فصلية شهم

البارت الرابع الجزء الثاني

ملاك: رحنه نومت الجهال يم شهودة وبقيت منتضرته هسه يجي هسه يجي ماكو رحت علكيف وعلى اطراف اصابيعي فتحت باب الغرفة علكيف لكيته نايم وبحضنه عشق وشابكها حيل ونايم طلعت صوت بالغرفة فز وتخصرتله وارفعلة بحواجبي عود شنو هاي

شهم: طبعا مكدرت انام جنت صافن ع الباب وشفت خيال من جوة الباب عرفتها ملاك ادري بيها متكدر تنام بدوني سويت روحي نايم وحضنت عشق دخلت وشوي وسمعت صوت سويت روحي فاز واعاين عليها متخصرة وترفعلي بحواجبها بلكوة كضيت ضحكتي وكتلها شكو هاي شبيج كمزتيني

ملاك: يي استاذ شهم حضرتك نايم وحاضن ست عشق واني مااكدر انام وافكر بيك وانته ناسيني مو

شهم: ههههههههه لج بابا شبيج تغارين من بتج

ملاك: لاتضحك يي اغار من بتي لان دااشوفك تحبها اكثر مني

شهم: كمت عليها جريتها علي لزكتها بصدري وكتلها انتي مكانتج بكلبي فوك الكل انتي النفس اليصعد وينزل

ملاك: من سمعت كلامه احس بنفسي خجلت وصخنت دنكت راسي

شهم: رفعت راسها وكتلها اموت بخجلج وطبعت بوسة ع جبينها ورفعتها من خصرها واتجهت للجرباية نمت ونومتها ع صدري هذا مكانج محد ياخذة منج لاعشق ولاغيرها وهااا اموتج بعد اذا حضنتي شهاب وليث وبوستيهم حضنج بس الي وبوساتج هم بس الي مفهوم

ملاك: هاا هسه انته تغار من جهالك

شهم: يي اغار عليج حته من ملابسج بعد ممنوع تتقربين من شهاب وليث مفهووووم بحدة

ملاك: هههههه مفهوم مفهوم حضنته ونمت.. كعدت ع شخص يجر بية من شعري كعدت هاي عشق تبجي وتجر بيه شبيج ماما

عشق: وهلي وهلي هن هبيبي

ملاك: هههههههاي منو حبيبج عيني

عشق: بابا هبيبي وهلي منه

شهم: كعدت ع صوت بجي عشق كعدت وسمعت حجيها ضليت صافن الام وبتها يتعاركن علي خرب هههههههه

ملاك: اسمع اتفضل استاذ شهم اسمع بتك

شهم: لج ملاكي طفلة تخلين عقلج وي عقل طفلة

ملاك: لك ياطفلة بعدهي بكد زري وتكول حبيبي هاي مو طفلة هاي عقلها اكبر من عقلي

شهم: بهاي حقج صح عقلها اكبر من عقلج ولا اكلج نفس الكبر لان وحدة تغار من الثانية نزلت وعفتهن وحدهن يتصافن

ملاك: نزل شهم وهاي بعدهي تضرب بيه وتكلي

عشق:بهد منامين يم هبيبي هوس

ملاك:لاعيني هو حبيبي قبل ليصير حبيبج انتي روحي شوفيلج حبيب

عشق:🥺🥺يي من يسيل هندي هبيب مااهليج نامين يمه بس ني هنام هوووس