هيام .. شنو ريمة شبيج اشو وجهج اصفر
ريام.. ما اعرف شبية اشو احس بروحي مختنكة وعندي الم بخاصرتي
.. لتخافين هاي على كولت بيبي خاجية تشاليع ماقبل الولادة
ريام.. والله خايفة اليوم ضرار كلي بالليل اخذج نجهز لراضي
هيام.. خالة حليمة ماخلت شي ما اشترته
ريام.. اي هو راح بس اكمل النواقص المحتاجتهن
جنا نحجي ودخلو خالو راضي وضرغام وبيبي وحليمة
اباوع عليهم جنت منتظرة رفاه تدخل وراهم بس ماكو
ريام.. ها خالة بشري شنو وين رفاه
حليمة.. والله ما اعرف شنو اكول بس اخوي فاضل كال جيتكم على عيني وراسي واحنا اهل وما بينا شي وهي بتكم بس ضاري وطلعته وياي بذاك اليوم كسرني فوك كسرتي بيوم الصار جان يشوف كدامه شلون اخوه ضرغام كعد يطيب من خاطري ويحاول بقدر الامكان يهون علية المصيبة
بس ضاري ما رفله جفن ولا كال هذا خالي خطية شلون اكسره بطلاك بنته شمرها عندي ودار وجهه ومشى ..راضي خلي روحك بمكاني شنو راح تكون ردة فعلك
راضي.. ردة فعلي مثل ردة فعلك واكثر بس يا خوي هو بحسبة ابنك والله البارحة ما شفته شصار بي من سمعك تريد تزوجها حرك البيت وانا ضربته وطلع من البيت ولهذا يومك ما رجع للبيت زعلان وميت قهر
ويصيح رفاه مرتي الي ما تصير لغيري
فاضل.. خلاص انا ما اردكم واكولكم ماعندكم مرة يمي لان جيتكم وجية الحجية على عيني وراسي بس خلوني انطي كرصة اذن لابني ضاري مثلما كلت هو مثل ابني فانا اريد اربي ابني حتى يبطل يعيدها
ضرغام.. خالي احنا كلنا ولدك وانت بحسبة ابونا وشنو تفصل احنا نلبس وبراحتك تريد تعاقب ضاري عاقبه بس عندي طلب يمك
سالفة الطلاك انساها لان رفاه بتنا ومستحيل نفرط بيها واخوي انا اضمنه الك ما راح يخشن خاطرك وخاطر بنتك مرة ثانية
حليمة.. وهذا كل الصار اهم شي ضمنا ماكو طلاك وسالفة ضاري بقت معلكة يم اخوي فاضل وجدتج خاجية
.. بيبي خاجية شكو
.. هي كالت عوفو ضاري علةية
الحجية خاجية.. يمة ضرغام اتصلي على اخوك ضاري اريده يجي كله جدتي تريدك
اتصل ضرغام على اخوكلحجية خاجية.. يمة ضرغام اتصل على اخوك ضاري اريده يجي كله جدتي تريدك
اتصل ضرغام على ضاري ساعة واجة
ضاري للبيت دخل لغرفة بيبي خاجية جانت ريام
المحقق كونان راحت تمشي مثل البطريق هي وبطنها
حتى تروح تتسمع
ضحكت على شكلها
ريام
جنت شايلة هم رفاه شفتها اليوم بالكلية
موتتني قهر عليها كضتها كلة بجي وتكول اموت روحي ولا اعوف ضاري خطية وطارت من الفرح من كلتلها ضاري من سمع بحجي ابوج حرك البيت وظل يحجي ويصيح رفاه الي ما تصير لغيري
اباوع لعيونها ظلت تلمع من الفرحة وكل ساعة تكلي عيدي شنو كال ضاري
خطية ممصدكة لان جانت مأيسة من حب ضاري متدري هو ضاري مجنون بيها بس راسه اليابس وعقابها المفروض هو الي يحيل بينهم
دخل ضاري وراح على غرفة تاتشر المراءة الحديديه وتعالي يا ريام روحي اتسمعي خرب ترة والله المفروض يجرولي راتب على هذا التعب الي اشوفه ترة شغلة التسميع والفضول كلش متعبة
سمعت بيبي خاجية تحجي وية ضاري
.. شوف ضاري اليوم رحنا انا وابوك واخوك وامك على بيت خالك فاضل علمود نرجع مريتك بس خالك اتعذر من عدنا كال عذروني مالكم مرة يمي بنتي ما ترجع لضاري لان ما سوالي حساب بيوم تركها عندي وكال اطلك وتريد الصدك جدة خالك عندة حق بكل الي كاله وهسة هو مصر على طلاك بنته وانا دزيت حتى احجي وياك واكلك جدة مالنة خلك طلابة وبزعنا من المشاكل فاكسر السر وطلك
ما سمعت اي صوت هدوء شوية وسمعت ضاري حجة بصوت تعبان
.. هذا هو جدة يجرالج والتردينه يصير ان شاء الله من باجر راح اطلك رفاه وخطيتي وخطيتها بركبتكم والله عمري ما راح انسى موقفكم هذا لان ولا واحد بيكم صار وياي وكال هذا خطية يريد مرته كلكم صرتو ضدي
سمعت كلام ضاري وانصدمت كلبي اجة يوكف من القهر جنت حاطة ايدي على حلكي ودموعي نزلت غصب عني لا لا مستحيل ليش ضاري هشكل تتنازل بكل سهولة عن رفاه شلون يالله شسوي وشكول لرفاه الي منتظرتني احجي وياها واوصللها الاخبار والله يمكن تموت من القهر جنت امسح بدموعي وبعدني واكفة على حطتي اسمع ما حسيت الا على صوت هامس يم اذني
.. ها بشري شطلع عندج حمامة غراب
التفتت مفزوعة
.. الله يلعن بليسك ضرار وكعت كلبي يا اخي جم مرة اكلك اعلن عن وجودك من تقترب مني ترة ما يصير هشكل وكعت كلبي
ضرار.. يعني شلون تردين اعلن عن وجودي ادك بوق واصيح بنص البيت ضرار يتقدم ويمشي بأتجاه ريمته وها قد وصل لزوجته الحشرية
كوة لازمة نفسي لا اضحك وحطيت ايدي على حلگهحتى اسكته وسحبته للمطبخ
:خرب يومك نصي صوتك فضحتنا ماظل واحد بالبيت ما عرف انا اتسمع
:لج وتالي وياج راح تصيرين ام وبعدج تتسنطين ورة البيبان اريد اعرف راضي ابني من راح يجي عالدنيا شنو راح يطلع
صفنت افكر .. اي صدك والله ابني شنو راح يصير بالمستقبل ابوه ضابط استخبارات وامه بالفطرة استخباراتيه ...لو مدير استخبارات لو جاسوس
:هو شكله هيج راح يصير
هيام :ريمه يله صيحيهم خلي يتعشون
باوعت لهيام خطيه حضرت العشا وصبته
ريام:سودة علية تعبتج اليوم العشا علية والله شكلج راح تخربيني من الدلال
:هذا كله اطلعه من عيونج بس تجيبين يله روحي صيحيهمليبرد العشا
صحتلهم وكعدنا كلنا عالعشا جنت اكل واراقب ضاري خرب حيل هادئ ولا كال اي شي .. اباوع لخالي راضي مثلي هم يباوع عليه رفعت عيني جتي بعين ميس هم مثل حالي خرب الكل داخل بالانذار ويراقب ضاري
ضاري: الحمدلله عاشت ايدج ام علاوي
حليمة:ها يمة وين كمت بعدك ماكلت شي
:اكلت الحمدلله وعندي شغل لازم اخلصه يله انا اترخص طالع مع السلامه
حليمه:الله يبرالك
راضي:ها حجيه حجيتي وياه علمود رفاه
:اي يمة حجيت وياه وماحجة شي كال هذا هو من باجر راح اطلگها بس خطيتي وخطيتها بركبتكم
راضي.. معقولة ضاري هشكل بسرعة يتنازل
حليمة.. والله حقه خطية انشلع كلبه ما صار عليه
زواج خلصها كلة مشاكل وية مريته
ضرغام.. خليه ما عليك منه هسة تشوف راح يضعف
ويجي يتوسل ما يكدر يطلك لان اخوي وانا اعرفه زين
ما يتنازل عن حقه لو على كص ركبته
ريام
مثل كل يوم واكفة يوم البوابة انتظر واحد من الولد يجي علية ياخذني للبيت
وجانت رفاه كاعدة يمي تبجي وتتحسب على اختها
رفاه.. ريام كليلي شيوي شلون راح اموت من القهر
يعني خلاص ضاري اتنازل و راح يطلكني معقولة بهالسهولة يطلك زين على الاقل جان حاول وية جدته ليش هيج ريام عفية روحي كليله ترة خالك فاضل يريد يسويلك كرصة اذن وماكو شي اسمه طلاك
ريام.. حتى اني كلت اروح اكله هذا الحجي بس كلت اخذ رأيج اخاف توكع براسج
رفاه.. اي روحي كليله بهذا الحجي والله ابوي اذا شم ريحة ان ضاري اتنازل ووافق يطلك
كبل تقفل عنده ويعند راسه الا يطلكني
جنا نحجي وما حسينا الا وسيارة طبكت قريب علينا رفعت راسي وشفت ضاري نزل من السيارة ووجهه نار التفتت على رفاه وصرنا وحدة تباوع عالثانية مستغربات هذا شعنده هنا اجة وكف كدام رفاه وحجة
ضاري .. رفاه راح اسألج ولأخر مرة واريدج تجاوبيني انتي موافقة عالطلاك لو لا
انتبهت على رفاه رافعة راسها وتباوع لضاري بلهفة مفضوحة نزلت دموعها بحزن
.. لا ما موافقة عالطلاك
.. شوفي هاي كدام ريام انا راح احجي
واريدها تكون شاهدة علية وعليج
وانا راح اكولها كدامج بعدني على عهدي القديم عاشك مضيع حبيبه ولكاه شوفي
رفاه اهلي واهلج معندين الا نتطلك وانا هسة اجيتج حتى اخذج ونسافر
رفاه.. وين نسافر وابوي اخاف يذبحني
.. شنو قابل انا عشيقج ولج ثولة انتي مرتي وانا زوجج واحنا ما مسوين غلط غير نحطهم امام الامر الواقع
واذا توافقين هسة تجين تركبين وياي ونسافر بوجهنا للزيارة وهناك نزور ونتصالح وتعاهد يم الامام انا الج وانتي الي
رفاه بخوف .. ضاري اني هم اريدك بس شلون وابوي
ضاري.. ماعندنا غير حل وصدكي لو اعرف غير خل حان سويته وجنبتج الخوف والاحراج
بس هذا كل الي اكدر اسويه
ريام انتبهت الرفاه واكعة بين خيارين اهلها لو زوجها
ريام.. لج عوبة كومي قبل لا يجي السايق روحي وية رجلج ومثلما كلتي قبل شوية ابوج يبقى خاله بحسبة ابنه والظفر ما يطلع من لحمه وانتي بنته صدكي حتى لو يزعل منكم فترة ويرجع
انتبهت لضاري ابتسم بتشجيع ومد ايده لرفاه مدت ايدها وهي تباوعله بامل لزمها وكامت وياه ومشت وراه للسيارة التفتت علية وعيونها تدمع بفرحة واني العوبة هم ابجي وياها ما اعرف ليش قلبي الصغير لا يتحمل هيج مواقف خرب اني صايرة ام دمعة كل المواقف صايرة تبجيني فرح حزن ابجي
اجة ضرار هو وضرغام للكلية وسألوني
ضرغام.. ريام رفاه بنت خالي هنا لو طلعت
ريام.. ليش تسأل عنها
ضرار .. مو هذا المخبل ضاري اتصل على ضرغام وكال راح اخذ رفاه واسافر بيها للزيارة وهسة نريد نلحك عليه قبل لا يصخمنا ما اريد السالفة تنحل هشكل لان خالي فاضل يحرك الدنيا اذا عرف هو ماخذها من الكلية ورايح
ريام.. ضرار ترة ضاري سبقكم واجة قبل ربع ساعة وحجة وية رفاه وهي وافقت واخذها وراح
انتبهت لضرغام ظل يسب ويلعن
ضرغام .. استغفر الله الى متى ابقى اركض ورة هذا الولد واعالج اخطاءه من وراه
رجعنا للبيت وشفت البيت مخبوص خبص واتلكتنا خالة
حليمة.. ها يمة ضرغام بشر لحكت على اخوك المسودن
ضرغام.. يمة انتي كلتيها مسودن والمجنون ما عليه حرج
باوع لخالو راضي
.. بوية اريدك انت وامي هسة تحضرون جنطكم وترحون تسافرون وراهم لكربلاء
راضي .. اسافر بس قبل لا اسافر احجي وية فاضل
ضرغام .. شنو راح تكله
راضي .. ما عليك انا احجي وياه وافهمه
اتصل خالو على فاضل وحجة وياه كله فاضل طلبتك وكول تم
فاضل .. ان شاء الله اذا اكدر عليه تم
راضي .. انا اخذت اختك وبنتك وضاري ابني وسافرت
وهسك انا متوجه بيهم للامام حتى اصالحهم هناك وانا مريت عليها لكليتها واخذتها مناك حتى
احطك امام الامر الواقع وما تكعد تماطل وهمة شباب وخطية كلت افرحهم
فاضل.. والله ياخوي ما اعرف شنو اكلك احرجتني بطلبك هذا يعني هسة انت شنوجاي تاخذ رأيي لو جاي تنطيني خبر
راضي .. لا انا جاي انطيك خبر لان احنا هسة متوجهين لكربلاء وخاف يضل بالك على رفاه ترة انا
رحت عليها للكلية انا وخالتها واخذتها مناك
.. يالله ما دامك مخطط وناوي ومسوي كلشي
ما راح اكدر امنعك
الله يصلح بينهم هو انا شنو اريد غير بس الستر لبتي
وهمة اول وتالي راجعين لبعضهم بس ردت اسويله كرصت اذن لهذا ابنك ابو راس اليابس
بس انت سبقتني وخصمتها شكلك ما انطاك
كلبك وما هان عليك تشوف ابنك يتلوع كبال عينك
يالله عالعموم رفاه مثل بتك وانت الك حق بيها بس ما اوصيك عليها هالله هالله بيها
انهى الاتصال والتفت على خالة حليمة
بسرعة حضري الجنط خلي نسافر
ميس.. بنات لحكولي كلبي راح يوكف
هيام .. يالله كومي ضرغام يكول حضرو ميس حتى
تدخل يم غسان بالاستقال
ميس
حسيت رجلية ما كامت تعيني من الخوف والخجل اليوم غسان عقد علية وسوينا حفلة المهر بالبيت
وهسة هو منتظرني بالاستقبال لان هو ما قبل يدخل بالحفلة
هديل كالت .. غسان ما يقبل يدخل يكول عيب كلها نسوان ما اكدر اخذ راحتي بتلبيس الذهب
خليها بعدين انا البسها الذهب بالاستقبال لوحدنا حتى اخذ راحتي اي طبعاً حتى يخلاله الجو
باوعت للبنات جانو واكفات كدامي عبالك عندهم اصطفاف هيام وريام ورفاه وهديل
همست بصوت يرجف .. زين انطوني شال او اي شي استر روحي
هديل.. كومي حبيبتي لا تستحين وتظلين تماطلين
ترة هو صار زوجج
ميس.. افتهم والله اعرف صار زوجي بس البدلة
هواي مفرعة والله ما اطلع كدام اخواني هشكل مفرعة والدلعة نازلة والصدر كله مبين
ولا ونوب تردني اوكع بلسان ضاري والله يسويني مزق ويظل ينصب عليه
كمت من مكاني واخذت عباية الراس وحطيتها
ولبستها
وطلعت وهنة يمشن وراي يحجن علية وريام هي وبطنها طلعت وصار ضرغام بوجهي
.. يالله يابوية استعجلي هذا رجلج اكل راسي كل ساعة يسأل وين مريتي عبالك راح تطيرين
دنكت ومحجيت اي شي مستحية يالله احس معدتي انعقدت
دخلت ورة اخوي ضرغام واتذكرت اول موقف لقاء بيني وبين غسان جان ضرغام حاضني بوقتها حتى
يحمي ستري من عين غسان لان جنت بوكتها ما لا بسة
حجاب على راسي
وهسة الموقف نفسه انعاد بس انكلبت الادوار صار
ضرغام بنفسه يقدمني لغسان حتى يشوف حلاله
كام غسان من مكانه واتقدم علية ووكف كدامي
واني مدنكة ما رفعت راسي من الخجل من غسان ومن اخوي ضرغام بنفس الوكت
مد ايده ورفع راسي وصارت عيني بعينه
ودنك باس راسي كدام اخوي
يبووووووو هذا ما يستحي وكيح
رمشت بعيوني ما مصدكة جرأته
التفت على ضرغام وحجة
.. يالله ابو الشباب راوينة عرض اكتافك شعندك واكف فوك راسي جنك شمعة فكر خلي اتمعن بحلالي
يبوووووووووو لا اسحب كلمة وكيح واخلي بمكانها كلمة صلف
ضرغام.. الله يلعن بليسك على كيفك وية البنية لا تفطس
بيدك ترة مو تشوفها السان الله وكيلك بوخة كل خير ما بيها
جان ضرغام يحجي ودخل علينا ضاري وضرار
انتبهت لغسان غمض عيونه بصبر وحجة
.. هاك يالله استلم جنا بواحد صرنا بثنين ادري ابتليت خو ما ابتليت بيوم اخذت اختكم
انتو شنو سالفتكم اكو واحد ادزكم علية
ضرار .. تتذكر من كطعت علية ليلة عرسي واتصلت علية انت والشباب ونزلتوني وكعدتو تنصبون علية وما خليتوني اصعد لمريتي الا بالكوة
غسان .. جنت غبي واكبر غبي وما ادري الله شضاملي
وسويت هيج بيك ولو ادري جان لزمتلك الباب وفرشتلك الدرب ريحان حتى تروح لمريتك
يالله حباب اخذ اخوانك واطلع لا والله تصير مو خوش
همة يحجون واني احس بروحي راح يغمى علية من الاحراج
ضرغام .. يالله شباب اتحركو خطية رحموا بحاله راح يبجي
طلع ضرار وضرغام واجة. غسان كعد يمي
وانتبهت على ضاري بعده
واكف باوعله غسان
غسان .. خير شعندك واكف متروح ورة اخوانك لو ناسي شي هنا بوجهي
ضاري.. لا بس حبيت اساعدك بتلبيس الذهب اخاف ماتكدر لان انا اتذكر من لبست الترجية لمرتي
بيوم المهر شكيت اذنها واخاف علي اختي
انتبهت لغسان كام على حيله والنية واضحة
انتبهت لضاري ططكها ضحكة وطلع لان يعرف بغسان ابو طباكات
بس اشو هذا ميستحي من اخواني
يمة التفت علية وباوعلي واجة كعد يمي
كمت من. يمه مثل المكروصة
ورحت يم الباب
سمعت صوته الخشن زمخ بية
.. شوفي ولج اخطي خطوة وحدة بباب الاستق
البارت 12
Start from the beginning
