امواج البحر

مواجهه عنيفه

انتهت من تصفيف خصلاتها السوداء لتقول بابتسامه
#قمر يالوكه يلا بقي عشان نخرج نتفسح في الجنينه ماشي
#مس امواج هو انا ليه مش عندي ماما
ربتت علي ظهرها وقالت بحنو
#عشان مامي راحت عند ربنا
#طب هي ليه مش اخدتني معاها
#عشان ربنا كاتب كده، ،، ان يبقي فيه ملوكه عشان مس امواج تحبها اوووي وتتعلق بيها اوووي، ،،عارفه انا كمان مش عندي مامي
ارتمت بين ذراعيها وقالت
#هو انا ينفع ااقولك يامامي
#طبعا ينفع جدا، ،،
# هو انتي مش عندك اولاد
#لاء انا عندي اخت واحده بس اسمها نغم شقيه كده زي ملوكه
#طب ليه هي مش بتيجي تلعب معايا
#عشان عندها امتحانات ااقولك تعالي نكلمها هاتي الفون بتاعي وننزل نكلمها في الجنينه
#حاضر يامامي
ابتسمت امواج ،،، لقد اكتشفت شئ،بمكوسها في هذا الصرح لاسبوع ان تلك الطفله ليست مريضه بالمعني المتعارف ولكنها فقط تحتاج للحنان وبعض الثقه التي تفتقدها، ،، حسنا اسبوع كان كافي لتتعرف علي خدم القصر ولكن مازالت تشعر بالضياع ودوما تخطئ بمعرفه غرفتها، ،، تذكرت حديثها مع مازن بالامس،
#دكتوره امواج انا فعلا مش عارف اشكرك ازاي انتي فعلا موهوبه في التعامل مع الاطفال حقيقي ملك اتحسنت كتير
#ظاهريابس، ،،، للاسف انا فعلا قلقانه من مقابلتها مع والدها لانه ممكن ببساطه يرجعنا لمنطقه الصفر تاني خصوصا بعد الملف اللي حضرتك ادتهوني، ،،
#طب والعمل ادهم فعلا ممكن يوصل في اي وقت، ،، بس انا مش قلقان عشان انتي موجوده وانا كمان هحاول افضل معاكوا اكبر وقت ممكن
#استاذ مازن هو يعرف بوجودي مش كده
#طبعا يادكتوره بس انا شايف انك قلقانه اوي من ساعه ما قريتي الملف
تنهدت #منكرش هو فعلا شخصيه مركبه جدا، ،،محيره جدا
#ليه بتقولي كده
هزت كتفيها #يعني واحد يعتزل الدنيا كلها ويعيش،كشبح ويقتل مشاعره يكره بنته لمجرد انه ربط بين ولادتها ووفاه زوجته دا نادر جدا يعني كنت بعتقد ان مفيش النوع دا من الحب
مازن بحسره #وياريتها كانت تستاهل
قطبت بين عيناها #مش فاهمه حضرتك تقصد ايييه
#لاابدا، ،، بس حقيقي ادهم راجل فريد من نوعه صدقيني كان مختلف تماما قبل دخول حنين حياته، ،،،
#واضح انك بتحبه جدا
#ادهم مش بس بن عمي،دا اكتر من اخويا
#تمام بالحديث عن الاخوه، ،،، انا المفروض هاخد يوم الجمعه اجازه بس للاسف مش هقدر اسيب ملك حاليا لوحدها فلو ممكن يعني هطلب من اختي تجيلي هنا
#انتي،بتستاذني يادكتوره اعتبري نفسك في بيتك
#مامي انا جبت الفون هنتصل بنغم
ابتسمت ونظرت للفتاه
#طبعا تعالي نتصل بيها في الجنينه اوكيه
#اوكيه بس نشوف الورد بتاعنا الاول
خرجت بصحبه الصغيره التي بدات تتفتح كاحد البذور التي رمتها بالارض،لتبدا تنبت ولكنها تعلم جيدا انها سريعه العطب مره اخري يذهب فكرها لهذا
الادهم الغامض،لقد احترمت بشده وفائه وعشقه الخالص لزوجته، ،، في الحقيقه لم تتخيل ابدا انه يوجد رجل يحمل هذا النوع من الوفاء استنتجت انه رجل دفن مشاعره مع زوجته الراحله لتظهر فقط صورته القاسيه منذ قرات هذا الملف وهو يشغل تفكيرها بطريقه اوباخري،،،،
#مامي هي الورده هتفتح امتي
ربتت علي شعر الصغيره
#لما ربنا يامرها احنا بس نهتم بيها ونرعاها ونسقيها وهي هتفتح
#يعني انا ادعي ربنا عشان تفتح
#صح ياحبيبتي تعالي بقي نكلم نغم
اتصلت باختها لياتيها صوتها المرح
#ايه ضااااه البرنسس امواج لسه فكراني
#وانا اقدر انساكي يانغم، ،، طمنيني عملتي ايه في امتحان النهارده
#تمام ياكبيره قوليلي بقي قابلتي هولاكو ولالسه
انفجرت ضاحكه
#يخرب عقلك مش هتعقلي ابدا المهم ياستي ملوكه عاوزه تتعرف عليكي
#طب تمام هتيها معاكي بكره
#نغم انا مش هعرف اجي بس انا كلمت الاستاذ مازن انك تيجي تقضي معايا بكره اليوم انا وملك
#امممم ماشي هعديهالك المره دي عشان خاطر البونيه الغلابنه دي هتيها بقي اما اكلمها
ناولت الهاتف لملك التي وضعته علي اذنها
#هاه ياملوكه طنط امواج مزعلاكي
#لاء انا بحبها اوووي
#طيب ياجميله خرجي بقي لعبك كلها عشان ههريكي لعب بكره
قطبت الصغيره #يعني اييه تهريني
امسكت امواج الهاتف من يد ملك لتقول بحده
#نغم الفاظك دي مسمعهاش قدام البنت فاهمه
#طيب ياابله الناظره حاضر اشوفك بكره ومتقلقيش مش هجيلك بايدي فاضيه هعملك صنيه بسبوسه
#طيب يلا سلام
اغلقت الخط لتنظر الي ملك
#عارفه ياملوكه نغم دي شقيه اوووي وبتحب اللعب جدا، ،،
#هي صغيره بتقولي هتلعب معايا
امواج باسمه #لاء هي مش صغيره بس عقلها اصغر منك يلا بقي اطلعي هاتي كتاب حلو نقراه انا وانتي وهستناكي علي المرجيحه
#اوكيه هجبلك الاميره والوحش
#اوكيه يا لوكه بس مش تتاخري
انطلقت الصغيره ناحيه البيت لتجلس هي علي الارجوحه الكبيره ،،،،
دخلت ملك مسرعه لتصطدم باحدهم لترفع عيناها للاعلي لتري ملامحه المتجهمه
#انتي عاميه يازفته انتي
ابتعدت قليلا وبلا وعي انسابت المياه من اسفلها ليجن جنونه ويصرخ بوجهها
#ايييه الارف اللي عملتيه دا
ملك بارتعاش،
#ااااااااا
خرج مازن من المكتب علي صوته العالي
#ادهم
لم يستمع اليه كان علي وشك ان يفقد اعصابه امام تلك الصغيره المرتعشه لولا الصوت الذي نادي عليها
#ملك
لتهرع الصغيره عابره امامه ليلتف معها ويتجمد حرفيا وهو يري تلك التي تحتضنها ثم ترمقه بنظره غضب تلمع بعيناها الذهبيه المميزه لتمسك الصغيره وتتحرك امامه ليهمس دون وعي تقريبا
#حوريه
تتقابل العيون للحظه ماتلبس ان تتحرك من امامه وتختفي اعلي الدرج ويظل هو عيناه معلقه بها حيث اختفت افاق من شروده علي صوت مازن
#حرام عليك ياادهم داانا ماصدقت انها بدات تتحسن
التف الي مازن وقال بشرود
#مين دي يامازن
#الدكتوره امواج اللي بتعالج ملك، ،، اللي هي عملته في اسبوع هديته انت في لحظه، ،، ربنا يستر بقي وترضي تكمل علاجها
ردد بشرود
#امواج، ،،،اسمها امواج
قطب مازن بين عيناه ليقول باستغراب
#انت تعرفها
اتسعت ابتسامته وكيف لايعرفها وهي،تسكن احلامه منذ ثلاثه اشهر كامله، ،، هي الفتاه المنقذه ادرك الان معني اشاراتها، ،، لكن لم يدرك سبب دموعها، ،،بحلمه الاخير تركته افاق من شروده علي،صوت مازن
#ادهم انت سامعني،
ليردد بخفوت
#مش هتمشي لازم اعرف اييبه حكايتها بالضبط
#حكايه اييه ياادهم انا مش،فاهمك هو انت شوفتها قبل كده
قطع حديثه وصولها منذ ثلاثه ايام لم يراها هي حوريه البحر نفس الوجه
الملائكي العيون الذهبيه الشفاه المكتنزه والشعر البندقي المموج الذي تسكنه العفاريت والغريب انها تتحدث وهو ايضا لايسمعها هو غارق حتي اذنيه في ملامحها او لعلها احد احلامه بها ،،،، نعم بحلمه الاخير اشارت الي بيته بالتاكيد كانت تخبره بموعد اللقاء كلمه واحده تسللت الي اذنه لتخرجه من تامله
#اسفه يااستاذ مازن انا مش هقدر اكمل علي كده، ،، الاستاذ دا هو السبب الرئيسي في مرض البنت
#انا اسف
جمله واحده جعلت الاثنان يحدقان به بنفس نظره الاستغراب حسنا استغرابهم لايقل عن استغرابه الشخصي لقد انتزعت منه الحوريه الثائره اعتذار لتعقد ذراعيها وتقول بتحدي
#اسفك مش ليا يااستاذ ادهم، ،،
رفع احدي حاجبيه لتلمع عيونه الزرقاء الداكنه
#امال تحبي جنابك اعتذر لمين
#للبنت اللي مموته نفسها من العياط فوق، ،،، حضرتك المفروض،اب بس افتكر انك متعرفش،يعني ايييه ابوه
عقد ذراعيه وقال بابتسامه
# منك نستفيد يااااامواج
قالت بصرامه
#الدكتوره امواج يااستاذ، ،، والابوه يعني امان ودعم وللاسف احب ااقولك انك المصدر الاساسي،في رعب البنت ودليل كده رد فعلها في التبول من الرعب، ،،،ملك بقالها اسبوع تقريبا معملتهاش لكن بحضور سيادتك رجعتنا لتحت الصفر
خطوه غير محسوبه تمام ليصبح في مواجهتها  فترفع هي راسها كرد فعل طبيعي لتجابه فرق الطول بينهما
# والمطلوب اسيب البيت وامشي
حمره طفيفه بدات تغزو وجهها لعل هذا لقربه منها  لتبتعد خطوه للخلف وتقول بصرامه
#لاء طبعا وجودك ضروري في علاجها لكن في بعض الاساسيات اللي لازم نتفق عليها عشان اقدر انفذ المهمه اللي انا جيت عشانها والاوجودي هيبقي زي عدمه فعدمه افضل،،،،
قال باصرار
#مش هتمشي
حدقته بذهول لتتلاحم عيونهم بنظره طويله. ثم تهرب بعيناها منه لتقول
# من غير ماتنفذ شروطي اسفه
قال بضجر #واللي هي،
لمعت سخريه راها في عيناها ليثبتها حديثها وبسمتها الجانبيه
#هعلم سيادتك ازاي تكون اب
سخريتها اورثه اتساع في ابتسامته
#افهم من كده انك جايه تعلجيني انا يادكتوره مش تعالجيها
قالت بتحدي
#ليها اسم دي انسانه من لحم ودم وشعور يااستاذ ادهم
#والمطلوب
قالت بتحدي #تطلع تعتذرلها وتطيب خاطرها ومفيش،مانع تطبطب عليها وتخدها في حضنك، ،،دي مجرد طفله
قال بعصبيه #يعني هو دا اللي هيخليني اب من وجهه نظرك ادهم العمري يعتذر لحته طفله
قاطعته # افتكر يااستاذ ادهم اللي يغلط لازم يعتذر ودا لاعيب ولايقلل من شأن المعتذر في شئ، ،، ولتاني مره بقولهالك ليها اسم
زفر بقوه #وان معتذرتش
#يبقي وجودي ملوووش لزمه انا معنديش استعداد ااقف قدام ربنا اتحاسب عليها، ،، استاذ ادهم للاسف انت راسم لبنتك صوره في خيالها انها محتاجه للحمايه منك انها تلجا لاي شخص عشان هي فقده الامان في وجودك، ،،، لوانت ضميرك مرتاح علي كده احب اعرفك انا ضميري مش هيسمح ااقف عاجزه اني انقذ البنت دي منك ،،، 
ابتسم بسخريه
#تنقذيها مني، ،، لمعلوماتك بقي انا اساسا مش عاوز اشوف وشها
قالت بانفعال
# انت اب فاشل والبنت اللي فوق دي اكرملها تتربي في ملجا من انها تكون في قصرك دا لانها للاسف.مش اتحرمت بس من حنان الام لاء دي اتحرمت كمان ان يكون ليها اب.بينتمي للبشر.،،، معندوش ادني احساس
انقباض ملامحه يؤكد انها زجت نفسها بورطه حقيقيه اصطكت اسنانه وتلونت عيناه بغضب راعد.اقتراب مازن اكد حدثها انه يتوقع رد عنيف له حسنا لم تشعر في حياتها بالرعب كما تشعره
الان ،،، لقد افقدها هذا المتعجرف القاسي هدؤها بالكليه ،،، نعم تقف ثابته ولكن بالتاكيد لم تتمكن من السيطره علي الرعب الذي يملئ عيناها، ،ويبدو انه قرأ الرساله جيدا زفر بقوه ثم تحرك ليختفي داخل المكتب ويصفع الباب بقوه مازن
#دكتوره امواج انتي زودتيها اوي، ،، كنت معتقد انك
رفعت يدها امامه.وقالت بصرامه
#استاذمازن.من فضلك انا عارفه كويس اووي انا بعمل ايييه ،،، لوسمحت بلغه اني همشي عن اذنك
كادت تتحرك ولكن استوقفها صوت مازن المنخفض،
#هتستسلمي من اول جوله
التفتت لتزين وجهها ابتسامه وقالت بتاكيد
# امواج البجر متسلمسش ممكن تخدعك وتهادن لكن تستسلم لاء، ،، بلغه بس برسالتي عن اذنك
#دكتوره امواج، ،، احب اوضحلك حاجه، ،، مفيش مخلوق قدر يتكلم مع ادهم
بالطريقه دي، ،، والغريبه انه سكت
#بلغه رسالتي وعن اذنك ،،،، انا هودع ملك
قالت جملتها وصعدت للاعلي ليترجل مازن لداخل المكتب ،،كان يجلس خلف مكتبه يدفن راسه بين ذراعيه اقترب
#ادهم اااا
رفع وجهه وقال بحزن
#هو انا وحش اوووي كده يامازن، ،،
حدقه باستغراب فهذا اخر رد فعل توقعه ان يكون تاثر لهذا الحد بكلماتها
#ادهم، ، انت بتتعامل مع ملك بطريقه وحشه فعلا، ، يعني ااقصد الدكتوره متعرفكش ،،، فطبيعي تاخد عنك
الانطباع دا،،،، وبعدين متزعلش نفسك هي اصلا طلعت تودع ملك وهتمشي
هب واقفا وخرج من الغرفه ليتمتم مازن
#استر يارب