ياسين: قابلينا فليفلة
حمزة : التيتيزة ديالي معرفتيناش
انا طلعت فيه التخنزيرة و قربت حدا حنان
زينب: قوليه يسکت راه غانخوي على طاسيلتو داك البراد حامي يفرفر
حنان هضرات بجهد: حمزة هدا ياسين راجل زينب
حمزة: أواه حبيبة الطفولة ديالي تزوجات و انا مفراسيش كيف درتي ليها
ضرت نشوف ياسين لقيتو كيغلي غير شاد راسو بز ز شديت في ايديه من تحت الطابلة زير عليا
امين: حمزة صافي متزيدتش فيه
حمزة: صافي مايبقاش فيا الحال المهم اول قبلة ليك كانت معايا
هز ياسين رجليه حتى هزها و ضرب الكرسي لي جالس عليه تقلب بيه و تلاح عليه بالكروشيات مفکوه منو غير ایمن و امين
ایيمن: تهدن اصاحبي
هو هز راسو باقي كيغلي جا في اتجاهي انا كنقفقف بالخلعة جرني من ايدي حتى حسيت بيها غتطير من بلاصتها و خرجني ركبنا خلا غير العجاجة وراه
في الكافي
امين: غزا فيك الصراحة مبغيتيش تحشم و تفوت عليك البنت قلنا غايكون غير تبرهيش ديال الصغر ساعة نتا لي فيك فيك آخر مرة نشوفك كتهضر معاها و لا انا لي غانوريك الضسارة بشحال كتقام.(شاف في كريمة) يالاه مشينا
خرجو توجه ايمن لجيهة حمزة
ایمن: حمد الله فكيناك أما كوراك كوما دابا (شاف في لمياء) يالاه نتي لداركم
خرجو حتى هما
مروان: شكون هاد الباسل
حنان: للأسف ولد خالتي يالاه نمشيو خرب علينا الخرجة تفو
قربات حداه و قالت
حنان: تعيش و تاكل غيرها و المرة الجاية بقى تعرف اش كتخرج على فمك
و خرجو و خلاوه دماياتو دايزة و داير الثلج لوجهو
عند زينب
وصلنا لواحد البلاصة خاوية مقابلة مع البحر ياسين معصب الطريق كاملة مدواش خرج غضبوا في الصوكان و الفولو وقف و هبط بقي غادي جاي قدامي انا خايفة لا يتعصب عليا و في نفس الوقت فرحانة حيت غار عليا بقي شويا حتي برد عاد جا من جيهتي حل الباب
خرجني تکيت على الطوموبیل و جمعت التكبيعة ديال الدراري الصغار
ياسين: يالاه کنسمع عاودي ليا قصة هاد الحيوان و بلا بكی
انا سرسرت ليه كلشي
زينب: صافي هادشي لي كاين
ياسين: برافو مراتي سبع منخافش عليها
زينب: لا انا مرات السبع
ياسین: ههههه هي لبوؤة
زينب: هههه اه
ياسين: معنديش الحق نحاسبك على ماضيك و لكن هو استافزني
زينب: انا عارفاه مستفز زائد انا معنديش الماضي لي نخبي صحيح كنت كنخرج نضحك نتفلى و و و ولكن عمرني كانت عندي شي علاقة
قبل منك عندي اصلا صغري داز کلو زبایل و مني كبرت خشيت
راسي في القرایا
ياسين باسها في حنكها: كنبغيك امو زبايل (باسها في الحنك لاخر)
گنحماق عليك( باسها في نيفها ) نتي هي گلشي في حياتي يالاه غادي يبوسها في فمها و هي توقفو
زينب: اش كتدير راه حنا في الزنقة
خطف بوسة خفيفة من فمها
یاسین: اش ندير راه نتي حلوة
انا حدرت راسي كيحشمني
ياسين ضربها لنيفها: يخليلي لي كيحشم انا اجي فكرتيني
زينب: اشنو
ياسين: فكرتي فين باغية نسافرو
زينب طارت عليه بتعنيقة: يای غنسافرو امتى و فين
ياسين: امتى غير يدوز عرس فليفلة و مروان و فين خليت ليك الاختيار
زينب: اوكي نوعو شكرا
ياسين: باقي تقوليها نقطع ليك هاد القنينفات مبيناتناش شكرا حنا
زينب: ههههه اوكي
ياسين: يالاه زيدي للدار
زينب: يالاه
وصلنا للدار لقينا سوما و موسيو العلوي و لمياء مجموعين على
كأس اتاي قلت ھهادي هي الفرصة نجلسو مجموعين و يجلس ياسين
مع باباه ساعة هو سبقها ليا
ياسين: انا غنطلع نرتاح
زينب: اجي نجلسو معاهم شويا بليز
ياسين: عيان
زينب جبدت قنينفاتي بحال إلي باغية نبكي: عافاك
ياسين: برهوشتي كتعرفيني مکنقدرش نرفض ليك شي حاجة
زينب تعلات على صبيعات رجليها و باستو في حنكو: يخليك ليلي
دخلنا سلمنا و جلسنا معاهم بقينا كنهضرو حسيت بموسيو العلوي
فرحان و مرتاح
سوما: ولدي معطيتكش كادوك
ياسين: ماشي مشكل نتي كلك كادو
المياء: انا عطيتو ليك
ياسين: ماشفت والو
المياء خرجوا عينيها: موریتیهش كادويا العفريتة
زينب مركات و قربات لوذن ياسین: راه کادوها هو لي كنت لابسة
البارح شوهتوني
ياسين: هههههه يخليلي لي کیحشم انا (دار عند ختو) أول مرة تديري
شي حاجة مقادة في حياتك
المياء غوبشات: ياك
ياسين خربق ليها شعرها: غير كنضحك
موسيو العلوي: الله يخليكم لبعضياتكم
كلنا: امين
بقينا جالسين مجمعين شحال حتی جات نورة قالت لينا راه العشا واجد
و نضنا تعشينا و طلعنا لبيت غير تسد الباب كالاني ياسين مع الحيط
ياسين: توحشتك
زينب: هههههه حتى انا
ياسين: باقا موعتة
زينب: شويا
ياسين: واخا احبيبتي نصبر
مشیت دوشت و بدلت حوايجي و جيت تخشيت حدا ياسين لي كان بدل عليه و متكي صدرو عریان و کیخنشش في التيليفون
زينب: اش كتدير
ياسين: غير كنبقشش اجي فكرتي فين غانمشيو
زينب: ام مممم
ياسين: فين
زينب: بغيت نمشي لباريس
ياسين: عاصمة العشاق هي عشقانة شي واحد هههه
YOU ARE READING
صفقة زواج من متعجرف
Humorقصة مغربية زوينة ..قريتها عجباتني وبغيت نشاركها معاكم ..كتجمع مابين الحب الرومنسية الكوميديا،وأكيد شي حوايج خرين تعرفو عليهم اثناء القراءة.... بقلم مينو_كيم
الجزء 25
Start from the beginning
