ابن الشيخ خطف قلبي

بارت 8

غدير: اريد اطلع ودخلت زهره تقربت يم اذنه وكلتله ها ماترد ع مخابراتك يمكن عرفت حقيقتك...
دار عليها وبكل عصبيه سطرها راشدي وسحلها لغرفتهم ومانسمع غير صوت الكتل

رضا: صالح شاف الغرفه وعجبته كال ان شاء الله اذا الله راد وصارت اروح اخطب واخذك وياي نشتريلي غرفه ف كلتله ان شاء الله وراها ترخص وراح

غدير: حدوري يبجي احاول اسكته بس ماكو مايسكت واكفه بباب المطبخ وشايلته وشالي نازل انه بالبيت ما انزع الشال لان دائما اكو ناس المهم نزل صالح من غرفة رضا باوعلي ابتسم ودنك راسه وراح ياااا خجلني
نزل رضا شكو شصاير شهل هوسه
علي ومرته بعد تعرف

رضا: بله شلون بيهم ليكول جهال انه ماكدر اروح اهديهم لو شوف شنو لان هاي بوكت عركتهم  حتى ملابسها تشكهن
انطيني الطفل وروحي انتي

غدير: شنو شايفني مارايده روحي  والله ولا اروح انت تدري راشدي واحد من علي ينومني بالمستشفى ...
اوكف لكيت حل هاك  اخذ حدوري مني

رضا: اخذته منها بس يبجي طلعت بي بالشارع يلا يلا حبيبي لا تبجي لالا  امشي اشتريلك

غدير:  اخذت تلفوني خابرت ع احلام اني هم رصيدي شويه ف كلتلها تعاي بسرعه احلام وخلص الرصيد ...همزين ابوي وامي معزومين اليوم لو الحجيه شايفه هاي الهووسه وهيه عدها ضغط وسكر جان شصار بيها
الباب يندك وهمه يتعاركون
باب الحوش انفتح ودخلت حنينه
اجتني شصاير
ولج علي كتل زهيره

حنين: ياااا عزززه العزززاني وشلون هسه

غدير: والله مدري
شويه صار هدوء وطلع علي
انه وحنين شردنه للمطبخ راح غسل من المغسله مالت الحوش وطلع
رحنا لغرفتهم صايره خرابه مكسر الاجهزه والمرايه والمزهريات ومكياجها الكاع عباره عن كزاز وزهيره كاعده وشعرها مكفش ومكطع وحلكها مورم وعيونها رايحات من البجي والكحل سايح وايدها زركه كاتلها كتله معدله

اجت احلام تركض بدون بوشيه
احلام: شبيكم شبيكم يا ستار ياربي شصايرلكم شهل حاله ولج زهيره شبيج شصاير هنا

زهره بدموع : انه افهمج اخوج عاشك صارله شهرين حتى مايجي للبيت مايكلف نفسه يخابر يسأل عايفني انه وهل جاهل لا مصرف لا شي والله كلما احتاج اخذ من الحجيه (امه) والله وسأليها حليب حفاظات ادويه ملابس كله منها لا كلف نفسه يجيب علاكة فواكه هسه مو الي للطفل مو عندك طفل ولازمه هل اشياء والله لو ما رضا جا بقينا بحاجة كلشي وهاي من راح رضا لبغداد بقيت محتاره خلصت حفاظاته واحنا مانطلع رحت للبستان وصيت مرت الفلاح يعني وصلت لهدرجه

احلام :استهدي بالرحمن الزلمه يركض منا ومنا حتى يوفرج الي تريدينه ميصير هيج بعدين وينه وين العشك زلمه شكبره وابن شيخ واهم من هذا كله هو اخوي واعرفه يحبج ويهتم بيج يعني اكيد لازم تمر هيج اوكات بس عيب
هيج تحجين هسه كومي غسلي واهدي وفكري زين واذا تريدين روحي يم اهلج جم يوم شوفيهم وارتاحي وفكري زين
كومتها للحمام ووصيت البنات ينظفن الغرفه