بعدما تعشينا و لبسوا حنان و كريمة حوايجهم و لصق فينا داك اللصقة ديال حمزة تمينا خارجين
حمزة: التيتيز اجي ركبي معايا
زينب: حمزة متطلعش ليا القردة لراسي قلب عليا
حمزة: مال الزين ديالي كاعي
زينب: بفففففف وااااع
امين: حمزة قيلها عليك من البسالة
حنان: مالك باسل اصاحبي نسيتي شحال من زبلة طيحاتك فيها و شحال كليتي ديال العصا على قبلها
زينب: باقي مكلاش شي عصية نيت لي تخليه يقلب عليا في خطرة اري نتي دوك السوارت
خديت سوارت ديال طوموبيل لمياء ركبنا بتلاتة و امين و كريمة في طوموبيلتهم و داك الكنس في طوموبيل
و زدنا
المياء: دابا قولو ليا شكون هاد بوكيمون و كيفاش كلى العصا على قبلك
حنان: هدا ا لالة ولد خالتي و هو ضاسر مضسراه مو حيت عندها غير هو و كان ساكن حدانا و فينما تجي عندي زينب يتبسل عليها و حنا كنا نتافقو و نديرو ليه الزبايل
نقطعو ليه لسروالو نعمرو ليه حوايجو بالمداد و ياكل العصا من دارهم نجبدو ليه الصداع مع الدراري في المدرسة حتى يسلخوه طبعا هادشي فاش كنا صغار مني بدينا
نكبرو شويا واحد النهار كنا في العروبية و هبطت انا و زينب الواد مشيت انا نجمع الورد و هي بقات حدی الما و جا هو غفلها و باسها في حنكها تعصبات و لاحتو في الواد داه شويا تهرس من رجليه و تحرد في ايديه و لالة زينب كملات تحياحها وعاودات ليهم اش دار باه سمع هادشي و هزو هو و مو مشاو لمدينة أخری من تما ماشفناه حتال اليوم و لكن باقيه هو لي فيه ما مهنيه
المياء: هههههه طلعتي ماساهلاش ا مرت خويا و لكن غايقول شي كلمة هاك ولا هاك قدام ياسين منضمنش ليكم داك الغوريلا ديالنا
زينب: خليه يربيه ههه
حنان: شريرة ه ههههههه
وصلنا قدام واحد الكافي على البحر دخلنا و جلسنا و طلبنا اش بغينا
في الشركة
ایمن دخل ل لبيرو: العشير
ياسين: افين الصاط اش خبارك
ایمن: الحمد لله نتا
ياسين: انا فوق السلك
ايمن: وا باينة عليك القلوبة كيخرجو ليك من عينيك شكون قال ياسين يحب
ياسين: زينب تستاهل
ایمن: بطبيعة الحال تستاهل مراتك ماكاينش فحالها غير مني رجعات ليك هاد الضحيكة و رجعاتك لينا
ياسين: ياك بعدا
ایمن: فيناهي
ياسين: حطيتها عند فليفلة مجموعين
ايمن: وايلي عيط عليهم نمشيو نشدو فيهم شويا
مروان داخل: فيمن باغين تشدو
ایمن: في سليعفانات نشوفو فيناهما
مروان: خارجين مع امين
ايمن: شكون امين
ياسين: خو فليفلة فين مشاو
مروان: كافي
* * * * * يالاه انا غادي عندهم
ایمن و ياسين: يالاه
في الكافي جالسين الجماعة ديالنا على الضحك مع امين كيعاود لمياء علی زبايلنا انا و حنان و كيفاش تعرف على كريمة حتى وقفوا علينا الدراري
مروان: السلام و عليكم
الكل: وعليكم السلام
تعرف ایمن على امين و سلمو حتى على داك اللصقة اللي غير
حاضني جلس ياسين حدايا و طبع قبلة في خدي قدام الكل وقال في وذني
ياسين: بوگاهونتاستي توحشتك
زينب ابتسمت و قربت لوذنيه: حتى انا
ياسين: حتى نتي ا شنو
زينب: وا صافي
ياسين: لا بغيت نسمعها
زينب: حتي انا توحشتك
ياسين: ههه يخليلي انا لي كيتوحشني (عنقها جنب)
حنان: بديتو تاني
.
ČTEŠ
صفقة زواج من متعجرف
Humorقصة مغربية زوينة ..قريتها عجباتني وبغيت نشاركها معاكم ..كتجمع مابين الحب الرومنسية الكوميديا،وأكيد شي حوايج خرين تعرفو عليهم اثناء القراءة.... بقلم مينو_كيم
