عادات وتقاليد اعدمت حياتي(نهوه) 🔞🔞

البارت 14

صكر من بعد موت عمي قمر ماتت يي ماتت صار عباره عن جسد ياخذ نفس لا أكثر اعتزلت عن الناس كلها تعبت هواي تعبت مو سهله انو ابوها يموت وهو زعلان منها ما بقالها احد غير جنه و جنه مثل عمي هم زعلانه منها مر شهرين ع موت عمي قمر تعبت و الحمل تعباها أكثر كنت انقهر عليها وانه اشوفها بس تبجي بيوم كاعد بالصاله و افكر بيها جان ابوي يحجي

ابو شهم. بويه صكر

صكر. ها بويه

ابو شهم. وليدي راح اخطبلك بنت عمك تبارك

صكر. حجي رحمه الابوك هذا حجي اخوك ما صارله غير شه سن من مات و مرتي موجوده تريدني اتزوج عليها علمود شنو ما تكلي

ابو شهم. أنه اريدك مره من ثوبنه

صكر. وقمر منه و بينه بنت عمنه ومن لحمنه و دمنه اروح اخذ وحده ثانيه عليها علمود شنو ما تكلي بس وجع قلب

ابو شهم. أنه كتلك راح اخطبلك ع شنو موت روح ع هاي اشو هي باعتك و طلعت من البيت بنصاص اليالي هم تعتبرها مره اعرف شلون متحملها ما تكلي

صكر. بويه انته من كل عقلك تحجي لا تضل بس تحجي البنيه بنت اخوك وهي ما طلعت بنيه انو تنهزم من بيتك

ابو شهم. انته لا تكعد تدافع عنها كتلك اخطبلك بنت عمك وهذا هو اليوم رايح احجي ويه عمك

صكر. بويه لا تحلم بهذا الشي تبارك ما تصيرلي مره

ابو شهم. غصب عنك تصير مرتك

شهم. انته شعاجبك بهاي لا من ثوبنه ولا من عاداتنا وتقاليدنا آخر شي طلعت من بيت الشيخ وبنصاص اليالي لو واحد شايفها جان هسه احنه علج بحلوك الوادم

صكر. انته ما تسكت مرتي و قابل بيها شتردون مني بعد قابل بيها حته لو كح.... أنتم مالكم دخل بيها تركتهم وطلعت من البيت ابوي ناوي عليه يريد يموتني يلا يخلص لليل يلا رجعت شفت بيت عمي عدنه سلمت عليهم وانه بالكوه متحمل ابوي و أخواني هسه تكولون علمود مرتك تسوي هيج يي لان هي ما مسويه شي غلط صح غلطت بس سبحان اللي ما يغلط احنه بشر مو معصومين كاعدين جان ابوي يكول

ابو شهم. خويه ابو وضاح

ابو وضاح. هاا خويه

ابو شهم. خويه أنه رايد اخطب ايد بنتك تبارك الابني صكر اتمنه ما تردني

ابو وضاح. خويه بس صكر متزوج

ابو شهم. خويه انته تعرف احنه ما راضين ع زواج صكر من قمر بس الخاطر جليل الله يرحمه قبلنه بيها بس هو مات وما راضي عليها و حته صكر رايد بنتك

ابو وضاح. بس خويه عيب من الناس اخونه ما صارله غير شهرين من مات واحنه نزوج ابنه

ابو شهم. خويه هيج بيناتنه لا عرس ولا شي