سهر (مكتملة)

البارت الاول

البارت الاول

على فكره تقريبا هذي الأحداث في سنة التسعين تقريبا

والقلب امنيات كثيرة اولها واخرها انت💞

ام سهر يمه سهر كعدي راح تتاخرين عالامتحان
سهر مفتحه عين ومغمضمه عين

سهر ليش هسه الساعة بيش

ام سهر بالسبعه
سهر 😲 شنو لاماما اكيد تشاقين
معقولة ليش ماكعدتيني من وكت
ام سهر صارلي ساعه واني انده عليج وانتي مثل الميته ولا حركه
سهر شسوي البارحه تاخرت بالنومه جنت اقراه
راح ابدل عالسريع

ام سهر انى راح اسويلج ريوك عالسريع بدلي وتعاي

سهر مااريد اتريك مو جوعانه

ام سهر مايصير ي ماما لازم تاكلين حتي  تسوعبين اكثر

سهر يله راح اكل لكمتين عالسريع

سهر بدلت ملابسي وطلعت  رحت على بنت جيرانه سوزان صديقتي تركمانيه
يله سوزان تاخرنه
سوزان بس علكيفج رجلين لو تايرات لخاطر الله شكد سريعه
سهر احس حتي نوصل بسرعة 

سهر وصلنه للمدرسة عالفكره نسيت اكولكم هذي امتحانات اخر السنه مال السادس

دخلت للامتحان   وخايفه كلش امتحاني انكليزي واني كلش ضعيفة بيه
يارب سهل امري كاعده وادعي  ياربي خايفه
دخلت اللجنة الامتحانيه وبدت التفتيش
يمه عبالك مهربت اثار  😂
الحمد لله طلعت سالمه منه هوايه بنات لكو عدهم غش
سلمونه الدفاتر  والأسئلة بديت اقراه وانصدم
الاسئله صعبة والمراقبين كلش متشدين

الحمد لله حليت الاعرفه والباقي علله
طلعت من الامتحان  وكعدت انتظر صديقتي سوزان

.اخيرا طلعتي شبيج لزكتي عالدفتر
سوزان يمعوده خايفه كلش الأسئلة صعبة
سهر اي والله كلش بس
الحمد لله حليت

سوزان ياله خلينه نرجع
كاعدين نمشي بالشارع
طلعنه من المدرسة 
مشينه بالشارع   المدرسة شوي بعيده عن البيت
اكو اثنين من طلعنه بس يمشون ورانه
انى كلش خفت المشكلة سوزان
مو محجبه وصدريته قصيره
سهر اكلج سوزان هذوله الاثنين  لاحكينه من المدرسة
سوزان صدك والله وينهم
سهر لاتصرين خفيفه
واحد من الشباب
عيني اغاتي فدوه رحتلج بس ردن علينه
سهر اش ولاكلمه لاتحجين شي
ضلوا يمشون ورانه
واحنه ساكتات  مو عاجبنه الوضع لا بس اجتني فكرة
وصلنه منطقة مثل السوك غيرت الطريق 
سوزان ولج منين جبتينه
سهر
بس اسكتي اني اتصرف
ضلو يمشون وكفت بنص الشارع وكمت اصيح لحكوني ياناس يااهل الغيره هذولي الشباب يتحرشون بينه مااحس الا الزلم التمت
وبد الضرب انى لزمت ايد سوزان ورحت للبيت
سوزان ولج شكد كويه لخاطر ربج
سهر 😏شعبالج بنات ناس ومنداس
سوزان خوفتيني

سهر يله باي
سوزان باي

سهر دخلت للبيت واني ميته تعب
ام سهر ها يمه بشري
سهر الحمد لله حليت
ام الله يوفقج

دخلت غيرت ملابسي   وبديت اقرا امتحان باجر
 

صار وقت الغدا
طلعت من الغرفة لكيت بابا موجود   اخويه اسامه
ابو سهر هابويه سهر شلونج اليوم بالامتحان
سهر الحمد لله بابا بس الأسئلة شوي صعبة
ابو سهر انتي مينخاف عليج كده ان شاء اللة تنجحين
مو مثل هذا اخوج الكسلان
شيسالفه انى مااحب المدرسة
ابو سهر هذا مستقبل
سهر كملنه غدا
انى دخلت نمت ساعتين
وكعدت اقراه
مرت الأيام  وخلصت
امتحانات بيه الصعب وبيه السهل
كعدت انتظر الشهايد
ويوم من الايام  جنه كاعدين بالمطبخ الصبح انااخواتي وماما
ماحسينه الا دخلت اخويه اسامه
اسامه الله يستر
ام سهر خير شكو شصخمت
اسامه واني شكو بس اكو اشتباكات بين الكراد والعرب
وشكله الاشتباكات  جايده يعني (صعبة)
ام سهر يايمه الله يستر
هسه ابوكم شلون يجي كلبي  مو مطمئن
سهر كولي يالله يمه شبيج ماكو
شي ان شاء اللة انى اصبر بامي اني واخواتي بس وحده تباوع للثانيه وكلوبنه نار الله ليستر
بعد ساعه ماانحس الا الضرب
والرصاص انحسه قريب
ما اشوف غير اسامه طلع والرصاص قريب
امي من شافت اسامه طلع كامت تصيح.......

اعذروني لان قصير

للحكاية بقيه
للكاتبة ياقوتة الانبارية