ام ريان: اي لان محد يريد العار ب بيته
امير: سالفه متسولف هاي
نغم: اؤفف هسه شنسوي ؟؟
ام ريان: مادري كتلج منعي رهف من رؤحة لزياره احسن وخليها متجي بعد لبيتنه هي حتى حرام تكعد بل ميتم
نغم: ماما هاي انتِ ام قلب الطيب بس خل تزور اهلها مره بس وتالي كل شي ح يتغير فدوهه
ام ريان: ماشي بس طلعيني من هلسالفه عفيه وديروا بالكم ع لسانكم
امير: ان شاءالله اني طالع
نغم: اوك ماما احبج اني صاعده لرهف
ام ريان:ماشي شعاجبج برهف
نغم: طيبه تختلف عن جميع البنات
ام ريان:هاااا خوش ...
نغم
كملت كلام وي ماما وصعدت لرهف وجان اشوف
[[ريان]]♥️
جنت بغرفتي افكرر برهف اخذت عقلي هلبنيه وبقيت الوم بنفسي ليشش هيج اعترفت الها بمشاعري هسه تفكرني غير شي لا ياربي شوي كمت من جربايتي وشفت نغم نزلت وبقت رهف لوحدها بلغرفه طلعت من غرفتي ورحت فتحت بابا نغم وشفت رهف
رهف [[💕]]
نزلت نغم واني رحت ع جربايه ارتاح شوي وبقيت احنن لاهلي واتخيل نفسي رايحه الهم شوي ونفتح الباب ودخل ريان
تذكرت من ضوجته وهو ح ياخذني لاهلي كلش نقهرت رحت ركض اله وحضنته وضليت ابجي
ريان
مادري شحسيت من حضنتني حسستني اني ابوهااا وحسيت ان هي طفلتي المدللله شكد ناعمه وترفه بعدين دفعتهاا
رهف[[💛]]
الدمعه بعيني وكلت اسفه مااحسيت ع نفسي
ريان: اني موجود بكل وقت يمج
رهف: مو حضنتك ونسيت نفسك ترا اني هيج حضنتك وبعد متنعاد
ريان: رهف لا تصيري طفله فكر بيه عدل وحسيه بي شبيج
رهف: اني مااحس وماافكر ب آحد و ياا استاذ ريان مو مجبور تحب طفله
ريان: رهف ماجاي تفهمي عليه
رهف: اي تقصد غبيه اني شكراً الك ممكن تطلع
ريان: رهفف
رهف: لتعلي صوتك رجاءً انا بابا بعمره مااعلى صوته عليه
ريان
من كالت هيج لزمتها من وجها ودفعتها ع الحايط
ريان: شوفي رهف خل اكلج شي عليج انتِ ماتعرفي
رهف: عوفني دتاذيني
ريان: تاذي بلكي تحسين بيه واعرف لو بقيت منا لباجر هيج ماذيج ماتحسين لان قلبج من حجرر واقوى بعد حتى ذرة احساس مااعتقد عندج اني اعرف اللي يخسر اهله ينكسر وينهار وتكون عنده مشاعر واحساس ال انتِ صلفه بكل شي
رهف
من حجه هيج بسرعه نزلت دموعي
واختنكت ودفعته وطلع برااا
نغم: يااااا رهفتي شبيج
رهف: مابيه بس تذكرت اهلي وبجيت
نغم: يرؤحي انتِ لتبجين تكسريني من ينزلن هلدموع
رهف: خ ينزلون لأن اني انسانه مااحس
نغم: شنوو ماتحسين لج احساس الدنيا كله عندج ام قلب الطيب
رهف: سؤال
نغم: جواب
رهف: صح اني قلبي من حجر ومااحس ب آحد صح فراكك اهلي مامبين عليي
نغم: يعمري ليش تحجي هيج لا والله انتِ ماكو ارق من قلبج وتدرين فراكك اهلج مبين من عيونج ووجهج ذبلان
رهف: ياا نغم اتعذبت بدنيايه هوايي يوميه من انام اكول لبابا تعال وميجي تدرين اتمنى احضنه وانام بس اريد دفوو وحنان مايصير فقدتهم بمثل اليوم والله ماجاي انساهم والوجع بداخليي يزيد يوم عن يوم والانتقام يالله ساعدني تعبت من كل الناس
نغم: عمري رهوفتي اني وياج وان شاءالله خيررر ترحمي الهم والله يغفر وياخذ حق اهلج من كل اللي ظلموهم وظلموج ..
رهف: امين يارب
نغم: يلا خل ننام ع مود نكعد بليل ونسهر ونطلع الصبح للزياره
رهف: صدك مكتلج اني بعد مارؤح
نغم: يااااااا ليش ولج
رهف: والله مااريد اروح عيب امج واخوانج
نغم: اؤف شغير رايج اشششش ماكو نقاش ترحين يعني ترحين
رهف: هههه اوك خل ننام
نغم: يلا اكوم اطفي الضوه وخل ننام
رهف: احبج اختي
نغم: واني بعد احبج سندي
رهف: يرؤحي ان شاءالله ابقى دائماً وياج
نغم: ان شاءالله واني هم ❤
ريان
رهف تعبتني هوايي مااشوف شي منها طفله وابد متحس بيه دائماً تعصبني ومدري تخليني اطلع من طوري وابقى احجي اليوم جرحتها هواي و اذيتها اؤف منك يا ريان اؤف ..... رهف حبيني لج اتنفسج اني والله
#اصعب شي من تحب انسان وهو يحبك بس ميعترف الك لان يخاف من ردة فعلك انتَ تجرحه وتاذي بلكلام ع مود يحس بيك .... هو يحس بس ما يبين الك دائماً يكون قوي كدامك بس مرات دموعه تغلبه •
رهف
حضنته وبقيت بحضنه لأن حسيت الآمان كله يمه حبيت ان مااابين اله احبه بكلامي وما يفكرني رخيصه لان بسرعه انطيته نفسي وتنازلت ....بس بعدين هوو عصب كلش ونهد عليه بلكلام تمنيت اسحك ع قلبي ومشاعري واحساسي لان حبيت انسان مايعرفني اني شنوو ....
يتبع ....
لتنسون التصويت وتفاعلكم حبايبي♥️
احبكم واسفه ع تقصيري ..... اعوضكم ان شاءالله دمتُ بخيررر
#زهراء_البصراوي
ESTÁS LEYENDO
يا ليتني لم أولد
Ficción Generalالخساره جميله لانها وحدها تعلمنا .. طريق العوده والنجاح والاستمرار لكن خسارة الأب والأم لا تعوض .. وليس لها طريق العوده .... فقط تكون حياة بائسه وحزينه🎵اوتار حزني مشاعري كل شي مغلق ...من حولي الليالي المرعبه والأصوات التي بداخلي بعد الحادث لن تنتهي...
part 21
Comenzar desde el principio
