#هديه_مرفوضه
للكاتبه ذكرى المندلاوي
#بارت٣٣
علي
وعيت ع روحي لن الكي روحي بغرفه ظلمه
ضواهة كلش ضعيف وانه متمدد اباوع على الاله معلكه ومنصين شعلتهة
حاولت اكوم مكدرت ايدي ورجليه مشدودات
بحبل
صحت بعلو صوتي رغم الوجع الي براسي من وره
علي
وينكم من هنا اليوم ياتفكوني ياأشعل عشيرتكم
لن اسمع صوت الباب وهو ينفتح
باب حديدي قديم
البيت كله عباره عن غرفه حاطين طباخ وجدوره مصفطيهن على كتر وبرده عتيكه وسخه معلكيهة على مكان صغير يمكن
حمام
صحت ولكم وينكم جبانيه نسوان اسبع منكم
دقايق
وطب واحد طويل كلش اباوعله بس طول وجهة عباره عن شوارب بدون لحيه
عيونه حمر يشبه اللهم ابعدنه
كتله انت منو
انس لو جن
ضحك بقوه والضحكه هزت ارجاء الغرفه
علي
ليششش تضحك مكلت شي يضحك انت مستحيل من البشر
طلع ايديه من جيوبه ولن اصابعه كبار وضخام
اذا ضربني راجدي واحد يمكن اطب بغيبوبه بعد مااصحى منه
اتقرب مني
كال
صارلي شكد اريد اصيدك واخيرا
جيت للمصيده برجلك
علي
هيج انه مهم بلنسبه الك
چادزيت علي وانه اجيتك علويش ادوررومتعب روحك
بس مكلتلي على شنو ادور علي
اعرفك تعرفني بويه عندك عداوه وياي
ابو لميعه
هه شوف ابتعد عن دربي احسنلك ولا تكرب هذا البستان
علي
صدك تحجي ؟؟
ولك هذا المجان مجاني شتريد اتنازلك عنه لويش يابه من بقيه اهلي وبعدين انت شلك علاقه بمرت ابوي ليش ضامهة علي
ابو لميعه
لاااء الظاهر انت هواي تحجي متعرف بنفسك وكعت
ابيدي والي يوكع بيد ابو لميعه
ميطلع الا وهو بذيج الدنيا
علي
هههه هسه ماكلتلي وين كطيعه كون بذيج الدنيا
ابو لميعه
شوف الليله اخر ليله بعمرك اذا ماسويت الي اكوله
علي
وشنو الي تريده بله
ابو لميعه
الشرط الاول
ترجع كطيعه للبيت
علي
هه والثاني
اطلك مريم
علي
ههه بالله الاولى افتهمناهة الثانيه ليش
ابو لميعه
انت تنفذ وبس مالك حق تسأل
علي
شوف مانفذ وهذا الباب الحديد شايفه روح اركع راسك بي
تقرب اكثر صار فوك راسي
ضربني بيده ابن الجليب ماتكول ايد
علي
انت زلمه فكني وخل اشوفك شلون انه انضرب
ماتبين مراجلك هيجي
ابو لميعه
هههه هسه كلي حبيب ماما تنفذ لو اتصيرراخر يوم
بعمرك وبعدهة بعمر ابوك واخواتك
وحده وحده حتى يضيعلكم كل اثر وتنمحون من الوجود
علي
الله وحده بس يكدر يمحيني من الوجود
وانه مااتهدد
موش الاجلك راح ارجعهة لا الغرض بگلبي كلت بروحي
علي
حاضر ارجعهة بس فكني
ابو لميعه
ومريم
بالك اتجيب اسم حرمتي على السانك
ابو لميعه
هههه حرمتك ؟؟جا خوش لون صارت حرمت الشيخ
وهيه طول عمرهة تحلم بس ارد اکلك هل الجلمتين
توصلياه اله
كللهة ابو لميعه ماينلعب عليه وخل اتهدي اللعب اشويه لا اكشف كل اوراقهة
علي
حسيت انو ديحاول يشوه سمعتهة ويغير نظرتي ليهة لجل اعوفهة وهو هذا الي تريده
كطيعه
اعرفهة كلش زين دائما مسمومه والي يوكف ضدهة
لزمن تلسعه بسمهة
علي
هسه يصير خير بس فكني متشوف راسي ينزف والدم نزل لعيوني
