عنودية الشيخ أنمار (متوقفة حاليا)

البارت 28

تمارا..نشالله اكيد تجين ولله اذا ما اجيتي ازاعلج

رحمة ..اممم مادري اشوف اذا صار مجال اجي صدك صبا شلونها

تمارا..بخير الحمدلله زينة شنوو تسوي هل مسكينة بعد شنو جاي يكولون اله اتسوي

رحمة .. خطية لله يساعدها ترى هاي شغلة موو هينة ان تتزوج واحد عندة طفل ولا هذا اول زواج اله

تمارا..حبي بعد شنو تسوي هي هاي قسمتها متكدر تغيرها هوو مو ثوب شوكت متريد تنزعة تستحمل و بعدين انتي لو تشوفين الرجال تردي اسكتي

رحمة .. اي ولله حجيج شنوو شنو قصدج صاك

تمارا..ولج يا صاك يجنن كلش حلوو و فوكاهة مرايدتة و لا شخصيتة مثل انمار يعني موو واحد جديد عليها

رحمة ..على هيج حجيج اتزوجة و اكسبه اليه و اذا على الطفل هو طفل يعني اني اربي على ايدي يلا شنو انكول لله يهديها

تمارا..اي ولله امين يلا حبي لازم اروح اني هم بعد مكانج خالي على الركص و الأغاني

رحمة ..اه لا تقهريني ولله مكابلة التاريخ و كاعدة أقرة افف يلا روحي حبي و تونسي

تمارا..نشالله يلا حياتي باي

رحمة ..باي يكلبي

تمارا ..سديت الخط من رحمة عدلت شكلي و نزلت جوة الكل كاعد و يسولف رحت كعدت يم عمتي سولفنة شوية صارت الساعة ب 12:30 كاعدات جان دك تليفون عمتي كلت اله منوو هذا الي جاي يدك عليج هسه صبااا كالت

صبا ..بعد ما وكلتني تمارا راحت مادري وين ضليت كاعدة اباع على البنات الي جايات يركص افف ضوجة و بعدين اجتي امي حطت الحنة مادري ليش ما أجة صح اني ميهمني بس وية الكل هيج نسوي عادي خلصنا حفلة راحت تمارا بدلت و اجتي ساعدتني تمارا و صعدت فوك بدلت لبست دشداشة حمرة كلش حلوة و نزلت كعدت ورة شوية اجتي تمارا و كعدنا نسولف لحد ما صارت الساعة ب 12:30 دك تليفوني رقم غريب كالت تمارا 👆كلت مادري رقم غريب تعالي نشوف منوو صعدت فوك اني و تمارا و جاوبت كلت الووو نعم تفضل منو انتة جان كال

الشيخ مروان .. اجة يوم الحنة كعدت الصبح الساعة ب 10:22 طبيت سبحت و طلعت لبست دشداشة بيضة و عكال حطيت عطر نزلت جوة كامت تهلهل امي وكالت

ام مروان ..كللووووووشش الف مبروك حبيبي الله مصلي على محمد و ال محمد شطالع اليوم يعيون امك انتة اي من البداية و تزوج

سوسن ..ألف مبروك اخوية تستاهل كل خير

الشيخ مروان ..لله يبارك بيجن لعد وين يزن شوو ماكوو

سوسن..عيني نايم فوك

الشيخ مروان ..ماشي ديري بالج علية يمة اني طالع

ام مروان ..براحتك ابني بس تعال من وكت عمود نسوي حفلة مال حنة

الشيخ مروان ..نشالله يلا مع السلامة