امواج البحر

اعتذار بطعم التوبيخ

#لاء داانت زعلان بقي
تنهد مازن بقوه #ابدا والله ياامواج هي المجنونه دي حد يزعل منها
#مال صوتك يامازن
هب مازن واقفا ليتحرك ناحيه النافذه الزجاجيه لمكتبه
#مفيش ياامواج، ،، بس زي متقولي كده شويه ظروف حصلت لخبطت الدنيا في البيت
امواج بقلق #ايييه الحكايه متقلقنيش
#لاء تمام متقلقيش، ،، ااااكرمه اتجوزت امبارح
#اتجوزت بس كرمه لسه صغيره اووي يامازن طب اتجوزت مين
بلع ريقه بصعوبه #انس
#انس، ،،، طب ونهال والفرح اللي مفروض هيبقي بكره
#لاء مهو الفرح زي مهو
امواج بغيض # يعني عاوز تفهمني ان انس هيتجوز اتنين في ااقل من اسبوع
#بالضبط كده
#اخوك دا قادر وفاجر لامؤاخذه يعني
انفجر مازن ضاحكا
#يخرب عقلك ياامواج تصدقي مضحكتش كده من اخر مره كلمتني في الفون
#مازن
صوت راعد افزعه وجعل الهاتف يسقط من يده وهو يلتف ليري ادهم الواقف امامه وعيناه تشتعل نيران
#استغفر الله، ،، يابني حرام عليك هتقطعلي الخلف قبل مااتجوز
نظر مازن للهاتف الملقي علي الارض لينحني ليلملم قطعه المتناثره ليقول بغيض
#البت تقول عليا ايه دلوقتي
انتزعه ادهم تقريبا من علي الارض ليقول بغضب
#هو ايه الحكايه بالظبط، ،، ولاهتعمل زي الزفت التاني
قطب مازن بين عيناه وقال
#انت مسكني كده ليه وبعدين انا مش فاهم انت تقصد ايييه
تركه ادهم ليقول بغضب
#اييه اللي مش فاهمه، ،، ناوي تتجوز البنت واختها
حدقه مازن وانفجر ضاحكا ليقول
# الاقولي ياادهم مش انت اخويا وبن عمي بس في سؤال عمري ماسالتهولك
قطب #سؤال ايييه
مازن ضاحكا #انت بتعبد اييه بالظبط، علي انهي مله يعني
ادهم باستغراب #بتقول اييه انت
قرب وجهه منه ليقول بتاكيد
#مهو متقنعنيش انك مسلم ومتعرفش ان مينفعش اتجوز اختين مع بعض
ضيق ادهم عيناه #بمعني
هز مازن راسه #يعني حراااااااام، ،،،شرعا الجمع بين الاختين، ،، يعني طول مانغم علي زمتي امواج متحرمه عليا
تنحنح بحرج وقال #دا بجد
#مش بقولك انت بتعبد ايه بالظبط، ،، وبعدين تعالي هنا، ،، انت مالك اصلا
اشاح ادهم بصره وقال
#صح انت عندك حق انا مالي، ،،
#طب انت كنت جيلي في ايه
جلس ادهم علي المقعد ليتبعه مازن ويجلس امامه
#انا اتكلمت مع نهال
قاطعه #ووفقت انا اتكلمت معاها اول مااجيت الصبح
ابتسم فهو اعتاد ان مازن يهتم باخوته مثله
#تمام بس اللي متعرفوش اللي اتفقت عليه مع انس،،، انا قلتله يبعد عن كرمه البنت لسه صغيره ،،،
#هيطلقها يعني
#رفض، ،،
#ادهم انس بيحب كرمه انا شوفتها في عنيه من يوم الحفله، ،، بس اللي مش فاهمه هو كان بيهرب ليييه، ،، وليه يحطها ويحط نفسه في الورطه دي انت واعي يعني ايييه انه يتجوز اتنين دفعه واحده
ادهم ببتسامه #قادر وفاجر
انفجر مازن ضاحكا ليقول ادهم
#ايه عجبتك اوووي مهي دي الحقيقه
مازن #لاء بس اصل امواج لسه قيلالي كده
اغمض ادهم عيناه للحظه ليقول مازن
#اذهم لو مش واخد بالك ان امواج تبقي اخت مراتي، ،،، يعني هيبقي العادي انكوا هتتقابلو في مناسبات عائليه زي ما هيحصل في فرح انس، ،، مهو مش معقول هقولها متجيش
#مفتكرش انها هتوافق تيجي من اصله
مازن باستفزاز #لاء هتيجي وهتتعامل معاها عادي المفروض ان سياتك راجل خاطب. دلوقتي، ،،، وبعدين متنساش،ان هي اللي هتراعي ملك طول مااحنا في الصعيد، ،، مهي ميان دي متنفعش تبقي ام اصلا، ،، وكرمه هتبقي حالتها زفت بعد جواز انس
هب ادهم واقفا ليقول بحده
#انا اعرف اخد بالي من بنتي كويس اوووي هبعتها عند هيام واصلا ميان مش جايه
رفع مازن كفيه باستسلام
#اوكيه اوكيه اللي تشوفه، ،، المهم دلوقتي هتتصرف ازاي مع كرمه
#كرمه هتفضل في البيت وانس هيبعد زي ماقلت، ،،
هز مازن كتفيه #مش عارف ليه مش مقتنع بكلامك ،،، اذا كان معرفش يتحكم في نفسه وهما غرب هيتحكم لما بقت حلاله، ،، بس تمام اللي تشوفه
ادهم بتردد #طب وانت كل حاجه تمام ولاناقصك حاجه
مازن بعتاب #بصراحه كان نقصني، ،، سؤال اخويا واهتمامه، ،، اخويا اللي باع الدنيا كلها وضربها صرمه
ادهم بحنق #يعني اطنش مش عاجب اسال مش عاجب، ،، طيب اتفلق يامازن
مازن باسما #لاء خلاص وعلي اييه كله تمام ياسيدي ،،،، البونيه مقضياها تدريب زي ماتكون داخله حرب، ،، وانا جهزت نفسي تمام وعملت مخزون محترم من الشاش والقطن والجلكوز لوزوم الاصابات
دمعت عيون ادهم من كثره الضحك
#يخرب عقلك دي جوازه اييه دي
#لاء وشوف الغباء، ،، رايح اعمل فرحي في الصعيد، ،،، يعني هيقف عمها فوق دماغي ويقولي الليله ياعمده، ،، انا بفكر جديا اقدم كفني واخلص
هب ادهم واقفا وهو يحاول التحكم بضحكاته
#بس بس يخربيتك دي مش جوازه دي ماساه ،،، الله يكون في عونك
#ايوه ادعيلي كتير، ،، عارف فلتت مني دي المفروض كنت عملت كروت فرح كتبت فيها اسالكم لاخوكم الدعاء انه يسال
تحرك ادهم للخارج ليمسك مقبض الباب
#بس بس كفايه دا البت ربتلك الرعب يخرب عقلك يانغم
فتح الباب ليطالعه وجهه نغم ترفع احدي حاجبيها
#ممكن افهم هولاكو بيجيب في سيرتي ليييه
ادهم ضاحكا #انا لاء خالص، ،، داانتي ملاك مجنح ياماما
مازن #اوبس داانتي جاحده هولاكو بجلاله قدره عمل قدامك قطه،
اشار ادهم للداخل
#بصي اهو عندك اهوه فشي غلك فيه براحتك خالص، ،، بس ابعدي عن وشه مش عاوزينه متشلفط قبل الجواز دا عشان الصور بس
قال جملته واغلق الباب تطلع اليها مازن بنظره عاشقه مشتاقه لخضره عيناها ومظهرها الرجولي الجادي، ،، يعشقها بكل حالتها. قالت بتوتر
#ادخل ولاامشي
قطب بين عيناه #اتفضلي اكيد حاجه مهمه اوووي اللي تخليكي تتنزلي وتجيلي مكتبي
جلست علي طرف المقعد تفرك يديها بتوتر، ،، زفرت بقوه وقالت بحشرجه وهي تقطب بين عيناها وتنظر لنقطه بسجاده الارضيه
#انا قلت كلام سخيف، ،، وواضح انك عقلك صغير وبتتقمص زي العيال الصغيره، ،، فعشان كده اجيت
حدقها للحظه ليكتم ضحكاته
#الله يلعن دا اعتذار ياشيخه، ،، هو انتي جايه تطيبي بخاطري ولاتشتميني
صدم من ارتفاع وتيره تنفسها وكانها تكتم بكائها ليلتف حول المكتب ويجلس امامها رفع وجهها ليري عيناها المليئه بالدموع لتهرب احدي عبراتها لتجرح وجنتها الحمراء وتدمي قلبه ارتعش ذفنها لتقول باختناق
# ااانا مكنتش اااقصد، ،، اااانا
مسح تلك العبره الجارحه وقال بيقين
#مرعوبه، ،، وقلتلك انا فاهم دا وجنبك، ،، بس انتي عملتي اييه، ،، بدل ماتترمي في حضني وتخرجي اللي جواكي كله، ،، حطيتي بينا سور، ،، نغم انا مش عاوز اسيطر عليكي، ،، ولاهقبل اني اشوفك ضعيفه، ،،،، عارفه ليييه
رفعت عيناها له بتسال ليكمل
#عشان انتي نصي التاني النقص اللي عندي انتي بتكمليه والنقص اللي عندك انا اللي اكمله، ،،، عشان انا واقف وقوي وبواجهه عشان انتي جنبي، ،، احنا في ظهر بعض مش بنواجهه بعض يانغم، ،،، انا مش عاوز انتصر عليكي في حاجه، ،،الجواز، ،، مش سيطره وفرض رائ من واحد من الطرفين، ،، الجواز مشاركه، ،، قرار مشترك بين اتنين، ،، بيت ودفا، ،، استقرار وموده ورحمه، ،، ممكن اشاركك قرارتك زي ماهسيبك تشاركيني قرارتي، ،، حاجه واحده بس اللي مش هقبل فيها لانقاش ولاتفاوض، ،، انك تقلي مني وتكسري رجولتي، ،،، ودا اللي انتي عملتيه لما اتهمتيني اني بذلك، ،عشان انا راجل يانغم لوانتي شايفه غير كده يبقي لينا كلام تاني
بللت شفتيها وقالت بانكسار مختنق
#اااانا اااسفه، ،،
هب واقفا ليجذبها بين ذراعيه ويربت علي شعرها بحنان ويهمس
#وارد نختلف وارد نتخانق، ،، دا الطبيعي لكن نبعد عن بعض لاء، ،، انا ملييش الاحضنك اهرب ليه من الدنيا ،،، وانتي ملكيش الاحضني تهربي بيه من الدنيا كلها فاهماني يانغم انا مش هعيد كلامي دا تاني
لتتشبث به كطفله وتهمس بكلمه احيت قلبه واضاءت كل شئ،بشمس تخص نغمه وحسب
#انا بحبك اوووي يامازن
ليصرخ #يابركه دعاكي يااما
لتوكزه برقه علي صدره.،
،،،،،،،،،،،،،،،،،، ،،،،،،،،،،،   ،،،،،،،