
اني : ي ربييي
امير : ماما نوضيييي
اميرة : ماماااااا
اني شبحتلهم بنص عين : وين ملك
ساجدة : رقدتتت
اني : باهي تصبحو ع خير
روان : ابراهيم روحو را
اني نضت من ع سرير
اني : وين وينن كيف امتتتى
روان : نعرف كيف نفيقك اني خطيرة😂💔
ساجدة : صحة ليك روني هاتي فايف
اني : ي بهيمة
وبديت نخبط فيهاااا
اني : هي شن تبو توا
روان : في فيلم رععب توا وتينا بطاطا وشكاليط وجو باش نهدرزووو
امير : حتى اني بنتفرج
روان : تجيك ف الليل راااا غولااا
اميرة: اني بنرقددد
ومشت اميرة جري رقدت😂🤦🏻‍♀️
اما امير قعد ف سرير يتفرج معانا واني وسوجي وروني ف كنبة ناكلو ونتفرجو
اني : وين بناتكم
روان وساجدة ف نفس وقت : مع بتول
اني : تلعب معاكم بتول
روان وساجدة ف نفس وقت : اي
ساجدة : كان في حاجة حمرا را مسيتها لاكن مشكلتي متزوجه
روان : ع اساس اني عانس
كنا مقعمزين وناكلو ف اسبول اني مقعمزة ف وسط وروان ع يمين وساجدة ع يسار وتم اسبول
ساجدة : فرح نوضي ديري
اني : غير اسكتتتي تفرجي ع فيلم بنموتت اني ، روان عبي
روان : خنتفرج هشش
وفجاءة نسمعو صوت شخص جنبنا يقول : هاتو اني تو نعبيه
وف نفس وقت ف تلفزيون البنت طلعلها الققاتل وناضت تعييط واحني صكيناها عيطة وركبنا فوق بعضنا😂😂😂😂
قصي : تي اهدو اهدو هادا اننني
اني : يخلع فرايسكك ي قصي ، روان انزلي من فوقي راه قتلتيني
ساجدة : امالا اني شن نقول جاين فوقي زوز حتى واحد بيهرب مفيهاش كيف😂💔
قصي : حسستوني وجهي يخوف زي وجوهكم !
اني : اي حق وجهك يخوف اكتر من وجوهنا
قصي : بنتفرج معاكم
روان : عقاب ليك ع يلي درته مفيش
قصي : فييي
ساجدة : تبي تتفرج ديرلنا سبول غير هكي نووً حياتي
قصي : شوف شوف جاية حوشنا وتتفلفس
اني : نوووض هي
قصي : حاضر شكرا ي دنيا
مشي قصي
اني بيتت ع امير لقيته راقدددد قمته رقدته ف داره وغطيته وطمنت ع ملوكة واميرة لقيتهم راقدات بستهمً وطلعت💜
قعمزنا شوية نهدرزو ونضحكو لن كل واحد مشي رقد قبل م نرقد شديت نقالي لقيت غادة وشخص يلي لقيته امبكري وقعمزنا ف كافي باعتينلي رسالة الزوز باعتين هلا😂😂😂 رديت عليهم طبعا غادة متعرفش شي ع يلي صار بيني وبين محمد
ثاني يوم فقت بكري بدلت ضميت حوش وتيت فطور قبل م يفيقو الكل وكيف جاية بنطلع
ام محمد : فرحح
اني : نعم
ام محمد : وينن ماشية
اني : بنمشي شركة عندي ورق لازم نوقعه ونجي مش حنتاخر
ام محمد : تمام بنيتي بالك ع روحك
اني طلعت ع طول مشيت شركة لقيت ادم قدامي
اني : شنو تم اجتماع
ادم : اي تم
اني : بنت جت
ادم : محمد قاعد يراجي فيها تجي
اني : وينه هو
ادم : احسنلك متعرفيش
اني : مكتبه
ادم : اي فرح خليك قوية صنديدة زي م نعرفك
اني قويت قلبي وتوقعت نلقى سكران ومعاه بنت شديت روحححي وخشيت
اني : شن هادا!
محمد : انتتتي درقي وجههك برا
كان مش قادر يتكلم
اني : اني نطلع برا!! هه هادا كان قبل بس توا شركة كلها باسمي هي وجهك برا شركة
محمد كيف جاي جيهتي
اني : ادم اطلبلي الامن
محمد : تي شنوو
اني : امبكري انت مش بتبيع املاكك لبنتت !! خلاص هديكا بنت كانت اننني
ادم مدلي الاوراق ، ها كان مش مصدق شوف بعيونك😂🤦🏻‍♀️
جو الامن
اني : قيموه لوحوه برا شركة لوو ف جديد شفت وجهه اهني حتتعاقبو!
محمد : مش حنرحمككككككك
طلع محمد برا وكيف هو مشي اني دموعي رجعو نزلو بس خلاص ياسر نكون بنت ضعيفة تبكي بسس حنكون مرا قد كلمتي حنكون مرا ينعبى عليها وينشد بيها الظهر حنكون ام واب لصغاري ! من قال ان الانثى ضعيفه! اي صح هي ضعيفة بس صدقني وقت تقرر تكون نفسها! صدقوني م فيش حد حيقدر يوقفها!
اني خشيت للموظفين لقيتهم يلي هو لاهي ومسيب خدمة
اني : من يوم ! اني مديرة اهني محمد انسوه! جو لعب يلي كنتو تديرو فيه توا معاش نبيه! احني جاين اهنني نخدمو ! مش نهدرزو! يلي بيهدرز يطلع برا! وكل اسبوع حندير جوائز لافضل موظف وافضل واحد فيهم حيحصل زيادة ع راتبه وزيادة مش حتكون شوية ، نبي مستندات الشركة كاملههه يكونو عندي ف مكتب
ادم : حاضررر
وبدو موظفين يلي هو لاهي ف خدمته قعمزت ف شركة نخدم ونرتب ف مواضيع❤️
محمد لما طللعوه من شركة جاي بيركب سيارته قالوله لا من يوم هي لفرح ف قعد يمشي ف شارع هكي وخلاص لقي بنت
البنت : حبيبي خيرك اهني نحسابك ف شركة
محمد ركب سيارة
البنت : خيرك زعلان
وباساته ع خده
محمد حكالها يلي صار
البنت : معقولة فرح هكي
محمد : تخيلي ، بس متخافيش حنرد كل شي منهاا
البنت : نجيهولي ، وين تبي تمشي توا
محمد : توا ارفعيني ناخد مشروب وندلع روحي شوية
البنت : متخافش كل شي خديتهولك ف حوش نمشو
محمد : ي ريت
....
اني : ادم اني توا بنروح خلاص اي شي يصير اتصل بيا
ادم : غدوا عندنا اجتماعين مهمات واحد مع المالية وتاني مع شؤن الادارية ييلي ف شركة
اني : اوكي ادم منبيش تقصير ف شغل را خلاص ياسر كسل
ادم : حاضر
اني : هي مع سلامة
جيت طالعة لقيت منى متاع رسبشن تهدرز ب نقال
اني : ي اخدمممي زيي نااااس ي خودي باقي فلوس واطلعي
منى : سامحيني مدام
اني طلعت روحت حوش مر وقت بعد م تعشينا وقعمزنا نهدرزو طق باب شارع بكل قوة
قصي : بسم الله
كيف فتح قصي باب ويجي محمد مش قادر يوقففف مش متوازن ابدا
محمد : وينهاااا وينهااا قولولها جيت باش ناخخد روحك
بتول : محمد
اميرة : بابا
اميرة جاية بتمشي لمحمد
اني : روان ارفعي صغار فوق
روان : تمام
قصي قعد شاد محمد
ام محمد : محمد شن هادااا!!
بتول : فرح اركبي دارك
اني ركبت وعيوني دموععع
ام محمد : اطلع برا محمد درق وجهككك البرا
محمد ، شنهالحاله يلي انتت فيها
محمد : هادي يلي تسمو فيها مرتتتي حولت املاكي باسمهاااا
قصي : اااي نعرف هالشي وانت تستاهههل
محمد خبط قصي
ام محمد : محمممد خلي خوكككك
محمد ناض : والله ماني مخليها ولو شفتها حنقتلها
طلع محمد وسكرو باب
بتول: قصي انت كويس
قصي : اي اي وين فرح
ام محمد : ف دار هي وروان
ام محمد قعمزت ف كرسي وعيونها دموع : معقولة ولدي سند ظهري يجيني بهالحالة هادي علاش ي ربي علااش
بتول : هدي روحك
ام محمد : شن موضوع شركة هادا
قصي : محمد باع كل شي يملكه قعدله نص شركة تاني جاي اليوم بيبيعه لبنتت مشي فرح حولاته باسمها باش تدير هي شركة م بين هالمحمد يرجع
ام محمد : خنركبلها الدار هالبنت قداش م مسكينه تعبت معاه وتوا ااه وخلاص
ركبولي كلهم دار واني كنت نبكي ف حجر روان
امير يبكي : ماما معاش تبكككي
روان : ياسر امير حبيبي م في شي
قصي : فرح
ام محمد : ي بنيتي نوضي
مهم مرو يومين كانو اسوء ايام حياتي محمد مريتاش بكككل ولا هو جي الحوش كنت نمشي شركة نروح وهكي
مع ساعة ثمانيه كنت نخدم ف اوراق خش ادم
ادم : مدام فرح مترهقيش روحك خلاص روحي
اني : ادمم متنساش اجتماع غدوا لو كسبناه وتعاقدنا مع هالشركة حنبدو اكبر شركهه
ادم : اي ي مدام فرح😍❤️ درت موضوع يلي قتلك عليه؟
اني : اي درته، خلاص اني كملت هي نطلعو
طلعت اني وادم واحني نهدرزو
اني : اي الملفات حطيتهم ف مكتب مش حيصيرلهم شي
ادم : اوكي
طلعت ولعت سيارتي وع حوش كنت متوترة هلبا بسبب اجتماع غدوا🤦🏻‍♀️💔
اما عند محمد
محمد : الو حبيبتي شنو صار معاك
؟؟؟ : اي اي اهو فرح كيف طلعت بنخش ناخد الملفات نحرقهم ، وانت زي م تعرف لو ملفات هادي راحو ف شركة كلها حتروحح من ايدين رحح
محمد : والله تبي بوسة انتي
؟؟ : حشمتني حميدة😂🤦🏻‍♀️
....
روحت حوش استقبلوني عيلة ❤️
ام محمد : فروحتي العسل وينك اليوم
اني : والله خدمة ي امي
طبعا نسيت نقولكم قصي بدي خدمة معاي غير واخد اجازة اليوم بيمشي يطعم بنته
بتول : شوف وجهك اصفر من تعب
اني: مش تعب بسس متوترة وخايفههه معاش عارفة شن ندير ي امي غدوا عندي اجتماع ولو راح من بين ايديا حيروح كل شيي
ام محمد : لا لا فروحتي اني متاكدة كل شي حيكون كويس
قصي : شن امور اليوم ي فرح
اني : ميه ميه
شوية جي امير يجري من فوق وحضني 💜
اني : حليلي قداش م استاحشتككك
امير : امي نبي نمشي شركة معاك غدوااااا
اني : علاش بتمشي
امير : نبي نخدم
اني : حاضر غدوا نرفعك انت واميرة وملك بعدها نطللعكم شوية 😍💜
ملك جت شدت ف رجلي اني قمتها
اني : محلاككك انتي
ملك : نلبس فطاني الاحمر " قصدها قفطان"
اني : حااضر
ملك : العبي معانا
اني : حاضر اركبو دار تو نجو نلعبو😍❤️
ام محمد : خلو فرح تاعبه العبو بروحكم
اني : لا لا ي امي عادي
ركبت اني مع صغار ولعبت معاهم لن عيتتت بعدها تعشينا ورقدنا
ثاني يوم❤️
فقت طول ع شركة ومع امير واميرة وملك
ادم : ربي يحفظهملك
اني : شني الامور تمام ي ادمم؟؟
ادم : اي هي مدام فرح غرفة اجتماعات جاهزة
قصي : هي بسم الله ي رب نوقع العقد اليوم
اني : عندي ايمان قوي ي قصي 💜💜 تعرفو ي امير وي اميرة وي ملك لو واحد فيكم تحرك من اهنننني حنقتله ومعاش يجي معاي باهههي
ثلاثة هزو براسهم حاضر
مشينا غرفة اجتماعات
منى : مدام فرح نجيبلك الاوراق
اني : شوية هكي وجيبيهم قبل بنعرض كم فيديو بخصوص المشروع
فتحت اول فيديو كان فيه منى متاع رسبشن وهي تاخد ف الاوراق من غرفتي وتمزق فيهممم
قصي : شنووو
اني : 😂😂🤦🏻‍♀️ عموما الملفات يلي مزقتيهم مش الاصليات ، الملفات الاصليات روحت بيهم
منى جاية بتطلع من حجرة ادم سكر باب ف قعدت واقفة تراجي فينا نكملو اجتماعنا وحمد لله كملناه ع خير وكل شي مشي كويس ووقعنا العقد ❤️❤️
اني : منى الحقيني ع مكتب قصي احسن م نطلب الشرطة
منى :شرطة مدام فرح بالله عليك لا استريني
خشينا غرفة قصي اني وادم وقصي ومنى
قصي : فرح ونبي خليني نضرربها تي من دفك عليناا
منى : استاذ محمد هو قالي هكي ندير اني والله درت يلي قاله بس
اني : زي م توقعت باش هكي امس قلت لادم يركب كميرات ف حجرتي يلي هي حجرة محمد سابقا 😂🤦🏻‍♀️ ادم اعطيها باقي فلوسها وتفضلي اطلعي برا شركة
منى : بالله عليك لا متقطعيش برزقي
اني : البرا احسن م نطلب الامن