ولاد العم (بقلم مريم يوسف )

الجزء السادس

#ولاد_العم
#بقلم_مريم_اليوسف

#الجزء_السادس

طالع غسان من باب الكلية وراحت لعندو نغم وريم
ريم: غسان .. غسان
وقف كان عم يفتح باب السيارة
غسان : نعم
ريم : غسان انا اسفة
غسان : ايي
ريم : شو اي
غسان : وشو كمان
ريم : بس
غسان : اي ماشي يلا بالاذن
ريم بابتسامة برئية : مابدك توصلني معك
غسان : لا  من وقت ماجيتي ع الجامعة وانتي بتجي لحالك
ريم : طيب انا اسفة ع الاذعاج بالاذن
مشت ريم ولحقتا نغم
ريم قالت بقلبا اريح اجت منك ولامني
غسان : لحظة
وقفو مكانون
غسان : نغم تعالي لوصلك
نغم اتطلعت عليه وعلى ريم
ريم هزتلا براسا ومشت
ريم حاسة حالا كتير تعبانة والنار يلي بقلبا ماعم تنخمد حتى الاهانة يلي سببلا اياها غسان حساتا عادي كأنو بدا تهرب من كل العالم وبدا تلاقي مبرر لحتى تبعد عنون
وقفت تاكسي وراحت على بيتا
.........
نغم : ليش هيك حكيتا
غسان : انا حر
نغم : دخيلك انت وعقلك لما كانت تركض وراها كانت تصدك وهلق لما اجت لعندك انت صديتا
غسان : هاي جاي مجاملة
نغم : حتى ولو كان لازم تستغل هالشي لمصلحتك
غسان : تعبت وانا اركض وراها خليها تتربى شوي بعدين برجع بتقرب منا
نغم : طيب كان خلينا نوصلا
غسان : نغم خلصينا لسه نق نق
نغم : خلص خلص اسفة
سكتت شوي وحكت : غسان كيفو ماهر
ضحك ضحكة صغيرة وقال : منيح
نغم : غسان قلي في حدا بحياتو
غسان : عم يفكر يرتبط
نغم بخيبة امل : عنجد
غسان : اي جد
نغم : اي الله يهنيه
غسان :مابدك تعرفي مين هاي البنت
نغم :لا مابهمني الله يهنيه ومين ماكانت تكون.
غسان : ايه على راحتك
...................
المسا
راما : ياربي ليش لهلق ما اجت .. لك وينا
انهار : دقي لرفقاتا .. شوفي وينا مشان الله قلبي متل النار
راما : مابعرف رقم حدا ... ياربي وين راحت
انهار: دقي .. دقي لابن عمك غسان
راما : اي والله جبتيها لحظة
دقت لغسان
راما بصوت متوتر : الو .. مرحبا .. غسان
غسان : هلا راما ليش هيك صوتك مرت عمي صايرلا شي
راما : غسان ريم معك
غسان : رريم لا مامعي ليش عو ين طلعت
راما : لك لسه مارجعت ع البيت .. من الصبح من لما طلعت ماشفتا
غسان : شوووو ... لك طلعت قدامي بالتاكسي وعاساس راحت ع البيت
راما وهية عم تبكي : لا ماحدا اجا .. وكمان موبايلا مغلق
غسان : خلص خلص اهدي انا بتصرف
سكر غسان وكان كتير مقهور مسك راسو وقال انا السبب انا السبب انا خليتا تروح لحالا .. لك شوصار معا وين راحت ... طلع من الباب فورا
عدنان : غسان شبك .. غسان
مارد عليه وضل مكمل
ركب سيارتو ومشي
غسان : لك وين بدي رووح .. لحظة معقول يكون امين بعت حدا يخطفا .. شوووو اي اكيد معقول .. لا لا لك صرلا من الضهر مختفية بس مايكونو عملولا شي .. حيوان ياغسان حيوان ...لك شو اعمل ياربي شو اعمل ... اهدى غسان اهدى .. صار يضرب ايدو على راسو ويقول فكر فكر  .. اي اي ماهر
دق لماهر : الو ماهر ... ريم بنت عمي مامبينة ... اي من الضهر مختفية ... مابعرف عم قول يمكن هاد الواطي امين الو يد يمكن خاطفا .. اكيد .. مشان الله ياماهر لحقني من الضهر مفقودة
اي ماشي جاي جاي
.....................
بالمخفر
فات غسان وماهر عغرفة رئيس الفرع
الضابط : خير مين انتو وشوبدكم
غسان : انا بكون غسان ابن المدير العام عثمان ...
الضابط : اي اهلا وسهلا وشو المطلوب
غسان : في موقوف عندك بدنا نقابلو
ضابط : موقوف ؟؟
ماهر : اي موقوف اسمو امين انكمش بقضية مخدرات من نهارين
الضابط : طيب تفضلو لشوف اذا بعدو موجود عنا ولا حولوه عسجن تاني
قعدو وهنن متوترين ... الضابط حكي على التلفون ورجع حكي معون : اي شوبدكم من هاد الموقوف
غسان : بنت بنت عمي مفقودة وانا شاكك انو هاد الانسان خاطفا 
الضابط : ليش شو القصة
غسان : بترجاك يا حضرة الضابط خلينا نشوفو وبعدين بحكيلك كليش
الضابط يلا ثواني وبكون هون
بعد شوي فات امين وبأديه كلبشات وقام غسان بسرعة مسكو من تيابو وصار يعيط بوجهو
غسان : وينا ولااك .. وينها ...
امين : شووفي ومين هاي
غسان : ريم .. ريم اكيد انت بعتت حدا يخطفا مشان تنتقم
امين : انااا .. والله مابعرف
ضربو كف على وجهو : كذااااب .. هلق بدك تعترف وينا
قام الضابط وماهر بعدوه عنو
امين : عم قلك مادخلني انت مابتفهم
الضابط : اسماع ولاه وينا البنت
امين : لك ياجماعة صدقوني انا انا ماعملت شي اول شي فتت لهون بتهمة مادخلني فيها وهلق عم تتهومني بخطف بنت
غسان : فتت لهون لانك بتستاهل الحبس .. اما ريم لاتحلم تطولا ياكلب
امين : والله مابعرف عنا شي انا اصلا فتت لهون بعقوبة من رب العالمين وعم توب
غسان : حاااج تكذب .. لك ويناااا
الضابط : غسان اهدى شكلو عنجد مابيعرف عنا شي
رن تلفون غسان .. مسكو وكانت راما
غسان : الو راما ماعرفتي شي .
راما : غسان لقيناها
غسان : وينا ..
راما : بالمشفى اغمى عليها ع الطريق والظاهر انو تلفونا انسرق وهلق حتى فاقت دقتلنا ونحنا رايحين لعندا
غسان : اي منيح كتير ... بأي مشفى قوليلي ......
غسان : اسف بعتذر حضرة الضابط عطلتك
الضابط : لا ولايهمك والحمد لله على سلامتا
غسان : الله يسلمك ... يلا ماهر
امين : ماهر غسان لحظة ..
ماهر : خير
امين : انا بعتزر
ماهر : ههههه امشي غسان امشي.... بتذكر لما طلبت مني السماح من سنين هههه
..................
بالمشفى فاتت
انهار وراما لعند ريم
انهار : ياعمري يانور عيوني شو صاير معك ليش هيك عم يصير معك
ريم بابتسامة صفرا : مابعرف مابعرف .. الظاهر قرب اجلي
انهار : لاتحكي هيك فهمتي
فات الدكتور
انهار : خير دكتور
الدكتور : مابخبي عنك بس الظاهر انو بنتك متعرضة لصدمة نفسية كبيرة مشان هيك عم يصير معا
انهار : شوووو ... اتطلعت على بنتا نظرات استفهام وريم نزلت نظرا
انهار : وشو الحل
الدكتور : ولا شي بس لازم تتخطى هالمرحلة .. واذا ضلت هيك الافضل يشوفا دكتور نفسي
راما راحت قعدت حدا وحطت ايدا على كتفا
راما : اختي ليش هيك عم تعملي بحالك
ريم ضمت اختا وصارت تبكي
الدكتور : صحتا منيحة واذا اخدتوها ع البيت افضل لنفسيتا
انهار : شكرا دكتور
فات غسان وماهر .. قرب غسان من ريم ومبين عليه اللهفة
غسان : شو صار معك وين كنتي
ريم ماردت عليه
عرف انو غلطان وانو الحق عليه ...
راما : صح اختي شو صار معك
ريم : حبيت اتمشى وانا ع الرصيف معد حسيت بشي الا وانا هون ولما فقت سالوني اذا كان معي تلفون شكلو حدا استغل وقعتي وسرق التلفون
راما : الله لايوفقو
ريم : خلونا نروح من هون
راما : يلا تعالي لساعدك
غسان : انا رح انطركم بالسيارة
ريم : لاتعذب حالك بنروح بتاكسي
غسان : شو تروحو بتاكسي وانا سيارتي موجودة
ريم : انا حابة روح بتاكسي والدكتور قال لاحدا يزعجني فالو سمحت تركني على راحتي
غسان : اوك ... على راحتك امشي ماهر
ماهر : بالاذن
...............
ركبو السيارة غسان وماهر ومشو
ماهر : ههههههه
غسان : ليش عم تضحك
ماهر : لانك غبي انا شو قلتلك هداك اليوم
غسان : انا ماني واطي لحتى هددا بورقة الزواج مشان تضل معي
ماهر : لكن عنادك احسن وتكبير راسك
غسان : قلت بركي بتحس فيني واني زعلان عنجد منها
ماهر : هههههه عاجبك الوضع هيك انا بضملنك انو محدا تحكيك نهائيا
غسان : انا طول عمري غبي .. قلي شو اعمل
ماهر : الورقة معك هددا فيها اذا ماحكت معك
غسان : بهل الحالة بتصير يتكرهني
ماهر : لما بتعرف شقد بتحبا بتصير بتحبك .. اعمل يلي قلتلك عليه ومارح تندم
غسان :مابعرف ... مابعرف
...................
بعد يومين من غياب ريم ع الجامعة
فاقت وغسلت وجها ورسمت ابتسامة على وجها وكانو ماخدة قرارات جديدة كرمال حياتا
راما : صباحو ريمو
ريم : هلا راما
راما : شو شبو الحلو
ريم : متفائلة ..
راما : مافهمت شو يعني ناوي تعملي
ريم : بدي دور على حب جديد
راما : مافهمت
ريم : ماضروري اذا هداك طلع واطي يكونو كل الشباب واطين
راما : طيب شو رايك بغسان
ريم : لا لا دخليك هاد الانسان الوحيد يلي مستحيل اتخيل حياتي معو
راما : اي بس انتبهي منيح اختي
ريم : مافي حمار بيوقع بالجورة مرتين .. هالمرة  الشب يلي بدي حبو بدي اعرف كلشي عنو واتاكد انو ابن عالم وناس
راما : اختي شو رأيك بلالك هالحب
ريم : اختي مابقدر تعودت ع الحب
راما : اااااخ مجنونة
ريم : انا بدي حب حتى لو من طرف واحد المهم بدي حب ... المهم انتي ايمت موعد خطبتك
راما : الخميس فضيلك حالك اوك
ريم : اوك
..................
بالكلية الاداب
ريم قاعدة مع نغم وسعاد
نغم : شو كيف صراتي ريم
ريم : باحسن حالاتي
نغم : اي منيح كتير
ريم : المهم هلق انا بدي بلش دور على حب جديد لحتى اتخلص من هداك الواطي
نغم : وغسان
سعاد غصت لما سمعت اسم غسان
ريم : غسان ابن عمي مو اكتر
سعاد : شوووو غسان بكون ابن عمك
ريم : اي ليش ماحكتلك نغم
سعاد : لا
ريم : نغم احكيلا لاختك انا سلام
نغم : ع وين
ريم : هههههخ دور على فارس احلامي
نغم : ياربي هاي اكيد صاير شي لعقلا
مشت ريم وصارت تتطلع على شباب الجامعة واحد واحد وهية مبتسمة والكل يبادرا نفس الابتسامة
سعاد : اختي انا رايحة بدك شي
نغم ؛ ع وين
سعاد : مشوار مهم يلا سلام
نغم : ياربي الكل اليوم جانن
راحت سعاد وضلت نغم قاعدة لحالا ... اجا لعندا غسان
غسان : صباحو
نغم : هلا صباحو
غسان : شبك ماعبعضك
نغم : ريم اجت ع الجامعة اليوم
غسان : عنجد .. وينا
نغم : راحت مابعرف ع وين
غسان : بأي اتجاه راحت انا رايح شوفا
نغم : اطمن هية كتير منيحة
غسان : كيف يعني
نغم : كانت مبسوطة ما على عادتا
غسان : حكتلك شي
نغم : لا ابدا
.......................
سعاد راحت هلى شركة وفاتت على مكتب للموظفين
سعاد : مرحبا
..: هلا والله ببنت خالتي كيفك
سعاد : كيفك حسن
حسن : بخير .. شو هالمفاجئة الحلوة
سعاد : حلوة ماهيك
حسن : بتجنن
سعاد : المهم انا جاي وقلك انو لقيتلك عروس
حسن : عروس ؟؟
سعاد : اي عروس ما انت كنت عم تدور على عروس وانا لقيتلك ... ااه بس ماتكون لقيت
حسن : لا مالقيت بس تفاجئت شوي ههه .. اي مين بتكون العروس انتي 😂😂
سعاد : هههه تضرب اكيد مو انا بنت بتجنن بتقول للقمر قوم لاقعد مكانك متعلمة ومثقفة
حسن : وشو كمان
سعاد : بتشوفو بعض وبتتعرفو على بعض..... بس ليك هية ابدا مابتعرف انو انا بدي دبرلا عريس
حسن : اولا بركي ماعجبتا وثانيا ليش لحتى بدك تدبريلا عريس حضرتك
سعاد : اولا اكيد رح تعجبا لانك حلو وكيوت وجنتل ماان وثانيا هية وحيدة وحسيتا حابة يكون عندا شريك
حسن : طيب كيف بدي شوفا
سعاد : انت روح لعند نغم اليوم وبتشوفا هية بتكون رفيقتا لنغم
حسن : شو حلو يعني انتي ونغم طابخين القصة
سعاد : لا نغم مادخلا انا لحالي حبيت اجمعكن لانو لقيتكن لابقين لبعض
حسن : اوك اليوم بروح لعند نغم وبشوفا وان شاء الله يصير نصيب
سعاد : ان شاء الله رح يصير ... يلا بالاذن
حسن : اقعدي لسه ماشربناكي شي
سعاد : غير مرة .. يلا سلام
....................
بالمدرج قاعدة نغم حد ريم
نغم : ريم شو عم تكتبي بالورقة
ريم : اسماء الشباب يلي عجبوني
نغم : من كل عقلك عم تحكي
ريم : اي والله والا مايطلع واحد فيهم خرج ينحب
نغم : منه العوض واليه العوض
ريم : هلق عطيني رأيك .. في عندي هون مروان وصالح وكريم ومنذر ... مروان الو عضلات بشلووو بس مغرور شوي بس ماباثر احلا .. وصالح وليي على قلبي عند دقن بتجنن وابتسملي كمان .. وكريم هيك بتحسيه مهيوب وشخصيتو فارضة حالا
نغم قاطعتا : عفكرة غسان احلا منون كلون
ريم : غسان نووو فهمي
خلصو وطلع يتمشو وريم عيونا من شب لشب اجا لعندن غسان
غسان : سلام صبايا
ريم ونغم : اهلين
غسان: شو كيف صرتي ريم
ريم : منيحة كتير
غسان انتبه انها مبسوطة : وبعدك زعلاني مني
ريم : عادي انسى
غسان : اي وشو رايكن نروح نقعد بشي مكان
ريم : انا سوري روحو انتو
غسان : ريم شبك
ريم : شبني ماشبني شي ريلاكس
غسان : طيب ممكن احكي معك على انفراد
ريم : ليش على انفراد احكي قدام نغم انا اصلا مابخبي عنها شي
غسان : طيب رح احكي .. انتي ايمت بدك تاخدي علاقتنا على محمل الجد
ريم : ههههههه علاقتنا .. ليش شوفي بينك وبينك اصلا ... اااه نسيت انت بتحبني ... بس انا بعدني عند قراري ومارح فكر حبك بعمري اوك غسانو يلا تشاااو
غسان انصدم : ريم بس انا بحبك
ريم : مابهمني
غسان : ريم والله بتشوفي وجهي التاني
ريم : هههه مابتعمل شي
غسان : لا تتحديني
ريم : ماني عم اتحداك بس انت بتهدد ع الفاضي
غسان : اوك ياريم انا بفرجيكي
ريم : ههههههه وانا ناطرة لشوف شوبدك تفرجيني
راح غسان وهية ضلت عم تضحك
نغم : بركي عمل معك شي
ريم : وليه مجنونة هاد ابن عمي يعني مارح يطلع بايدو يعمل شي فهمتي لانو انا من عضام الرقبة هههههه
نغم : الله يقرفلك رقبتك  هههههه
وهنن واقفين عم يضحكو اجا حسن
حسن : مرحبا
نغم : حسسن .. لك ياهلا
ريم تفاجئت فيه وبسرعة لفت انتباها
حسن : كيفك نغووم
نغم : مشتاقتلك كيفك انت وكيفا خالتي
حسن : بخير .. والله لقيت حالي قريب قلت لاجي سلم عليكي
ريم : احممم نغم مابدك تعرفينا
نغم : اااه صح .. حسن هي ريم رفيقتي .. ريم هيدا حسن ابن خالتي
مد ايد حسن : تشرفت بمعرفتك
ريم : وانا كمان ..
قربو وقعدو دردشو شوي وريم بقلبا : هادهو هاد هو .. ابن خالتالنغم ومبين عليه محترم ولييي هاد هو هاد هو
نغم : ريم .. ريم ..وين شاردة
ريم : اااااه اي معكن .. معكن
حسن : انا بالاذن
ريم : ع وين قاعدين .. لسه ماتعرفنا عليك منيح
حسن ابتسم وقال : امم طيب شو رأيكن نطلع اليوم ع العشا
ريم : ع العشا 🤔
نغم : لا مافينا غير مرة
ريم : لا فينا انا بطلع
حسن : نغم شو قلتي
نغم : طيب ماشي
حسن : لكن موعدنا المسا يلا سلام
راح حسن وريم مسكت نغم : نغم لك ليش ماقلتيلي انو عندك ابن خالة بيفلج .. قوليلي مرتبط
نغم : لا
ريم : يس يس
نغم : ريم انا ليش هيك عم تتصرفي
ريم : شبني ليش
نغم : ريم انت مجروحة ومابهي الطريقة بتداوا جروحك
ريم : بلا علاك الفاضي جهزي حالك المسا .. يسسس حسوون
تركتا ومشت
نغم : هي البنت جنت ع الاخر
................
المسا بقلب مطعم قاعدة ريم ونغم
ريم : شو رايك طالعة حلوة
نغم من غير نفس : اي حلوة
ريم : ليكي اجا
سلم عليهن وقعد
حسن : كيفك انسة ريم
ريم : كتير منيحة وانت
وبلش حسن وريم يحكو ويضحكو ونغم ماكان حدا معبرا وكانت كتير مقهورة من تصرف ريم
نغم : بقلبا بسيطة يا ريم انا هلق رح خلي غسان يجي يوقفك عند حدك
نغم : انا رايحة التواليت بالاذن
ريم : اذنك معك .. وتابعت مع حسن اي كفيلي شو صار بعدين ههههههه
..................
بالحمام نغم اتصلت بغسان
نغم : الو غسان كيفك
غسان : هلا نغم خير شوفي
نغم : غسان بدي قلك انو  ريم عم تدور على شخص تحبو
غسان : شوووو مافهمت شو يعني
نغم : ياربي .. ليك غسان نحنا هلق بالمطعم انا واياها عم نتعشى مع ابن خالتي وشكلو ريم عاجبا
غسان : لك شو عم تخبصي انت وشو اخدكن تتعشو مع ابن خالتك
نغم : لك ريم هية يلي اصرت .. مابعرف تعال شوف بنت عمك لانو حاسستا بلشت تجن
غسان : جاي جاي عطيني العنوان
................
غسان راكب السيارة وعم يحكي حالو : بسيطة يا ريم صار بدك ترباية وبدك مين يضبك وصل ع المطعم وفات لعندن كان صوت ريم عم يرج بكل المطعم وهية عم تضحك
غسان : الله يديم هالضحكة الحلوة
ريم : غسان
غسان : اي غسان يامحترمة
حسن : مين حضرتك
غسان : انا بكون ابن عما وخطيبا
حسن : شووو خطيبا 
ريم : خطيبي ... لا لاتصدق حسن هو ابن عمي وبس
غسان : وخطيبااااا ... يلا قدامي انسة ريم
ريم : مادخلك فيني
غسان : عم قلك قومي احسن ماطربق المطعم فوق راسك
ريم : ماا مالحقت تحكي كان ماسكا من ايدا واخد شنتايتا وسحبا قدام العالم وهية عم تصرخ تركني تركني
ركبا بالسيارة وقفل الباب وركب جنبا
غسان بصوت عالي : عم تدوري على عريس هاه ليكني موجود
ريم : نغم يلي خبرتك ماهيك
غسان : ماهاد موضوعنا ...
ريم : بس انا مابحبك مابحبك
غسان : مامهم .. المهم انو انا بحبك ومارح اسمحلك تروحي لحدا غيري
ريم : شو يعني بالغصب
غسان : اي بالغصب
ريم : انا رح قول لابوك انو مابدي اياك
غسان طلع الورقة ورماها على تابلو السيارة وقال : وانا بقول على هاي .. ورح قول انك تزوجتي باردتك واختك راما رح خليها توقف بصفي كيفني معك
ريم : عم تهدد
غسان : اي عم هددك .. ومن هون ورايح بدك تمشي من تحت امري عم تفهمي
ريم :  لا لا انا بفضل موت ولا عيش تحت سيطرتك اجت بدا تفتح باب السيارة لقتو مقفول
غسان : ههههه عامل حسابي
ريم : لا لا .. بكرهك .. بكرهك
وصلو ع باب بيتا
غسان نزل معها
ريم : ع وين نازل
غسان : مادخلك  يلا قدامي
طلعت ريم وهية عم تنفخ من غضبا
دقو الباب وفتحتلون انهار
انهار : غسان اهلا وسهلا كيفك حبيبي
غسان : بخير كيفك انت طنط
انهار : الحمد لله تقضل تفضل
فات غسان وقعد
ريم كملت على غرفتا وصار تبكي ليش ليش هيك حظي بكرهك ياغسان بكرهك.
......
غسان : مرت عمو انا جاي لحتى احكي معك بموضوع
انهار : شو هو شوفي
غسان : انا وريم بنحب بعض .. وعم نفكر نخطب مع عدنان وراما شو رأيك
انهار : انت وريم  ... بصراحة متفاجئة .. ريم يا ريم
طلعت ريم شوفي ماما
انهار : صحيح يلي عم يقولو غسان
بلعت ريقا وصار لون وجها اصفر : شو قال غسان
غسان اتطلع عليها بطرف عيونو وصار يضحك
انهار : انو انتي واياه بتحبو وبعض وبدكن تخطبو
ريم : انااا
وقف غسان وصار يقرب من ريم : اي حبيبتي نسيتي الحكي يلي قلتيه هلق بالسيارة معي انو انت بدك توقفي قدام العالم كلو وتقولي انك بتحبيني
ريم : اناااااااا
غسان : اي حبيبتي ... مرت عمو ريم بتحبني وبتمو فيني حتى هية يلي اجت اعترفتلي بمشاعرا
ريم : انااااااااا
غسان : هههه شبك حبيبتي علقتي اي انتي بس شكلك خجلانة
ريم : اناااااا
غسان وانهار : هعهههههههه
انهار : اذا على بركة الله
غسان : انا رح شوف ماما وبابا مشان تحكو بالتفاصيل
يلا سلام حماتي سلام حبي
واقفة مكانا وصافنة
...............
تاني يوم نازلة ريم من باب البناي شافت غسان ناطرا
ريم : لك تضرب على هالصباح مابكفي نزعتلي مساي وهلق جاي تنزعلي صباحي
غسان : صباحوياحلو شو عم تبربر
ريم : مادخلك وتركني وروح
غسان : هههه ماقلتلك لاترفعي صوتك بوجهي يابنت
ريم : غسان انت يلي عم تعملو عم تعملو عنجد ولا هاي مزحة
غسان : مزحة هههه بطلت المزح من زمان .. يلا تعالي اركبي لوصلك
ريم : مابدي
غسان : امممم بتحب احملك وحطك بالسيارة ولا شحط
ريم : غسان روح من هون احسن ما اصرخ صوت لم عليك الجيران
غسان : انا احب على قلبي شيلك
ريم: بترجاك لاتتعامل بمعي بهل الاسلوب
غسان : شو القطة مبارح كانت عم تهدد واليوم عم تترجى
مسكا من ايدا وسحبا وراه وركبا بالسيارة
...............
يوم الخطبة
راما وريم قاعدين جنب بعض على الكراسي عند الكوافير
راما : ماني مصدقة انو انا واياكي اليوم خطبتنا ماتوقعت تنخطبي معي ... بس مانك قليلة لا انتي ولا غسان من تحت لتحت
ريم بقلبا : لك تضربي منك لغسان ولعدنان .. انا بفرجيك ياغسان بس احصل ع الورقة رح خزقها وارمي المحبس بوجهك ما انا يلي بجي بالغصب
خلصو وطلعو كتير حلوين ريم اختارت فستان اسود لانو حست اياما سودة بس طلع عليها بجنن وراما فستان مشمشي وكمان طلع عليها يباخد العقل راحو ع الصالة وكان في عالم كتير وفي رفقاتون من الجامعة وكان سعاد وحسن ونغم .. ريم لما شافت حسن صارت تندب حظا وتقول بقلبا : الله ياخدلي حقي من ياغسان بس والله ماني مهنيتك
قربو منا وسلمو عليها
حسن : مبروك ريم
ريم : الله يبارك فيك عقبالك
حسن اتطلع على سعاد وقال : قريبا
ريم : اتطلعت عليهن وقالت شو يعني
حسن : انا وسعاد قررنا نخطب بصراحة انا من زمان بحبا لسعاد وهية مانا حاسة علي فعملت متل ماعمل غسان
سعاد : ياريت لو بعرف انو بحبني من زمان ..
ريم بقلبا : الله لا يهنيكن طار حسن .. اااخ ياربي .. تضربي ياسعاد بس بدا كلمة .. طيب انا اذا فسخت الخطبة وين بدي لاقي شب .. فكرة بدور وانا محطوبة لسه الايام جاي
نغم : وين شاردة وليه دبة
ريم : اي نغوم شو قلتي
نغم : عم قلك مبروك
ريم : الله يبارك فيكي وعقبالك
نغم : الله يسمع منك يارب  ... شو وينو العريس
ريم : لسه ما اجا .وبقلبا الله لايجيبو 
فات عدنان وغسان مع اهلو وكانو طالعين كتير حلوين وشخصياتون جذابة وهنن ماشين حد بعض بالتياب الرسمية
راما : ريم قوم وقفي لعريسك
ريم : هيك مرتاحة
وقفت راما وريم ضلت قاعدة مكانا غسان قرب منا وانحنا لعند ورفعلا ايدا وباسا
ريم : هه ورومنسي كمان
غسان : ههه عادي لا توقفي انا جيت لعندك
قرب وقعد حدا
صارو بنص الحفلة
طلعت غناي حلوة
قام عدنان وراما يرقصو
غسان : قومي لنرقص
ريم : مابدي
غسان : قومي عم قلك
ريم : مابدددي
غسان : ريم لاتنسي الورقة بعدا معي والله بفرجيها لامك وبقلا انك غلطتي كمان وانا عم صلح الغلط
ريم : وصلت مواصيلك لهون
غسان : اي واكتر
ريم : طيب ماشي تفضل لنرقص لشوف كيف بدو يمضى هالعمر معك وانت عم تهددني على طول
غسان : رح ضل هددك لحتى تصيري متل مابدي

يتبع ...