سولفت الهه الحلم ضلت تحجي وتهمس لهيام دخيلك ربي دخيلك ربي
احمد خزرهه حتى تسكت كومتني هيام واحمد حاضني دخلوني للبيت راد يصعدني للغرفه مقبلت ضليت ابجي كال لا تبجين هنا يبعد روحي
عافني متممده بغرفه عمتي واخذ هيام وطلع
ورا نص ساعه او اكثر اجه احمد يباوع عليه وعيونه حمر دم عبالك جان يبجي تقرب مني صار بمستوى نومتي خليت ايدي ع خده
غلا .. حبيبي ليش هيج تره مبيه شي
احمد .. ماكدر اخاف عليه كلبي لاجمني واحس بيهه شي بس شنو مادري ( احجي بكلبي )
يبعد العافيه ادري مابيج شي تدللين عليه تردين تشوفين غلاتج
غلا .. ابتسمت بوجه وهمست اله .. احمد احبك والله بس من رفضتك مو بيدي
احمد ..اشششش يبعد احمد وعشيرته ادري والله خابرت صديقي سئلته عن دكاتره زينين وحجزلي العصر اوديج اريد اعرف سالفه الخنكه الي تصير عندج
غلا .. همست اله اوك
دخلت هيام وتبتسم بوجهي بس احس بعيونه خوف
كالت ..
هيام .. ابو فهد نزلت ملابس لغلا وشغلات تحتاجهن خليتهن بالغرفه الجوه
احمد .. عاشت ايدج يبعد اخوج العصر ترحين وياي اخذ غلا للدكتور
هيام ..صار يبعد كلبي
بلشت تمسح ع راسي وتكلي ما بيه شي غلا تدلل عليك تريد تشوف حبه بعيونك وتغمزلي
غلا.. ابتسمت الها
عمتي جان مختفيه للضهر يله اجت بس جانت تعبانه
صار العصر ساعدتني هيام حتى ابدل واحس البيت مخبوص على مودي واحمد كاعد يم راسي وحاضن ايدي وعيونه كلها قلق
طلعنا للدكتور اني واحمد وهيام اول ما وصلنه دخلنا لان صديق احمد جان حاجز النه طلب تحاليل كومه
وكلهن سويتهن بس اديه تزرفت لان بالكوه لكو وريد وسحبو الدم
رجعنه للدكتور كال ماكو شي وكلشي طبيعي بس عندي فقر دم وارهاق
رجعنه للبيت همسلي احمد
غزالي نصعد لغرفتنه ؟؟
غلا .. مردت اخوفه عليه اكثر هزيت راسي موافقه
اول ما دخلت للغرفه حسيت واحد وخنكني ضاع الهوى عليه مكدرت احجي عيوني انفتحن كل قوتي وشفتي صارت زركه
احمد جان بالحمام يسبح واني انازع حسيت روحي تنسحب شويه شويه مر شريط حياتي اني واحمد
وكعت بالكاع ومحسيت ع نفسي ولا حسيت بالي صار
احمد .. طلعت من الحمام شفت غلا واكعه بالكاع وشبه ميته
النفس مكطوع والشفه زركه
ضليت اصيح بعلو صوتي تخبلت شلتهه وطلعت من الغرفه متخبل راحت مني غلا راحت
تلكاني اخوي سلمان شغل السياره وخليتهه احس روحي راحت
صعدت امي تلطم وتبجي وتصيح عليه
.. كله منك كتلك احميد موتت البت كتلك يمه البت مو مرضهه مو دكتور ولك ليش هيج يمه
أنت تقرأ
عاشكته
ChickLitقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
