ركبنا السياره و انا مزاجي ده مقلوب💔
نرمين:م اتوقعتك كده يختي😂من اول يوم م صدقتي طوالي مشيتي وقعتي الولد..لكن الحقيقه سمح❤
هديل:ي بت اوقع ششنو انتى عارفاني م تبع الكلام ده😒كل الحصل انو..
نرمين:(قاطعتا)م بهمني اعرف ي ستي😂(و شغلتا اغاني بقيت اغني لمن وصلنا البيت..)
هديل:ارح سلمي ع امي و امشي
نرمين:ظابط(فعلا اول م دخلنا خ سوسن دي جات جاريه علي هديل..)
سوسن:هديل😍😍اها ي بتي الجامعه كيف،،ان شااء لله م يكون ف زول ضايقكم وريني😍
هديل:لالا ي امي الجامعه زي الفل(و باستا ف راسا)
سوسن:نرمين ي بت نورتي شنو طولتي كده😍
نرمين:طولتا شنو ي خالتو قبل كم يوم كنت معاكم😂
سوسن:طيب حسي ادخلي اكلي الاكل جاهز
نرمين:لالا امشي البيت عشان تعبانه و الله💔
هديل:اتغذي بعدين امشي
نرمين:انتى عارفه م بنتغذا بدري💔الجايات اكتر
سوسن:تمام طيب سلمي ع امك
نرمين:طيب(و طلعتا و سامعه خ سوسن بتسأل ف هديل من الحصل و بضحكو ياخخ اتمنيت دي تكون امي😢دخلتا البيت لقيتو صاني جات طالعه الشغاله من المطبخ..
_مدام اخته ليك الاكل😊
نرمين:لالا..ناس امي وين؟!..
_طلعو شغل
نرمين:طيب(و طلعتا غرفتي و انا زعلانه بس متعوده💔يعني حتى تلفون م بضربو لي😊قلعتا هدومي و استحميت و نمتا طوالي😴صحتني الشغاله ع المغرب كده قالت لي ناس امك بياكلو تحت يلا انزلي..فعلا نزلتا لقيتم قاعدين ف الصفره...)
نرمين:مساء الخير😊
محمد:(ده ابوي)مساء النور
نرمين:(قعدتا و بقيت اعاين ليهم)
ساميه:انتا عارف ي محمد احنا م كان نتفق مع الشركه دي ياخخ ح يخسرونا ساي
محمد:لالا ده مجرد احتمال بسيط لو م قدرو يدونا البضاعه شهر 3
ساميه:انا برأي..
نرمين:(قاطعتا)انا ح اعرس
ساميه:شنو😨😨
محمد:(بقا يكحح)عرس شنو ي بت و من منو
نرمين:😂😂😂بهظر بهظر(و بقيت اضحك)كملو كلامكم😂
محمد:نرمين ده هظار شنو😡
نرمين:بس حبيت أذكركم اني قاعده هنا😊يعني مثلا كان ممكن تسألوني الجامعه كانت كيف
ساميه:قطعتي قلبنا عشان ده😒
نرمين:(متأسفه و قمتا طلعتا غرفتي💔شلتا تلفوني و ضربتا ع مازن بعد مسافه رده لي..)
مازن:الوو
نرمين:فاضي؟!..
مازن:ليه
نرمين:عايزه اطلع
مازن:جدا بجي باخذك بعد نص ساعه كده
نرمين:طيب(قفلتا منو و مشيت لبستا لي بنطلون جنز و قميص كاروهات قصير كده و معاهو اسبورت نايك❤عملتا شعري ضفيره و اتمكيجتا و بعد نص ساعه كده مازن قال لي انا تحت طوالي نزلتا لقيت ناس امي ف الصالون..)
ساميه:ع وين
نرمين:زهجانه و طالعه اشم هوا😊
ساميه:خير م تتأخري
نرمين:(طلعتا لقيت مازن بالعربيه قدام البيت طوالي ركبتا)سلام
مازن:ي اهلين😊م بتتذكريني الا لمن تزهجي
نرمين:مازن انا زهجانه ح تكترا معاي بنزل طوالي
مازن:طيب خلاص(اتحركنا وداني مطعم كده قعدنا بعيد من الناس و اكلنا و طلعني حبه من الجو الانا فيهو)م ملاحظه لبستك شاذه
نرمين:لا😊و بعدين انت م راجلي عشان توريني
مازن:ي بت الناس انتى ف السودان و كده الناس بتفهمك غلط
نرمين:خليهم يفهمو😊
مازن:طيب احنا وضعنا شنو
نرمين:مازن م تنكد علي
مازن:نرمين انا بححبك ليه م راضيه تفهمي
نرمين:اديني سجاره
مازن:استغفر الله..لمن نركب السياره بديك هنا الناس بتشوف
نرمين:مازن😡اديني زفت سجاره
مازن:(طلعا من جيبو و اداني وحده ولعا لي)نفسي اعرف ح تتعدلي متين
نرمين:(م اشتغلتا بيهو،،قعدنا حبه بعدين مشا بي شارع النيل و لفه بي كم حته حتى نزلني البيت ع الساعه 12 كده دخلتا لقيتهم كلهم نايمين مشيت غرفتي غيرتا هدومي و قعدتا ف التلفون طبعا اتصورتا كم صوره ف المطعم و نزلتها انستا الناس ديل كلهم بعلقو ف البقول الكلام ف الجسم و البقول حلات اللبس و الشماعه و انا اخر بسطه❤قعدتا لمن اتنين م جاني نوم قلتا امشي البقاله..طبعا م عندي مشكله ان شااء لله اطلع الفجر😂و عندنا زي سوبر ماركت جمبه بيتنا م بتقفل نهائ..كنت لابسه لي استرتش اسود و قميص مرسوم فيهو ميكي ماوس حبه طويل جدعتا طرحه و شلتا لي قروش و نزلتا مركبه لي سماعات و بسمع اغاني و السوبر ماركت بعد شارعين كده وصلتا و اشتريت لي اندومي و ببسي و جيت طالعه بقيت ماشه و بسمع ف االاغاني بأعلى صوت م احس ليك الا بعربيه كان خلاص ح تضربني😢😢حاجاتي وقعت و العربيه وقفت ف اخر لحظه نزل منها ولد و كان معصب شديد😡
_انتى م بتشوفي😡
نرمين:انا و لا انتا😡يعني غالبك تلف
_انتى غلطانه و بتقلي ادبك؟!..لي ساعه دايس ليك بوري😡
نرمين:ي شيخ طيب م دام شايفني م سامعه مش مفروض تقيف..حسي تلفوني و حاجاتي كلها وقعت ادعي ربك م يكون ف شي اتكسر😡(و بقيت ارفع ف الحاجات)
_انتى م نصيحه ع فكره😡اصلا ده الناقص بت حايمه ف الشارع الساعه اتنين و بتقل ادبا
نرمين:ان شااء لله احوم الساعه 5 شارع ابوك ده؟!..
_اللهم الصبر،،عايني زحي لي بالله انا م فاضي لأمور البنات الم مربيات ديل
نرمين:نعم؟!..م مربيه قلتا لي..ظابط(شلتا ليك حجر كان واقع و رميتو ليهو ف نور العربيه القدام اتكسر👏👏👏)منو الم مربيه ي روح امك انت
_(طبعا من شده عصب لمن عروق جبهتو ظهرت..مسكني من يدي قوي و قربني منو💔)انتى قايله نفسك منو اهه😡😡اقسم بالله لو م بت كان وريتك الله كم
نرمين:عشان م اكسر ليك يدك زي م كسرتا قزاز سيارتك اخير ليك تزح😡
_(فكاني و ركب السياره انا شلتا حاجاتي و مشيت و هو اتحرك سريع لمن خفتو يجي يطقشني😂المهم انبسطا من نفسي كيف😌دخلتا البيت عملتا الاندومي اكلتا و طوالي نمتا،،صحيت تاني يوم ع الساعه 9 لانو محاضرتي 10 ونص لبستا لي بنطلون رمادي و قميص كحلي و اتظبطا و نزلتا لقيت هديل بتتونس مع امي💔)
هديل:صح النوم..بدري طبعا😂
نرمين:اصلا نعسانه لسه😴
هديل:طيب يلا اتأخرنا(و طلعتا من غير اسلم ع امي طبعا😂ركبنا و حكيت لي هديل كل شي ف السياره و هيا م مصدقه😨و كل شويه تعاين لي و تسكت و انا ميته ضحك😂وصلنا و م لقيت لي باركين و محاضرتي خلاص ح تبدا قمتا وقفتا قصاد عربيه حقت زول بس و نزلنا عشان نلحق..انا دخلتا محاضرتي و هديل محاضرتا👌)
رغم كل الظلام الذى بداخلى الا انك تقبلتني كما انا،،رغم قباحة مشاعري الا انك رضيت بالقليل من الجمال❤لم أعلم كيف أحبك الا بعد ذهابك..كأنك اردت القول لي"ستندمين"..
