#تضحية_اسعدتني 🌹
الحلقة (5)
.......♥️♥️♥️♥️♥️♥️♥️♥️♥️......
دارين:ااها نحسابك ماجيتيش
اريام:ايه اسمعي قالك سيف نبي نسكافي
دارين:بااه تو انديرله هي
اريام ضحكت:شني مافيش تطورات 😉
دارين:تطورات ف شني يعني !!
اريام:استغبي يا حبي استغبي 😁
دارين:بااردة رااه 😒
..........
عند ريهام ف المدرسة
كانت عندهم حصة رياضيات والابلة تشرح ع الصبورة
طبعا ريهام كانت ممتازة ف قرايتها وواقفة وتحل ف مسألة
خش استاد وكانت ف ايده ورقة
مشت ريهام وقعمزت ف مكانها
الاستاد:صباح الخير يا طلبة
ردو عليه
الاستاد:اللي انسمي اسمها تنوض توقف
وقعد يسمي ف اسمااء ومن ضمنهم ريهام وكانو قريب سبعة بنات
طلعو مع الاستاد للادارة
الاستاد :هي كل وحدة تكتب اسمها ف الورقة هادي وتوقع
ريهام:باهي مش ح نعرفو علاش جينا معاك وعلي شن بنوقعو
الاستاد:في جمعية خيرية مدايرة مساعدات للاطفال الايتام وتساعد فيهم وح تعطيكم مبالغ وحاجات بسيطة تساعدكم بيها
ريهام تعفلقت :مفرووض سالتنا مني اللي يبي ومني اللي لا قبل ماتنزلنا معاك واطلعنا من حصة مهمة
الاستاد حسها انها اضايقت من الموضوع :يا بنتي هما مش شافقين عليك هما حابين ايديرو الخير ويساعدوكم بس
ريهام: واني مانبيش من يساعدني ولا يشفق عليا
شكرا مستغنين علي خداماتهم
وجت بتطلع
الاستاد:يا بنتي لازم تكوني موجودة باش مانضلمو حد وانتو ف وقتنا هدا فاقدين لي الشخص اللي مفروض يكون يصرف ويخدم عليكم ولازم تتقبلي المساعدات
ريهام:الي كنتو بتعطوهولي اعطوه لي وحدة تانيا
وطلعت من الادارة وهي متكنطية
ركبت للفصل
طبعا ريهام تضايق من المواضيع هادي ومتحبش حتى من يقول قدامها انها يتيمة وديمة تحس في روحها نحس لان بوها مات قبل ماتنجاب بي شهر بس
رتاج تشبحلها :خيرك ؟
ريهام عيونها مدمعات ومطبسة راسها لوطة
رتاج :تي خيرك يا بنت متخوفينيش عليك
ريهام قعدة تبكي وكلهم قعدو يشبحولها
الابلة قعدة تسأل فيها خيرك
ريهام مابتش ترد وطلبت انها تطلع من الفصل ورتاج مابتش تخليها بروحها
وطلعت معاها قعدو مقعمزين براا
رتاج :به يا رورو ماضايقيش رووحك علي خاطر موضوع زي هدا
ريهام تتكلم وتبكي :مش اول مرة يصير معاي هكي ديمة حتى جيرانا ف العيد يجيبولي في صدقات وعمر يرد فيهم هوا وجدي علاش يعني كان بوي متوفي يعني اني فقيرة ومريشة ونبي صدقات 😢😢
رتاج تمسحلها ف دموعها :خلاص وراس رهومة خلاص معش تبكي وفوتي الموضوع
ريهام:نبي انروح معش نبي نقعد نبي انروح 😭
رتاج:متروحيش بروحك علي رجليك اصلا مش ح يخلوك ريهام طلعت تليفونها :اهو تو انكلم اريام تجيني
رتاج:مترعشيش اختك وبعدين خدمتها بعيدا بتجيك من غاادي
ريهام:كان انزيد نقعد شوية انموت مخنوقة نبي انروح
واتصلت بي اريام
أنت تقرأ
تضحية اسعدتني 🌹
General Fictionهادي الرواية تتكلم علي عدة قصص حب ومنها صاحب الخو وولد الخالة وولد العم وحب من اول نضرة وحب الامتلاك اللي يخليك تتخلي علي مبادئك وتصيري اسؤء الناس ومنها اللي تحب الفلوس وطامعة بس ومزال ياما من قصص داخل هالرواية... ياترى شن م...
