- مين معايا؟
_ نسيت صوتى؟
- * انا خايف اقول انها هى!!* معلش مش واخد بالى, مين حضرتك؟
- انا ساندى يا سعيد...
_............. * هى جابت رقمى منين ؟! و بتكلمنى ليه؟!*
- انا اسفة انى ضايقتك, مع السلامة...
_ استنى!
- ايه؟
_ متقفليش.. معلش انا بس مش فاهم جبتى رقمي امتى؟!
- اول ما شفتك عل سلم, عديت على طنط و قعدت شوية و طلبت نمرتك.. ده يضايقك؟
_لا ابدا, انتى عاملة ايه, حمدلله عل سلامة نورتى مصر
-منورة بأهلها ههه.. . بقولك ايه.. انتى فاضي ننزل النهاردة؟
_.........!!!!!!!!!! *نعممم؟؟؟؟؟*
-الو... الوو.....؟!
_ مش عارف الشبكة وحشة اوى!!! مم مش عارف صدقيني...
- خلاص شوف وابعتلى عل واتساب.
_ مش عارف.. موعدكيش الصراحة انا مشغول جدا
-سعيد
_* عايزة منى ايييه؟!!* ايه؟
- فضي نفسك عشانى, بعد السنين دى كلها نستاهل ساعة نتكلم فيها, مش كده؟
_...........
- باى باى يا سعيد.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
طول المكالمة و انا ف ملاهى! تاخدنى لفوق ب سعيد و تلف بيا برقتها و دوختنى بجرأتها!! مش مصدق اللى حصل ده!! انا مش ناسي اللى هى عملته فيا! بس ف نفس الوقت موارييش حاجة اعملها.
اخرج معاها اشوفها عايزة ايه ولا اقعد ف البيت؟
مهى ممكن تسأل عليا ف البيت! و بعدين هو انا هحبس نفسي؟! انا هنزل اشارع اتمشي...طب انا بهرب منها عشان فعلا مش عايز اشوفها؟. انا عمرى ما بطلت افكر فيها من و حنا صغيرين, و بتخيل سيناريوهات كتير كانت ممكن تحصل... و منكرش ان ليها مكان لسه ف قلبي بس بقى ضلمة اوى و ضيق و مترب..
هنزل اشوفها عايزة تقول ايه...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
* انت بتعمل ايه؟ انت نازل
- ايوة يا ماما, عايزة حاجة من تحت؟
* يعنى اليومين اللى انت جاييهم هتسبنى لوحدى و تنزل الشارع؟ ما انت على طول بتتفسح.. حبكت تنزل اليومين دول؟ مانت لسه كنت تحت يابنى؟!!!!!
- ماما! لو سمحتى كفاية!!!!!!
* يا رب اموت و اريحك منى ....
- يا ماما متعيطيش لو سمحت! اعمل ايه يعنى ممنوع انزل عشان ارضيكي؟ اقعد اعمل ايه؟ عن اذنك....
* اخرج يابنى, اعمل اللى تشوفه صح.
* انا عايش ف غم بس*
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
لبست قميص ازرق فاتح مع بنطلون اسود .. واستنتها تنزل عشان نروح الكافية اللى اتفقنا عليه..
**يرن جرس الباب**
- انا نازل ي ماما, اجيب حاجة و انا راجع؟
.
- يا ماما؟.......
**افتح الباب**
- ....!!!!!!!!!!
_ ايه يا سعيد؟.. يالا بينا؟..
أنت تقرأ
قهوة بنكهة الفراولة
العاطفية#4 IN SOCIAL 9/18/2018 #5 IN NEW STORY 3/8/2018 #6 IN SOCIAL 8/11/2018 ميكس زى الدنيا ، حلو و مر زى الطبخة اللى لو ملحها زاد متتاكلش ، و لو قل .. هتتاكل بس ملهاش طعم ! -هل كل اللى بنتمناه هو فعلا احسن...
