قدري المتغير 💙.

البآرت السآبع .

شهد : باهي غر اسمعي نكلموا مؤيد او نادر ونفهموا منهم !

انا : هههههههههههههههههههههههههـ ؛ قتلك مؤيد او نادر ؛ خيرك متعرفيش يوسف ان ميحكيش لحد ف اي شي يخصه ؟ تي انا ونطلع ف الكلام بطلوع الروح يا بال صاحب .

شهد : باهي نكلمه نفهم منه ؟

انا : لا طبعاً ؛ ولو تكلميه نزعل منك ! أصلاً انا علاش حارقة اعصابي هلبا ؟ عادي مشى زيه زي غيره هلبا رخوا بيا ف نص الطريق !

شهد : اي غيره كانوا صحاب مش يوسف ! يا ولاء الوحيد اللي قدر يخليك تحبيه وتفتحي قلبك ليه .

انا : ايي مه هما كلاب يا بنتي ، لما تعطيه وجه يمشي يفوتك ؛ شهد بليــز خليني نرقد وفوتي الموضوع كإن مصارش ؛ عندي مصايب هلبا غيرهم .

شهد : اوكِ براحتك ، تصبحي ع خير "ناضت رقدت ف سريرها" .

بجد مكنتش نتصنع ف البرود ؛ كنت باردة ، وحسيت روحي نحلم ! باهي مش يقولوا مرات حتى ف الحلم تخافي ؟ خيرني مخفتش وانا ف الواقع ؟ واساساً شن بيخوف ؟ غدره ليا ؟ عادي ! غدرتني حتى اختي اللي من امي وبوي ، ميغدرنيش ولد براني عليا ؟ عادي يا ولاء انتِ قوية هلبا متخليش ولا شخص يحاول يبتزك او يطيحك حتى لو شوية ! توا ركزي كيف تقربي أختك لعندك وتصلحي علاقتك بأمك ؛ واديري قروب صحاب جديد يغيرولك حياتك ؛ ركزي ف قرايتك اللي طول عمرك تسعي ع خاطرها ؛ ركزي ف نفسك يا ولاء بس !!!
وانا نسبح ف محيط افكار زي اللي فوق ، رقدت .
نضت ثاني يوم ع صوت موبايلي يرن .

انا "ومنعرفش حتى من المتصل" : الو .

عيوش : صباح الخير .

انا : صباح النور ، مش مفروض عندك مدرسة ؟

عيوش : اي قاعدة فيها توا .

انا "بصدمة" : رافعة موبايلك ؟

عيوش : باش نطمن عليك ، امس كله وانا نفكر فيك .

انا : عادي حبيبتي مدوريش انا ف أفضل حال ، توا شوية ونروح .

عيوش : ولاء متكباريش ، اللي عندك طلعيه مهما يصير .

انا "بضعف" : عيوش عارفة شن ندير ، وتوا سكري موبايلك ، لما تروحي نهدرزوا .

عيوش : باهي عادي تروحي بيا اليوم ؟

انا : مافيش من يروح بيك ؟

عيوش : كنت بنروح مع منتهى بس نبيك انتِ تروحي بيا .

انا : منتهى اللي ترفعوا فيها الصبح ؟