علاقات محرمه (واقعيه )

الحلقة 12

رفيف: بكت بعبرتها و بصوت عالي 💔💔
ساجده: فتحت الباب عليها اسمله خيرك يابنتي
رفيف: تبكي و تعيط
ساجده:طبست حظنتها ، شن فيك يابنتي
رفيف: تبكي بس و حاظنه امها
محمد:يسمع في صوت عياطها جا شافها و لما راها هكي مكسوره ماقدرش ايدير اي شي غير يطلع و يشرب💔💔
رفيف: رفعتها امها لسريرها و رقدت جنبها و هي بعد بكاء رقدت 💔💔

"  كأني طفلة صغيره فقدت لعبتها و نامت من تعب البكاء " ✨💔

ناضت ساجده الصبح 🌞🌈
و ماحبتش توعى رفيف ، حطت الفطور و نظمت الحوش
ساجده: رفيف رفيف يابنتي نوضي
رفيف: خليني نرقد اشوي
ساجده: نوضي افطري و عاودي ارقدي
محمد: ناض يسمع في صوتهم ،
رفيف: هي اني جاية
ساجده: نراجي فيك برا ، طلعت لقت محمد
محمد: صباح الخير
ساجده: صباح النور . عدي غسل و تعال افطر
محمد: حاظر اصلا نبي نحكي معاكم
ساجده: نشاءالله خير

عند هاجر  .
وضعها كان زي ماهو مافيش اي تحسن ولا استجابه للعلاج
و خوها الهادي حلف و قسم انه حيقتلهم الزوز و خشو فيها حتي قبائل بس مفتاح مارضيش يتزوج هاجر لانه رخيصة و باعت نفسها 💔💔

عند قاسم
زهره: كانت راقده في سابع نومه
قاسم: زهره يعني حنمشي للعمل بدون فطور اليوم ؟
زهره: تي خوذ قهوتك و فطورك من المطعم
قاسم: لا حول الله قالك ازوج ترتاح ، و طلع عنها
و هو خاطم بالسيارة قدام حوش اهل رفيف حس بنغصه في قلبه💔

عند رفيف
محمد و رفيف و ساجده ع السفره
ساجده: شن كنت بتقول يامحمد
محمد:حصلت خدمه
ساجده: روووووري حمدلله
محمد:صبح يام فضحتينا 😒
ساجده&رفيف:😹😹😹
رفيف : ونا حصلت شقة في حي ال*** و دفعت الاجار لمدت شهر
محمد: كيف كيف
رفيف: معدش حامله المنطقة هذي  خلينا  ننتقلو
محمد: بس ، نغصاته ساجده
رفيف: شنو
ساجده: براحتك يابنتي بس الثانوية؟؟
رفيف؛ اصلا السنه ضاعت عليا وماضني ننجح ، حنحول لثانوية ثانيه السنه الجايه
و السنه هذي نسجل في حافله
محمد:ونا قاعد ليش تسجل
رفيف: ايحح ع اساس حق بتنوضلي
محمد:توا تشوفي يا حيوان ،و اني طالع
رفيف: لوين ؟
محمد: تي مش قتلك حصلت خدمه
ساجده: باهي ربي يوفقك
محمد: امين و طلع ..
رفيف: يام اتصل بعمي نوري يلي عنده الكنتر
ساجده: وليش
رفيف: خلي نفضو الحوش
ساجده: اااه به
" ساجده كانن في هلبا ذكريات في الحوش هذا بس  وقفت مع بنتها ومارضتش تكسر كلامها 💕"

رفيف: خذت الرقم من امها و اتصلت بنوري يلي يكون من معارفها و حينقل اثاث و اغراض الحوش للشقة الجديده

محمد: كان مقعمز يدخن
قاسم: كان راسه يلف  ويبي ياخذ مكياطة تكي ع مقهي
محمد: يشوف لقاسم وشيرله من بعيد
قاسم: جا سلم عليه
محمد :شجو يابرو شن داير
قاسم: حمدلله ، انت شن جاي ادير هنا
محمد: والله حمدلله حصلنا خدمه في المقهى هذا
قاسم: خبطة ع كتفه ربي يعاون نشاءالله
محمد: سلمك ، قعمز و توا نجيب القهوه
قاسم: مكياطة قصيرة بالله
محمد: من عيوني
قاسم : يفكر في رفيف و شن صاير فيها ، و في زهره و اهمالها و النقان متاعها
محمد: هي تفضل
قاسم: بارك فيك
محمد: باه قولي امتي بنشوفو صغارك
قاسم: خههه شن خطر عليك
محمد: الدبلة يلي في يدك ، كم لك سنه متجوز
قاسم: 3 سنوات
محمد: الله الله و ماعندكش صغار غرررريبه
قاسم: هذا النصيب والله
محمد: ربي يرزقك نشاءالله
قاسم: امين ، وانت امتي بنشوفو العروس
محمد: والله في وحده في بالي ، بس خلينا نستقرو في الحوش الجديد و نسيب الخمر يلي نسرب فيه و نتوكل  ع الله
قاسم: بلع ريقه ، حووش جديد؟؟
محمد: ايه حننتقلو ل حي ال*** خذينا شقه غادي
قاسم: امتي الكلام هذا
محمد: اليوم طازه ،
قاسم: باهي فيها خيره نشاءالله
محمد: نشاءالله
قاسم: هي نستاذنك و منور ع القهيوه
محمد: العفو يابرو