كلنا قاعدين ع اعصابنا ي يوم بكره ماتسرع .
وبكره جاء وريم مشت اتغدت مع عمها ومحمد والاسره ..
ونسه وضحك وهظار ومحمد وريم زي توم وجيري طوالي بتناقرو ..
خلصو اكلم وجابو الشاي قعدت ريم ومحمد وعمها ومرت عمها ام محمد ..
يلا ياعمو ع قول السعودين قول تم ..
هههههه خلينا من السعودين هسي بقول ليك كان بقدر ع الحاجه الدايراها عيوني ليك ..
ان شاء الله بتقدر ..
طيب قولي ..
الموضوع يا عمي بخصوص رغد صحبتي الدايرها محمد ..
طوالي سكت ..
شوفي يا ريم انا كلمتا محمد ب راي وانتي اطلبي اي طلب تاني انا بنفذو ليك بس دا لا .
انت يا عمي هسي سبب رفضك دا ما سبب كبير يعني الود ماعايز من اهلو ويا عمي الجيل الجديد دا اي زول بختار براهو براحتو ما زي ناس زمان الا بت عمك وتغطي قدحك .. خلي يختار براهو ويتحمل اختيارو ..
بس لو غصبتو ع زوله هو مادايره من اختيارك انت ابسط مشكله حيخت السبب فيك انت .. وكلام كبار كبار كده ودخلت تخصصا السايكو فيه ومحمد شويه شويه يجدع كلمتين معاهم وامو برضو بتحاول ..
محمد حس بيه رخا شويه ..
انت يا ابوي اقعد معاها مره وحده بس اتعرف عليها وانا بوعدك كان اتعرفتا عليها وماعجبتك وطلعت ما الانسانه المفروض تعيش معاي وتشيل اسم عيلتنا انا بخليها طوالي ..
انت بس اقعد معاها ..
وريم تحنس وامو تحنس ..
قال خلاص موافق .. بقعد معاها وبعدين بديكم راي النهائي وزول تاني يناقشني ماف ..
خلاص اتفقنا ..
بكره خلوها تجيني في المجمع ..
وطلع منهم ..
كلهم انبسطو التقول وافق ع العرس وهو ي دوب وافق ع انو يشوفني ..
طوالي محمد وريم ركبو جوني الداخليه اركبي اركبي ركبتا ..
حكو لي ب الرصه كلها ..
وكيف امشي بكره الاقي البروف وبوروني مابحب شنو وماتدققي في كده المهم حاسه نفسي ماشه معاينه ل شغل .. استفزتني الحركه شديد طبعا ..
بس ما بينت ليهم وقلتا خير ..
مشيت الداخليه بكيت زين .. يعني عشان انا يتيمه يحصل لي كده ..
اتوضيت وصليت ودعيت ربنا ونمتا ..
بكره جاء ومحمد وريم الاتصالات ماوقفت ..
ماقلتا ليكم داخله معيانه بتاعت شغل ..
لبست واتزبط ومشيت المجمع ..
ريم انشغلت مشى معاي محمد قال لي بنتظرك بره انا انتي خشي وزي ما وصيتك وخليك ريلاكس ..
اخدتا نفس عميييق دقيت الباب ودخلت ..
اول مره اشوفو كان من شافني ابتسم ابتسامتو ريحتني حبه ..
اتفضلي يا رغد يابتي ..
كان في مكتبو .. جيت سلمت عليه دايره اقعد في المكتب قال لي لا ارح الكنب هناك ..
مشيت معاهو وقعدتا ..
حس بي متوتره ..
حب يشيل التوتر مني .. وقعد وخت يدو في الكنبه .. وبقى يزح في الكرفتا حبه ..
الايام دي الجو مسخن موش .. واصلا التكيف كان بجمد الزول بس شكلو داير زي ما قلتا ليكم كان داير يشيل التوتر مني ويعمل الحاله وحده ..
اي والله سخنت شديد .. وابتسمت ..
بقى يسال من تخصصي شنو ويوريني شويه حاجات بتتعلق ب تخصصي ومره يضحك وينكت زي محمد ولدو بس محمد داك مجنون رسمي البروف ضحكو في حدود المعقول ..
شويه شويه .. بقيت ارتاح في الكلام حسيتو طيب ومسالم ما البروف البسمع بيه عند محمد وريم وعصبي وزول يناقشو ماف والكلام دا .. لقيتو شخصيه لذيذه .. اتونس وضحك وسالني من اهلي شويه ومحروجه وانا بجاوب هو زاتو حس ما حب يدقق معاي كتير المهم اتونس ونسه عاديه جدا ..
شويه جاهو اتصال حاله طارئه استاذن مني ..
طوالي استاذنت انا وطلعت محمد واقف لي بره انا بشري ..
مافي شي وماده بوزي
في شنو مالك ابوي قال ليك شنو رفض ..
رفض شنو هو اصلا ماجاب لي سيره الموضوع دا زاتو اتونس معاي ونسه عاديه جدا ماعارفه هو استفاد او لخص من الونسه دي شنو .. بعدين اقول ليك حاجه ب الجد الحركه دي ضايقتني شديد ..
ابوك كان لذيذ معاي والله بس شكلو كده ما موافق ولا حيوافق عشان كده يا ود الحلال انساني بس وخلاص والله يرزقك ب الاحسن مني ..
خلاص حسيت دمعتي قربت .. طوالي مشيت منو ما اديتو فرصه يتكلم معاي ..
بنادي ابيت اشتغل بيه طلعتا طوالي ..
مشيت الداخليه بكيت زين ..
خالي دق ..
ياربي ماوقتك يا خالي ياخ ..
بس طول ما دق قلتا ارد ما يقلق ..
رديت سلم علي وقفل ..
مسحت رقم محمد وحظرتو وقفلت الشريحه زاتا ..
حاول يتواصل معاي حلفت ما ارد .. وخلاص قرب موعد تسليم مشروعي قلتا انشغل بيه ..
جاتني ريم في الداخله دايره تعرف مالي والحصل شنو حكيت ليها ..
بقت تقول لي ..
طيب اذا حركت عمي زعلتك محمد ذنبو شنو من اليوم داك هو ماعارف يعمل شنو اكل زي الناس ماف مقلق عليك شديد ..
عليك الله اتكلمي معاهو .. اتفاهمو اصلو لي حل لاكن البتعملي فيه دا ما حيوصلكم ل حل نهائي ..
اتكلمت وشبه اقنعتني بس قلتا مابكلمو هسي لمن اخلص من مشروعي ..
شكلها كلمتو اني شبه رضيت اتكلم معاها .. وزي مابقولو دق ع الحديد وهو حامي ..
جاني تاني يوم طوالي الجامعه ..
يخسي عليك يارغد تعملي فيني كده لي
قلتا ليه ابوك ما موافق علاقتنا دي مافي داعي ليها .
وانتي الخلاك تقولي كده شنو الاكد ليك شنو ابوي قال ليك لا ..
لا ..
طيب مالك ..
حسيت ب كده وب الجد انا خلاص زهجتا من الموضوع دا ووووووو ..
شافني زعلانه وهايجه قال لي خير ومشى مني ..
ما اشتغلت بيه كتير ..
وكملت مشروعي وسلمتو .. وبقى ما بدق لي زاتو ..
قبل التخريج دق خالي يستفسر اها حارجع البيت متين ..
قلتا ياربي داير يطلع المستاجرين ولا داير يشوف حاقعد في الداخله يخليهم مافهمت المهم قلت ليه بقعد في الداخله دايره احضر الماستر طوالي .. قال لي خير وربنا يوفقك وكلام كده انا زاتي مستغربه دا خالي ..
قفلت منو ..
واتخرجتا انا واروى وحضرت التخريج ريم اتمنيت محمد يكون في بس خلاص كرامتي ما بتسمح لي ما حاتصل عليه ..
بعد التخريح ب يومين دق خالي قال لي بكره تعالي لينا دايرك ..
خير ..
خير تعالي بس ..
قدر ما حاولت اتهرب اعتزر ابى ..
قلتا اعرف السبب ابى ..
ختيت في بالي اكيد عريس ..
ياربي انا اعمل شنو مع عرسانم المابنتهو ديل ..
تاني يوم مشيت لقيت البيت مزبط والانوار كلها شغاله التقول يوم العيد وحريم خيلاني الابتسامه للضرس ..
وبنات خيلاني يتكبكبن اجي يا يخواني هو الناس دي مالها هههههه ..
سلمت عادي الا يمسكوني ليك ب الاحضان والبوس لا لا كده اووفر في حاجه ما طبيعيه ..
خلصت سلام وقعدت دايره اسال في شنو ..
قالو لي جاين ضيوف عزاز علينا .. عشان كده دايرنك تكوني معانا ..
امممممم .. قلتا خير وكده اتاكده عريس عريس وحالفه اجوط الدنيا كان غصبوني .
مشيت ب هدو لبست واتزبطت او بمعنى اصح بنات خالي الزبطوني فجاءه اي المهم خلصت وقعدت الضيوف جو بت خالي معاي في الغرفه كل ما اقول اطلع للضيوف تتحجج لي ب حاجه فهمت وقعدتا ..
لحده ما نادونا ..
طلعت وانا ناويه ليهم نيه سوده ..
بس طلعت الحوش ماعارفه قلبي مالو ..
رفعت راسي .. الا اشوف ليك
محمد وريم والبروف ابوه وامو وجايبين حاجات وحاجات وحاجات وقفت في محلي ..
فجاءه احاسيسي كلها اتلخبطت ..
مصدومه من القدامي .. بقيت واقفه وساكته لاعارفه انبسط لاعارفه ازعل ماعارفه اعمل شنو ..
الا جاني خالي وساقني من يدي قال لي محمد واهلو طلبو يدك واحنا وافقنا وجو الليله يعملو الخطوبه ..
دخلت فيني كميه من السعاده ماطبيعيه ..
ولسه ماقادره اتكلم ماقادره اعبر عن شعوري ..
حست بي ريم جاتني حضنتني عليها وقعدت تبارك لي ..
حتى استوعبت الموضوع زعلتا منها لي ما ورتني قرصتا طوالي في كتفا يارمه ماوريتيني مالك ..
قعدت تضحك وضربتني يا غبيه لو وريتك حتكون مفاجاءه كيف ..
حضنا بعض مسافه .. ومشيت لعمو عبد الكريم ابو محمد سلمت عليه بارك لي وباس راسي وقال لي معليش كان زعلتك واستفزتك مقابلتي ليك بس لمن تبقي ام وتجيبي ولد حتعرفي انا عملتا كده لي وبارك لي وسلمت ع امو واخواتو وباركو لي ..
اخر واحد محمد (دايره احلي بيه ايوه احلي بيه مش بقى خطيبي ههههه)
وقف قدامي وبقى يعاين لي في عيوني والابتسامه ماليه وشو .. مبروك يا عروسي ..
اتخجلت وعرقتا وركبي ساحو .. طوالي ضحك علي وقعدني جنبو.
وريم جنبي ب الجها التانيه ..
ماسكه في يدها شديد متوتره اول مره احس ب الاحساس دا والشعور والتوتر دا .. احاسي ملخبطه ياخ ..
ابوه اتقدم لي قدام خيلاني ووافقو وانا وافقت طوالي طلع الدبل ولبسني وبعدها باس يدي .. واااي ماقايله كمان رومنسي كده ..
خيلاني يتضحكو ساي عاجبم النسب العريس مهندس ولندن وناس هاي هاي والاب بروف قد الدنيا ما اتلفتو نهائي ..
وبنات خيلاني سامعاهم ..
حظها بت اللذينه لقتا والله ..
هسي عريسا دا مالو ما بشوفنا احنا (حقد الله وكيلكم )
والبتقول ليهم خلاص هي عرفت مصيرا هسي عريسا دا ماعندو اخوان اصحاب اولاد اهل .. ههههه
بس الحمد الله مافي وحده فكرت تشلبو هههه ..
عدى اليوم وانا مبسوطه شديد كنت بيه ع قدر ما كنت عتبانه ع محمد ع قد ما انبسطت ب المفاجاءه دي ..
ورجعتا تاني داخليتي مع انهم حلفو واصرو اقعد معاهم بس انا قلتا ليهم هناك برتاح اكتر خيلاني وافقو بس قالو لي قبل العرس ب شهر اجي عشان انحبس عندهم وافقت لانو العرس كان اتحدد بعد ٧شهور من الخطوبه ..
من هنا انا رميت صفحت المعاناه والمأساه والحزن والالم هنا انا ي دوب حاعيش حياه جديده سمحه .. حياه كنت بتمناها من زمان .. حياة الدلع حياه الزول البفقدني الزول بسال مني الزول البطمن علي .. ي دوب حانوم وانا مرتاحه ومطمنه في سند لي وبدت مرحله الحب❤ ..
صباح الخير مرتي ..
هههه مرتك مره وحده صباح النور ..
اي مرتي مش انا بعد دا بقيت راجلك ..
لا طبعا ي دوب خطوبه ممكن في اي لحظه تتفركش ..
لا بلاي مع نفسك مرتي وحقتي وحلالي وام اولادي اخ من ابوي وخيلانك كان يعقدو لينا وننتهي من الموضوع دا ..
ههههه كويس الماعقدو عشان ما اكون ادبستا خليني كده عشان كان شاكلتني افسخ الخطوبه طوالي ..
هههههه وانا بدقس ليك دقسه زي دي يابت انا ماصدقت لميت فيك .. عويره دي ..
ههههه تمام ماتدقس نهائي .. اها وينك ..
طالع الشغل وانتي يومك كيف ..
لسه ماعارفه والله بس حاطلع بعد شويه ماشه الاقي صحباتي الحاعمل معاهم الماجستير دايره اخلص قبل العرس ..
بتخلصي ان شاء الله وكان احتجتي حاجه وريني واسطات راجلك وكده ..
ههههه طيب يا واسطه انت ..
يلا طمنيني عليك وخلي بالك من نفسك وقبل ما تطلعي تكلميني ..
اممممم بدينا الحركات دي ..
هوي يا مره بلا بدينا بلا كلام كتير كلمتك يلا ..
ههههه اوك يلا سلام ..
وفعلا بديت في تحضيرات الماستر والشغل والجوطه .. ومحمد متابع معاي طوالي ..
وكل يوم طلعات ودخلات وعزائم .. واهتمام شديد وحركات ماتطلعي بدون ماتكلميني والحاجات السمحه دي ياخ ..
يوم دق لي مرتي ..
طبعا مابقول لي غيرا ..
عيون مرتك ..
تسلم لي عيونا .. الليله تفضي لي ب اي طريقه ..
خير مالك ..
بس تفضي لي وعايز الاقيك عندي موضوع مهم ..
خير مالك ..
خير بس افضي ..
محمد عارف الحركات دي ما بتنفع معاي قول عايزني ف شنو ..
قلتا ليك خير ..
المهم بعد ما اصريت عليه قال لي ..
بخصوص ريم والود البتحبو وكلام زي دا ..
قلتا ليه في شنو ابى ..
قلتا ليه خلاص افضي واكلمك .. الاقيك وين ..
انتي بس افضي ودقي انا بجي اسوقك ..
اوك ..
بقيت مقلقه ياربي عرف شنو الود طلع ما كويس .. بلعب ب ريم .. ياربي في شنو وراسي يودي ويجيب اكلم ريم طيب ..قلتا بدل كترت التفكير امشي البس وادق ليه الاقي واعرف ..
فعلا لبست وجهزت دقيت ليه جاء اخدني وشو عامل زي اصبر ما محمد البعرفو وترني زياده ..
سلمت وركبتا معاهو كل ما افتح الموضوع يقول لي لمن نصل .. ما اداني اي فرصه اعرف .. لحده ما وصلنا المطعم ..
فتح الباب ومد لي يدو يعني خشي ..
دخلت ..
مفاجاءه والكواريك والصفافير خلعوني ليك خلعه شويه ظهرت ريم والشمعه وشغلو غنيه عيد ميلاد .. وانا لسه مخلوعه في شنو ..
عيد ميلاد منو ..
عاينت ل محمد .. وتعابير وشي ظاهر مصدومه ..
قعد يضحك انتي يابت مابتعرفي تتفاجئي الليله عيد ميلادك كل سنه وانتي طيبه ومسك يديني باسم لي ..
يا سلام ياخ بلاي الليله عيد ميلادي اول مره اعرف التاريخ واول مره احتفل بيه ماحسيت ب نفسي الا وانا ببكي ..
عجبتني المفاجاءه انا عمري دا كلو زول فكر في عيد ميلادي ماف زول فكر يفاجئني ماف .. (محمد يانعمه من رب السماء يا دنيتي الحلوه ي احلى زول )
ريم جري علي ..
انتي يابت دموعك دي قريبه كده حضنتني وهنتني وحبت تلطف الجو وقعدت تغني ب صوتا .. وانا اقول ليها نشااااز ماتخربي لي اليوم دا ومحمد والباقين يضحكو ..
جابو الجاتو وطفيت الشمعه وقدمو لي الهدايا كانت حلوه شديد كل هديه احلى من القبلها ..
وجينا لي هديه الحب 😍
كان سلسل دهب مكتوب فيه اسمو واسمي وعطر فرنسي عجيييب وبوكي ورد احمر
(بتلوموني اذا حبيته🙈 )..
كل سنه وانتي معاي كل سنه وحبنا يزيد كل سنه وانتي غير الفرح والسعاده ماتشوفي وكل سنه واحنا ب شافع .. هههه
قعدتا اضحك ..
يتبع ...
