أفنان
اجتني مرة عمي وكالت كملتي
أفنان... اي كملت
يله اطلعي عيب الجماعه منتظرين يشوفوج ويردون يسلمون حتى نروح للمحكمه
أفنان... والله خجلانه شلون حطلع هيج كدامهم بدون عباتي زحمه والله
ولج شنو عيب غير لابسه حجاب
أفنان ...صح بس هم زحمه
ولج شلون أطلع اكولهم تكول روحوا مااطلع
أفنان
لالا عيب خلص راح اطلع أخذتني مرة عمي من ايدي وطلعتني الهم واول مشافوني كاموا الحيلهم وصاح عمي بالمبارك يوم التمام رحت عليه
دنكت على رأسه وبسته من رأسه ومن خجلي وارتباكي نسيت اسلم على عماد وعفته ومشيت الكل صاح وخطيبج اشو مسلمتي عليه
واني بقيت مغلسه كان يوم رغم برودته بس كان جدا مميز وكان احلى واجمل يوم يجمعني يمشون هو وابوه كدامي واني وزوجة عمي
وراهم واني باقيه صافنه على خطواته ومشيته كنت اباوع اله وارجع راسي للسما واشكر ربي لان جمعني وياه رغم كل الصعوبات
الي مرينه بيها وصلنه المحكمه وعقدنه وطلعنه البيتهم لان طبعنه بيوم العقد لازم اهل الزوج يسوون غده وصلنه اليمهم واول مدخلت كانت المفاجءه
انو بيت اهل سرى كلهم حاضرين حتى ميس فرحت بجيت ميس هواي لان صار مده ممشاوفين مرت العزيمه بكل هدوء وكل راحه بعد الغده اجت ميس كعدت يمي وهمست باذني أفنان لشوفيهم يضحكون بالوجوه ترى كلوبهم محروكه حرك والله أعلم شضامين من مصيبه هالمره
أفنان
ميهمني بعد اي تصرف منهم ثقي بالله عمري كله راح ابقى مديونه السرى وشمسوي راح اتغاضه عنها
ميس,,, ليش
أفنان
هي سبب سعادتي هاي تعرفين شنو معناة انو انسان يحفرلج حفره ويريد يوكعج بيها بالاخير هو يوكع بشر أعماله سرى هيج رادتلي السيء
بس الله جعلها سبب سعادتي اكو هيج عذاب واكو هيج انتقام من الله كل مراح تشوفني سعيده راح تذكر هي السبب بسعادتي هاي
ميس,,, هالكد تحبين عماد
أفنان,,,,
هو الي خلاني احبه واقارن سعادتي بحبه والا انتي اكبرنه وتعرفين كل الزين تربيتنه واهلنه هو غير حياتي وهو الي كدر يغير كل قوانينه
ويجتاز كل الصعاب رغم البلاوي الي صارت كان يكدر يتركني ويكول اني في غنا عن هالطلايب والمشاكل بس بااصراره خلاني احبه ومو بس احبه لا كلمة الحب اصلا قليله بحقه قاطعت كلامي بنت اخت عماد
أفنان خالوا عماد يريد بهاي الغرفه
أفنان ياغرفه
هاي الغرفه واشارت بيدها
ميس
بس هاي غرفة سرى
ردت الطفله اي هو كال روحي صيحيلها خل تجي
أفنان كمت من يم ميس ورحت ودخلت للغرفه واني ادك خفيف عالباب صاح ادخلي
أفنان دخلت لكيته كاعد عالجربايه اشرلي بيده تعاي اكعدي هنا
باوعت اله وابتسمت شداتسوي هنا هاي غرفة سرى وغرفه خاصه كوم نروح بغير مكان
عماد هو هذا الشي اني قاصده أكعد هنا وبغرفتها الخاصه
أفنان شنو قصدك
عماد غير أطلع كل السوته بيه من خشمها وازوعها العافيه
أفنان
ههههه عماد جوز ترى الوضع ميتحمل
عماد,,, والله اله اخليها تشوفنه اول كعدتنه هنا بنص غرفتها وعلى فراشها تعاي يمي هنا
بارت 28
Start from the beginning
