#تضحية_اسعدتني🌹
الحلقة (11)
سيف:تي بااهي امتى معش عرفت اني خايفها تردي يا اريام
اريام:سيف ماتهبلنييش ليا ساعة انقولك توكل علي ربي ومش ح يصير الا اللي انت تبيه وبضمانتي افهههم
سيف :مزال خلي انزيد شوية منبيش نتسرع
اريام:امتى انشااء الله في رمضان مثلا خيرك بتهبل انت ولا شنوو
طلعت ليلى هي وامنه لابسين عبااياتهم
سيف انخلع:شنيي؟؟
امنه:انشاء الله ماقلتيلااش ؟؟🤨
ليلى:لاا علااش بنقووله شن ورااه هوا هي نوض سلم وليدي حطنا ف السوق ناقصينا شوية حاجات لي رمضان وبنخطمو علي باب الحرية بناخدو حاجات لي حماام اريام
اريام :لاا بنمشي بناخد سيت الشنااطي
امنه:باهي هي بسرعة متعطلينااش
سيف:🤦♂️🤦♂️
نجوى:لا حالها باهي الحمد الله معش مرضت
مبروكة:باهي الحمد الله علي سلامتها اني والله ماسمعت كان توا
نجوى:لا عادي والله مالايمة عليك عارفاتك بعيدة وجيتك بجيات
اريج:حقا خالتي بعد رمضان بنحي نقعد عندك عندي امتحاناات ف الجامعة
سعاد:اتفضلي يا بنيتي الحوش حوشك
رتاج تعفلقت:وكيف تقري في جامعة طرابلس وانتي تسكني في الخمس ماعندكمش كليات غادي ولا شنو
اريج بقيمة خشم:لا في غير اني نبي نقرا في طرابلس وبابا قالي علي راحتك وهما متفاهمين معاي لاني بعيدة لاكن الامتحانات مايقدروش يخلوهم مرتين ف الاسبوع
رتاج:امممم وفي اما سيمستر انتي
اريج:ف السيم الاول قاعدة سجلت في كلية الit
رتاج:باهي بتوفيق
اريج:انشاء الله 😌
رتاج ناضت للكوجينة :قالت سييم قالت تي منضرها زي التور الهايج مشنااها 😡
وقعدة توتي ف الصفرة ودارت قهوى وحطت حلوات وكيف بتطلع بصفرة طقطق باب الكوجينة
رتاج حطت الصفرة وفتحت لقتهم سراج ومعاد وسند
سراج :في كنادر وحركات قدام الباب مني عندنا
رتاج:خالتك مبرووكة وفرختها اللي دمها اتقول زيت سيارات 😒
الولاد انفلقو بضحك
سند:خيرك عليها يا رتوجة شن دارتلك البنت 😂
رتاج تقلد في صوتها :اول سيم في كلية الit 😒
سراج يضحك:لا لا يا رتاج شكلك والعة من الاخير
رتاج:وانزيدكم من الشعر بيت بعد رمضان عندها امتحانات وتبي اتجي تقعد عندكم
سند:حي علي سند اللي بيجلا من الحوش اني بنقعد زوالي بين حيااش عماامي وخلاص
رتاج خدت القهوة وطلعت بيها وخشو سراج وسند سلمو علي خالتهم وطلعو ورتاج بعد القهوة دارتلهم شاهي ودارت روحها بتمشي تقراا ونزلو الكناين الزوز
اريج:تي ايه امالا شنو والله زي مانحكيلك وحطيته في راسي خلاص
دعاء صاحبتها :باهي جي خاطري انشوفه ابعتيلي صورته
اريج:تي باهي لاكن تعرفي هوا اني ف الاول كنت حاطة علي سراج لاكن خسارة خطب اما هدا والله ماعنده كيف يهرب
دعاد:ايه يا كبدي مدامهم فلوس طيحي واحد ضرووري
اريج:ايه باهي اسمعي بنصكر اني العويلة مقعمزين برا تو ماما اتقولي خيرك عطلتي
دعاء:ماتنسيش تبعتيلي الصورة باهي
اريج :باهي باهي تماام
أنت تقرأ
تضحية اسعدتني 🌹
General Fictionهادي الرواية تتكلم علي عدة قصص حب ومنها صاحب الخو وولد الخالة وولد العم وحب من اول نضرة وحب الامتلاك اللي يخليك تتخلي علي مبادئك وتصيري اسؤء الناس ومنها اللي تحب الفلوس وطامعة بس ومزال ياما من قصص داخل هالرواية... ياترى شن م...
