النحاس الاصفر

البارت الثاني

مرحبا غوالي...
اني اسفه جدا بسبب الانقطاع اتمنى تتفهموني لان جانت عندي ضروف وهسه الحمدلله كله تمام..

فضلا وليس امرا تصويت وتعليق لان حرام تقرون من غير ما اتصوتين عالاقل قدرو تعبي وانطوني حقي خلي تصعد القصه رجاءا طلب منكم هذا اتصوتون للقصه.......متابعه شيقه

........................................................

رجعت للبيت سمعت صوت هوسه استغربت شكو شعدهم
دخلت للمطبخ شفت امي مخبوصه بالاكل ...سألتها

يوم شكو منو عدنه...

بيت عمج صالح ماما يله روحي بدلي وانزلي
ساعديني...

اهووو شعدهم جايين.....خزرتني ماما وكالت

عيب ماما احترمي هذول عمامج مرة الثانية اذا حجيتي هيج الي تصرف غير وياج
يله روحي بدلي وتعاي ساعديني...

جنت واكفه يمها وهي اصب التمن بالصحون...دنكت راسي وكلت..
اسفه ماما بعد متنعاد....هسه ثواني واني يمج
اتقربت عليها وبستها من خدها ابتسمتلي وكالت

الله يرضه عليج ماما حبيتي ويوفقج ربي...

تسلمين امي حبيبي.... احب دعوة امي ارتاح من تدعيلي ربي لتحرمني منها ومن بابا واختي واخوية احفظهم الي يارب...

مريت من باب الاستقبال شفت علي كاعد كبال الباب كان لابس قاط اسود طالع عريس ما شافني هزيت ايدي وصعدت لغرفتي..

بدلت ملابسي ونزلت اساعد امي وهي راحت ترتب السفرة بالاستقبال اجه همام اخو علي الصغير نقل الاكل للاستقبال كملنه كلشي خليت القوري ع النار...

طبيت للاستقبال سلمت وردو السلام رحت كعدت بنهاية السفره اكلت قليل لان احب اكل وحدي مااستطعم الاكل اذا اكلت وي مجموعه مااحس
بلذة الاكل....

واني دااكل حسيت علي يراقبني رفعت راسي اجت عينه بعيني غمزلي وضحك اني خزرته ودنكت ع ماعوني مرفعت راسي بعد....

كاعده انقش بالاكل وافكر بالشخص الي ارتبط بي بالمستقبل اريد اجرب شعور الحب وياه لان اني ماحبيت بحياتي ولا كلمت ولد ولا اهتميت لامر شخص اني صح بدوامي وياه طلاب اهواي بس لحد الان منعجبت بشخص ولا حبيت شخص من اشوفهم عادي عندي ماحس بمشاعر او شي تجاهم..

منتظره الشخص الي من اشوفه انفاسي تتخربط وعقلي يوكف واحس بمشاعر جياشه اتجاهه
اريد الشخص الي يهتز كياني اله واني عندي
ايمان انو حيجي ويحبني ونعيش سوه كنت سارحه بافكاري فزيت ع اسمي انجاب بموضوع الي اهلي وعمي يحجون بي....

عمي صلاح.... شوف ابو احمد خويه أيار مثل بنيتي الله شاهد احبها واريدها مره لعلي لان مانلكه ورده مثلها..

بابا.. والله خويه والنعم منك ومن علي واتمنى أيار تكون زوجه علي لان هو ابن عمها و اولى بيها من الغريب...