#تائهة_بين اروقة_الماضي
#بقلم_الكاتبة_nuha-d-h
مساء محملاً بالامل والسرور لكل من احب قصتي
فلكم مني جزيل الشكر
اترككم لقراءة البارت واتمنى لكم قراءة ممتعة
مع تحيات اختكم نهى
🍀🍀🍀🍀🍀🍀🍀🍀🍀🍀🍀🍀
الحياة مثل البحر متناوبة ما بين مدٍ وجزر
فيوم لك ويوماً عليك فتريث وانتبه لخطواتك فهناك
عثرات لابد من اجتيازها بالتأني والحلم
(((((((((((()))))))))
راضي يفتح باب البيت على وسعه وهو الفرحة ما سايعته
..يالله ضاري خلي الكصاب يحضر الذبيحة وصلو ضرغام واهله
جاي يحجي وجان توصل سيارة ضرار الي جايب بيها ضرغام وهيام وابنهم وامه من المطار
راضي بصوت عالي .. اللهم صل على محمد وال محمد ضاري محزم ومشله ردانه وعاكد الدشداشة وشكله مخربط والضحكة شاكة حلكة نزلو ضرار وضرغام الي شايل ابنه
ضرار.. انطيني علاوي عنك انت خطية مسوي عملية
ضرغام.. لا يابو الشباب عوفة عندي ترة العملية طابت صارلها قرن ادري بيك تريد تكشخ بعلاوي
ضرار.. لا والله مو بس اكشخ بي واجمع الفلوس الي راح يغركونة بيها اهل السوك الله العالم ابنك شكد راح يحصل تلكاه منا للعصر يصير مليونير
ضرغام.. اخوي واعرفك زين مصلحجي
راح راضي وفتح الباب الثاني مالت السيارة ونزلت حليمة واتحمدلها السلامة وهمس
.. تدرين لايكة عليج تصيرين جدة ونزلت وراها هيام وباس راسها
.. الحمدلله على سلامتج خالو هيومة
ضرغام.. يابة منا الزلم لا تصيحلها بأسمها
كللها ام علي احسن جان يحجي وهو عاقد حواجبه
هيام:وصلنا للبيت بعد تعب وعناء بس اول مرة بحياتي من اوصل لهذا البيت احس بشعور الراحة واحسه بيتي ما اعرف ليش
ضرغام.. يالله يمة فوتو جوة ترة الزلم تارسة الباب همست بتعب.. ضرغام
ضرغام اااخ الله هم رجعت تهمس بأسمي ولا وعيونها ذبلانة من التعب اشوفها زادتها جمال فوك جمالها ادري هي مجرد همست بأسمي انا شبية اشتعلت عشيرتي من وراها
جا وين الوعد وين القسم والعهد الي اخذته على نفسي اندمها وابجيها واعاقبها عالسوته بيا هذا كلة وين راح بس شكلي مو اخذو جزء من الكبد مالتي لعلاوي ابني لا بدلو عقلي انا هذا الي جنت خايف منة ضعفي باتجاه هيام سافرنا للهند والله حابني امي ويانا جان انحجت حجايتي وية هيام
يعني انا وياها نصير بغرفة بحالنا وتعال ياهو بينا يصير زاهد بذيج اللحظة بس الحمدلله امي حضرتنا وصارت الحماية لهيام
صحيح مرات تصرفاتي وعيوني وكلبي يفضحوني جنت اذا اشوف قلقها وخوفها على علاوي اتمنى امسح من وجها نظرة الخوف القلق واخذها لحضني واطمنها جنت اريد اواسيها وتواسيني على مصاب ابنا بذيج الفترة بس شلون وكرامتي وكبريائي يعني اذا اتنازلت اخسر احترامي لنفسي
لذلك هناك بالهند قنعت نفسي انا جاي اتصرف وياها بحنية لان كلنا واكعين بنفس الشدة ونحتاج من يواسينا يعني رأفتاً بحالهاقطع افكاري همست صوتها الناصي
.. ضرغام عفية انطيني علاوي اخاف يتعب
باوعت عليها شلون قلقة على ابنها للحظة اتمنيت هذا حرصها يكون علية نفضت راسي وطردت الافكار التعبانة اي انا ما احتاجها
ضرغام.. هسة خلي يسلم على عمامي واولاد عمامي واجيبه الج بس انتي فوتي جوه رحمة على والديج ماجاي تشوفين الزلم شلون تباوع حجت بتعب كسرت خاطري
.. اوك بس مو تنسى ترة هو بسرعة يتعب
اتمنيت احضنها واطمنها ان ابنا اجتاز مرحلة الخطر حجيت بفخر .. لتخافين ترة ابني سبع ما ينخاف عليه بس انتي شيلي من بالج الهوس
هيام دخلت وتركتهم برة وشفت البيت مخبوص هلاهل وجكليت وفرحة تعم الاجواء بسلامة علي
اجتي وميس ومها ورفاه خطيبة ضاري سلمو علية واخذوني بالاحضان رفاه ببتسامة حلوة
..الف الحمدلله على سلامتكم وكرت عينج بسلامة علاوي وابوه وان شاء الله اخر الشدات
هيام.. اشكرج حياتي تسلمين
اباوع على رفاه سبحان الله خلق ففرق
هاي اخت رنا ما اصدك هواي فرق بينها وبين اختها الخبيثة واجتي بيبي خاجية فرحانة
.. صلاوات على النبي يايمة الف الحمدلله على سلامتكم دخل ضاري وجان شايل بيده علي وركضت ميس اخذته من عنده وصار ينتقل بينهم وهو يباوع عليهم بأستغراب
اباوع عليه حبيبي شكد اتغير وصحته اتحسنت ولونه صفى وخدوده وردت ياربي ديم عليه الصحة والعافية جنا بعدنا واكفين بالمطبخ نتبادل السلام والي يتحمد السلامة والي يطش جكليت على راس علاوي والي يبوس بخدوده ويكول هذا ضرغام الصغير
ميس.. بعد ما اصيحله علاوي اسمي كلة باشا الصغير ..ابتسمت سمعت صوت ضرغام من وراي ما اعرف ليش كلبي يهتز من مكانه من اسمع صوته حتى لو جنت ستوني يمه
ضرغام.. هيام هاج لزمي هاي جنطة العلاج بيها ادويتي وادوية علاوي
اخذتها من عنده وصارت عيوني بعيونه
سحب نفس وهمس.. روحي ارتاحي انتي كلش تعبتي من السفر وعلاوي بحضنج
جان واضح عليه القلق والحنان الي بعيونه
فرحني اهتمامه بية
نسيت نفسي وحجيت بدون ما ادري
.. لو اكلك راحتي بحضنك شنو تگول
شفته شلون اتسعت عيونه متفاجيء بكلامي ولمعت بلهفة
ضرغام.. ما عاش الي يحرمج الراحة
وانا بالخدمة الحضن وصاحب الحضن
فوتي وانا جاي وراج جان يحجي ويضحك بفرحة عبالك ملك العالم وبلحضتها انتبهت على زلة الساني وحطيت ايدي على حلكي
عزة معقولة التعب راح يخليني اهلوس
جان يحجي بهمس ومامهتم للي حولنا وجنت احس بروحي اميرة وجان احلى احساس لكن سرعان ما انصدمت بارض الواقع
من اقتحمت خصوصية اللحضة الحلوة ست رنا و فتحت عيوني بصدمة من جرأتها اباوع عليها شلون شمرت نفسها على صدر ضرغام وحضنته وحاوطت ركبته بأيدهة وباسته من شفايفه كدام الكل حتى ضرغام
رنا.. الحمدلله على سلامتك حبيبي
اتفاجيء بتصرفها وخزرها بغضب.. الله يسلمج رنا
ونزل ايديها من على ركبته وابتعد عنها انتبهت على اثر حمرتها صارت على شفايفه
صارت النار تحرك بكلبي ورجع كلبي يغلق ابوابه بوجه ضرغام وتذكرت خيانته وافعاله
.. هيام شنو شبيج نسيتي ترة ضرغام بعده هو نفسه ضرغام الباعج والخاين عمره ما يعرف الوفى ورنا بعدها موجودة بحياتكم بس انتي الي نسيتي حالج من مجرد قربه منج خلاج تنسين حتى اسم امج اتمنيت اطلع كلبي وادوس عليه شكلي ابد ما اتوب من هذا الشخص وبسرعة انسى بس حركة رنا صحتني على واقعي دخلت لغرفة ميس جانت مرتبة ومعطره
ميس ..حياتي اخذي راحتج بغرفتي المتواضعة وامي كالت هذا الوضع مؤقتا كالت بس ترتاح من السفر تطلع تشتريلج احلى غرفة وتشتري غرفة لعلاوي
هيام.. خطية خالة حليمة هواي تعبت بالسفر
الله ينطيها الصحة والعافية
رغم تغير حليمة بس بعدة كلبي شايل من ناحيتها اي لان جانت هي وبنت اخوها سبب خراب بيتي وهي الي حرصت على رنا تدخل حياتنا بكل طريقة وصعبت علية عيشتي وية ضرغام ولوما هي جان اني مو هذا وضعي وادري كلش زين سبب تغيرها
علمود علي ابني واني امه بس صدك لحظة يعني هي زوجت رنا لضرغام شعجب رنا لحد الان ما صار عندها حمل من الاستاذ يعني حليمة مو صعبة عليها تترجة الاحفاد من رنا وضرغام وبوكتها حبها الهم يزيد اضعاف لان يكونون بوقتها اولاد الغاليين على كلبها
جنت افكر وابدل نزعت ملابسي وبقيت بملابسي الداخليه جنت فاتحة الجنطة اطلع من عندها دشداشة الي بس فجاءة انفتح الباب وانسد عبالي ميس جنت ناطية ظهري للباب اخذت الدشداشة من الجنطة وكمت
البسها جنت احجي والبس
.. ميوسة عفية جيبيلي علاوي خلي ابدله
حسيت هدوء التفتت واني جاي ادكم صدر الثوب وكفت جامدة بمكاني لكيت ضرغام واكف متصنم بمكانه وشايل بيده جنطة مثل البوكس اعرفها هاي جنطة الادوية نسيتها بالصالةانتبهت عليه مسح العرك من كصته واتقدم علية باوعت عليه ببرود
ضرغام.. هذا العلاج مو تنسين تشربين علاوي بالاوقات وانا هم احتاج تذكريني اخذ علاجي
جان يحجي بصوت ناصي
ما اعرف دكات گلبي شبيها من يبدي يهمس
عالرغم كلماته جانت بخصوص الادوية ليش عقلي يفسرها بغير شي جانت عيونه تباوع لمكان صدري نزلت عيوني وانتبهت مامدكة الدشداشة رفعت ايدي حتى ادكمها لزم ايدي
ضرغام.. لحظة لا تسدين الدكم خليني اشوف رحمة الله واتمعن بشوفة بشرتج
جان يحجي ويقترب مد ايديه ولمني لحضنه
وبلحضتها اتزلزل كياني ما جنت متخيلة نفسي ان مجرد ما ياخذني بحضنة هيج يصير بكلبي جنت اسمع كلمة اذوب بحضانك
بس ما جنت ادرك معناها لكن بهاي اللحظة عرفت معناها لان حسيت بجسمي صار نار ورجفت بيها مفاصلي حسيت برجلية ما تعيني استندت على صدره خفت لا اوكع
وبلحضتها عرفت اني شكد ضعيفة بين ايديه وما اعرف افكر بأي شي غير بس هو وبس نزل راسه وشمني من ركبتي وهمس.. لج ااااااااخ يابطة شسويتي بحالي وشعملتي بية
ما اتوقع يجي اليوم واشبع من حضنج
ضرغام..
شكد جنت اعاند الكلب واكابر بذيج الايام بالهند واكول هاي الي هجرتك وهاي الي طعنتك وغدرتك وضمت خبر حملها عنك وسرقت سنة من عمر ابني بدون علمي بس من اشوفها واقترب منها تتبخر كل وعودي وما يبقى بس شلون اقترب منها وشلون راح
اخذها لحضني دخلت لغرفة ميس وشفت الي جانت عيوني واحلامي تدور عليه وما كدرت ابقى لحظة ثابت بمكاني اخذتها لحضني وهنا خبلني رجفة جسمها واستجابه كلبها حسيت بلهفة لوصلها وهذا الشعور ما يمرني الا وانا بحضنها و بلحضتها ادركت انا انخلقت لهاي الانسانة وما راح الكة روحي بحضن غيرها حاولت احافظ على كل قطرة عقل عندي صرت اصيح على نفسي يابة ضرغام هاي هجرتك وين كرامتك و كبريائك
اصحى ماكو سديت الباب بوجه هذا الصوت المزعج وقربتها حيل لحضني احس اريد ادخلها بين ضلوعي ضرغام.. هيام اريدج
شهكت وفتحت عيونها مصدومة من طلبي
ما انطيتها مجال تستوعب طلبي كبل رحت هاجم على شفايفها الي ياما من تحجي وانا انسى نفسي من اباوع عليهن شلون يتحركن
جم مرة اتمنى كون هاي حركتها كون تتحرك على شفايفي وصدري صرت افترسها بهلفة حسيت عليها اتأذت بس مو بيدي مشتاقلها بكد رحمة الله اريدها واذا ما املكها اموت
جانت بيدي مثل الطفلة المطيعة صارت
ايدية الخشنة تتحرك عليها حسيت برجفتها
جوة ايدي استجابتها تزيد من لهفتي وحرارة
انفاسنا تفقدني عقلي همست بضعف: ضرغام
.. عيونه ..حسيت بيها مترددة جوة ايدي
.. لج بطة اعشك بيج كلشي ومشتاق لكل شبر بجسمج رفعت ثوبها سمعتها شهكت وصارت ترجف فجاءة انفتح الباب ودخلت رنا دفعتني بسرعة من صدري وابتعدت عني احس مثل العطشان وجان يشرب الماي وسحبوه منه كوة هذا شعوري من ابتعدت عني
هيام غبية .. غبية .. غبية شلون هشكل انسى نفسي وياه رفعت عيوني اباوع عليه شفته شلون متفاجيء مثلي بالموقف
رنا .. انت شتسوي هنا
ضرغام ببرود
..مثل ما حضرتج شفتي ما يحتاج افهمج يم زوجتي
رنا.. شنو ضرغام نسيت هاي شنو سوت بيك ترة نفسها الي هجرتك وحرمتك من ابنك
ضرغام بغضب .. رنا طلعي برة
هيام ببرود:. لا انتو اخذو راحتكم اني طالعة وعايفتلكم الغرفة
وكفت كبال رنا وحجيت بتحدي.. حياتي بالعافية عليج ضرغام اخذي الج ما اريده
اني طبعي ما احب ارجع اخذ شي تركته سابقاً
زمخ بصوت عالي بغضب.. هيام اذا طلعتي من الغرفة اكسر رجليج رفعت حاجبي وحجيت ببرود.. هم رجعنا للغة التهديد انت شنو ماعندك غير لغة بس تهدد خلي اكلك جان زمان اسوي الف حساب لغضبك وتهديدك لكن هسة مستحيل تأثر بية
تريد تضرب اضرب تريد تهدد هدد
اني ووجودي هنا بحياتك بس علمود علاوي ومالك اي دور بحياتي تركتهم وطلعت
عفته يشتعل نار جنت امشي للصالة ولزمني ضرغام من زندي .. شوفي هيام وحق الحق اذا انعادت هاي الحالة مرة ثانية ما تلومين الا نفسج سامعة ولج مو عبالج ميت عليج ولا عبالج كدرتي بهاي الكلمتين تهزيني
فاحسنلج انتبهي لنفسج ولاتكعدين تلعبين بعداد عمرج تركني وراح مثل العاصفة
بعدك ما شفت شي من ناري الا اخليك تنكوي
بيها مثلما حركتني بنارك
رنا.. لا تفرحين مو عبالج تسوين هاي الحركات راح يجي لعندج ترة ضرغام صار ملكي وبس اني بالكلب ابتسمت باستهزاء
.. لعد شعندة يركض وراي اذا انتي بالكلب
انصحج لزميه بأيديج وسنونج اذا كدرتي ولو همة الرياجيل مالهم امان
بس تسوين فضل اذا بعدتيه عني لان اني ما ريده عطفت عليج وتركته الج
قطع كلامي اتصال ريام رديت وتركت رنا تفور وراي
.. هلا ريمة حياتي الله يسلمج
ريام.. شلونة علاوي بالاجواء اليمكم ميس دزتلي تصوير علاوي شلون خايف من شاف الكصاب يذبح جان شايله استاذ ضرار
هيام.. اي اني تركته بيد الولد يا اختي تصدكين لحد هسة ابني ما جاي اكدر احصله خطية من ايد لايد
ريام.. حبيبي حقهم هذا ولي العهد ابن ضرغام شلونه الوضع يمج
هيام.. الوضع زين وعندي كومة حجي انتظرج من تجين احجي الج اي صدك اتذكرت كملتي تحضير جهازج وشغلاتج
ريام.. تردين الصدك بقيت نص ونص لان هواي اشياء احتاجيتج بيها وياي حتى تساعديني بالاختيار وتشيرين عليه وتنطيني رأيج جنت احجي وجة ضرار شايل علاوي
.. هيام وينج هذا ابنج اكبر لوتي بعد ما خلص جيوب العالم بجى منزعج يريد ينام هاج اخذي وفكيني منة قبل لا اكلة
هيام.. يالله ريمة خلي اروح جابولي علاوي تعبان ضرار بفضول.. ويامن تحجين
.. وية ريام
.. اها قصدج ام السان
ريام سمعت كلامه المتعمد .. ام السان بعينه
الطاووس المغرور
ضحكت على عصبية ريام
ادري بيها كلش زين اختي اذا شي صار غصب عنها تصير عنودية ومزاجية ونحسة
وخطية هسة جاي تعاني من حب ضرار
اي ريام حبت ضرار غصب عنها وهذا الشي مخليها عصبية تحس نفسها انسحب البساط من تحت رجليها تعاند تكابر
هيام.. يالله روحي خلي اخذ ابني وارضعه
ضرار .. تردين اقدملج خدمة واخلصج منها انطيني نقالج احجي وياها ادري بيها لزكة وكوة تنشلع انطيته النقال واني اضحك عليهم اخذت ابني ورجعت بي لغرفة ميس
ضرار.. الو هَـا لزكة
ريام.. لزكة على اختي انت شكو بالموضوع
ضرار.. لا بس هيج كسرت خاطري اختج تريد تصرفج بس انتي ماكو ماعندج احساس ولو منين اجيب احساس للما يحس
ريام.. دمك خفيف يالله باي اني رايحة
ضرار.. لحظة شنو باي اكو مرة تودع رجلها
هشكل
ريام.. عن يا مرة تحجي
ضرار.. احجي عن زوجتي
.. ستوك اتذكرت عندك زوجة ليش وين جنت طول هاي المدة عنها
ضرار.. هاي شنو جاي اشم ريحة غيرة ومطالبة بالاهتمام لان ما قلدتج وسألت عنج
ريام.. شنووو لا حبيبي اصحى على روحك اني ريام مو اي وحدة انت شنو اغار عليك
ضرار.. اوكفي لحظة ريام نقالي جاي يدك
خلي اشوف المتصل منو شوية وحجة
.. يالله ريمة انا لازم اروح اجتني مكالمة مهمة من حبيبة الكلب يالله هسة تكدرين ترحين ان حضر الماء بطل التيمم يالله باي
ريام .نار وشرار احس صرت اشم ريحة شياط من القهر .. لك انت اكبر نذل شفته بحياتي يارب تحتركون ثنينكم ببانزين ونار ومحد يلحك عليكم يارب سكتة قلبية ثنائية الكم اثنين بفد لحظة يارب صاعقة تطيح فوك روسكم انت وياها
ضرار .. هههههههههههههههههههههههههههههه
هذا كلة وانتي ما تغارين جا لو تغارين شتسوين بية وبالبنية يمة اكلتني بكشروي
الله يستر من السانج شنو مو السان رشاشة
ريام.. اووف خليني ساكتة ما اريد احجي
ضرار.. حيل هذا كلة وانتي ساكتة جا شلون اذا ردتي تحجين الله يستر منج بس تدرين شكد لايكة عليج الغيرة
ريام.. ضرار لاتصدك روحك ما اني اغار عليك بس من جبت طاري حبيبة الكلب اتذكرت حبيبي الي بعدتوني عنه بالغصب وانقهرت
يالله بَــاي اتمنالك مكالمة ممتعة مع الحبيبة
ضرار بغضب .. تعالي لج وين ترحين اليوم احرك عشيرتج منو هذا حبيبج
ريام.. اووف انت مو كلت عندك مكالمة مهمة يالله روح لاتكعد تدوخني مع السلامة وسلم عالحبيبة سديت النقال واني احس بالانتصار اي احسن بعدك ما شفت شي من ريام
هيام ..لبست شالي وخلصت تبديل ملابس علاوي واندك الباب.. منو اتفضل انفتح الباب ودخل ضرار والنار تجدح من عيونه
.. هاج هيام لزمي هذا نقالج حجيت وية اختج مديت ايدي واخذت النقال من عنده واني اباوع لوجهه الاحمر منالغضب الله اليعلم ست ريام شنو مسمعته وجاي شايط
.. هَـا خلصتو حجي شبسرعة
ضرار.. بس اريد اعرف اختج من يا طينة مخلوقة ليش مو مثلج حبابة والسانها ينكط عسل ليش كلة ينكط سم انتو مو من ام وحدة بس اريد اعرف انا ربي ليش ورطني وية اختج وبلاني بيها اتوقع امي داعية علية بساعة مغربية حتى اوكع بهيج قسمة
ابتسمت. شلون صاير نارادري بي كلش زين يحبها بس هي عنادها وياه مخبله
هيام.. ليش شنو سوتلك وهشكل جاي شايط
ضرار.. هيام سؤال شلون خطبها ابراهيم عن طريق منو اريدج تحجيلي شلون عرفها
هيام.. اني اكلك ابراهيم جان وية ريام بنفس الكلية وبنفس القسم بس مرحلة رابعة
ومن اول سنة ابراهيم انعجب بيها وحاول يقترب منها بكل طريقة وهي دائما جانت تصده وجانت من ترجع تحجي عليه هو صحيح وسيم بس مغرور شايف روحه وصاحب علاقات هوايةوهي مايعجبها هيج شخص لكن صد ريمة للولد زاده تمسك بيها
وفعلاً بعدما اييس منها وفقد الامل من التواصل وياها وما انطته وجه اجة و خطبها وهي لحد اخر لحظة جانت مترددة ورافضة تتزوجه لكن اني الحيت عليهاوخليتها توافق جنت مثل اي اخت تريد مصلحة اختها ويهمني اشوفها متزوجة ومرتاحة ببيت رجل اريد اضمن مستقبلها ضرار صافن بتفكر وايدة على لحيته
.. يعني ماكو بينهم قصة حب مثلما تحاول
اختج توهمني
عقدت حواجبي .. لا مستحيل ماكو اصلا هو خطبها قبل لا تعرفون بسالفة علاوي بأسبوع يعني خطية الولد حتى ما لحك يحجي وياها ولاهي لحكت تكعد وياه لوحدهم سوية انتبهت عليه شلون جر نفس براحة وابتسم
.. ههههههههههههههه اختج هاي داهية وراح تموتني ناقص عمر وما اعرف اذا اتزوجتها شلون راح اكضيها وياها
هيام.. ضرار سؤال واريدك تجاوبني عليه بصراحة انت تحب ريام
ضرار.. اكلج بس بالاول اريدج توعديني ما تحجين وخصوصاً لريام بالذات ما اريدها تعرف بحقيقة مشاعري وما اعرف ليش اصلا انا اكلج بس راح اجاوبج بصفتج اخت العروس واختي بنفس الوكت اي انا مو بس احب ريام انا اعشكها عشك اتحدة واحد
يوصل لحده بكدي
هيام.. لعد ليش هشكل تتعامل وياها بجحود
ضرار.. بالاول جنت اعاملها بقسوة وصد لان وهمتني بالحب وهجرتني علمود انا مشوه لكن اول ما وكعت عيني عليها من بعد طول غياب طارت من عندي كل ذرة حقد وانتقام
وصار كلبي هو الامر الناهي هو سيد الموقف
بس من شفتها هي وخطيبها وحزنها على فسخ الخطوبة زادت ناري وحقدي عليها ورجعت لبست ثوب الانتقام
هيام.. ضرار ترة ريمة بعدها نفس ما هي وكل هاي تصرفاتها نابعة لحتى تبني درعها ضدك وتحس بالقوة
دخلت علينا ميس .. يالله هيومة تعالي اتغدي
وانت ضرار ابوي يريدك
(((((((((((((())))))))))))
هيام بفرحة
.. الف الحمدلله على سلامتج ريمة اخذتها لحظني اشكد مشتاقتلها باوعت لعمو جان خطية شايل الجنط وواكف اجة ضرار وسلم عليه واخذهم من عنده ولحكه خالو راضي
راضي.. هلا وميت هلا بالغالي نورت البصرة بجيتكم
احمد.. البصرة منورة بأهلها
رحت لعند عمو وحضنته وزلك شالي وصار على كتفي .. الحمدلله على سلامتك عمو والله مشتاقتلك شلونك وشلون البنات وخالة شلونها جنت احجي وحسيت واحد واكف وراي حيل قريب علية لدرجة كمزت من مكاني من حسيت ايد انمدت ورفعت الشال ورجعته على راسي التفتت مفزوعة
شفت روحي واكفة بحضن ضرغام باوعت
ضرغام.. شنو سالفة عطوبج ما ناوية تضمينهن كل ساعة الجحهن طالعات من الشال انتبهي عليهن لا اكصهن
خلص كلامه واتعداني وراح لعمو احمد يسلم عليه
راضي.؛ضاري بوية روح افتح باب الاستقبال
ودخلو الكل واني دخلت وية ريام
ريام.. الجنط منو يدخلهم
ضرار.. روحي فوتي وانا ادخلهم الج
جان يحجي ويباوع على ريام
ريام حجت بصوت ناصي.. خرب هذا بعدة صاروخ ابن اللذين جنة طاووس بس وعد علية الا انتفلك ريشاتك الفرحان بيها وحدة وحدة جنت اسمع كلامها واضحك
هيام.. على كيفج وية الولد خطية
دخلت ريام وكعدت تسلم عالكل وغلست على رنا الي كامت تفور
ميس.. لج ريام صايرة تجننين عين الباردة
ريام.. لج وانتي شصايرة بنت اللذين شنو انتي هم مسويلج عملية تجميل مثل اخوج
ميس.. لا حٍٍِْــًبٌٍـــِٓېٍٓ احنا من الله حلوين ما نحتاج عملية كعدنا يم بيبي خاجية الي جان باين عليها علامات الفرح بوجودنا بقربها اباوع عليها شلون تسأل ريام عن صحتها
الحجية خاجية.. ها جدة ريمة خلصتي تحضير جهازج
ريام.. يعني باقيلي كم شغلة وتخلص
حليمة .. سهلة خلصيهم وانتي هنا عدنا
الحجية خاجية.. اي اتصلي على هيفاء هي تاخذها
ريام.. اي حتى اخذ وياي هيام تختارلي
ميس.. ريام وراج هواي شغل لازم اكعد وياج اتفقنا اني وبنات خالي نسويلكم فيكة ندخلكم بيها انتي وضرار للقاعة
يوم ثاني
ريام.. يالله هيومة استعجلي راح تجي علينا خالة هيفاء وتاخذنا للسوك وانتي بعدج تلبسين لعلاوي
هيام.. لازم البسه مو اريد اخذه وياي
اجانة صوت ضرغام المعترض
.. ما تاخذين علي وياج لاي مكان
يبقى هنا بالبيت
هيام .. شنو معناها هذا الحجي
ضرغام.. الي افتهمتي
هيام.. تخاف لا انهزم بي من عندك
ضرغام .. اتوقع من حقي ما اامن بيج
هيام كلامه وياي مثل الطعنة صدك انقهرت
.. خلي ابنك عندك ما احتاجه بس اني خوفاً عليه كلت اخذه لان مثلما تعرف اني ارضعه صدري واخاف يجوع اتسعت عيونه بغضب
.. لج الله ياخذج لايكون تردين ترضعين الولد بالسوك شوفي اصلا حتى انتي بكبرج ما راح اخليج تعتبين باب البيت لان بعدج محد معلمج على اصول الحشمة
جنت احجي وانا افور اتخيلتها شلون مطلعة صدرها وترضع ابنها ااخ الله غير ادفنها
هيام.. خلاص اطلع وابنك خلي عندك
ضرغام.. وانا كلت ماكو طلعة واشوف مرة تكسر حجايتي
الحجية خاجية.. شنو شبيك وية البنية على كيفك وياها خليها تروح وية اختها حتى تكمل جهاز العرس لاتعرس وية عرسهن خطية ما تشوفهن ملتهيات حتى يخلصن شغلاتهن بسرعة ماظل شي عالعرس
التفتت على هيام .. يالله جدة اخذي اختج و روحي ما عليج منة
ضرغام.. حجية والله تعمين عليها
خاجية: هَـا ولك ضريغم تكسر حجايتي
ضرغام.. لاجدة ما عاش من يكسر حجايتج
هيام .. يالله ريمة امشي خالة هيفاء بالباب
ضرغام بغضب .. اوكفي لحظة انا جاي اوصلكم ما تطلعون للسوك اوديكم للمول تكملون شغلاتكم منة
هيام.. واذا ما لكينا الاشياء النحتاجهة
ضرغام.. هذا الموجود دبرو اموركم بي
يالله راح اصعد بالسيارة انتظركم وجيبي علاوي وياج ووصلنا للمول وصار يفتر ويانا
خالة هيفاء متعجبة اول مرة تشوف ضرغام
يفتر وية نسوان بمكان لان جان يتخبل ولا واحد يكله اطلع وية نسوان جان يفتر ويمشي بصف هيام ويباوع عليها شلون تختار وتناقش عبالك اول مرة يشوفها
انتبهت لابسة عباية خليجية الردان واسع وكلما ترفع ايدها يبرز ساعدها جانت لابسة ساعة وسوار بس حشة مو ايد صدك فتنة
اقتربت منها .. غضب الله على راسك ضرغام
انتي ياملة ...
التفتت علية بسؤال.. شكو تحجي وياي ؟؟
.. وياج اكو غضب غيرج هنا
هيام كلبت عيوني .. هسة شكو شسويت
.. انتبهي على اردان العباية كل ساع مطلعة ايدج افتهمنا بيضة وايدج تخبل يالله ضميها انتي ينراد الواحد يكعد وياج ويعلمج عالستر
هيام.. اووف نزلنا الردان وبعد استاذ ضرغام
ضرغام.. سلامتج ادا احتاج شي اكلج
شفتهم راحو لقسم الملابس الداخلية ما ردت احرج ريام ظليت واكف. بمكاني اباوع عليها من بعيد شلون تحجي وية اختها وخالة
سامر.. هاي شنو صدق اولا تصدق هاي شنو الباشا ما اصدك عيوني بمحل ملابس نسائية
ضرغام
ياكاع انشكي وبلعيني هاك يالله استلم انا الجبتها لنفسي والله استاهل
ضرغام.. هلا بيك ابو الشباب
سامر.. ولك باشا طحت عليك اليوم شيخلصك مني
ضرغام.. ياستار شكو شمسوي
سامر.. واكف بمحل نسائي واكول شمسوي
ضرغام.. حالي من حالك انت شتسوي هنا
سامر.. جايب المرة وافتخر اشيل العلاليك
بس انت مو من عوايدك ادري بيك مو دربك
ضرغام.. هسة شتريد خلصني
سامر.. كلي ويامن جاي وانا اعتقك ضرغام بتهرب وية الاهل شفتة ضحك بشيطنة
.. شوف ولك حجاية زايدة امسح بيك الكاع
واذا اسمع بيك حتجي حرف للولد صدكني العب بيك طوبة
سامر.. شكد تنطيني واسكت
ضرغام بغضب شاف هيام وريام اجو لعنده
..انطيك نعل بالله شو روح لاهلك لا تسطرني
سامر.. ههههههههههههههه ضرغام
درت وجهي عليه.. هَـا شكو بعد شتريد
سامر.. مرحبا بك في عالمنا يارجل
واخيرا صرت ابو بيت يالله في امان الله اشوفك اليوم بالكوفي
ابتسمت على خباله.. ان شاء الله
اجوي البنات واخذت منهم الغراض جانت كلش هواي باوعت لهيام.. هاي شنو كلهم لريام
هيام.. اي كلهم الهة غير عروس
.. اهاا وانتي ما اخذتيلج شي
هيام.. اممم لا ما اريد شي ..
ضرغام.. ليش روحي اشتريلج هاي هنا هواي شغلات
هيام حسيت بلكزة كوع ريام
وهمست.. لج عوبة استغلي الفرصة ونفذي خطة رقم واحد
هيام.. لا انجبي استحي
ريام.. عوبة وتبقين عوبة
علت صوتها حتى يسمعها ضرغام
ريام.. انتي مو كلتي قبل شوية محتاجة ملابس داخلية وكم شغلة نسائية
اقترب مني وهمس.. شوفي ما تتحركين منا الا تشترين
هيام .. خلاص راح اشتري انتو ابقو هنا واني اجيبهم واجي
ضرغام.. لا اجي وياج
عفته اجة وراي صرت اخذ الشغلات النسائية وهو يباوع علية جنت حيل محرجة وبنفس الوقت خلي احرك اعصابه
شوية اجة اقترب مني ولازم بيدة قطعة ملابس نوم تحفة وخلاها وية الغراض البقية
.. هاي شنو رجعها ما احتاجها
خزرته بغضب
.. مو الج لاتعصبين
خلصنا وحاسب عالمشتريات وطلعنا
واني كلبي اكلني اكل وميتة من القهر من ورة طلعته يعني الخبيث يشتري لرنا كدامي الما يستحي شلون ذوق
والله لو يموت ما انطيه الثوب اشككه واذبة بالزبل ولا اخلي ينطي لست رنا
جنت امشي وادردم من القهر
اجينا نركب بالسيارة والعلاليك نص بيدي ونص بيد ريام
حجة وياي ومد ايده واني ادردم
كال .. انطيني
جوابته بغضب.. لو اموت ما انطيك اياه اشككه واذبه بالزبل ولا اخليك تنطي للعوبة رنا
عكد حواجبه مستغرب.. شنو خير بطة ترة انا جاي اقصد تنطيني العلاليك احطهم بالصندوق
جان يحجي ويضحك
وكفت متصنمة بمكاني حسيت طارت الجبهة
رمشت بعيوني وخدودي صارت حمر
.. احم هَـا العلاكة
.. اي والله العلاكة
((((((((((((())))))))
يوم ثاني كاعدين عالريوك والولد طالعين
للشغل
واني وريام وميس ورنا وكلنا كاعدين نتريك
حليمة.. يالله يمة خفن ايدجن استعجلن
دارت وجهة على رنا
.. عمة رنا راح اجيب النجار حتى يفتح غرفتج
وننقلها للغرفة الثانية البصف غرفة ضرار
رنا.. ليش عمة تنقلين غرفتي
حليمة .. مو راح تجي غرفة هيام وعلاوي
فغرفتكم سويت جبير بي غرفتين غرفة ببطن غرفة
فهاي تفيد هيام وابنها حتى عينها عليه
ويبقى بصفها خاف يفز بالليل
رنا.. وليش ما تشتريله بس سرير وتحطينة وية امه يعني الا تشترين غرفة ثانية للولد
حليمة.. شنو حبوبة ولج هذا علاوي مو اي واحد
اذا انا ما اشتري غرفة لحفيدي جا المن اشتري الج حبيبة
يالله ترة انا ماجاي اخذ رأيج
وهاي الغرفة جبيرة كافي عليج انتي وضرغام
جانت خالة حليمة تحجي ورنا صارت اعصاب
رنا.. والله ما علية الا اكول لضرغام يسويلي حل
اني ما يعجبني هذا كلامج اني بعدني عروس وعندي هواي شغلات وملابس وفيكات احتاج غرفتين
شنو تنقليني لغرفة وحدة متكفيني
كامت زعلانة وتركت الريوك
هيام.. خالة مالها داعي غرفتين غرفة وحدة كافي
حليمة.. لا حبيبة علاوي منا ورايح راح تصير عندة هواي اشياء ملابس العاب كرسي طعام حجلة عربانة
كومة اشياء يحتاجله غرفة وضروري تكون بصف غرفتج حتى تصير غراضه جوة ايدج
جان كلامها صحيح
ريام.. اي والله خالة صحيح كلامج
حليمة.. وانتي ريام وميس تصعدن تصفطن الغراض البارحة اشترتيهم بغرفة ضرار يالله شدو الهمة ترة ما ظل وكت على العرس واليوم ضرار راح ينزل مجاز
ظليت اني وريام وحدة تباوع عالثانية
رحنا لغرفة ميس
هيام.. سمعتي الي سمعته
ريام .. اي شنو تقصد بعدها عروس
دخلت ميس للغرفة
ريام.. اي الله جابج بالله شو تعالي احجيلي شنو قصة
رنا مرت اخوج هاي مرتين اسمعها تكول اني بعدني عروس شنو قصدها هي مو صارلها قرن من اتزوجت
لو هي كل يوم تعرس
ميس.. اي صدك هي بعدها عروس ما صارلها اربع اشهر من اتزوجت
وكفت بمكاني مصدومة من كلام ميس
هيام.. ليش همة مو صارلهم اكثر من سنة ونص من اتزوجو
ميس.. لا عيني اكثر من سنه ونص شنو اصلا جانت متزوجه واحد وبعدين اطلكت وضرغام اتزوجها من بعد الحادث
ظليت فاتحة حلكي
.. هَـا زوجها الثاني ضرغام شنو ويا حادث
ميس .. اهوووو اي صدك انتو ما عندكم علم بالصار من بعد سفركم
وصارت ميس تحجيلنا على حادث ضرغام
وشنو صار بي وسالفة العقم
عزة يعني ضرغام عقيم واني اكول ليش حليمة والبيت كله متخبلين على علاوي ابني اثاري هيج الحجي
ميس.. وضرغام سافر للعلاج هناك للبنان ومن رجع
راد يتاكد من نسبة نجاح العلاج
وصادف رنا جانت مطلكة لان وهي بيني وبينكم الحجي هي لطشت واتصلت عليه وعرضت عليه يتزوجها لان
خالو فاضل راد يزوجها لرجال جبير بالعمر
هيام.. ليش اتطلكت من زوجها الاول
ميس.. لان طلع يشرب وموخوش ولد وضاربها وهي حامل بشهر الخامس وموكع الطفل
وضرغام كال خلي اتزوج رنا احسن من ما اورط بنات العالم لحتى اتأكد من علاج العقم
همة بلبنان كالو اكو تحسن بس مع الاسف
من اتزوجو الى الان ماكو اي حمل وضرغام عرف
بوكتها ان العلاج فشل لان رنا حملت من رجلها الاول
اذن الخلل بضرغام
وكعد وسكت
جانت ميس تحجي وانا احس بروحي انضربت على وجهي من الصدمة يعني شنو ضرغام ورنا والخيانة
وحبهم ما جاي افتهم اي شي
وزين الرجال الي دزه نبراس الهم من كال
ضرغام اتزوج
سحبت نفس عميق وغمضت عيوني
.. ميس سؤال الولد الي دزه عمو احمد الكم حتى يبلغكم بحملي ومكان وجودنا ببيت عمو شنو كللكم
ميس.. سكتي من ساعة السودة بيوم دزيتولنا هذا الولد
ريام.. ليش
ميس.. لان بيومها شبعت طن رزايل واهانات من وراه
لان صادف من اجة جان محد موجود بالبيت من الولد واندك الباب واني طلعت للولد
وكلي سلمي عالحجي راضي وكليله البنات وصلو
لبيت عمهم وابن عمهم يبلغكم ويكول اليوصل لبنات عمي اكسر رجله وهيام اطلكها من رجلها واريد زلمة يحجي
هنا عرفت ان نبراس ورة كل سوء الفهم الي صار
سمعنا صوت خالة حليمة تصيح على ميس
.. يالله بنات اني طالعة ريام مو تنسين جيبي ملابسج حتى نرتبهم
طلعت وتركتنا
كعدت عالسرير ما جاي اصدك الي كاعد يصير وياي
باوعت لريام
.. سمعتي الي انا سمعتة
ريام.. على شنو تسألني على غدر نبراس
لو على حيلة رنا ومكيدتها وياج بيوم المطعم
لوجاي تسألني على ظلمج لضرغام
اي ضرغام مظلوم من بعدما سمعت كلام ميس
بهت وجهي من الصدمة
هيام.. يعني شنو اني جنت ضحية مكيدة رنا وحليمة
ونبراس وطلعت اني الخسرانة الوحيدة بالموضوع
يعني اني حطمت حياتي بيدي
بعدم الثقة
ريام.. هيام لتنسين ترة انتي متركتي ضرغام بس علمود خيانته وياج انتي تركتيه علمود
قلة اهتمامه وسالفة ورث امي وبيبي خاجية
هيام.. افتهم بس هذا مو سبب كافي لحتى اهدم حياتي علموده
صار جسمي كله يرجف
هسة عرفت سبب حقد وغضب ضرغام عليه
وزعل بيبي وخالو راضي علية
فقدت هواي اشياء بحياتي بسسب جهلي وتسرعي
وبعدني جاي افقد
ريام.. شراح تسوين بعد ما عرفتي الحقيقة
هيام.. ما ينفع حتى لو عرفت الحقيقة
ما راح اتقدم ولا تأخر لان الحقيقة اجتي كلش متأخرة
يعني ما فرق شي ضرغام بعده متزوج رنا واني مستحيل اتقبله بحياتي
وهو بعده حاقد علية بسبب هروبي اذن ما راح اتغير شي بحياتنا
ريام.. لا اتغير هواي اشياء
اتغير ان عرفتي ضرغام ما باعج وهو طلع ما يحب رنا اذن بعد اكو امل كدامج تسترجعين ضرغام الج
لوحدج انتي ام ابنه ورنا لا شيء
جنا نحجي ودخل علينا
خالو راضي اول مرة احس بالذنب واستحي ارفع عيني
بوجهه بعدما جنت احس اني المظلومة وهمة الظالمين
صار الوضع مكلوب طلعت اني ناكرة الجميل وخذلتهم
بتصرفي وياهم
راضي.. خالو هيومة وين عمكم احمد راح اشو اتصل عليه ماكو
ريام.. عمو كال رايح لبيت صديقه عازمه هنا بالبصرة
راضي.. هاا اي اتذكرته
هيام .. خالو ليش دتسأل عن عمو احمد
راضي.. شوفي هيام انا اليوم راح استغل
وجود عمكم احمد واجمعكم كلكم انتي وضرغام واختج وضرار وعمج حتى اعرف ليش انهزمتو من بيتنا وشنو تقصيرنا وياكم
واريد اعرف سالفة الرجال الي دازينه النا اشو انتو تحجون شكل واحنا نحجي شكل
انخطف لون وجهي وعركت من اقتراب لحظة المواجهة بس بعديش بعد ما عرفت اني الصوج
راضي.. اي صدك اتذكرت اتصل علية صديقي القاضي وكال باجر حضرو نفسكم تجون اعقد لضرار
فهم اريد اخبر عمكم خطية منتظر يحضر عقد المحكمة مال ريام
اجة يطلع هيام مو تنسين تكولين لعمج اليوم بالليل ضروري يجي علمود الموضوع
طلع خالو راضي واني وريام وحدة تباوع بوجه الثانية
بحيرة من امرنا
يتبع
