ذئاب الجبل

البارت الثالث عشر

تارا
_ مش اسمها ضفيرة اسمها جديلة وبعدين انا عاملة اتنين وشايفة نفسي حلوة انت اللي معندكش نظر

اوس
_ بعيدا عن الجديلة تبطلي استعباط وقسما بربي لو موافقتيش عليا لاوريكي أيام اسود من شعر راسي هو انا اترفض

تارا
_ انا مش شايفة الزوج المناسب

اوس
_ انتي بتتابعي رضوي الشربيني

تارا
_ اكيد

اوس وهو يرميها بأحد الأحجار
_ يلا جزمة هتوافقي ولا لاء

تارا
_ افكر

اوس
_ هو انتي حد بيعبرك غيري عشان تفكري

تارا
_ انت تقصد اني وحشة

اوس
_ فشر الجمال دا ووحشة

تارا
_ أيوة كدا

()()()()()()()()()()()()

في سرايا فخمة على بعد قليل من سرايا الهلالي

رشا
_ يا ماما انا عاجبني الشغل مع آدم مش عايزة اشتغل مع يارا واخواتي

سامية (والدتها)
_ يعني تبقي مديرة شركات اد كده وتروحي تشتغلي سكرتيرة يرضي ربنا دا

رشا
_ اه يرضي ربنا وكمان انا حابة شغلي هناك

سامية
_ لتكوني بتحبي آدم يا بت انا امك قوليلي بتحبيه هو ابن خالتك بردو ميضرش
(سامية وجبرية اخوات)

رشا
_ بحبه ايه بس يا ماما آدم زي اخويا

سامية
_ طب مش ناوية تتجوزي انتي زي القمر وألف مين يتمناكي

رشا
_ هو انتي يعني عايزة تخلصي مني باي شكل

سامية
_ هوووف يعني مش عايزين تفرحوني

رشا
_ هجوزلك بابا وافرحي براحتك

سامية
_ جوز قطور لما يشيلوكي قال تجوز ابوها قال قليلة ادب دنا كنت ادبحه وادبحها وادبحك وأعيش مبسوطة في سجن النسا

رشا
_ عنيفة في الحب اوي يا ماما

سامية
_ طب قومي بقا وطرقيني

رشا
_ انتي ولية مفترية والله

رن هاتف رشا وكان المتصل مدحت

رشا
_ ألو مين معايا

مدحت
_ واحد بيعشق امك