سامي: بحس احيانا انكم الاتنين مرتبطين ...م عارف ليه بشعر كدا!
ريم(بتضحك): اي زول بقول كدا
سامي: وانتي رأيك شنو؟!
ريم: جاسم اخوي وكدا ...بس يعني...كدي اسي وريني اتعامل مع شيماء كيف!
سامي: ريم...ابعدي عنها...عليك الله...معتز دا زول خبيث وانا بعرفو كويس
ريم: م بحصل حاجه..انا بس عايزاها تحكي لي ...ولو م كان في حاجهه م كانت وافقت تخليني اقابلها
سامي: انتي ليه مصره علي الموضوع دا كدا!
ريم: اااا..بس عايزا اساعدها
سامي: جوابك م اقنعني..حاسي انو في حاجهه اعمق من كدا ..ع العموم ممكن اخلي السكرتيره تديك رقمها
ريم: لا الرقم ما ح يفيد...وقبيل طلبتا من السكرتيره تديني ليهو رفضت..والرقم بالجد م ح يفيدني انا عايزا اقابلها براي كدا
سامي: طيب...انا بلخمها بالشغل شويهه وانتي تعالي قابليها
.........
ريم طول الطريق كانت بتتكلم ووتضحك ..سامي بين لحظه والتانيه كان بعاين ليها م كان بتكلم بس بسمع فيها وهو مبتسم ..وصلها البيت شكرتو وودعتو..فضل بعاين ليها لغايه م فتحت الباب واشرت ليهو بيدها بعديها مشى...دخلت البيت سلمت علي امها وابوها قعدت اتكلمت معاهم شويه...دخلت غرفتها غيرت هدومها وجات رقدت في السرير وخاتا تلفونها جمبها وسرحانه...اختها سوزان جات قعدت جمبها وبقت تتبسم.....
ريم: اللهم اجعله خيرا...خير!
سوزان: دا منو الجيتي معاهو دا ؟
ريم: زول خلقو الله
سوزان( بابتسامه): اوك اذا م عايزا توريني اسي دا حقك ....نخلي الامور لمن تظبط شويه
ريم: امور!!...وووب انتي طوالي مخك مشى حته بعيده ...دا سامي بالمناسبه الوصلنا المره الفاتت البيت لمن كنا عند ناس خالتو عفاف ..صاحب جاسم
سوزان:ااااا اتذكرتو....والوداك ليهو شنو ي بت!
ريم: اااا صحبتي...اي صحبتي اكتشفت انها بتشتغل معاهم في الشركه بالصدفهه ومريت عشان اسلم عليها وم لاقيتها قالو مرقت وكدا...والمهم بس لاقيتو هو..و قعدنا نتونس وطلب مني اخليهو يوصلني
سوزان(بابتسامه): ايوااا...برضو فكري فيهو ...المانع شنو!
ريم: سوزان قومي امشي شوفي ولدك...انتي جنيتي ولا شنو!!
سوزان(بتضحك): طيب خلاص سكتا...هاا مافي اخباار من جاسم
ريم: لسه ...م عارفه مالو م اتصل..الغبي دا مفروض يضرب لزول علي الاقل يقول انو وصل كويس...دقيقه وااي اسي كان حاصله ليهو حاجه!!
आप पढ़ रहे हैं
اندروفين
रोमांसرواية سودانية بقلم سجى اليزيد حب...صداقهه...خوه..وغيرهاا كتيير من المسميات ال ممكن نوصفف بيهاا اتنين قريبين من بعض شديد..بس لمن الحاجاات دي كلهاا تدخل في علاقهه وحده ح نسميهاا شنو؟!اكيد ماف زول ح يقدر يسميها ويحددها...لمن تكون متعلق بانساان شديد لد...
