عاشكته

البارت السابع ( غفوه عشك )

الو الو نعم تفضل منو وياي ؟؟
انه واحد باني فوكي العنكبوت بكثر ما صافن عليج .
انه واحد عندي حلقه وارد اخشنهه بديج .

بعدني مقريت ودك الفون هنا جفلت من الخوف
وانطيته رفض .. رجع اتصل وهم رفضت دز مسج
جاوبي لا اجي لبيتكم واحرك اهلج حرك
يمه عزااا هذا شيريد

دك الرقم الغريب  .. جاوبت 

⭐⭐ الووو

غلا .... ساكته بس انفاسي عبالك احد يركض وراي من الخوف

⭐⭐ مو دا احجي وياج ؟
مو كتلج بالليل اخابرج ؟؟
لتسكتين وتخبليني احجي

غلا .. الو ( بصوت مخنوك والدمعه بعيني )
⭐⭐ ها يبعد ال الو ها يا غلا روحي

غلا ٠٠ تفضل شنو رايد ( صوتي يرجف وايدي ترجف احس اليوم اعدامي )
⭐⭐ رايدج ورايدج ورايدج

غلا .. شتريد مني ( مبقى شي والدمعه تفضحني )
⭐⭐ مسحت وجهي وصبرت نفسي سمعتها تبجي ومخنوكه كلت خل اهدي وياهه مو هيج ..
اسمعيني يبنت الناس .. انا رايدج مره اليٰـهہ لا رايد لعب ولا ضحك كولي موافقه وباجر العصر اهلي يم اهلج .

غلا .. يمه عزا يجون ل اهلي .. لا فدوه والله ماريد اتزوج هسه اريد اتخرج واني ما اعرفك شون اتزوجك ؟
⭐⭐ غلا غلااااا فدوه افهمي احبج تعرفين شنو معنى احبج راح اكلج شي بس اسمعيني عدل خل اسولف عليج اوك غزالي ؟

غلا .. غيره الك خلك غزالك شنو .. هاا اوك اسمعك .
⭐⭐ باوعي ..... وبديت اسولف الها عن حبي ولهفتي وتفكيري بلكت الله كلبها يحن عليه ..
تدرين صار فتره اهلي يلحون خل نزوجك لان انا جبير اخوتي والشيخ من بعد ابوي الله يطول بعمره بس انا ما ارغب اي مره انا اريدج انتي والله اريدج
( احجي واحس غصه بصدري . افا احمد هذا حالك وانت توكف دواويين !! ميخالف احبنهه ) احجي بكلبي
شنو ردج غلا احجي

غلا .. ردي تعرفه وانت مناقصك شي هيبه ومكانه بالدوله وبالعشاير بس اني ماريد اتزوج ومن اريد اتزوج ما اعوف البصره واهلي .. بعدني مكملت حسيت صرخه ب اذني احس عيوني جفلت
⭐⭐ ولجججججج هذا منو الي ما تردينه ؟؟ انا غلام ابوي تالي عمري زعطوطه ترجفني
باعي يبنت الناس راح اصبر عليج شهرر لحد ما انتي تقبلين غير هذا الحجي ما عندي .. كفيلج الامام علي افوت اسحلج من نص اهلج وما ترف عيني
اريدج برضاتج بس مدام هيج لا والله حتى غصب عنج

غلاا .. ارجف وابجي وسديت التلفون من الخوف وضل يتصل واني ارجف اخاف ارد مرتين ب الثالثه .
فتحت خط .
⭐⭐ بنت القندره تسدين الخط بوجهي ؟؟ ولج اذا انعادت هاي حركتج ادوس ع كلبي وانعل يومه

غلا .. ليش تغلط ع بابا هو شمسويلك ( والدموع تصب )
⭐⭐ غمضت عيوني ثواني وتعوذت من ابليس
وحجيت بصوت همس وهدوء .. اسسف يروحي والله احبج وانت تنفرين مني ليش اريد منج فرصه والله استاهلج  ليش هيج تشلعين كلبي

غلا .. بلش يحجي بصوت حنون ويعتذر واني ميته خوف بداخلي اكول هذا مخبل ساعه نار ويعيط وساعه يتغزل .. كارهته روحي متريده بقيت ساكته وهو يحجي
⭐⭐ اششششش خل نسكت شويه وفكري بكلامي
غلا تدرين يوميه ارسمج بخيالي يله اكدر انام ؟؟ تدرين شنو اتخيلج يمي ع نفس المخده واشم انفاسج وعطرج ؟؟ تعرفين شنو اتمنى اغفى وشفتي ع شفتج
والله استاهلج بس اريد تعرفيني زين .

غلا .. هو يحجي ويتغزل واني ميته خوف مدري ميته خجل .. بس اني ما احبك وماريد اتزوجك .
⭐⭐ احس كلبي وجعني من كالت ما احبك ونار رجعت تسري بكلبي سكتت وكتلها ميخالف بعدين تحبيني وتعشكيني ..

⭐⭐ غلا
غلا .. نعم

⭐⭐ كولي احمد
غلا .. ليش ؟

⭐⭐ بس كولي اسمي هم هاي صعبه ؟
غلا .. احجي واحس كوه يطلع الحجي
احمد

⭐⭐ ها يابعد روح احمد وعشيرته وعمره
غلا .. ممكن اسد الخط وراي دوام واريد انام

⭐⭐ ماكو نوم لحد ما انا اغفى
غلا .. حرام عليك وراي دوام شتريد مو خلصت حجي

⭐⭐ غلا اريد انام وانفاسج يمي بس اسكتي وتنفسي طبيعي وكلشي ماريد
غلا .. امممم اوك

⭐⭐ اشتعلو اهلج شلون تكولين امم سديتي شفايفج مو ؟؟ شيصبرني شهر واخذج اضن اموت
شتكولين لو اجي هسه بس اشوفج واروح وروح جدي كلشي ما اسوي
غلا .. لا عفيه تريد توكعني ببلوه لتجي وراح انام تصبح ع خير

⭐⭐ هييييي وين ممنوع الخط ينسد يبقى مفتوح ونامي
غلا .. شيخلص الليله ( بكلبي ) اوك باي

🖤🧚🏻‍♀️🖤

يتبعععع

**&**

حبايب كلبي صوتو للقصه وعلقو لان هذا كله نقطه ببحر الاحداث الجايه

❤