الكاتبة:-فاطمة علي

يوم ولدت انا

قصة ولادتي ..

انجبتي امي الساعه الخامسة فجراً
في يوم الاثنين المصادف 15\9\1997
قالت امي ان يوم ولادتكِ كانت اسعد يوم بحياة ولادكِ
⚘🌷⚘

امي اول طفل الها ولد ف العرب قبل والحد الان يفضلون الولد على البنية فتكول امي جنت اعرف ان اني اليوم راح اجيبج والمولد راح يكون بنية

لان شفت حلم بنفس يوم ولادتج
اجه رجل عليه لابس ابيض ببيض اشرلي على شجرة تفاح
جان اكو تفاحه جبيرة بس بعيده  اشتهيتها وضلت بنفسي اتكول هذا الرجل بلمح البصر جابهه اليه وخلاها بحظني اتكول حيل فرحت بيها وفزيت من الحلم جانت عندي اوجاع بطني
اتكول عرفت راح اجيب اتكول بده الوجع عندي من يوم 14 يروح ويجي ..

جان بوكتها استشهاد السيدة فاطمة الزهراء ع واتنخى بيها وبأمير المؤمنين اتكول اخذوني للجده الساعه ب 12 بليل
الحد ال 5 الفجر يوم 15 جبتج اتكول محسيت بوجع قوي وجانت ولادتج جدا سهله 

..امي اتكول  بيبيتج قصدها امها .. اخذتج لفلفتج لان تخاف لحد يحسدج اجيتي خمس كيلوات ومدبدبه وبيضه ثلج والشعر جوزي والعيون ملونه اتكول العالم كلها تعجبت عليج شلون طفله وهسه جايه للدنيا وفاتحه عيونها هههههه...

..ابوج برة منتظر اخذتج بيبيتج ام ابوج من حظن امي وهي ضايجه لان جبت بنية وكالت هسع شكل الرجلج جبتيله بنية واحرك قلب ابني شكولن عليج ..كتلها عمه هو بيدي غير بيد الله وبعدين هذا ثاني طفل اليه يعني اكدر بعد اجيب مابيها شي

اتكول خلتج جوه عباتها وطلعت ودتج الابوج ..هنا ننتقل الابوية ..ايكول كاعد وبيدي قرأن صغير اقرة بسورة مريم وصلت الحد يسقط عليك ربطبً شهيا ..جان تجي امي وضايجه كتلها هايمه شجابت هاجر ايكول امي جانت ضايجه حييل وجهه ميتفسر طلعتج من جوه عباتها وكالتلي يمه والله مااعرف شكلك بس مريتك جابت بنية

..من كالت جابت بنيه اخذتج بسرررعه من حظنها وضليت اشتم بيج وابوس بيج واكولها معقووولة صارت عدي بنية لالا مااصدك اني جنت ادعي من الله يصير عدي بنية وهسه الله حققلي هل امنية الف الحمدلله ياالله

الجده : يايا يمه شمالك تسودنت ماعدنه فروخ شو اخوتك عدهم خير من الله بنات عوزنه بنات

الاب : لايمه هاي من روحي ليش تخليها بمعزت بنات اخوتي صح احبهن اموت عليهن بس هاي بت قلبي ..يمه باعيها شلون حلوووة ابوية سماني على احد اسماء فاطمة الزهراء ع واسمي مركب بي فاطمة بس مع الاسف غير مسموحلي اعلن عن اسمي لكن بالايام الجاية راح اعلن عن اسمي الحقيقي الكامل بكل فخر  ....

..امي تكول بسنه 1997 جانت حالتنه المادية صعبه فراح ابوج وذبح ديج ودجاجه وبنفس الشهر الاجيتي بي اجه شغل الابوج وكمنه منعرف الخير منين يجينه وخوالج كامو كل فترة يجوني محملين غراض اشكال واللوان ..بس علمود يجون يلعبون وياج ويشوفونج ..

.
.
من حجولي هاي القصة اني كاعده واضحك والحمدلله معزتي بقلب ابوية كبرت وية كل يوم اكبره وبيبيتي الله يرحمها اكثر طفل جانت تحبه بين احفادها هو اني معنو اني الحفيده رقم 11 ..اكثر حفيدة اضحوكية وسبورت بينهم ..
وبيت اهل امي جنت الحفيدة رقم 4 وجانو يمووتون عليه وخوالي مدلليني دلال .....

.
.
بهذي المناسبه غيرت صورة الحساب مال واتباد الخاطركم لان انتو مجنت وراضين على هذيج الصورة واني مو من عادتي اغير الصور مااعرف ليش بس صور الحسابات اقل شي يضلن سنه ..

كل انسان عنده قصة من يوم ولادته الى هذا اليوم واني قصصي عن حياتي منتهت لهنا ..احبكم كوووومه
الكاتبة فاطمة علي 😍....