امواج البحر

احتواء

طرق مازن الباب دون رد ليعاود الطرق فتح الباب ولكن لااثر لادهم زفر بقوه ليرن علي هاتفه ليصدع صوت الرنين في الغرفه
#راح فين دا وساب فونه يمكن عند ملك
ترجل مازن للخارج ليذهب بالممر التي توجد به غرفه ملك ولكنه انتبه ان الجناح الشرقي بابه مفتوح.زفربقوه ليترجل للداخل لتتسمر قدماه في
الارض،وهو يري الدمار الذي انتشر بالغرفه صور حنين الممزقه التي تملئ،
#اطلع بررره
تطلع اليه يجلس باحد اركان الغرفه يضع علي ساقه جهاز اللاب توب ويحدق بالفراغ امامه وعيناه تشتعل بلهيب مخيف اقترب ليجلس امامه ليقول بحزم
#قلتلك بره وسيبني لوحدي
وقعت عيناه علي الصوره التي تملئ الشاشه ليري حنين بين ذراع حسام
#ادهم ممكن تهدا، ،،،
رفع وجهه اليه وقال بصدمه
#انت كنت عارف مش كده
اغمض مازن عينيه ليصرخ ادهم بصوت راعد
#ومين كمان يعرف،،،، انطق كلكوا كنتوا عارفين وانا المغفل الوحيد مش كده
مازن #انا معرفتش،الاوانت مسافر قبل ماتموت ياادهم
اطلق ادهم ضحكه الم وقال
#عارف هي ماتت ليييه
#ادهم ملوش لازمه الكلام دا دلوقتي
امسك ذراعيه بقوه وقال بالم
#ماتت عشان الدكتور حذر من اي اتصال يحصل بينا تصدق انا سافرت عشان كده اصلي كنت بخاف عليها حتي من نفسي.،،، بس الهانم عملت اييبه راحت اترمت في حضن عشيقها، ،، عشيقها اللي هو اخويا، ،،اللي كنت بسبها معاه عشان يحميها واقول حسام مكاني ياخد باله منها، ،،،،اخويا يامازن، ،، اخويا اللي،شيلين نفس الاسم وبيجري في عروقنا نفس الدم، ،،، انا كنت بمشي،وينام مع مراتي في بيتي،يامازن
اللعنه علي كل خونه الارض ربت علي،كتفه وقال
#ادهم فوووق حنين خلاص بين ايدين
قاطعه بغضب #بس عشقها وبنته اللي بتتربي في بيتي وشيله اسمي
قاطعه مازن بلوعه
#لاء ياادهم اقسم بالله ملك بنتك
هب ادهم واقفا ليسقط اللاب بالارض وكانه لم يسمع شئ،
#انا هحرق قلبه وبعدين هولع فيه وااقف اتفرج عليه
سد مازن عليه الطريق
#ادهم اسمعني
دفعه بقوه #ابعد من وشي
اسرع مازن الي الباب الرئيسي للجناح ركضا ليخرج ويغلق الباب بالمفتاح
#افتح الباب دا
رفع مازن الهاتف واتصل
#امواج الحقيني ادهم عرف موضوع حنين عاوز يقتل ملك انا حبسه في الجناح الشرقي ومش عارف اعمل اييه
#والله هقتلك افتح الزفت دا
امواج #انا جيالك يامازن
اغلق الخط وهو يمسك مقبض الباب بقوه ويدعوا الله ان تجد امواج وسيله لتهدئته
لاتعرف كيف وصلت ولكنها تشعر بمقدار جرحه، ،، صعدت ركضا للاعلي لتجد مازن يجلس علي الارض امام الباب وصوته العالي ينبعث بضعف من الداخل
#لو مفتحتش هموتك انت
زفرت بقوه وقالت
#مازن افتح الباب ودخلني واقفله تاني
هب مازن واقفا ليقول بصدمه
#تبقي اتجننتي انتي مش متخيله حالته عامله ازاي انا قلت هتحقنيه باي مهدئ
قالت بتاكيد #اسمع الكلام انا معايا المهدئ بس هو محتاج يخرج كل اللي جواه افتح انا متحمله نتيجه اللي هيحصل
ضربات علي الباب ثم صوته الراعد
#افتح يازفت
#حاضر بس ابعد عن الباب عشان افتح
سمع وقع اقدامه تبتعد ليفتح الباب فتعبره امواج بسرعه ثم يغلقه التف ليراها تقف امامه متجسده من احداحلامه ولكن بلابحر ورمال ودفئ فقط هي تنظر بعيناه بشعاع شمسها الدافئ ليسقط علي ركبتيه في الارض ويهمس بتمزق
#حوريه
رؤيتها لانهياره ليس بالامر الهين ادهم ليس في حالته الطبيعيه اقتربت.لتربت علي شعره
#ادهم اسمعني
جذبها ليحتضن خصرها بقوه ويدفن راسه علي صدرها لحظه اصابتها فعلته بالتجمد الكلي لتحضن راسه وتهمس
#انا عارفه انك موجوع، ،،
ليصرخ بصوت مكتوم
#ااااااه انا مدبوح ياامواج مدبوح
احتضنت وجهه لتربت علي وجنته
#عارفه انك مدبوح بس لازم تسمع
قال بالم #وانا مين يسمعني
#انا هسمعك ياادهم قلي كل اللي دبحك بس قوم معايا
تحرك معها باستسلام يمسك يدها كطفل ينظر فقط علي ردائها الازرق لايري غيره
#افتح يامازن
تحركت وهو خلفها حتي دخلت جناحه الخاص لتغلق الباب تحسبا لاي رد فعل عنيف اجلسته علي طرف الفراش لتري الدماء النازفه من جراح بيده كان يتابعها بسكون وهي تتحرك تتضمد جراحه لترفع ساقيه وتعدله علي الفراش لتجلس امامه
#اتكلم ياادهم انا سمعاك
اغمض عيناه وقال بالم
#اول مره شوفتها كانت عندي في الشركه، ،، جبها وقلي اخت واحد صاحبي عاوزه تشتغل، ،، شغلتها عشان خاطره، ،،، عجبتني بنت عاوزه تشتغل وهي بتدرس، ،، قربت منها او هي اللي قربت مبقتش عارف، ،، انا عمري ماعملت علاقه في الحرام ،،،، اللي انا فاكره انها عملتلي كوبايه قهوه بعد كده مش فاكر اي حاجه غيراني صحيت لاقيتها هدومها متقطعه وانا تقريبا عريان وباب المكتب مقفول بالمفتاح من جوا، ،،، قعدت  تعيط انا طمنتها، ،،، وقلتلها مستحيل هسيبك وفعلا رحت تاني يوم وخطبيتها وقلت اني مستعجل وفي خلال اسبوع كانت مراتي رسمي ،،، طب لما هي بتحبه كانت بتشغلني ليه، ،،ليه ديما كانت بتقرب، ،،، ولما هو بيحبها جبهالي لييه
ربتت علي خده وقالت
#اششش اهدي، ،، واحكيلي
بلع ريقه وقال بالم #فعلا اتجوزنا، ،اول واحده تدخل حياتي، ،، اتعلقت ببها اوي بقيت شايف الدنيا دنيا عشانها، ،، الشركه كانت لسه بتكبر وانا كنت مشغول ،،، بس عمري مااهملتها بالعكس لما كنت بغيب كنت بجيبلها هديه
،،،، شوفتي كنت بكفائها عشان بتخوني، ،، وقلتلي انا حامل كنت طاير من الفرحه، ،،، شوفتي هبل اكتر من كده فرجان وعملت حفله كبيره، ، وجبتلها هديه الماظ عشان مراتي حامل من راجل غيري اااااه
#كمل ياادهم انا هسمعك للاخر ولازم انت كمان تسمعني للاخر
#عشت معاها اجمل ايام عمري، ،،، عبييييط بشكل، ،،، في اخر شهر من حملها تعبت والدكتور منع اي اتصال بينا خفت اقولها تقلق عارفه سافرت ،،، سيبتهاله عشان تموت في حضنه، ،،، انتي متخيله دا يعني ايييه، ،،، مراتي اللي شياله اسمي اللي انا سافرت عشان ملمسهاش، ،،، اترمت في حضن اخويا، ،، اخويا اللي كان بيبص في وشي عادي ولاكانه بيضربني في ظهري، ،،، وبيدوس شرف اخوه بالجزمه
ضرب صدره بقوه واكمل
#ااااه شرف اييه بقي.اااه داانا شرفي بقي مشاع، ،، دا مازن عارف وطبعا انس مهو انا بس اللي مغفل
#خلصت اللي عندك وانا سمعتك للاخر يبقي الدور عليك تسمعني، ،،، ادهم دي صفحه وانتهت في حياتك، ،،انا عارفه كويس اوووي انت حاسس بايه بس الموضوع خلص لان صاحبته ماتت
هب واقفا وقال
#لاء مخلصش لسه هي اه راحت بس باقي عشقها وبنته
تحرك خطوه لتقف ساقاه مع سؤالها
#وتضمن منين انها مش بنتك
وقفت امامه وقالت بتاكيد
#ايه مكنش في بينكوا حياه زوجبه عاديه، ،،
قال بتردد #لاء كان فيه بس
قالت بتاكيد #هتقدر تقف ادام ربنا تتحاسب بدم طفله بريئه مختارتش أبوها وامها، ،،، هتحاسبها علي خيانتها زي ماحسبتها قبل كده علي موتها....  مازن قلي انه اول ماعرف اول حاجه عملها انه عمل للبنت تحليل dnaواتاكد انها بنتك
قال بالم شق صدرها
# انا تعبان ومعنتش مصدق اي حاجه حواليا ......حاسس ان كل ده كابوس وهفوق منه، ،، انا عاوز افوووق.....صحيني ياامواج خليني افوق
امسكت يده لتجلسه علي الفراش وقالت بحنان
#ادهم اللي اعرفه كان بيواجه الموت وهو واقف علي رجله، ،، مفيش حاجه تكسره، ،، ادهم زي مابيقول مازن ديما هو الاب اللي بيلم والام اللي بتبطط والاخ اللي بيقف في ظهر اخوه
قال بعجز
#ولما اخواته هما اللي يظربوه في ظهره يعمل اييه
#يقول يارب هتلي حقي من اللي ظالمني، ،، الظلم وحش والقهره اوحش عارفه وحسه بيك، ،، بس ربنا اراد انها تموت قبل ماانت تعرف لحكمه عنده، ،، والحكمه دي بيقولهالك انت، ،،، بيقولك انا قريب منك وكلني وحقك هيرجعلك، ،، مش ادهم اللي هيقف في وش اخوه حتي لو دبحه، ،، هو دا ادهم اللي انا اعرفه
امسك يدها ليقول بتمزق
#حوريه متسبنيش انا خلاص معنتش،عاوز حاجه من الدنيا غيرك
تعلم انه ممزق يعاني، ،، ربتت علي خده
#انت محتاج تنام عشان تقدر تركز
قالت جملتها لترفع ساقاه علي الفراش امسك يدها ليقول بالم
#متسبنيش خليكي جنبي
جلست علي طرف الفراش لتداعب خصلاته بحنان
#نام ياادهم، ،، انا جنبك اهوه
اغمض عيناه بتعب لتهرب العبره المحتجزه عيناه مسحتها فالدموع لاتليق بوجهه ادهم العمري
،،،،،،،،،،،،،،،،،،،،،،،،،،،،،،، ،،،،،،،،،