M.S.A الجزء الثانى
# عندما وصلتنى الرساله غمرتنى مشاعر السعاده وشعور لا يمكن للكلمات وصفه لأن الحلم اصبح فى طريقه ليصبح واقع ملموس .. فالسعادة هى ان تتحقق أقصى امانيك انهمرت دموعى من الفرحه تذكرت مقوله عن السعاده تقول ما اروع لحظات الفرح انها كالغيث تنزل على صحراء اعماقنا العطشى فتزهر كل المساحات القاحله بنا
أردت ان اخبر العالم كله بشعورى بحثت عن صديق مقرب لى يعرف ما انتظره لأخبره بسعادتى هل اتصل بمى الوقت متأخر وجدت احمد اون لاين وهو صديق مقرب لى على الانترنت فكتبت له
- احمد احمد احمد احمد
• مالك يا بنتى انتى بتنادى عليه من الشارع
- مش هتصدق ايه الى حصل
• ايه خدنا كاس العالم
- كاس عالم ايه بعتولى رساله طلبى أتقبل
• طلب ايه يا هند
- انى اسافر يا احمد ل (M.S.A)
• انتى متأكده يا هند من اللى عاوزه تعمليه "،" احنا منعرفش ايه اللى بيحصل هناك وبعدين هو لازم تسافرى يعنى ممكن تمارسى ميولك هنا
- ده حلم حياتى يا احمد وبعدين ميول ايه الى همارسها هنا ما انت عارف ان اكتر الى عندهم ميول سافروا والى مسافرش اما عنده ظروف زى حلاتك كده متجوز وعنده شغله وبيمارس ميوله بشكل طبيعى او عيل صغير لسه مجابش سن السفر
• بصراحه انا قلقان احنا مش عارفين ايه الى ممكن يكون بيحصل هناك مع ان الكام صديق الى بتواصل معهم من هناك بيقولوا ان الدنيا هناك كويسه جدا
- اديك قولت اهو الدنيا هناك كويسه جدا
• طيب انتى قولتى لوالدك عن الموضوع ده
- بصراحه لا لسه مقولتلوش حاجه وبصراحه موضوع بابا ده مضايقنى وخايفه يقف قصادى ويحاول يمنعنى من السفر
• حاولى تقعدى معاه وتتكلمى بالراحه يا هند يمكن يوافق
- مش عارفه بس الى اعرفه انى هسافر هحاول اتكلم معاه وهحاول اخلى مراته تضغط عليه انا عارفه انها تتمنى انى اسافر واسيبلها البيت النهارده قبل بكره
# نمت فى ذلك اليوم وانا افكر كيف سأخبر ابى وكيف سيكون وقع الخبر عليه بالتأكيد سيكون بالنسبه له جنون ان ابنته تريد ان تذهب لدوله لتفقد حريتها وان تكون جاريه لشخص لا يعرفه بل انها لاتعرفه هى أيضاً حتى الآن بالتأكيد الامر ليس بهذه السهوله ولكنى قبل ان افاتحه قررت ان أنهى جميع أوراقى وبالفعل انهيت كل اوراقى وحجزت الطائره فى اليوم الذى قاموا بتحديده لى ولَم يبقى لى سوى ان اخبر ابى بالتأكيد سيكون الامر صعب حتى أننى عندما أخبرت صديقتى مى انهم قد وافقوا على طلبى اتهمتنى بالجنون والتخلف واننى اريد الانتحار بطريقه غير مباشره ولكن ليس هناك بد المواجهة ستحدث ستحدث على ان افكر جيدا ماذا سأقول لا أريد مباركه الامر يكفى تقبله
•ايوه يعنى مالهم
- انا هسافر هناك كمان عشر ايّام
• عاوزه تروحى سياحه هناك يعنى وملقتيش غير هناك
- يا بابا انا مش مسافره سياحه انا قدمت طلب انضمام من فتره واتوافق عليه
• يعنى ايه طلب انضمام وايه علاقتك بالأشكال دى
- يا بابا انا ميولى كده وحضرتك طول ما انت متعصب مش هنعرف نتكلم
• نتكلم فى ايه غورى من وشى
- يوووو يا بابا انا واخده قرار وكده كده هسافر
• غورى
# خرجت من عنده وانا اشعر بالضيق ولكنى لم افقد الامل بعد لانى كنت أتوقع رفضه فى البدايه بالتأكيد كان اعنف مما توقعت لكنى توقعت الرفض وكما خططت سأتكلم مع زوجه ابى لتحاول إقناعه بطريقتها وسأنتظر حتى يهدأ لأتكلم معه مره اخرى
بالفعل اتجهت الى زوجه الى وطلبت منها التحدث فى غرفتى
* فى ايه يا هند وصوتك عالى ليه انتى وبابا
- بصى يا طنط انا قدمت على سفريه واتوافق عليها وبابا رافض
* وهو ده الى معصبه اوى كده وهتسافرى فين
- هسافر M.S.A
* ينهار ابيض ليه حق يتعصب هو انتى جاريه يا هند
- بصى يا طنط انا ميولى كده ومش هبقى سعيده غير هناك ايه الفايده انى اتجوز هنا انسان مش بحبه او انسان مش هبقى سعيده معاه اكيد كل واحد بيدور على سعادته ليه مش عاوزينى ابقى سعيده
* اكيد هو عاوزك تبقى سعيده بس الموضوع مقلق بصراحه وبعدين اى شخص هيفكر ان بنته هتروح مكان تبقى فيه عبده لشخص مش سهل يتقبله
- اكيد يعنى الشخص ده مش هيشترينى بفلوسه ده جواز يا طنط وبعدين انا هطمنه عليه وهطمن عليكوا
* ايوه بس على ما اسمع الموضوع فيه ضرب واهانه وكده
- مش هيموتنى يعنى يا طنط وبعدين مش زى ما انتى فاهمه ما انتى لما اخواتى بيغلطوا بتعاقبيهم مش بتموتيهم يعنى وانتى اكتر واحده تتمنيلهم السعاده
* طيب يا هند يا حبيبتى انا هحاول اتكلم معاه وأقنعه بس رأى نستنى لبكره احسن يكون بقى اهدى
- انا كمان شايفه كده
يتبع
