10
صحت كارمن علي صوت عصافيرها قامت بنشاط ودخلت ليهم وحطت أكل ليهم وبعدين دخلت المرحاض أتوضت وصلت وأختارت لبسها بنطلون جينز أسود ضيق وبلوزه بنص كوم لبني وعملت شعرها ذيل حصان وراحت تصحي اختها
كارمن: كاميليا أنتي يابت
كاميليا بنوم: هممم
كارمن: أنا ماشيه هسابقك علي هناك متتاخريش بقي
كاميليا: طيب طيب
خرجت لصاله لقت مامتها بتعمل الغدا
كارمن: هتعملي غدا الساعه 9 الصبح يا ماما!
حنان: لا بحهز الحاجه عشان متعبش في الأستعجال
كارمن: طيب يا حنون انا نازله متنسيش تصحي اللي نايمه
حنان : طب ما ترحوا مع بعض! ؟
كارمن: ورايا أشراف بدري وبنتك هتأخريني يلا سلام
كادت تقفل الباب وراها الا أنها فتحته تاني
كارمن: اه صح يا ماما فادي ملحقش يسلم عليكم وباعتلك السلام
حنان: هو سافر؟
كارمن: أيوه يلا سلاموز متنسيش كاميليا
حنان: ماشي بت يا كاميليااااا انتي يابت
كاميليا : ارحمووووووني
حنان: قومي يا زفته شغلك
كاميليا: حاضر ممكن توطي صوتك بقي
حنان: لسانك يا متربيه
------------------
وصلت في اقل من نص ساعه وهي تحمد ربها علي وصولها في المعاد ...دخلت واثبت حضورها وبعدين شافت أدم مع تالين راحت لعندهم
كارمن: ايه الحلاوه اللي علي الصبح ديه
تالين: ميس
كارمن: قلبها
أدم: تعالي العبي معانا
كارمن: طب ثواني اشوف بقيت الحلوين وأجيلكم
أدم وتالين: ماشي
خلصت أشراف علي الكل وبعدين رجعت ليهم تاني واقترح ادم انهم يلعبوا أستغمايه ووافقت عشان تفرحهم وبدوا اللعب وكان الدور علي كارمن فضلت تتدور عليهم لحد ما خبطت في كتف حديد أستغربت من الطويل واللي ليه عضلات جامده ده فكت الطرحه اللي علي عيناها ليقابلها جسم ريان المتعصب
ريان: هلا هلا والله افرضي الهانم حضنت حد تاني ب أم اللعبه ديه!
كارمن: وانت مالك اصلا
ريان بغيظ: اللهم يطولك يا روح
كارمن : يلا يا عيال كملوا لعب لحد ماا اشوف الباقي
(سابته ومشت وهي تفكر انه لسه بيغير عليها يعني لسه بيحبها طب لما لسه بيحبها ليه اتجوز وعاش حياته ومدورش عليا فضلت تفكر كتير وهي جواها مليون سؤال بس مش لقيه أجابتها نفضت دماغها من التفكير في ريان فهي دلوقتي مخطوبه وهيكتب كتابها يعني فات الاوان في ريان )
فضلت تتمشي لحد ما قعدت علي الارض في الجنينه وهي برضو لسه بتفكر جواها صراع وحيره كتير
ريان بعد ما قعد جمبها وباصص لسماء: بتفكري فيا صح?
كارمن: ايه الثقه ديه لا طبعا بفكر في محمود
ريان : هو انتوا من ساعة طلاقنا غيرتوا عنوان بيتكم ليه ?
بصت ليه باصه طويله وهي بتتوجع علي أثر الذكره: كنت هقولك يومها ان بابا كان بيعزل لبيت تاني
ريان: وطبعا ما صدقتي تهربي ?
كارمن السؤال عصبها: انا مهربتش انا مشيت لان مكنش ينفع أقعد معاك بعد ما طلقتني وكذبتني وخليتني كمان بغدر بيك
ريان عمال يضغط عليها في السؤال عشان عايز يعرف أجابه وحاسس انها مش بتكدب: طب ايه الحقيقه ?
كارمن: جاي بعد 4 سنين وتقول ايه الحقيقه ما كنت تتدور من الاول وهدور ليه وأنت روحت أتجوزت كانك ما صدقت
عدل جسمه وبقا وشه في وشها وحاسس انها وحشته وملامحها وحشته وكل حاجه فيها وحشاه: انا وشاهنده اصلا متجوزناش زي ما أنتي متخيله حب وبتاع
كارمن: ريان اعترافك او اي كلام مش هياخر ولا يقدم لان انت عندك ابن وزوجه وانا خلاص هتجوز
ريان: بمناسبة جوازك بقي أنتي موافقه ع مهزله ديه!
ضحكت بأستفزاز: وموافقيش ليه اشوف حياتي بقي مع حد لا يقولي غدرت بيه ولا كذبت عليه
ريان: لأن ديه الحقيقه مش انتي كنتي مجوازني عشان تسرقيني وكنتي بتحبي واحد تاني وكنتي هتهربي معاه
هزت راسها بوجع ومن كتلة الغباء: ويا تري سمعت بس محاولتش تعرف نيتي ايه او تتدور علي دليل ...ريان انا وأنت كان بينا قصة حب سنه وبعدين اتجوزنا 6 شهور واطلقنا وكانت حياتنا حلوه وكنت ببني عيله بيك وبابني
نطق بذهول وصدمه الجمته: أبني!!! ومخبيه عليا ابني يا كارمن ومقولتليش ليه هو فين! !
كارمن: اتولد ميت وبالنسبه لسؤال معرفتكش ليه ?عشان زي ما سيبتني بدري تقدر تسيب أبنك ما أنت وقت الغصب بتتعمي ومش بعيد تجرحني وكنت تقول ده ابن اللي كنت ههرب معاه
ريان: ابني مات! !!
كارمن بوجع: الحياه سلف ودين كنت ظلمني واهو اتوجعت في موت ابنك دلوقتي ما بالك انا اتكسرت مرتين بسبب ظلمك ليا وموت أبني كلمتين هقولهم يا ريان الحياه تسويات يعني فكر قبل ما تحاسب
قالت كلامها وسيبته يراجع الأفكاره وحزنه علي فقدان أبنه ومسحت دموعها اللي نزلت فهي اول مره تكلم معاه بارتياح بعد ما شافته ب 4 سنين يمكن عشان ترتاح وتجوز ومتحسش بتانيب ضمير ناحية محمود خلصت يومها ودورت علي اختها عرفت انها مجاتش أستغربت انها مجتش وهي بتحب تخرج ومبتحبش قاعدة البيت... فركبت الموصلات وروحت ووصلت البيت
وفتحت باب بيتهم لقيتهم مشغلين أغنيه ورده وكاميليا قاعده بتلعب في فونها وأمها قاعده قدام التليفزون تتفرج علي قناة الطبخ
كارمن: مساء الفل بتعملوا ايه?
حنان: زي ما أنتي شايفه
كارمن: أنتي يا بت وطي الصوت ده وكمان مجتيش الشغل ليه?
كاميليا: خدت أجازه مكنتش قادره وكمان أمك أستلمتني عشان الأكل لكتب كتابك يا ست
حنان: وأنتي كدا عملتي حاجه هتصيعي عليا يابت
كاميليا بغيظ: شايفه امك شاااايفه اصور بعد كدا وأنا بنضف وأعمل الشقه ولا أعمل ايه
كارمن وهي تغني مع أغنيه: يا نور عيني بحبك هسيبكم عشان هكلم محمود بقي
كاميليا: يسهلووا يسطا
ضحكت كارمن عليها ودخلت جوا وغيرت هدومها ولمت شعرها علي شكل فوضي ورنت علي محمود
كارمن: ايه يا عم يعني لو ما أتصلتش متتصلش يعني?
محمود: ابداا والله كان ورايا شغل بحاول افضي عشان أخد أجازه اسبوع الجاي بقي
كارمن: مش مصدقه ان الاسبوع الجاي هبق مراتك
محمود: ولا أنا والله وعقبال ما يجمعنا بيت واحد
كارمن: ياارب
محمود وهو يسمع صوت اغاني: انتوا مشغلين اغاني!
كارمن: أها. يا سيدي ماما بتحب تشغل اغاني زمان كدا وهي شغاله في البيت
محمود: والله مامتك عسل
كارمن:عارفه يلا هنام عشان تعبانه
محمود: ماشي تصبحي علي خير
كارمن: وأنت من أهله
قفلت معاه وكانت لسه هتنام دخلت عليها كاميليا وهي تهز مع اغنيه بفرحه
كارمن وهي مستغربه من حال اختها: مالك يا بت ?!
كاميليا: معرفش حاسه أني فرحانه كدا
كارمن: ربنا يبسطك يا ستي اطفي النور عايز اتخمد
كاميليا: مش هتأكلي ?!
كارمن: لا مش جعانه أطفي النووور
كاميليا: حاضر يا نور عيني
كارمن: يادي ورده اللي كله ماشي يغنيها ديه أطفي الزفت
كاميليا: متزوقيش طااه
------------------
قومي يا رهف أفتحي الباب أنتي
قالتها ساره وهي قاعده تأكل لب وتتفرج علي المسلسل
رهف: اووف مافيش غيري يعني ماشي أمري لله
مشت لحد الباب وفتحته ملقتش حد واقف أستغربت مين اللي رن مكملتش كلامها ولقت حد بيشممها مخدر وفي لمح بصر كانت في عربيته لتستغرب ساره من تأخير رهف
ساره: رهف يا رهف... البت فينها أما اروح اشوفها
ملقتش رهف في البيت كله لتصرخ وهي تنادي علي عمها وكلهم نزلوا وسالوها في ايه وقالتلهم علي أختفاء رهف
فاقت رهف لقت نفسها في مكان مجهول لتعيد عليها نفس الذكره خافت المرادي وفضلت تصرخ لحد ما دخل عليها واحد لابس كمامه علي وشه عشان ميتعرفش
رهف: انت مين وعايز مني ايه ?!
المجهول: انتي هتشرفينا حبه حلوين كدا
رهف بخوف: أنت ميييين ?روحووووني
المجهول: اكتر حاجه بكرها كتر الزن فخليكي حلوه عشان الأيام تبق حلوه بينا يا رهف
بصت عليه بأستغراب هو عرف أسمها أزي واضح أني اعرفه ما دام مغطي وشه وعارف أسمي: أنا عايزه اخرج
المجهول : بلاش كتر كلام وانتوا يا بهايم اقفلوا الباب كويس انا همشي وأجي الصبح
صرخت بيهم: خرجوووووووني يا رياااااان
------------------
يوم كتب كتاب كارمن ومحمود كانت بتجهز ومش عايزه تنكر أصابتها حزن وأفتكرت ذكرياتها ب ريان ويوم ما أعلن أنه بيحبها وعايز يتجوزها ويوم خطوبتها وكتب كتابها وفرحها كل ده فات بسرعه بس بيفضل ذكرياته عشان يوجعنا ..لبست فستان ابيض وعليه فصوص من فوق والكوم شفاف وسايبه شعرها اللي وصل لحد اخر ضهرها وعليه تاج فيه ورد لونه وري زادها جمالا وخرجت ليهم بعد ما نادوا عليها عشان تمضي علي العقد
غسان: تعالي يا كارمن اقعدي عشان محمود هيمضي الأول
الشيخ: تعالي با بنتي يلا
وصلت لحد عندهم وقعدت جمب باباها بتوتر ومحمود يغمز لها لتبتسم له
الشبخ: يلا يا عريس ابدا
= طب يا مولانا ينفع يكتب كتابه علي واحده متجوزه اصلا! !! أنا راضي ذمتك بمهزله ديه! ?
YOU ARE READING
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
