عقل يرفض .....وقلب يريد

تكملة الحلقة -12-

شوفتها الماما تكولي/والله يحبج ومتندم
والرجال يضرب ويغلط ويسب ويفشر اذا يعصب

بس هنيالها الزوجها بس ساعة عجاجة وشويه وتروح
وقلبه طيب نفس ابو رامي ،مو مثل باقي الرياجيل
قلوبهم وايدهم قاسيه

ياامي فكري ويه روحج وارجعي لحياتج ويه زوجج
ولمي لحظنج واسمعي كلامه تعيشين ملكة بجاله

صعدت الغرفتي
ورجعت قريت الرسالة زين ،شو كاتب ابو ادم ؟؟
مو هو ابو رامي منين اجاه أدم ،،

اكيد هذا ابنه السري من شهد وضامينه عليه !!!!

اتصلت عليه بدون لا سلام ولا كلام

-عمر منو هذا ادم ،ابنك بالسر موو
متزوج شهد وعندك ولد من عدها ؟؟

عمر/وعليكم السلام والرحمة والاكرام

شلونج ام ادم شخبارج ،
عساج انتي وادم بخير ؟؟

شيرين/منو هذا ادم ؟؟

عمر/اتوقع انتي حامل موو لو اني غلطان ؟؟

شيرين/اي حامل بس والله مااعرف واحد اسمه ادم !!!

عمر/مخبلة ركزي بالكلام زين
كتلج ام ادم يعني ادم ابنج الحامل بي

شيرين/هااا هههههه خوش اسم حلو
بس انت شمدريك هو ولد حتى تسمي ادم ؟؟

عمر/ بمشيئة الله بيج ولد

و ربي راح يرزقني ويرزقج ولد
واذكرج بكلامي ،

شيرين/بس كولي شلون تعرف حباب
عندي الفضول قاتل ،،

عمر/ههههه كم مره كتلج الفضول يودي الى التهلكة

من تجين هنا سألي الوالده

هسه شتكولين امر عليج تجين ويايه
لو اروح اعقدلي على وحده
محتاج مراه ولج مخبلة افتهمي

شيرين/اي انت يهمك بس الفراش

عمر/شوفي شيرين خلي أكون على بينه وياج
اني لو مااحبج مااتقربلج ،

واكدر اروح الغيرج
والف وحده تتمناني بس هذا مو طبعي

وقصدي محتاجج ونس ويايه بغرفتي
تشاركيني يومي ،اسولفج العندي
اتوسد اذراعج واشم عطرج واتغطى بشعرج
اعرف بيج وضعج ميسمح بالتقارب الزوجي
بس وجودج بغرفتي يكفيني ،
فهمتي لو اشرحلج بعد

شيرين/مااعرف شكولك
والله ماما تكولي /أبو رامي يحبج وانتي لازم تصيرين سباعيه
وتلمينه الحظنج
بس اني كتلها/ بعد مااحبه قلبي مجروح من عنده
هي تكولي/ابو رامي رجال خيال ويعرف شلون يطيب خاطرج

عمر/والنعم منها والله اصليه أخت توركان
ولج مخبله مااخذتي شويه عقل وثقل من عدها

شيرين/ليش قابل اني شمسويه هسه ؟؟
لو مثل هذيج الحيه العب بالدروب جان احترمتني

عمر/لمي غراضج هسه جايج السالفه طلعت من ماعونها
اليوم الا افتهم شنو سالفتج وياها وتشمرين بالحجي