صلوا علي الحبيب المصطفي
كيف نعبد الله! 💜👋🏻
الدرس الخامس 👇🏻💥
بسم الله
كنا هنوضح حاجة عن النفاق، و هو إن المنافقين نفسهم بيصلو لله و يعبدوه *لكن* بيقومو للصلاة و هما كسلانين ، و مش بيذكرو ربنا غير قليل فاحذر أن تكون منهم قال تعالى في سورة النساء : *" إن المنافقين يخادعون الله و هو خادعهم و إذا قاموا إلى الصلاة قاموا كسالى يُرآءون الناس و لا يذكرون الله إلا قليلًا "* 💔
المفروض علينا احنا كمسلمين بنحب ربنا و خايفين يكون مصيرنا النار إننا نعبد ربنا صح و نبتعد عن ما نهى الله عنه 😁
اللي بيخالف أوامر ربنا بيعرض نفسه لعذاب دنيا و آخرة ، في الدنيا بيعيش حزين و حياته خنيقة *" فمن أعرض عن ذكري فإن له معيشة ضنكة و نحشره يوم القيامة أعمى . قال ربي لما حشرتني أعمى و قد كنت بصيرا . قال كذلك أتتك آياتنا فنسيتها و كذلك اليوم تنسى "* 😯
بالنسبة للآخرة بقا فيه آيات كتيرة على سبيل المثال 👈🏻
سورة الزلزلة *" و من يعمل مثقال ذرة شرا يره "*
سورة البروج *" إن بطش ربك لشديد "*
سورة آل عمران *" ... والله شديد العقاب "*
في ناس كتيرة بتنسى الآيات دي و بتفتكر آيات الرحمة بس ذي *" إن الله غفور رحيم "* فبيسيبو اللي ربنا أمر بيه و بيعملو اللي ربنا نهى عنه و بعد كدا يقولو أصل ربنا غفور رحيم 🤷🏻♀️
لا افتكر إن بفعلك دا بتتبع خطوات الشيطان و بتعصي الغفور الرحيم ، مهو ربنا مفرضش علينا بعض الأوامر و نهانا عن البعض علشان تعمل انت كدا و تقول ربنا غفور رحيم ، لا هو فعلا ربنا غفور رحيم لكنه شديد العقاب 🤚🏻👑
هنكمل بكرا بإذن الله عن متاع الدنيا الزائل ....💜🌸💫
