دا كل الدار في حياتي في الاسبوع دا اني اتعودت على ساجد وعرف قصه حياتي وانا عرفت قصه حياتو وبقينا اصحاب شديد اما سهى واحمد فهم اعترفو بالحب لبعض وبقو قريبين من بعض
اما الاسبوع دا حاسه انو ماري رتيب جدا على قلبي وانا عارفه انو كل يوم عرس همام وربا بقرب وانا عارفه انو بعد كم يوم وهم حيسدو مالهم والمفاجئه الكبرى الورتني ليها امي وكسرت بيها قلبي زياده انهم حيعقدو على طول مع سد المال وانو الموضوع بقى مناسبه كبيره يااااه بعد يومين همام وربا حيتزوجو خلاص حتبقى مرتو كميه من الوجع معتريه كل تفاصيل جسمي حاسه بخدر فظيع في جسمي كل مكان حاسه انو في سكاكين بتتغزا فيه حكيت لسهى في الواتس وحكيت لساجد وفضفت ليه حسيت بشويه راحه لما حكيت معاه بس بعد قفلت منو باقل من ساعه رجع الوجع يغذي كل خلايا جسمي حاسه بكميه من الوجع والقهر مسيطرين علي ما عارفه اعمل شنو وما قادره اشيل همام من قلبي
سهى حتجيني يوم الخميس تقعد معاي في البيت بعد نرجع من الجامعه وامي حتمشي المناسبه رغم انها حنستني بس اتحججت ليها اني عندي امتحان وانو سهى حتجي تراجع معاي واني اكيد حاكون موجوده في العرس يعني ما مشكله حتى اقتنعت
*في مكان تاني*
ياااه كلها يومين وحاشوفها بطلتها المميزه وتفاصيلها الحلوه لما تجي لعقد همام حاحاول اني اتقرب منها واشيل رقمها واكيد ما حترفض انا في النهايه ود خالها وعادي اذا شلت رقمها انا بالجد عايزك يا سمر عايز كل حاجه فيك متين حتكوني حقتي ولي وحنكون في نفس السرير وانتي لي وملكي مستني عرس همام يخلص بفارغ الصبر علشان اخلي اهلي يفاتحوك في الموضوع دا غايتو بس الله يصبرني ما اقوم لما اشوفك اتهور وما اقدر امسك نفسي منك ما انتي ما عارفه انتي عامله فيني شنو من يوم التعارف وانا كل يوم بتخيلك معاي بتخيلك حقتي ولي
الليله صحيت بصداع فظيع كيف ما اصدع والليله الخميس خميس كل الحاجات الما حلوه الخميس الفيه حب عمري حيبقى لغيري كنت بتمنى لو ما امر بالخميس دا طول عمري
طلعت مشيت الجامعه لاقيت سهى وحضرنا المحاضرات الاتنين وانا سارحه وعيوني مليانه دموع حتى اني اكل ما قدرت اكل رغم تحنيس سهى ولما العصر اذن واحنا راجعين البيت غمضت عيوني واتخيلت هسي الحاصل هناك شنو هسي هم حيعقدو بعد الصلاه يااااه هم حيكونو مبسوطين الاتنين بعقدهم وانا هنا النار بتاكل قلبي حاسه انو اتهرد بالوجع وصلنا البيت وانا رقدت في السرير سرحانه وعيوني ملانه دموع وسهى قاعده جنبي وماسكه ايدي وبتقول لي كل شي قسمه ونصيب يا سمر وانتي لو ليه كنتي حتكوني مكانها شيليهو من قلبك وخليك عارفه واتيقني انو ما ليك وعيشي حياتك هي بتتكلم وما فاهمه انو الحب دا تافه وحقير شديد دايما برمينا في سكه الوجع بخلينا نتوهم ونتأمل ونجري ورا سراب وفي النهايه بدينا كف يفوقنا من كل الوهم دا بس بعد نفوق بنلقى نفسنا ما عندنا قابليه للحياه والحب مره تانيه بخلي دواخلنا خربانه بنفقد ثقتنا في كل شي وانا هسي فقدت ثقتي في الحب ما حاسه اني ممكن اعيش او احب مره تانيه غير همام اصلا انا لسه بحبو كيف احب غيرو متأكده انو حبو مستحيل يتشال من قلبي ولا عايزه اشيلو حتى لو هو بحب غيري وعايش علشانها انا كمان حاخلي حبو عايش طول العمر في قلبي يمكن اكون بظلم نفسي بس انا من وعيت على الدنيا دي وانا بحبو ومستحيل حب السنين دي كلها يتمحي كده ويكون مجرد زكره
سمر حبيبتي خلينا نطلع نغير جوو
سهى انا ما عايزه اطلع خليني عليك الله
حبيبتي احنا لازم نطلع ونفرق وكمان ساجد عازمنا بيتزا وقال حيودينا شارع النيل واي محل عايزين نمشيه
سهى هسي دا وقت تفريق خليني في حالي الله يرضى عليك
لا ما حاخليك في حالك يا سمر وحتطلعي معاي بدون نقاش ياخ مالك عايزه تدفني نفسك بالحياه انتي مجنونه الانتي مهتمه بيه دا ما ليك فوقي وشيليه من دماغك ومن قلبك وما توجعي نفسك بيه الدنيا دي ما بتقيف على زول يا بتي لازم تكوني قويه علشان تعيشي ولازم تحاربي الكون والناس لازم تعيشي علشان نفسك ياخ انعل ابو اي حاجه تعكر صفوك ليه بتعملي كده انتي ياخ شفتي اهم من راحتك وضحكتك وسعادتك واكلك ونومك وامك تاني ماف شي مهمه انا صحبتك القدامك دي لو اديتك ظهري ومشيت قولي في ستين ياخ هو اصلا ما بفكر فيك ليه تحرمي نفسك من السعاده وتوقفي الحياه عليه
طيب قومي خلينا نطلع
قلت الجمله دي اثناء ما سهى بتردح وتردح كان نفسي بس اوقفها من كلامها لانو ولا حرف ما حيدخل في مخي وما حاسمع فيه شي حاسه انها بتصدع بي بس من كتر الكلام علشان كده اختصرت الموضوع وقلت ليها خلينا نطلع
اي ياخ فرفشي كده امال دي صحبتي حبيبتي يلا اتصل استعجل ساجد يطلع مسافه نظبط امورنا يكون جاء
طيب
وبعدين ياخ معقوله عايزه تضيعي علينا عزومه مفتوحه تكوني بالغتي قومي قومي ارح نجهز لبساتنا ونخش الحمام
قمنا طلعنا لينا لبسات وجهزنا وفعلا ساجد وصل وطلعنا ليه برا انا ركبت ورا وسهى ركبت جنبو بقو بتونسو ويحاولو يطلعوني من المود مع انو انا اصلا في عالم تاني بس حاولت اتفاعل معاهم مشينا اكلنا بيتزا ومشينا شارع النيل ختينا لينا قهوه وفشار وفنكوش قدامنا وبقينا نشرب انا ما كنت قادره اخبي تعاستي كنت بتكلم وعيوني ملاانه دموع بشرب وباكل وانا اصلا ما حاسه بطعم اي شي وهم بحاولو قدر ما يقدرو يتجاهلو كآبتي ويطلعوني من الانا فيه رغم انو ساجد رغم البعملو معاي هو محتاج لانو يتعمل معاه اكتر من كده كان ظاهر في عيونو رغم انو بضحك وبتونس واي شي ظااهر الوجع في عيونو
اثناء ما هم بتكلمو معاي وانا عيوني مليانه فل دموع جاء شافع صغير حلاتو شديد من البياعين المتجولين ديل لكن حلاتو كده ما شكلو قايم على الشغله دي بس شكلها الظرووف اذتو شديد شايل مناديل مداها لي
اتفضلي يا خالتو امسحي دموعك دي ماف حاجه تستاهل تبكي علشانها
مدام انت بعد كل البتعانيه ما بكيت بالجد انا ليه ببكي انا الحاصل لي شنو ليه ضعفت كده انت عارف يا حلو انت شوفتك وكلماتك دي وعتني على الدنيا
طلعت خمسين جنيه مديتها ليه وقلت ليه مع انو العملتو معاي يخليك تستاهل اكتر من كده بكتير بس العين بصيره والايد قصيره يا حبيب خالتو
لا يا خالتو انا ما عايز القروش دي كلها انا حتى ما جيت علشان تشتري مني انا جيت بس علشان اديك تمسحي دموعك
انا عارفه بس مدام انت قلت لي خالتو معناها تقبل القروش دي مني لاني خالتك وعادي الخاله بتدي ولدها وولد اختها قروش صاح حبيبي
صاح
شال القروش وشكرني واداني المنديل وفات عاينت لسهى لقيت عيونها مدمعه وساجد بعاين لي بتأثر قلت ليهم في شنو انتو مالكم يا ناس هسي ما كنتو كويسين سهى ابتسمت لي وقشت دموعها وقالت لي لا ماف شي حمد لله على السلامه انتي هسي بخير ؟
اي انا كويسه في شنو
لا ماف شي الحمد لله انك كويسه
طيب ممكن بعد دا نرجع البيت الجو برد وامي بترجع بعد دا
اي والله ساجد قوم ارح وصلنا
طيب يلا قومو
قمنا ركبنا العربيه ومشينا وفي العربيه شغلنا اغاني وانا كنت بحاول قدر ما اقدر اشيل اي شي من بالي واقول انو كل شي حيعدي
وصلنا قبل امي غيرنا وصلينا وقعدنا نحضر في فيلم رغم اني ما مركزه معاه بس قعدت مع سهى وحضرتو امي جات وبقت تحكي لينا عن العقد والحفله العملوها وعن حلات همام وربا وعن انهم كيف كانو مبسوطين طبعا ما قدرت امسك نفسي قلت ليهم انا مصدعه شديد باخد مسكن وبنوم مشيت الغرفه قريت قران واستغفرت ربي ورقدت حاولت انوم جات سهى قعدت جنبي وختت لي راسي على رجولها وبقت تمسد على شعري وانا ساكته ودموعي نازلين وهي كمان ساكته ما حبت تضايقني لحدي ما نمت ورقدت جنبي تاني يوم عدينا اليوم عادي والسبت برضو عدا والاحد مشينا الجامعه ومنها سهى رجعت بيتهم امتحاناتنا فضل ليها اسبوعين بس مفروض اني اشيل كل شي من بالي واقرأ علشان ارفع معدلي قلت انسى اي شي واركز بس في قرايتي واضغط نفسي شديد وفعلا دا الحصل مرو الاسبوعين وانا ضاغطه نفسي جدا وبقيت ما بمشي الجامعه على طول بقرأ وما بفتح تلفوني كتير ممكن يوم واتنين ما افتحو اما سهى فيوميا بتمشي الجامعه علشان خاطر احمد
في الفتره دي سهى واحمد قربو شديد من بعض بس سهى ما كانت بتحكي لي اي شي ولا انا ما كنت بسألها انا الفيني كان مكفيني وهي ما حابه تضغط علي او تدخلني في امورها الخاصه علشان ما تزعجني اكتر من ما انا منزعجه كانت بتحكي بتحكي لي الحاجات العامه ومن ضمن الحاجات دي حكت لي انها بكره طالعه مع احمد ماشين مزرعه حقت ناس احمد في محل اسمو العيلافون بصراحه ما ركزت مع الموضوع شديد وقلت ليها انبسطي وكده ما ركزت اذا هي ماشه معاه براها اذا معاهم ناس او اي تفصيل ما سئلتعا وما خطر على بالي اسئل وياريتني سألت
تاني يوم سهى اتظبطت واتمكيجت وطلعت اتلاقو هي واحمد في العربي وبعدين مشو مع بعض كان محضر ليها جو حلو هناك طلب من واحد من اصحابو الفي العيلافون انو يفتخو المزرعه ويرتبو ليهم قعده ظريفه لنفرين تكون مميزه كده ورومانسيه وفعلا دا الحصل جهزو ليهم احلا قعده تحت شجره كبيره كده ظبطو ليهم المكان وجدعو فيه مساند وفرشه وحافظه مويه وكبايتين وهم اشترو معاهم اكل وشيبس ومكسرات وبارد وصلوو المزرعه وسهى كانت مبسوطه شديد وماسكه ايد احمد طول الطريق ولحدي ما دخلو المزرعه
احمد المكان حلو شديد هنا
اي المزرعه دي حقت جدي بهتم بيها شديد وفي جنايني وبستاني كمان وفي واحد بهتم بالبط والوزين والارانيب
الله كل ديل موجودين هنا احمد خلينا نمشي نتفرج عليهم
حاضر حبيبتي بس نخت الحاجات دي محل القعده ونمشي
طيب
ختو حاجاتهم ومشو اتفرجو على المحل واكلو البط والوزين والارانب وكانو مبسوطين شديد
حقتي بعد دا نمشي ناكل ونرتاح شويه صاح انا جعت والله
اي اي انا زاتي جعت
قعدو اكلو وبقو يتونسو وفي اثناء الونسه احمد قرب على سهى وباسها في جبينها وقال ليها ربنا يخليك لي خجلت شديد وفي نفس الوقت كانت مبسوطه بيه وقالت ليه ويخليك لي يا احمدي ضماها على صدرو وهي سكتت ساي بعد مسافه رفع ليها وشها بإيدو من صدرو وقرب منها وباسها على شفايفها
احمد في شنو
ماف شي يا قلبي مش حقتي من حقي ابوسك
لا يا احمد كده ما صاح
حبيبتي انتي ما بتثقي فيني معقوله انا حاضرك او حأذيك سهى انا بحبك وانتي عارفه كده انا صابر بعيد عنك تلاته سنين وكل النفسي فيه تكوني في حضني واحس انفاسي مختلطه بأنفاسك انا بحبك شديد وما حأذيك ما تحرميني منك حبيبي ولا انتي ما بتحبيني وما نفسك اكون قريب منك
اكيد بحبك يا احمد وواثقه فيك شديد وعارفه انك ما حتأذيني
وانا ما حأقرب عليك من دون رضاك رغم اني اصلا ما نفسي اعمل ليك اي شي تأذيك بس حابب احس بقربك واحس بأنفاسك نفسي اكون في حضنك والمس شفايفك واحس بدفاهم بس بما انك ما عايزه اكيد ما حاجبرك على شي
احمد انت عارف اني بحبك شديد صاح
عارف بس انتي عايزه تحرميني منك
ما عايزه احرمك مني بس
بس شنو يا سهى
في اللحظه دي قرب منها اكتر وهي دنقرت
ولا شي حبيبي ولا شي
طيب ما تحرميني منك
قرب منها اكتر وباسها على شفايفها بوسه طويله وهي ما قدرت تمنعو وبعد مسافه حست نفسها استسلمت ليه وهو ابتدا يقرب منها اكتر واكتر وهو بقول ليها انا بحبك وببوس في رقبتها
احمد
يا روح احمد انتي يا ما حاذيك حبيبي خليك واثقه فيني
واثقه بس
من دون بس يا عمري
قال الجمله دي وهو بمص في رقبتها وايديه على خصرها
هي حست انو احمد ماشي على طريق غلط بس ما قدرت تمنعو حست بضعف حست انها هي كمان دايراهو استسلمت لشعورها بيه ولحبها ليه
رجع يبوس شفايفها وهي بادلتو البوسه برومانسيه ودا خلاهو يزيد شغف ووله عليها بقى رقدها على الفرشه وبقى يبوس كل مكان في جسمها عيونها وانفها وخدودها و شفايفها ورقبتها وهو نازل بقى يبوس في صدرها
احمد لا كفايه كده
حقي اهدي ما حاعمل ليك شي اهدي ومستمر يبوس في صدرها فتح ايها زراير قميصها وظهر جزء من صدرها ابتدا يبوس فيه بلهفه وهي بتقول ليه احمد ما كده احمد حبيبي لا وهو اصلا ما شغال بيها ولما كترت الكلام رجع يبوس شفايفها وسكتها وفي الاخر استسلمت ليه رجع يبوس صدرها ويعصرو ليها بإيديه وهو بسكتها بكلمات كلها غزل انا بحبك انتي روحي ومستحيل استغنى عنك انا لي سنين مستني تبقي مني وابقى منك ما تبعدي عني ما حاقدر على بعدك
كلمات احمد طمنتها وخلتها نست نفسها وعاشت معاه كل الهو حابب يعيشو معاها
احمد حبيبي انا اتأخرت خليني اظبط لبسي والميك اب بتاعي ونمشي بعد دا
حاضر يا بقلب احمد اااه منك انتي يا روح احمد
احمد خلاص ما تخجلني
حلاتو الخجل فيك عارفه انو تاني كل ما اشتاق ليك حنجي هنا يا مثيرتي انتي
لا اول مره واخر مره يا باشا
اول مره شنو انا بعد الحسيتو معاك دا ما بقدر اتحرم من الاحساس دا تاني انا ادمنتك يا بت
اممم بطل بكش وقوم خلينا نمشي
طيب لكن عايز بوسه طويله اول
احممد
ما تقولي لي احمد
قرب منها وباسها مسااافه وهي بادلتو البوسه وبعدها قامو ومسك ايدها واتخركو على البيت
سهى ما حكت لي عن الحصل معاها خافت اني اشاكلها احتفظت بالسر دا لنفسها ولحبيبها كانت بتئنب نفسها وفي نفس الوقت ما قادره تخبي فرحتها وابتسامتها لما تتذكر كلام احمد وغزلو لما كانت معاه
*🌸يتبع🌸*
