صغيرتي المغروره 😍
البارت الثامن والعشرون 😍
بدايه حب جديد اتولد مع كلمه قالها البطل ولمعه ابتسامه في عيون البطله .حب جديد بين اتنين بيبتدي بالاعتراف بالحب والشغف اللي مالي القلوب 😘
رجع مازن وتارا البيت وكلا منهم يحمل من السعاده في قلبه مايقدر علي جعله الشخص الاسعد في العالم .دخلا المنزل سويا وكانت ليلي وهدي تجلسان تتحدثان.
تارا ومازن : السلام عليكم .
هدي وليلي : وعليكم السلام.
هدي : باين عليكم اتبسطوا احسن من امبارح.
مازن : اه الحمد لله.وغمز لوالدته.
تارا : مامي ممكن تحضروا الاكل عشان معانا درس بس بسرعه.
ليلي : احنا اتغدينا يا روحي .بابا وعمك مراد جم بدري وحطينا الاكل لينا وقولنا لما تيجوا تاكلوا سوا.يلا روحي حضري انتي ليكي ولمازن.
تارا وهي تتصنع الحزن : كده يا امامتي اهون عليكي احضر الاكل لوحدي .وانتي روحتي فين اجميل .
ليلي : روحي ابت اعملي ليكي فايده .وحطي اكل ليكي انتي ومازن .
تارا : ماشي اماما.ثم وجهت كلامها لمازن .اتفضل يلا حضر السفره عقبال ما احضر انا الاكل.
مازن : طنط ليلي هيجيلي تلبك معوي كده.
ليلي : متقلقش المستشفي قريبه وهنلحقك.
مازن : أن كان كده ماشي .
تارا : بتهزروا حضرتكم طب ايه رأيك هعمل اكل لوحدي ومش هأكلك .
وذهبت وتركته .وجري هو خلفها .
مازن : خدي ابت هنا اما اقولك.
جرت تارا الي المرسم الذي تقنت به بسرعه وهي تضحك .ولكنه لحق بها عندما دخلت وحاصرها علي الحائط.
تارا : ههههههههههههه مش هتلحقني.
مازن : خدي ابت.
مازن وقد حاصرها علي الحائط.
مازن : ها لحقت ولا لا ؟
تارا : هههههههه لحقت ابعد بقا.
مازن : لا.
تارا : ابعد شويه.
مازن وهو يمرر اصبعه علي خصلاتها الطويله : انا بحبك اوي يا تارا .بحبك من اول يوم شوفتك فيه .و لما كلمتك علي موضوع الفون كنت عايز اعمل اي حوار معاكي .ولما زعقتلك كأن نار جوايا كانت بتغلي متخيلتش انك تلبسي قصير او كت برا البيت او اي حد يشوفك.ولما شوفت. اللي اسمه محمود ده بيكلمك كان هاين عليا اكسر ضلوعه واقطعله لسانه اللي بيقولك واحشتيني بيه ده .ويوم الخطوبه لما لبستي الفستان القصير ده كنت عايز اولع فيه بسبب انك كنتي لابساه قدام كل اللي كانوا موجودين .ولما حضنتي اللي اسمه عز ده كنت هروح ادفنه في مكانه مستحملتش حد غيري يحضنك او حد يسمع نبضات قلبك غيري.تارا انا بحبك اوي وعمري ما هحب حد في حياتي زيك بجد انتي اغلي حاجه ربنا رزقني بيها .
كانت تارا في عالم اخري تزينه ازهار ورديه تستمع لكلمات الحب والغيره لأول مره من حبيبها.احق اسرت قلبه .ولكنه هو من اسر قلبها الصغير بعيونه تلك .وبتلك الكلمات الرقيقه التي اسر بها قلبها الان .
تارا بسؤال غبي كعادتها : طب وجيسيكا ؟
مازن بعدم فهم : مالها ؟
تارا : بتحبها ؟
قهقها مازن عاليا : لا بحبك انتي وبس ومش بحب غيرك.
تارا : طيب ليه كنت بتقولها بحبها ؟
مازن : ههههه كنت عايز انرفزك .واشوفك بتغيري عليا ولا لا ؟
تارا : وشوفت ايه ؟
مازن : امممممم شوفت ان خدودك بتحمر وحواجبك بتعمل ١١١ وشوفت انك بتحبيني وبتغيري عليا .
تارا : مين اللي قالك كده .انا مش بحب حد .
مازن : طب عيني في عينك كده .
نظرت في عيونه الزرقاء .لولا انها تدرك انها مجرد عيون لاقسمت انها مياه زرقاء يلمع بها شعاع شمس تبدأ في السطوع .😘
مازن : بتحبيني ؟
تارا : اا...ااا انا هروح احضر الاكل .
افلتت منه بسرعه ونزلت الي الاسفل وقلبها يسرع في الخفقان .
اسرعت الي الاسفل وقامت بغسل يديها ودخلت المطبخ وجدت صنيه بيتزا مغطاه داخل الفرن اخرجتها وقامت بتقطيعها في اطباق .وغسلت بعض الخيار والطماطم وقامت بتقطيع السلطه .وضعت الطعام علي الترابيزه الموجوده في المطبخ .ووضعت الكاتشب .ونادت علي مازن.
تارا : مازن..مازن .يلا الاكل.
مازن وهو يدخل المطبخ : انتي مش قولتيلي جهز السفره.
تارا وهي تجلس : اش مشكله بقا احنا اتنين بس ليه نقعد السفره دي كلها .
مازن وقد جلس : ماشي يلا كلي بسرعه.
امسكت تارا بقطعة بيتزا ووضعت بعض الكاتشب واخذت تأكل.
اخذ مازن يشاهدها وهي تأكل بريئه وجميله .كم تكون مطيعه عندما يسعدها .اذن فنقطه ضعفها هي (مازن ) ولكنه لن يستخدمها كنقطه ضعف ابدا بل ستكون دائما نقطه قوه .
تارا : انت هتفضل تبصلي كتير.
مازن : بحب اشوفك اعمل ايه ؟
تارا بخجل : طب كل.
مازن : اكليني .
تارا : انت بتهزر صح .انا مش بأكل حد .وبعدين ااكلك بأيه ؟
مازن : ايه السؤال الغبي ده بأيدك طبعا.
تارا وهي تقلد مسرحيه (ريا وسكينه ): وانا اكل بأيه ؟
مازن : امممممم بأيدي .
تارا : تؤ.
امسك مازن قطعه بيتزا ووضع عليها بعض الكاتشب وقربها من فمها .رفضت في البدايه ولكنه اصر وفتحت فمها ببطئ وقامت بأخذ قطمه صغيره .
مازن : شاطره.يلا بقا اكليني .
اخذت تاره قطعه وقربتها من فمه واخذ هو يأكل بأستمتاع..
انهو طعامهم وقامت تارا بلم الاطباق وغسلها وتوجههوا لتغير ملابسهم .انتهوا وخرجا معا وذهب في نفس الطريق معا يتحدثان وءهبا الي الدرس وبدأت الحصه وكلا منهم يختلس النظر الي الاخر من الحين للأخر .ولم تفارق البسمه وجوههم.
مر يومان علي نفس الحال يذهبان للدروس معا وريم معهم ويتحدثان وعندما يعودوا يجلسوا معا يتسامرون ويضحكون ويشاهدون الافلام معا.ولا يخلو المجلس من كلمات الغزل والحب التي يلقيها مازن.
************************
بعد يومين جلست ليلي مع تارا لتحدثها عن الزواج .ونصائح الام لأبنتها قبل الزواج .وتحدثها بأن تحب زوجها لتعيش معه علي الحلوه والمره وبأن تكمل معه حياتها في سعاده وهناء .وأن كانا تزوجا معا في سن صغير ف مع مرور الايام سيكبران ويدركان قيمه الزواج والحب .ويدركان قيمه بعضهما.وان الحب يبني علي الاحترام والثقه المتبادله .كانت تارا سعيده يالتحدث مع والدتها وعندما انتهيتا .توجها معا ومعهم ايضا هدي ومازن ليشتروا بدله الفرح فستان الزفاف.
ذهبا الي اكبر اتليه للفساتين .لشراء فستان لها .انشغلوا جميعا في اختيار الفستان .ولكن لفت انتباهها فستان قصير ابيض ضيق من الصدر وبدون حمالات وبه فصوص صغيره رقيقه وله طرحه طويله .اعجبت به وكانت علي وشك ان تطلب من والدتها ان تشتريه ولكن .
مازن : لا .
تارا : ليه يا مازن ؟ده حلو اوي .
مازن : وقصير اوي وعريان اوي والفرح كله هيبص عليكي اوي لو لبستيه .
تارا : عشان خاطري يا مازن انا عاجبني .وبعدين احنا مش هنعمل فرح كبير يعني
مازن: لا مستحيل ده يتلبس لو حضر حتي الفرح واحد.
تارا : اووووف بقا منك.
اخذ مازن ينظر الي باقي الفساتين ولفت انتباهه فستان طويل ضيق من الصدر و الوسط وينزل بضيقه حتي يكون واسعا بالاسف وبحملات عريضه نسبيا وتملئه الفصوص الرقيقه وطرحتع طويله .اعجب به وعرضه علي تارا التي اعجبها .ووافق الجميع علي شرائه .وقاموا بشراء البدله وعاد الجميع الي المنزل ليقوموا بالتجهيز الي الزفاف .
*****************************
ايه توقعاتكم للبارت الجديد ؟
شاركوني بقا .
*************************
بقلمي : تغريد محمد 😍 — مع Taghreed Mohamed.
