(((((((السكة شمال)))))))))
#لولو_محمد
الحلقه ١٢٢
مرام / طب والله ان مفتحت اللاب وورتنى كنت بتتفرج على ايه مقعدلك فيها انت فاهم و لا لا و متخلينيش انادى خالو و اكبر الموضوع افتح اللاب ده ورينى
مازن / مش اللى فبالك ماشى اهدى بقى
مرام / طب افتح
مازن ساكت
مرام / ماشى انا ماشيه سلام
مازن يمسك ايدها تبصله يفتحلها اللاب تبص تلاقى محمود بيفتح الخزنه و عمال يفتح فى الملفات و يبص فيها
مرام / دا محمود
مازن / اه محمود
مرام / بيعمل ايه
.................
مازن / انتى شايفه ايه
مرام / مش فاهمه
مازن / دى الخزنه الرئيسيه فى الشركه فى مكتب خالو فيها الورق المهم و الفلوس
مرام / محمود مش حرامى
مازن / عارف شريف اداله المفتاح و الرقم السرى النهرده عشان هيمسك مكانه لما يسافر استنى لما خالو مشى هو و شريف و زى مانتى شايفه
مرام / ليه
مازن / غالبا بيدور على حاجه يمسكها علينا
مرام تبص فى الارض و تروح تقعد فى جنب و باين عليها الحزن مازن يقفل اللاب و يروح يقعد جنبها
مرام / محمود عمره مخان الامانه ايه اللى جراله ازاى يعمل كدا
مازن / لما طنط مديحه تيجى بالسلامه هوريها الفيديو و هى هتتكلم معاه
مرام / انت كنت عارف انه هيعمل كدا
مازن / اه عارف
مرام / منين عرفت منين
مازن / من يوم مدخل الشركه و هو تصرفاته مريبه فالاول طلب الحسابات يراجعها و قفل على نفسه الباب هو و سعد و فضلوا يدققوا فكل الفواتير القديمه و الجديده و بعدها راحو الارشيف و عملوا نفس الموال و فالاخر قال انه محتاج يتعلم حاجه افيد و عاوز يشتغل مع شريف فى مكتب خالو قلت لشريف اديله المفاتيح و عمل بالظبط زى متوقعت محمود مش حرامى محمود مسرقش جنيه مالخزنه هو بس مش قادر يصدق اننا ماشيين عدل
مرام / و كانه متعلمش مالمره اللى فاتت لما جابلى التحاليل مكنش يعنى شايف حالتى كانت عامله ازاى وقتها ليه مش قادر يفهم انى بحبك ليه مصمم يجرحنى ليه مصمم يفرق بنا
مازن / هو بيحاول يحميكى بطريقته
مرام / يحمينى انه يحطنى فى الموقف ده قدامك بيحمينى
مازن / متاخديش الامور على اعصابك خليه يطمن
مرام / مش من حقه
مازن / خليه يطمن برده اصل هخاف من ايه ربنا وحده اللى يعلم ان لانا و لا خالو نقبل على نفسنا قرش حرام خلاص خليه يتاكد بنفسه
مرام / و بعدين تفتكر واحد بالتفكير ده هيسكت
مازن يبتسم
مرام / عمره مكان كدا انا بقيت بخاف عليه من عقله
مازن / بكره يعقل
مرام تبص الناحيه التانيه و هى مخنوقه
مازن / بس حاجات وحشه ايه دى اللى كنتى فكرانى بتفرج عليها هاه ؟؟
مرام تبصله يدحكلها تبتسم و تهز راسها لا و تسيبه و تمشى
............................
فى الشركه
صفوت / ها يا حوده استقريت على ايه تحب تكمل فى انهى قسم
محمود / الحقيقه انا لفيت كل الاقسام مستفدتش قد مستفدت فى الفتره البسيطه اللى قضيتها فى مكتب حضرتك
صفوت / شوفت مش قولتلك
محمود / حصل حضرتك
صفوت / اقعد اقعد واقف ليه
محمود يقعد و هو مبتسم
صفوت / مازن امبارح كلم الحجه سميحه و اتفقوا ان الدخله باذن الله هتبقى اول مترجع بالسلامه
البسمه تروح من على وش محمود
صفوت / كنت عاوزك بما انك مش هتسافر معاهم بكره تمسك مكان شريف مع العمال عندى فى الفيلا تتاكد ان الشغل ماشى زى الساعه احنا مصدقنا اقنعنا تيته مش عاوزين اى حاجه تعطلنا
محمود / و ليه الصربعه دى حضرتك
صفوت / يابنى دا رابع مره يغيروا فيها معاد الفرح كان فى اجازه نص السنه و بعدين بقى فى الصيف و رجع بقى فى اجازه نص السنه تانى و اهو رجع فالاجازه تانى هههههههههههههههههههه عقبالك يا محمود
محمود يبتسم من تحت الدرس
محمود / هستاذن حضرتك
صفوت / اتفضل و متنساش تيجى بكره الصبح تسلم على مرام قبل متسافر و تقف مع العمال
محمود / تمام حضرتك
...................................
فى كافيه فى امريكا
نورا واقفه تبص عالباب كل شويه و بعدين تتنهد بحزن زميلتها تخبطها على كتفها تبتسم و تقلع المريله و يمشوا سوا و هما بيتمشوا تعدى عالمبنى اللى فيه شركه على و تبص عليه و زميلتها تسبقها و بعدين ترجعلها تبتسم و يكملوا مشى سوا
...........................
تانى يوم الصبح
مازن يحط الشنط فى العربيه عربيه شريف توصل و صافى جنبه
مازن / فمعادك بالثانيه عملتها ازاى دى
صافى / البيه قالى المعاد بدرى ساعه و نص بحالها ....افتكرها ماشى
شريف / مش احسن مفضل واقف ملطوع فى الشارع
صافى / لا يا راجل ماشى ادينا جينا فين الباقيين بقى
مرام تطلع من جوه تسلم على صافى
مرام / اهلا اهلا
صافى /ايه ده هو فى قمر بيطلع بالنهار
مرام / ههههههههههههههههههه اتعلمتيها منين دى
صافى / شريف لسه قايلهالى
صافى تغمزلها شريف و مازن يدحكوا محمود يدخل الفيلا مرام تركب العربيه و تلبس النضاره الشمس يبص عليها باستغراب مازن يروح يسلم عليه و ياخده بالحضن
مازن / فمعادك بالثانيه
محمود عينه على مرام فى العربيه
مازن / خالو مستنيك جوه هيسلمك الرسومات و هيشرحلك كل حاجه قبل ميمشى و زمان المهندسه و العمال جايين بس احنا لازم نمشى عشان منتاخرش معتمد عليك ماشى
محمود يهز راسه مازن يركب العربيه و صافى و شريف يركبوا و الكل يتحرك و محمود بيبص على مرام و هى مش عاوزه تبص عليه
.................................
فى اوضه نيفين
نيفين قاعده جنب مامتها بتتفرج عالتليفزيون تجيلها رساله تبص فالموبايل " والله اشتقلك و اموت عليك" نيفين تبص للرساله باشمئزاز و متفهمش توصلها رساله تانيه " اجيب الدنيا تحت رجليكى فدا نظره من عنيكى "
نيفين / ايه الهبل ده
الست / فى ايه يا نيفين
نيفين / مفيش حاجه الشركه خصمت فلوس اشتراك خدمه انا مشتركتش فيها مانتى عارفه انهم نصابين
الست / انتى هتقوليلى دول يسرقوا الكحل مالعين دانا امبارح لسه شاحنه الكارت يادوب كلمت ابوكى اطمنت عليه قالى لقد نفذ رصيدكم حاجه غم
توصل لنيفين رساله تالته " رايد اسمع صوتك والله تقولين احبك يابو طلال " نيفين تاخد التليفون و تدخل جوه و تتصل يفتح عليها
ابو طلال / حبى انا
نيفين / ايه اللى حضرتك بتعمله ده
ابو طلال / انا رايدك فى الحلال
نيفين / انا ؟؟
ابو طلال / ربى وحده اللى يعلم اللى بيا من يوم شوفتك
نيفين / عشان كدا قلبت على بابا عشان كدا بتاذيه عشان رفض صح
ابو طلال / عرضت عليه المهر و الشبكه اللى يطلبها و همسكه مدير لفرع الشركه فى مصر عشان ياخد باله من امك و اختك الصغيره و لو كان طلب نجوم السما والله اوافق
نيفين / للدرجادى
ابو طلال / احبك
نيفين / بس انا قد عيالك
ابو طلال / الحب ملوش قيود لا بيعرف سن و لا لون و لا عرق و لا اى شئ
نيفين / و بابا فين دلوقت
ابو طلال / ابوكى معزز مكرم عند اهلى و احبابى لحين اسمع قرارك اما يضايفونه و اما يسلمونه كلو بايديكى انتى يا وجه القمر
نيفين / فى الحلال صح
ابو طلال / كيف ما تبين
نيفين / موافقه بس بشروطى
ابو طلال / موافق عليها كلها منغير مسمعها
نيفين / يبقى اتفقنا تيجى انت و والدى
ابو طلال / لا تيجى انتى و اهلك
نيفين / اول شرط رفضته انا عاوزه فرح وسط اهلى و صحابى انا مش بيعه و شروه انا عروسه و من حقى افرح و تجبلى شبكه كبيره و رصيد فى البنك و تامنلى مستقبلى
ابو طلال / موافق
نيفين / خلاص انا مستنياك وقت متيجى نتجوز
ابو طلال / على بركه الله نقرا الفاتحه
..........................
فى الفيلا
محمود يدخل يقابل نادين
محمود / صباح الخير صفوت بيه هنا هو مستنينى انا محمود
نادين / ايوه هو مستنى حضرتك فى المكتب اتفضل
محمود يروح ورا نادين تفتحله المكتب يدخل تقفل وراه
صفوت / اهلا اهلا صباح الخير يا محمود ازيك
محمود / الحمد لله تمام
صفوت / سلمت على الشباب دول لسه ماشيين
محمود / ايوه شفتهم
صفوت / تعال بقى اما اديك الرسومات و الحاجه عشان اللحق امشى اروح الشركه
محمود / اتفضل
صفوت يقوم يحرك البرواز و يدخل الرقم السرى و محمود مركز يلقط الرقم الباب يتفتح و يدخل يجيب ورق و خزنه تانيه جوه و فلوس و يطلعله و يقفل الخزنه تانى
صفوت / الخزنه دى ميعرفش عنها حاجه غير انا و انت و مرام و مازن حتى شريف ميعرفش عنها حاجه
محمود يتبسم
صفوت / بحط فيها كل حاجتى المهمه الخدامين اللى فالفيلا ميعرفوش انها موجوده اصلا فاكرينها مكتبه زى مانت شايف
محمود يهز راسه
صفوت / الفلوس دى بقى هتديها للمهندسه بعد متحاسبها و تفهم منها هتعمل ايه كويس و الورق ده الرسومات اللى هما اتفقوا عليها مع مازن تتاكد انها هتنفذها بالحرف طبعا هى مش هتخلص كل ده النهرده بس يعنى انت معاهم بقى عشان انا لازم امشى دلوقت متاخر جدا
محمود / خد راحتك يا صفوت بيه خد راحتك
صفوت يطبطب على كتف محمود و يسيبه و يمشى
............................
فى الطريق
مازن / هتفضلى ساكته كدا كتير
مرام / هقول ايه
مازن / اى حاجه قولى مثلا ليه مسلمتيش على محمود و احنا مسافرين
مرام / مش طيقاه
مازن / احيانا الغايه تبرر الوسيله
مرام / دا مش مبرر دى خيانه امانه
مازن / هو بيحاول يحميكى
مرام / انا مش قادره افهمك انت فكل مره يعمل مصيبه انت الوحيد اللى تدافع عنه فنفس الوقت اللى كنت هتروح تتخانق معاه لما شميت البرفيوم فاوضته
مازن / دى حاجه و دى حاجه يا قلبى هههههه ساعتها كنت غيران عليكى طبعا انا واثق فيكى و كل حاجه بس متدخليش اوضه نومه يعنى و كان لازم اعرف الحقيقه عشان شوشو ميقعدش يلعب بدماغى
مرام / طب و يوم لما شديتو مع بعض فى الكليه و لا يوم مشوفتنى بمسح عندهم
مازن / انا شايفك ملكه ادايقت طبعا لما لقيتهم مقللين منك كدا انا عاوز اجيبلك نجمه مالسما انتى عندى حاجه كبيره اوى يا مرام
مرام / ايوه يعنى انت بتدافع عنه ليه و انت مش طايقه
مازن / عشانك عشان انا عارف قد ايه هو غالى عندك عشان انا مش عاوزك تبقى وحيده و عشان انا عارف انه قصده خير و بيحاول يحميكى و دى حاجه تسعدنى ايوه مدايق من طريقته بس على قده بيحاول يعنى
مرام / تسعدك
مازن / مدام انا نضيف هخاف حد ينخور ورايا ليه ايه اللى يدايقنى فده لعلمك محمود دلوقت خالو اداله رقم الخزنه اللى فالفيلا مش امتحان ليه عشان يفتحها و يدور و يتاكد بنفسه ان مفيش حاجه
مرام / ليه يفرق فى ايه
مازن / معايا ميفرقش اقسم بالله ميفرق تصدقى حتى لو سرق كل اللى فالخزنه مع انه ميعملهاش والله ميفرق دى ملاليم
مرام / امال
مازن / هيفرق معاه هو معاكى انتى
مرام / معايا انا ؟؟
مازن / لا اله الا الله يا مرام بصى يا قلبى ايه رايك لو قطعتى مع محمود خالص هتبقى مبسوطه
مرام / اكيد لا
مازن / شوفتى بقى يمكن قبل محاضرتك الطويله يوم الفطير عن قد ايه هما مهمين بالنسبالك و ان طنط مديحه هى امك كان ممكن يكونلى رد فعل تانى و ممكن يكون عنيف على فكره بس تفتكرى بعد مقولتى انها امك انا ممكن ابعدك عنها او ائذى ابنها
مرام تبصله
مازن / انا اكتر واحد فالدنيا عارف قيمه الام كويس انا اكتر واحد عارف قيمه الاهل و العزوه و الضهر و السند و اللى محمود بيعمله انه بيحاول يكون ضهرك
مرام تبص الناحيه التانيه
مازن / متدايقيش نفسك سبيه يلعب
مرام تبصله
مازن / تعرفى المنتجع اللى احنا ريحينه ده تحفه بجد اصلا البحر الاحمر ده محصلش لون المايه و الفيوز و الجو تحسى كدا حته مالجنه
مرام تبصله و تبتسم
مازن / و لا الجونه بقى و سهل حشيش تحسي انك بتعومى فمايه معدنيه
مرام / دى اللى هنروحها فشهر العسل صح
مازن / لا داحنا هنلف الدنيا هوريكى اماكن عمرك مشوفتيها فحياتك
مرام / اى حته بره القاهره عمرى مشوفتها فحياتى يا مازن فمتقلقش الموضوع ده هيكون سهل جدا
مازن / هههههههههههههههههههههههههه
مرام / تعرف اكتر حاجه مخليانى مبسوطه ايه
مازن / ايه
مرام / انى هشوف مونيكا و كمان صافى و شريف معانا معاهم بحس انى على طبيعتى لكن الباقيين بقى ببذل مجهود رهيب انى احافظ على ثباتى الانفعالى وسطيهم
مازن / هههههههههههههههههههه هما اوقات بيبقوا مستفزين منكرش بس انا شايف انهم بيحاولوا يعاملوكى كويس خصوصا زياد و بعدين انتى مراتى دلوقت و الكل بيعمل لزعلك حساب
مرام / يا سلام
مازن / طبعا انتى فاكره ايه هما عارفين كويس قيمتك عندى و ان زعلك هيزعلنى و صدقينى محدش فالدنيا عارف قد ايه انا زعلى وحش قدهم
مرام / يا ماما خوفت
مازن / ههههههههههههههههه لا متخافيش انتى عارفه ان وشى التانى معاكى لذيذ و انتى اللى قولتى كدا بنفسك
مرام / تاكلينج مونستر
مازن / تيكلينج
مرام / نعم
مازن / تيكلينج مش تاكلينج يعنى زغزغه
مرام / ماشى
مازن / و اه مفيش داعى لاى نوع من انواع الثبات الانفعالى اتعاملى بطبيعتك و انبسطى و انا فضهرك تمام
مرام / لا خلينا كدا احسن احنا رايحين ننبسط مش رايحين نتخانق
مازن / و تتخانقى ليه مقولتلك احنا كلنا رايحين ننبسط
مرام / هى ليه طنط فريده مجتش معانا مش بقالها فتره طويله مشافتش مونى
مازن / هتسافر لبابا
مرام / ايوه بس كانت على الاقل اجلت سفرها يوم واحد تشوف بنتها اصلا تصرفاتها كلها غريبه و كلامها تحس انه
مازن / السم فى العسل
مرام تبص لمازن باستغراب
مازن / ايه هتعرفيها اكتر منى يعنى اى كلمه بتقولهالى بفضل اعيدها فى دماغى ستيمه مره من كل الاتجاهات عشان اضمن انها متكونش نصبالى فخ و لا حاجه صحيح هى كلمتك فى ايه يوم الفيلا
مرام / و لا حاجه عادى كانت بتطمن عليا
مازن / مكنتش خرجتى بره لو كانت زيارتها عاديه
مرام / عادى على فكره انا بتعامل معاها باسلوب احسن من اسلوبك بكتير و بمجهود اقل
مازن / طب متعلمينى يا بنتى اقسم بالله لولا انها ام زياد و مونيكا مكنت قعدت معاها فمكان واحد قوليلى
مرام / بدخل من هنا و بطلع مالناحيه التانيه
مازن / تصدقى صح ازاى فاتتنى دى
مرام / انت هتجيب حمارتك جنب حمارتى و لا ايه
مازن / هههههههههههههههههههههههههههه لا ازاى الحمير مقامات
مرام / ههههههههههههههههههههه
............................
فى الفيلا
محمود واقف فى الخزنه و عمال يدعبس فى الورق باب الخزنه يتفتح محمود يبص يلاقى صفوت و معاه مجين نسكافيه يدخل و يقفل الباب و يروح يقعد و يحط النسكافيه عالترابيزه محمود يرجع الملف اللى فى ايده فالخزنه صفوت يشاورله يجى يقعد محمود يروح و باين على وشه الخضه
صفوت / ها طمنى لقيت حاجه
محمود باصصله و ساكت
صفوت / انا قولت اجبلك كبايه نسكافيه على فكره نادين بتعمل نسكافيه خرافه بس لو عاوز تشرب حاجه تانيه قولى الاسبرسو هنا حكايه بس انا مبقدرش عليه حكم السن بقى
محمود ساكت
صفوت / استغربت فى الاول لما مازن طلب منى اديك رقم الخزنه زى مقولتلك محدش عارفه غير انا و مازن و مرام و انت طبعا دلوقت بس دلوقت فهمت السبب
محمود / مازن اللى طلب من حضرتك
صفوت / انت مستقل بمازن اوى يا محمود اوعى تفتكر ان الشركه بتبقى مفتوحه كدا لاى حد و اى حد يقدر يدخل و يدعبس و يفتش براحته كانها تكيه لا مازن سابك عشان قلبك يطمن عشان تعرف ان فلوسنا حلال و اننا فالسليم قولى بقى اطمنت و لا لسه شاكك فى حاجه
محمود / كنت هطمن لحد الجمله دى
صفوت / اكمننا عارفين انك هتدور فنضفنا مكانا يعنى لا متقلقش انا راجل حاجج بيت ربنا بدل المره خمسه و بعرف ربنا كويس و مبدخلش جنيه حرام لا على نفسى و لا على عيلتى اسمع يا محمود انت لو كنت واحد تانى كنت سيبت عليك الكلاب اللى فالفيلا زى اى حرامى تافه بس انت مش حرامى يا محمود انت ابو نسب مرام اتخانقت مع مازن ووقفتله عشانك بدل المره مليون و مازن بيعمل لزعل مرام الف حساب
محمود يبصله
صفوت / اى راجل عاقل لازم يخاف من مراته امال انا متجوزتش ليه لحد دلوقت
محمود يدحك فسره و يكتمها
صفوت / انت دلوقت من مقام مرام و مازن بالنسبالى انت تاعب نفسك عالفاضى ركز فى شغلك يا محمود و اتعلم استغل الفرصه اللى فايدك انت شاب ممتاز بلاش تخسر مرام عشان شكوك اقسم بالله ملهاش اى اساس مالصحه
محمود / تضمنلى ان مازن هيصون مرام و انها مش مجرد نزوه فحياته
صفوت / اضمنلك اقسم بالله لو فكر بس يجرحها لو فكر بس لتبرى منه انا عرضت انى اكتب كل مليم املكه باسم مرام و مرام اللى رفضت تفتكر انا ممكن ارمى فلوسى و شقايا و تعبى انا و عيلتى طول السنين اللى فاتت بمجرد نزوه انت لو كلفت نفسك بس تبص لمازن و تركز بس ازاى بيبص على مرام و كميه الحب اللى جواه ليها عمرك مهتسال السؤال ده مازن وقف للدنيا كلها عشانها
محمود باصص فى الارض
صفوت / انت غالى اوى عند مرام يعنى انت غالى علينا و دلوقت بكلمك راجل لراجل قولى ناوى على ايه تبقى فرد مالعيله و اخ لمازن و مرام و ابن ليا و لا هتخرج من حياتنا خالص
محمود يبصله
صفوت / اوعى تفتكر ان مرام مبسوطه باللى انت بتعمله
محمود / مرام عارفه انتوا قولتلولها
صفوت / انا قولتلك ان عندى شغل على العموم فكر براحتك و خد قرارك بالراحه و بلغنى بيه عن اذنك
صفوت يقوم و ياخد النسكافيه بتاعه و يطلع بره محمود يبص فى الارض ثوانى و يطلع وراه صفوت يدخل ياخد المج التانى و يسيبهم عالمكتب و يرجع يقفل الخزنه و يمشى و محمود لسه واقف يبص عليه
..........................
فى الحاره فشقه توفيق
توفيق قاعد عالسرير و ايده الشمال مربوطه بكلابش فى ايد السرير
توفيق / يا اميره انتى يا بنت الكلب ياللى اسمك زفته
باب الاوضه يتفتح و امه تدخل
امه / صحيت يا حبيبى صباح الخير عامل ايه
توفيق / بلا حبيبك بلا زفت هو انا لو كنت حبيبك كنتوا ربطتونى الربطه السوده دى فكينى عاوز اروح الحمام و لا سى مجدى هيبقى مبسوط لما اعملهالكوا على روحى بجمله الذل اللى الواحد عايش فيه
الست / هكلم مجدى يجى يفتحلك
توفيق / و لحد مسى زفت يشرف اعمل ايه دا ايه الهم ده
اميره تدخل و شايله الفطار و القهوه و السجاير على صينيه تحطها جنبه عالكومدينو
اميره / صباح الخير يا سى توفيق كلمت مجدى و جاى حالا
توفيق / انجرى غورى من وشى شوفى الزفت دا فين
باب الشقه يتفتح و مجدى يدخل يفك الكلبش لاخوه يقوم يدخل الحمام اميره تدخل المطبخ
الست / كفايا بقى يا مجدى الحال ده ميرضيش ربنا
مجدى / اعمله ايه يعنى اسيبه يضيع نفسه و يضيعنا معاه الباشا الكبير رفع عننا الحمايه ياما اى حركه هبل هتضيعنا انا حتى شغلى مبقتش عارف امشيه عشان عين الحكومه اللى بقت عليا قد كدا و كل ده ليه عشان خاطر المحروس ابنك و جنانه
توفيق يرجع يقعد عالسرير مجدى يجى يمسك ايده يشدها
...................................
STAI LEGGENDO
السكه شمال بقلم / لولو_محمد ( كامله )
Storie d'amoreشاب ثرى متعدد العلاقات يقع فى حب فتاه ملتزمه فقيره و يرفض محيطه هذه العلاقه و يحاولون التفريق بينهما
