ﺧﻄَّﺎﺭ ﺇﺟﺎﻧﻲ ﻳﺎ ﻫﻠﻪ ﺍﺑْـﺠَـﻴْـﺘﻪ ... ﻣَﺤﻠﻪ ﺍﻷﺑﻮ ﻟﻮ ﻣَﺮْ ﻋﻠﻪ ﺍﺑْـﻨَﻴْـﺘﻪ
ﺑﺲ ﻣﺎ ﺗﻄﻴﺢ ﺍﻋﻴﻮﻧﻪ ﺑِﻌْـﻴﻮﻧﻲ ... ﺍِﺷْﻠﻮﻧﻪ ﺃﺳِﺄْﻟﻪ ﺍْﻭ ﻳﺴﺄﻝِ ﺍِﺷْﻠﻮﻧﻲ
ﺿﻴﻔﻲ ... ﺍﺑْـ ﻃﻴﻔﻲ ... ﺳﻴَّﺮ ﻋَﻠَﻲْ ﻧﺴْﻤﻪ ﺍﻋْﻠﻪ ﻣﺨﺘﻨﮕﻪ
ﺟﺎﻧﻲ ... ﻭﺁﻧﻲ ... ﻣﺎﺑﻴﻦ ﻣُـﻮﺵ ﺍِﻣْﺼَﺪﮔﻪ ﻭ ﺍِﻣْﺼَﺪﮔﻪ
ﺃﻫْـﻼً ... ﺳَﻬْﻼً ... ﺑﺎﻟﺮَﺩﻟﻲ ﺭُﻭﺣﻲ ﺍﺑْﺴﺎﻋﺔ ﺍﻟﻤَﻠﮕﻪ
ﺷﻔﺘﻪ ... ﺍْﻭ ﺷِﻔﺘﻪ ... ﺍﻣْﻦ ﺍﻟﺨﻴﺰﺭﺍﻧﻪ ﺍﻣﺠﺮَّﺣﻪ ﺍْﻭ ﺯﺭﮔﻪ
ﻫﺬﺍ ﺍﻟﻌِـﺰﻳﺰ ﺍْﻭ ﻋﺎﺵ ﻣِﻦ ﺷﺎﻓﻪ ... ﻻﭼﻦ ﺃﺷﻮﻓﻪ ﺍﻣﻔﻄّﺮﻩ ﺍِﺷﻔﺎﻓﻪ !
ﺇﻥ ﭼﺎﻥ ﻫﺬﺍ ﺍﺣﺴﻴﻦ ﺧـﺒْـﺮﻭﻧﻲ ... ﺍِﺷْﻠﻮﻧﻪ ﺃﺳِﺄْﻟﻪ ﺍْﻭ ﻳﺴﺄﻝِ ﺍِﺷْﻠﻮﻧﻲ
ﺍﺑﺤﻠﻤﻲ ... ﻳﻤّﻲ ... ﺟﺎﻧﻲ ﺍﻭ ﻋﺴﺎﻧﻲ ﻣﻴْﺘﻪ ﺑﺤْﻼﻣﻲ
ﻣَﺮْﻧِﻲ ... ﺳَﺮْﻧﻲ ... ﺍْﻭ ﻣﻦ ﻓـﺮْﺣِﺘﻲ ﻣَﺘْﺸﻴﻠْﻨِﻲ ﺍَﺟْـﺪﺍﻣﻲ
ﺃﻏﻔﻪ ... ﺍﺑﻠﻬﻔﻪ ... ﻭ ﺃﮔﻌِـﺪ ﺍْﻭ ﻃﺸْﺖ ﺍﻟﺬّﻫَﺐ ﺟِﺪَّﺍﻣﻲ
ﺷﺼْـﺒُـﺮ ... ﻭ ﺃﻧﻈـُـﺮ ... ﺷﻴﺒﻪ ﺍﻟﻜﺮﻳﻢ ﺍﻣﺘﺮَّﺏ ﺍْﻭ ﺩﺍﻣﻲ
ﺍﺗْﻤَﻨِّﻴﺖ ﺭﺍﺳﻲ ﺍﺑْﺤﻀﻨﻪ ﻻﭼِـﻨـﻲ ... ﺷﻔْﺖ ﺍﻷﺑﻮ ﺭﺍﺳﻪ ﺍﺑﻮﺳَﻂ ﺣِﻀﻨﻲ !
ﻭﻱْ ﺭﺍﺱ ﺃﺑﻮﻳﻪ ﺍﺣﺴﻴﻦ ﺧﻠّﻮﻧﻲ ... ﺍِﺷْﻠﻮﻧﻪ ﺃﺳِﺄْﻟﻪ ﺍْﻭ ﻳﺴﺄﻝِ ﺍِﺷْﻠﻮﻧﻲ
ﺗِﺠﺮَﺡ ... ﺗِﺬﺑَﺢ ... ﻣﻦِّ ﺍﻟِﻴﺘﻴﻤﻪ ﭼﻠﻤﺔ ﺍﻟـ ﺑﺎﺑﺎ
ﺫﺧﺮﻱ ... ﻟـ ﺻﺪﺭﻱ ... ﺿﻤِّﻴﺘﻪ ﻭ ﺇﻳﺪﻱ ﺍﺗﻤُﺮ ﻋﻠﻪ ﺍِﺻﻮﺍﺑﻪ
ﺍِﺑْﭽﻔِّﻲ ... ﺍْﻭ ﻋَﻄﻔﻲ ... ﻣﻦ ﺭﺍﺱ ﺃﺑﻮﻳﻪ ﺃﻧﻔﺾ ﺍِﺗﺮﺍﺑﻪ
ﺃﺳﺮَﺡْ ... ﻭ ﺃﻣﺴَﺢ ... ﺩﻣَّﻪ ﺍﻟﺬﻱ ﺟﺎﻣِﺪ ﻋﻠﻪ ﺍَﻫْﺪﺍﺑﻪ
ﮔﻤْﺖ ﺃﺳْﺄﻟﻪ ﺍْﻭ ﺭﺍﺳﻪ ﻭﺳَﻂ ﺣِﺠﺮﻱ ... ( ﻣَﻦِ ﺍﻟِّﺬﻱ ﺃﻳْﺘَﻤَﻨِﻲ ) ﺍﺑﺰﻏـﺮﻱ ؟
ﻟﻤّﻦ ﺃﺷﻮﻓﻪ ﭼﺎﻧﺖ ﺍﻇﻨﻮﻧﻲ ... ﺍِﺷْﻠﻮﻧﻪ ﺃﺳِﺄْﻟﻪ ﺍْﻭ ﻳﺴﺄﻝِ ﺍِﺷْﻠﻮﻧﻲ
ﺃَﺣﭽﻲ ... ﺷَـ ﺣْﭽﻲ ... ﺑﻌْﺾ ﺍﻟﻤﺼﺎﻳﺐ ﺻﻌﺒﻪ ﺗﺘﻔﺼّﻞ
ﺻﻌﺒﻪ ... ﺍﻭ ﮔﻠﺒﻪ ... ﺍﺣْﻨَـﻴِّـﻦ ﻭَ ﻻ ﻳﺮﺿﻪ ﻋَـﻠَﻲَّ ﺃﻧﺬَﻝ
ﻃﻔﻠﻪ ... ﺍْﻭ ﮔﺘﻠﻪ ... ﺧﻞ ﻧﺤﭽﻲ ﺑﺲ ﺧﻞ ﻧﺤﭽﻲ ﺑﺎﻟﻤُﺠﻤَﻞ
ﺍﻧْﺨﻴـﺘـﻚ ... ﺭﻳﺘﻚ ... ﻋﻦ ﺧﺪِّﻱ ﺍﻻﺣﻤَﺮ ﺑﻮﻳﻪ ﻻ ﺗﺴﺄﻝْ
ﺍْﻭ ﻋﻦ ﺧﺎﺗَﻤَﻚ ﻣﺎ ﺳِﺄﻟﻚَ ﺍْﻭ ﺷَـﺮْﻃﻲ ... ﻳﺎ ﺑﻮﻳﻪ ﻣﺎ ﺗﺴﺄﻟﻨﻲ ﻋﻦ ﻗُـُــﺮْﻃﻲ
ﺧَﻴْﻌﻮﻧﻲ ﺭﺍﺳﻚ ﺑﻴﺪﻱ ﺧَﻴْﻌﻮﻧﻲ ... ﺍِﺷْﻠﻮﻧﻪ ﺃﺳِﺄْﻟﻪ ﺍْﻭ ﻳﺴﺄﻝِ ﺍِﺷْﻠﻮﻧﻲ
ﻛﺎﺳِﺮ ... ﺧﺎﻃِﺮ ... ﺑﻨﺘﻪ ﻟﭽَـﻨَّﻪ ﺍﻳْﻤُﻮﻥ ﻋﺎﻟﺨﺎﻃِﺮ
ﺍﺑْـ ﺣﻴﺮﻩ ... ﺍﭼْﺒِﻴﺮﻩ ... ﺧﻠّﺎﻧﻲ ﻟﻤَّﻦ ﮔﺎﻟﻮﺍ ﺍِﻣْﺴﺎﻓِﺮ
ﻭﻳﻠﻲ ... ﻟﻴﻠﻲ ... ﺷِﻴْﺨَﻠﺼﻪ ﻋﺎﻟﻠّﻲ ﻟْﺠَـﻴِّـﺘﻪ ﺍﻳْﺴﺎﻫِﺮ
ﺃﻧﺪِﺏ ... ﻭ ﺃﺣﺴِﺐ ... ﻫﻠﺒَﺖ ﻳﺮِﺩ ﺑﺎﭼِﺮ , ﻋﮕﺐ ﺑﺎﭼِﺮ
ﺗﺎﻟﻲ ﺇﺟﻪ ﺍْﻭ ﻭﻳَّﺎﻩ ﺃﺗﻌﻨَّﻪ ... ﻣﻦ ﺍﻟﺨﺮﺍﺑﻪ ﺍﻧﺮﻭﺡ ﻟﻠﺠﻨَّﻪ
ﻭ ﺍﻫﻨﺎﻙ ﻟﻤَّﻦ ﻳﻨﻈﺮ ﺍِﻣﺘﻮﻧﻲ ... ﺍِﺷْﻠﻮﻧﻪ ﺃﺳِﺄْﻟﻪ ﺍْﻭ ﻳﺴﺄﻝِ ﺍِﺷْﻠﻮﻧﻲ
