تضحية اسعدتني 🌹

تضحية اسعدتني 🌹1

#تضحية_أسعدتني 🌹

الحلقة 1 و(المقدمة ) ✨

عائلة رجب ✨

رجب مواليد 60 وهوا اكبر واحد في خوته وبوه محملة مسؤلية كبيرة من صغرة امهم ميتة من وهما صغار وبوهم ماباش يتزوج قعد رجب يقرا ويخدم في اكتر من خدمة مايروحش
الا في الليل ولما كمل الثانوي توفى بوه كانو خوته قاعدين مش قد المسؤلية معش عرف شن يدير وكيف بيتصرف ملقاش حل الا انه يتزوج اتزوج بنت عمه وهوا عمره عشرين سنة وقعد يخدم وسيب قرايته وبعد فترة طلعتله ورثة امه وبوه بني بيها محل صغير قدام حوشهم و بيني زوز حياش لي خوته الزوز وقعد علي الحال هدا لين كون روحه وبني سبرماركت كبير ودار صفت محلات كاملة وخدم فيهم خوته يعني هوا بنسبة لي خوته الكل ف الكل وكلمته مسموعه
مرته سعاد مواليد 64
ولده الكبير حسام81 متزوج وعنده زوز بنات وولد
وبعده حاتم 83 حتى هوا متزوج وعنده ولد وبنت
سراج 90 مش متزوج ومتخرج من القانون ومايخدمش لان هكي كساد وماخاطراش مزاجي  وملوعب لاكن من تحت لي تحت 😂  ومع هدا طيب هلبا
سند 94 هدا الصايع في خوته يحب يتبسل علي البنات ويكلم في ستين وحدة 😂ويقرا ف فنون واعلام

(خوت رجب )
_نور الدين 69
مرته نجوى موليد 73
ولده الكبير معاد 92
والتاني احمد 95
وبنته تسنيم 98

_نصر الدين 71
مرته اسماء 78
بنتها الكبيرة سارة 97
بعدها مالك 99
وبعدها رامي 2000
وبعدها رتاج2001

_______________________

عائلة عبد المجيد ✨
عبد المجيد هدا راجل كبير ف العمر بعد ما توفت مرته ماباش يخلي حد من صغاره يسكن معااه
ولده الكبير بشير
وبعده بنته ليلى
وبعدها بدر
وبعدها امنة

بشير متزوج وعنده  وعنده تلاتة ولاد
بدر متزوج لاكن ماعنداش صغار
ليلى متزوجة وعندها تلاتة  ولاد وبنت
سيف 93
يوسف 94
منال 98
يزن 2008

امنه متزوجه وعندها زوز بنات وولد
اريام 96
عمر99
ريهام2001
وفي سنة 2001 توفى راجل امنة وهي ف الشهر الثامن وهي كانت قاعدة صغيرة بعد ما تم عزي راجلها جوها سلافها وطلعوها من الحوش هيا وصغارها وماخلوها اتطلع معاها حتى قشة لين جي بوها وخش للحوش غصبن عنهم طلعلها حوايجا وخلاها تخش تاخد كل شي يخصها وطلع رفعها لي حوشهم وسكنها معاه
كبرو صغار امنه وهما ناقمين علي عمامهم ومن يوم طلعو من حوشهم معش لا شافوهم ولا سمعو عليهم حاجة

🌟ملاحظة (العيلتين مايعرفوش بعضهم )

______________________________

حوش رجب ✨

الساعة 5:00

سعاد :هيا قعمزو عاد والله نضربكم رااه تعالالهم يا حسام
خش سند :شني الدوشة هادي ااه وخش بدي يفشخ فيهم علي بعض والله واحد يتحرك من مكانه لما نحرقه بنار 😠
الصغار يابسين ف مكانهم ويبكو
سعاد :ياريتك جيت من امبكري نشفولي راسي
سند :اماليهم ويين
سعاد: مشو يعزو ف جيرانا اني والله ماعندي جهد قتلهم برو انتو مع نساوين عمكم
سند شرين تليفونه طلع :ايواا
احمد:ها وينك يا راجل خيرك عطلت
سند :اهو جيتك هي سراج جي ؟!
احمد :ايه جي سقد روحك