رؤى: هشو حبيبينا عندي ليك صور بنت سممممممحه شديد وصور منزليه .. تستمممتع بالنظر 😉 وحات الله فرصه مابتلقاااها
هشام:البت منو احكي😉
رؤى: بت محمد الاسد صاحب مصانع الصابون😉
هشام: بت محمد الاسد😳😳 مش عرست هسي ... جابو عقدعا في الجرايد .. اسمها بسمه تقريبا
.بتعرفي الناس دييل من وييين انتي .. احكي يابت .. من بتين بتعرفي ناس زي ديل وماوريتيني ليهم
. رؤى: كدي خلينا من الكلام ده .. انا حارسل ليك صورها بتاعت البيت وتقوم انت تدمجها مع صورك ..
هشام:😳😳😳 لالا لا راجلها كان عرف بودينا القبر طواااالي انا وانتي
رؤى: انتي غبي .. راجلها حيعرفنا من ويييين
هشام: من صورتي دي بقلب السودان كلووو لحدي مايلقاااني ..
رؤى: طيب صورة اي ولد ان شاء الله من بره السودان.. بس الصور تكون حقيييقيه ومقنعه عشان لؤي مااايشك ..
هشام: رؤى الموضوع ده ممكن يودينا ورا الشمممس والله
رؤى: هشام ... ده كلامك بتااع حرييف ومابعرف شنو😡
هشام: طيب .. ماتزعلي .. بس لؤي ده ذككككي بفهما وهي طااايره. .. لو ماذكي .. بقدر يدير المصانع دي كلها لي ابوهو ومن نجاح لي نجاح
رؤى: اها ادي ود الناس عين..😒 جنس حسسسد اعوذ بالله
هشااام: وانتي خايفه عليهو مااالك!
رؤى: وانا دايره اطفش نرتو ليييه يا الشاااطر.. لاني بحبوووو وهو بحبني.. هشام:😒😒 لو بحبك كان عملتي ليهو كده
رؤى:😒 ماشغلتك الحاجات دي .. اعمل القلتو ليييك وهديتك كبيييييييييييره عندي المررره دي والله 😉
هشام:😍😍😍 تأمرررررري.. اها ارسلهم وين بعد داك
(رؤى بابتسامه خبييييثه )
حترسلهم اول لي بيت محمد الاسد .. وبعدو لي بيت لؤي😉...
......... هشام عمل القالتو رؤى ورسل الصور اول لي ابو بسمه وبعدها لي لؤي ..
ابو بسمه جاهو الظرف .. استلمو .. وفتحو وشاااف الصور😡😡 والجنووون مسكو.. بي كوااااريك
بسمممممممه يسمممممه .. جات منيره جاااريه .. مالك بسم الله في شنو.. محمد: بتك وييين .. ناديها لي ..
جاتو بسه جاريه: ابوي مالك بتكورك 😰
رمى ليها الصور في وشها .. وطااااااخ كف احرى من كف لؤي.. ولي اول مره ابوها يديها كف ..
منيره: محمد😳😳😳في شنوو...
محمد غضباان وبعاين لي بسمه .. وهي رفعت الصور وشافتهم 😳😳😳😳... وعاينت لي ابوها ..
ابوي مستحيل تكون صدقت الصور دي؟!
محمد: ولييييه ما اصدق .. عشان كده جيتي من بيت راجلك صح؟...
عملتي الخيانه فيهو وانتي الخنتيهو😡😡😡... وهمتينا انك بتحبيهو .. يس انتي كنتي بتكذبي عشااان غصبناك عليهوو
بسمه قعدت تبكي .. ابوي والله دي ما انا ..
محمد: جنك ده !؟.. كيف دي ما انتي .. العملتيهو ده .. وااااعيه ليهو؟، هسي لو راجلك عرف😡😡
فضحتينا مع الناس.. عملنا ليييك شنووو نحنا في الدنيا دي..
وابوها قعد يبكي .. ومنيره بكت معاهو.. ياحاج استهدى بالله .. حلفتك ياحاج استغفر..
بسمه قعدت ليهو تحت رجلينو .. وقالت ليهو والله العظيم يا ابوي انا ماعملت شي غلط وما كذبت ... ودي لعبه من زول... انا مستحيييل اخت راسك في الارض بعد التربيه الربيتها لي دي ..
محمد: قومي لمي هدومك واطلعي من بيتي سرييييع😡😡😡
منيره : ياحاج استهدى بالله ..
محمد: ماتدخلي انتي عليك الله خليك هنااااك .. دلعك ليها ده شوفي وصلها لي وييين..
وبسمه بتبكي وبتقول ليهو انا ماعملت حاااجه .. محمد: جراها من يدها ولمى هدومها وطلعها برا الشارع ..
بسمه في الشارع انهارت وبكت وطبعا ما عندها مأوى الا بيتها.. ركبت امجاد وهي بتبكي .. ووصلت البيت ولقت لؤي فتح الباب..
بسمه وهي بتبكي: حاسب بتاع الامجاد
لؤي:بسمه😳😳😳 مااالك ..
.. حاسبو وقفلو الباب .. وقعدت في الصاله نص ساعه تبكي وتتخنق ولؤي قاعد جنبها يعاين ليها .. مشى جاب ليها كباية موية وجا قعد ..
وهي بتعاين ليهو وماقادرة تحكي زاااتو 😞
لؤي لما شافها لسه بتبكي .. ابتسم ليها ومسك يدها وباسها ليها 😘
وقال ليها .. انا بثق فييييك .. ❤
يسمه اتخلعت من الكلمه ..😳😳😳.. لؤي قلت لي كده ليه ؟
لؤي: عارف سبب دموعك شنو.. وطلع ليها الصور .. وهنا بسمه اتصدمت😳😳😳..
بسمه .. انت شفت الصور؟؟
لؤي بابتسامه خفييفه .. ايوه😄..
بسمه:😳😳😳😳طيب ليه ماسألتني ولا كوركت فيني
لؤي: لما رجعت لقيت في الباب الظرف وفتحتو وشفتو .. اول حاجه اتذكرتها... قيامك لليل .. لما كنا مابنحب بعض .. انا كنت بقوم اصلي .. وبراقبك كنتي بتقومي تصلي كمان ..
واتذكرت كمان خوفك علي من المشروب .. ولما قلتي لي اوعدني انك ماحتشرب تاني .. ولما تزعلي وتقعدي تستغفري ..
الحاجات دي عمتني عن الصورة .. وماقدرت اصدقها .. انتي قلتي لي انك ماحصل حبيتي قبل كده .. فكييف ده يحصل . ..
بسمه انا مابريدك بس والحب ما لعب وكلام بس.. الحب ثقه .. ولو انا صدقت اي شي بتقااال عنك .. يبقى انا بحبك ليه؟
( لؤي وهو بتكلم بسمه الدموع بتنزل منها عشره عشره ... واتذكرت انها اول ماشافت الرساله ظلمتو وزعلت .. واتذكرت كمان انها شكت فيهو .. واتذكرت انو ابوها قدر يصدق .. بس لؤي❤ بدون حتى مايسألها اذا الكلام صح ولا لا .. هو متأكد من شرفها وواثق فيها .. وحست بالندم وانها مفروض تعتذر الف مره .. وهنا انهارت زيادة من البكا ..)
لؤي: هيييي .. حبيبتي ماتبكي ) ومسح دموعها.. وبسمه مسكت يدو البتمسح ليها وبكت ..
لؤي قرب منها وختى راسها في كتفو وحضنها .. بسومه انتي مرتي براااي .. بسووم بتبقي حلوة وانتي بتبكي😄
بسمه بس راقده ع كتفو وبتبكي ..
ولؤي باسها في شعرها وقال ليها .. انتي روحي ❤
( بسمه غمضت عيونها ... وحست بي امان غريييب .. ماحستو قبل كده لحدي مانامت في كتفو من البكا )
لؤي: بقى بيمرر يدو في شعرها ...وجواهو بفكر ) وغضباااان شدييييد ... وحلف انو مايخلي رؤى😡😡😡.. وقدر يحس انو دي هي الورا العمله دي .. شال بسمه ورقدها ومسح دموعها وغطاها وطلع بره..
ضرب بي رؤى:
رؤى: اووووو
. حبيييبي عرفت انك حتشتاق لي سريييع
لؤي: اي اشتقت ليك .. وين انتي عايز اقابلك ..
رؤى: بالجد 😍😍😍😍 انا في شقتي
لؤي: طيب مسافه السكه بس واجيييك
(رؤى قفلت التلفون ومبسووطه وجرت تجهز شعرها وتلبس وتتروج .. فاكره انها بتقدر تغريهو .. بس العينو ملاانه مابتزوووغ ...)
لؤي باس بسمه في راسها .. وهي نايمه وقال ليها وحيات اي دمعه نزلت منك .. اخليها تبكي زيها الف مره ..
ورسل لي بسمه رساله في الوتساب .. عشان لما تقوم تفتحها ..
وقفل البيت عليها وطلع لي رؤى..
.........
في الطريق ضرب لي عمار ..
لؤي: عمار انت وين ؟
عمار:لسه ماطلعت من المصنع .. في حاجه
لؤي: حارسل ليك عنوان .. اعرف لي الجاب الظرف منو ..
عمار: عنواان شنو وظرف شنووو...
لؤي: ماتسأل هسي .. بس اعمل القلتو لييييك
عمار: طييب حاضر
( فتح العنوان عمار وقدر يعرف اسم هشام ،، ورسل المعلومااات لي لؤي )
لؤي وقف العربيه وشافو
لؤي: هشام ده منو؟؟
.. دخل موقعو ولقى صورتو .. ودخل صفحة رؤى سريع لقاهو من اصدقاءها .. وهنا اتاكد ..
( وكلام هشام طلع في محلو .. لؤي ذكي وبقدر يربط الاحداث لي نباهتو دي😍)
والساعد لؤي انو هشام كان كاتب رقمو .. قام لؤي رسل ليهو..
( هشو انا رؤى ...ياخ عجبني شدييييد العملتو.. والله الحلاوة الاديتها ليك بسيبطه عليك .. تعال لي في الشقه .. قدرت اجمع قرزش تاني دايره اديها ليك .. بسطتني شديييد ودايره ابسطك .. ومعليش ماعندي رصيد في شريحتي ديك ..عشان كده دخلت دي😄)
هشام قرا الرساله وطمعو زاد اكتر.. ورد طووالي
( رؤى حبيبتنا .. تسلمي لي انتي كلك زووق .. ده الواجب بس .. طيب رسلي لي العنووان 😄)
لؤي: ده الواجب يا كلب 😡😡😡 الليله بوريك الواجب ..
رسل ليهو العنوان ... ودور عربيتو لي رؤى ...
ورؤى هناك ماخلت عطر وماخلت زينه ماعملتها 😆 ومنتظره لؤي بفاارق الصبر ... وهشام اتظبط ولبس وطلع لي رؤى ...
