عقل يرفض .....وقلب يريد

الحلقة -10-

عقلً يرفض و قلب يريد
بقلمي //فراقد حسن علي
——————————-
البارت (10)

شيرين /قريت الرساله بشكل سريع
بس ركزت على الكلمتين (عزيزتي وابتسامتي )
الله شكد حلوه هاي الكلمات

دعيت ربي يهدي عليه ،،ويبقى دائما ويايه حباب

اكو شعور بداخلي مااعرف أوصفه بالضبط هو شنو
خوف ،على قلق ،على توتر ،
على فرحة مكبوتة والغصة موجوده

مااعرف هذا بس شعوري
لو شعور كل بنيه مقبله على الزواج
وحياة جديده

بليل عمر أتصل عليه ،وهاي اول مره
هو يتصل وبدون ميرسل رساله

شكلت السماعات وكعدت بغرفتي طبكت الباب
اسولف وياه سلام على كلام عادي

شو خالي فتح عليه باب الغرفه حتى بدون ميطرقها
كتله /هلا خالو محتاج شي ؟؟
شو أخذ السماعه من اذاني وبده يسمع
وسلم على عمر وكاله /حبيت اسلم عليك
وأمسي عليك قبل لا تنام
شمر عليه السماعات وطلع وطبك الباب وراه

شيرين/الوو هلو عمر ،
اسفه والله ماادري شبي خالي
يمكن طكن الفيوزات براسه ؟؟

عمر/ههههه والله حقة سويتيله قلق نفسي

شيرين/والله متندمه يعني ...
والله مااعرف شكول ،،،،سكتته أثنينه

يعني اعرف السويته غلط بس والله خاني التصرف

عمر/غاليتي شوشه
شوفي خلي اكون صريح وياج من البدايه
اني من اول ماعرفتج كتلج انتي طينتج حاره
وهذا الشي مو بيدج موجود بطينتج وتكوينج

بس الي شجع وشعل هاي الحراره عندج
اولا /غياب دور الاب والي هو اساس تكوين الاسره والتربيه

ثانيا /غياب الدور الرقابي من ناحية امج
واعطاها الج الثقه العمياء بمفهوم الدلال
وانتي أستغليتي هذه الثقه وكسرتيها

ثالثا/مرافقه صديقه السوء وكتلج (الصاحب ساحب )

رابعا /أستخدام مفهوم التكنلوجيا والتطور الالكتروني بمفهوم خاطئ

خامسا /ومشيتي على نهج خطأ وهي مفهوم الحريه بالتعري والتصرفات الخاطئه

كل هذني الاسباب وصلنج للحظه أشعال نار العار بحياتج ...

شيرين /بجيت من كل خاطري وكطعت كلامه
-عمر بعد شبقيت ،، اذا اني لهدرجه مو زينه بعيونك
شكو اجيت وخطبتني ،،وليش تقبل ترتبط باقي حياتك
بوحده عار !!!!

عمر/اشششش لا ترفعين صوتج فوك صوتي
ديري بالج وأياج ،،،من هسه أحذرج
أسمعي كلامي للنهايه ،،وافتهمي مني
تعيشين عندي ملكه

مو اني المقدم عمر كامل أبو رامي
تربات المهندس كامل مدير عام مصافي نفط الدوره
والاستاذه الفاضله صفيه
أغدر بمراه واتركها ورايه مكسوره
بسبب لحظه ضعف بدرت مني وأنهزم