တော်မဝင်ပါ...သို့သော်...[Completed,ZG&UNi]

အခန်း8(unicode)

"ကဲကိုလူပျိုပေါက်လေးတော့ ပြင်ဆင်ပေးပြီးသွားပြီ စာအုပ်တွေခဲတံတွေစုံရဲ့လားသေချာကြည့်ဦး "

"အကုန်စုံတယ် စစ်ပြီးပြီ သွားပြီနော် "

ကျောပိုးအိတ်လေးလွယ်၍ အခန်းရှေ့မှသားရေဖိနပ်လေးကိုစီးကာ ကျောင်းသွားရန်ပြင်နေသော ခွန်မင်းသုနား နှစ်သစ်ဒူးတုပ်ထိုင်ချလိုက်သည်။ပြီးနောက် ပါးတစ်ဖက်ကိုဖောင်းကာလက်ညှိုးလေးနဲ့ပုတ်ပြလိုက်သည် ။

"ဟီး မေ့တော့မလို့ ပြွတ်"

............
ဖတ်စာစာအုပ်များထုတ်ပေးနေသည့်ရုံးခန်း
ရှေ့ရောက်တော့ကျောင်းသူကျောင်းသားများ
နှင့်မိဘအနည်းငယ်သာရှိတော့သည် ။
နှစ်သစ်လည်း အခန်းထဲမှစာရင်းစစ်ကြီးနားသွား
လိုက်သည် ။အခန်းထဲကစာရင်းစစ်ကြီးကတော့အရင်ရောက်လာသူများကိုနာမည်စာရင်းနှင့်တကွထုတ်ပေးရမည့်ဖတ်စာအုပ်များကို ရွေးချယ်ပြီးထုတ်ပေးနေသည်။

''Grade9မသုသုအေးကို "

ထိုစာရေးကြီးမှ မိန်းကလေးတစ်ယောက်အမည်ကိုခေါ်လိုက်သောအခါ ရုံးခန်းလေးထဲသို့ ဝဖိုင့်ဖိုင့်အမျိုးသမီးကြီးနှင့်ပိန်ပါးပါးမိန်းကလေးတဦးဝင်လာသည်။

"ဟုတ်ကဲ့ ဒီမှာပါ စာအုပ်ဖိုးကဘယ်လောက်လဲဟင်"

''သောင်းရှစ်ထောင်ပါ "

နှစ်သစ်ကူမျက်လုံးပြူးသွားရသည်။
ကျောင်းစာအုပ်တွေကဒီလောက်ဈေးကြီးရလား၊အပြင်ကစာအုပ်ဆိုင်မှာဝယ်ရင်တောင်၂ထောင်ကျော်လောက်ဘဲရှိမည် ။နှစ်သစ်ကူးတန်ဖိုးတွက်နေစဉ် ကောင်မလေးမိခင်မှတစ်ထောင်တန်အုပ်ထဲမှဇွက်ခနဲဟန်ပါပါဖြုတ်ပေးလိုက်သည်။

ကောင်မလေးထုတ်ယူသွားသောစာအုပ်တွေကြည့်မိလိုက်မှ နှစ်သစ်နားလည်သွားရသည်။စာအုပ်တွေသည်သူတို့အရင်တုန်းကကိုင်ခဲ့ရသောစာရွက်သားညံ့ညံ့များဖြင့်ပြုလုပ်ထားသည့်ဖတ်စာအုပ်များမဟုတ်နေပါ။ထို့ပြင်သူတစ်ခါမှမမြင်ဖူးသော ပြင်ပစာသင်ရိုးစာအုပ်များလည်းပါသေးသည် ။

''Grade9သွန်းတည်တံ့ ခုနနာမည်အလှည့်ကျော်သွားတဲ့ နှစ်သစ်ကူးရောက်ရင်စာအုပ်လာယူပါ ''