#بارت١٨
ﻭﺭﻩ ﺷﻮﻳﻪ ﻇﻞ ﺧﺎﻟﺪ ﻛﻠﺴﻊ ﻳﺨﺎﺑﺮ ﻭﺗﺠﻲ ﺍﺗﺼﺎﻻﺕ ﺑﺲ ﻛﺎﻡ ﻳﻄﻠﻊ ﺑﺮﻩ ﺑﻄﺮﻣﻪ ﻳﺤﺠﻲ ﻣﻮ ﻳﻤﻲ ﺣﺘﻰ ﻣﺎﺳﻤﻊ
ﺷﻮﻳﻪ ﻭﺩﺧﻞ ﻛﻠﻲ
ﺧﺎﻟﺪ : ﺣﻴﺎﺓ ﺑﺎﺟﺮ ﻧﺮﺟﻊ ﻟﻠﻌﻤﺎﺭﻩ
ﺣﻴﺎﺓ : ﻟﻴﺶ ﺷﻜﻮ ﺻﺎﻳﺮ
ﺧﺎﻟﺪ : ﻣﺼﺎﻳﺮ ﻋﻨﺪﻱ ﺷﻐﻞ ﻭﻻﺯﻡ ﺍﺭﺟﻊ
ﺣﻴﺎﺓ : ﺍﻱ ﻣﺎﺷﻲ
ﻟﻠﻴﻞ ﻭﺧﺎﻟﺪ ﻣﻮ ﻋﻠﻰ ﺑﻌﻀﻪ ﺍﺑﺪ ﻭﻛﻞ ﻣﺎﺳﺌﻠﻪ ﻳﻜﻮﻝ ﻣﺎﻛﻮ ﺷﻲ ﻭﻣﺎﻛﺪﺭﺕ ﺍﺧﺎﺑﺮ ﺍﻣﻞ ﺻﺮﺍﺣﻪ ﻻﻥ ﻫﻮ ﻳﻤﻲ
ﻟﻠﻴﻞ ﺣﻀﺮﺕ ﻏﺮﺍﺿﻨﺎ ﻭﺻﺒﺢ ﻣﻦ ﻭﻛﺖ ﻃﻠﻌﻨﺎ
ﺧﺎﻟﺪ : ﻭﺭﻩ ﻣﺰﻭﺟﺖ ﺣﻴﺎﺓ ﺑﺎﻟﻤﺤﻜﻤﻪ ﻭﺭﺣﺖ ﺍﻟﺒﻐﺪﺍﺩ ﺗﻔﺎﺟﺌﺖ ﺑﻌﻤﻲ ﺳﺎﻟﻢ ﻳﺨﺎﺑﺮﻧﻲ ﻫﺬﺍ ﺟﺒﻴﺮ ﺑﺎﻟﻌﺸﻴﺮﻩ ﻭﺍﻧﻲ ﻣﺮﺍﺕ ﺍﺧﺬ ﺭﺍﺋﻴﻪ ﺑﺸﻐﻼﺕ ﺍﺫﺍ ﻋﻨﺪﻧﺎ ﻣﺸﻜﻠﻪ ﺑﺎﻟﻌﺸﻴﺮﻩ
ﺧﺎﺑﺮﻧﻲ ﻭﻛﻠﻲ ﺍﻧﺖ ﺯﻭﺟﺖ ﺍﻟﻔﺼﻠﻴﻪ ﻭﻋﻘﺪﺗﻠﻬﺎ ﺑﺎﻟﻤﺤﻜﻤﻪ ﻭﻣﻴﺼﻴﺮ ﻭﻫﺎﻱ ﺳﺎﻟﻔﻪ ﺗﺮﻯ ﺟﺒﻴﺮﻩ ﻋﺪﻧﺎ
ﺑﺲ ﺍﻧﻲ ﻣﺎﻧﻄﻴﺘﻪ ﻣﺠﺎﻝ ﻇﻠﻴﺖ ﺍﺣﺠﻲ ﻭﻛﻠﺘﻠﻪ ﺍﺟﻲ ﻟﻠﻌﻤﺎﺭﻩ ﻭﻧﺘﻔﺎﻫﻢ ﻭﺭﺍﻫﺎ ﺧﺎﺑﺮﺕ ﺍﻣﻲ ﻭﻛﻠﺘﻠﻲ ﻋﻠﻲ ﻛﺎﻟﺐ ﺍﻟﺒﻴﺖ ﻛﻠﻪ ﺻﻴﺎﺡ ﻭﻋﻴﺎﻁ ﺍﻧﻲ ﻛﻤﺖ ﺍﻓﻮﺭ ﻳﻌﻨﻲ ﻫﺬﺍ ﺍﻟﻜﻠﺐ ﻣﻦ ﺍﻧﻲ ﻫﻨﺎﻙ ﻳﺼﻴﺮ ﻣﺜﻞ ﺍﻟﻔﺎﺭﻩ ﻭﻣﻦ ﻳﺸﻮﻓﻨﻲ ﻣﺎﻛﻮ ﻫﻴﺞ ﻳﺴﻮﻱ ﻭﺍﻧﻲ ﻛﻠﺸﻲ ﻭﻻ ﻭﺍﺣﺪ ﻳﻌﻠﻲ ﺻﻮﺗﻪ ﻋﻠﻰ ﺍﻣﻲ ﺍﺗﺨﺒﻞ ﺣﺘﻰ ﻟﻮ ﺍﺑﻮﻳﻪ ﻣﺎﻗﺒﻞ ﺍﻧﻲ ﻣﺎﻛﻠﺖ ﻟﺤﻴﺎﺓ ﻋﻠﻰ ﻫﺎﻱ ﺍﻟﻤﺸﺎﻛﻞ ﻛﻠﺖ ﺣﺘﻰ ﻟﻀﻮﺝ ﻻﻥ ﺍﺻﻼ ﺍﻧﻲ ﺟﺒﺘﻬﺎ ﻫﻨﺎ ﺍﻭﻧﺴﻬﺎ ﻭﻃﻠﻌﻮﺍ ﺍﻟﻮﻧﺴﻰ ﻣﻦ ﺧﺸﻤﻲ
ﻭﺍﺣﻨﺎ ﺑﻄﺮﻳﻖ ﻟﻠﻌﻤﺎﺭﻩ ﻭﻣﻈﻞ ﺷﻲ ﻭﻧﻮﺻﻞ ﻟﻠﺒﻴﺖ ﻛﻠﺖ ﺍﺣﺠﻲ ﻭﻳﻪ ﺣﻴﺎﺓ ﺣﺘﻰ ﻟﺘﺘﻔﺎﺟﺌﻪ ﺑﺎﻟﻤﺸﺎﻛﻞ ﻣﻦ ﺗﺮﺟﻊ
ﺣﻴﺎﺓ : ﺍﻧﻲ ﻛﻠﺒﻲ ﺍﺑﺪ ﻣﻤﺮﺗﺎﺡ ﺧﺎﻟﺪ ﻣﻮ ﻋﻠﻰ ﺑﻌﻀﻪ ﺍﺷﻮﻓﻪ ﻳﺨﺎﺑﺮ ﺑﺎﻟﺘﻠﻴﻔﻮﻥ ﻭﻋﺼﺒﻲ ﻭﻳﺼﻴﺢ ﻭﻳﻌﻴﻂ ﺑﺲ ﻣﻦ ﻳﺠﻲ ﻳﻤﻲ ﻳﺘﺤﻮﻝ ﻭﻳﺴﻮﻱ ﻧﻔﺴﻪ ﻫﺎﺩﺀ ﻭﻣﺎﻛﻮ ﺷﻲ ﺑﺎﻟﺒﺪﺍﻳﻪ ﻛﻠﺖ ﻳﺠﻮﺯ ﺷﻐﻞ ﺻﺪﻙ ﻣﺜﻞ ﻣﻴﻜﻮﻝ ﺑﺲ ﺑﻄﺮﻳﻖ ﻭﺍﺣﻨﺎ ﺭﺍﺟﻌﻴﻦ ﺣﺠﺎﻟﻲ
ﺧﺎﻟﺪ : ﺣﻴﺎﺓ ﺍﺭﻳﺪ ﺍﻛﻠﺞ ﺳﺎﻟﻔﻪ
ﺣﻴﺎﺓ : ﺷﻜﻮ ﻭﺍﻟﻠﻪ ﻛﻠﺒﻲ ﺣﺎﺱ ﺍﻛﻮ ﺷﻲ
ﺧﺎﻟﺪ : ﻻ ﻳﺎﻋﻴﻨﻲ ﻣﺎﻛﻮ ﺷﻲ ﺑﺲ ﺧﺎﻑ ﺭﺟﻌﻨﺎ ﻟﻠﺒﻴﺖ ﻭﺳﻤﻌﺘﻲ ﺣﺠﺎﻳﻪ ﻣﻨﺎ ﺍﻭ ﻣﻨﺎ ﻣﺎﺭﻳﺪﺝ ﺿﻮﺟﻴﻦ ﻣﺎﺷﻲ
ﺣﻴﺎﺓ : ﻳﻌﻨﻲ ﺷﺴﻤﻊ ﻣﺜﻼ ﻭﻣﻨﻮ ﻳﺴﻤﻌﻨﻲ
ﺧﺎﻟﺪ : ﺧﺎﻑ ﺧﻮﺍﺗﻲ ﺑﺎﻟﺒﻴﺖ ﻋﻤﺎﺗﻲ ﺍﺭﻳﺪﺝ ﺳﻤﻌﻴﻦ ﻣﻨﺎ ﻭﻃﻠﻌﻴﻦ ﻣﻨﺎ ﻫﻤﻪ ﻣﺤﻴﺤﺠﻮﻥ ﻛﺪﺍﻣﻲ ﺍﻛﻴﺪ ﻣﻦ ﻭﺭﺍﻳﻪ ﺍﺫﺍ ﺣﺠﻮ ﺑﺲ ﻛﻮﻟﻴﻠﻲ ﻭﺍﻧﻲ ﺍﺧﺬ ﺣﻘﺞ
ﺣﻴﺎﺓ : ﻻﻥ ﺯﻭﺟﻨﺎ ﻣﻮ
ﺧﺎﻟﺪ : ﻫﻤﻪ ﻫﺴﻪ ﻣﺤﺮﻭﻛﻴﻦ ﺷﻮﻥ ﺍﺯﻭﺝ ﻭﺧﺎﻑ ﻳﺼﻴﺮ ﻋﻨﺪﻱ ﻭﻟﺪ ﻭﻳﺎﺧﺬ ﺷﻴﺨﻪ ﻣﻨﻲ ﻣﻦ ﺍﻛﺒﺮ ﻭﻳﺸﻴﻞ ﺍﻣﻼﻛﻲ ﻛﻠﻬﺎ ﻭﺭﻩ ﻣﺎﻣﻮﺕ
ﺣﻴﺎﺓ : ﻻ ﺍﺳﻢ ﺍﻟﻠﻪ ﻋﻠﻴﻚ ﺍﻛﻮ ﻭﺍﺣﺪ ﻳﻔﻜﺮ ﻫﻴﺞ ﺻﺪﻙ ﺟﺬﺏ ﺩﻳﻔﻜﺮﻭﻥ ﺑﺸﻲ ﻭﻫﻮ ﺍﺻﻼ ﻣﺼﺎﻳﺮ
ﺧﺎﻟﺪ : ﻳﺎﻋﻴﻨﻲ ﺍﻫﻠﻲ ﻭﺍﻋﺮﻓﻬﻢ ﻛﻠﺸﻲ ﻣﻴﻮﻛﻒ ﺑﻌﻴﻨﻬﻢ ﻣﻦ ﺍﺧﻮﺗﻲ ﻭﺧﻮﺍﺗﻲ ﻭﻋﻤﺎﺗﻲ ﻭﻋﻤﺎﻣﻲ ﺍﻋﺮﻓﻬﻢ ﺷﻤﺎ ﺍﺳﻮﻳﻠﻬﻢ ﻳﻜﻠﻮﻟﻲ ﻭﺍﻧﺖ ﺷﻤﺴﻮﻱ ﻭﺍﻧﻲ ﻣﻦ ﺟﻨﺖ ﺻﻐﻴﺮ ﻭﻳﻪ ﺍﺑﻮﻳﻪ ﺍﺷﺘﻐﻞ ﻭﺍﺳﻮﻱ ﻭﺭﻩ ﻣﺎﻣﺎﺕ ﺍﺑﻮﻳﻪ ﺍﻧﻲ ﺍﻟﺘﺤﻤﻠﺖ ﻛﻠﺸﻲ ﻟﺨﺎﻃﺮ ﺍﺧﻮﺗﻲ ﻭﺧﻮﺍﺗﻲ ﻳﻜﻤﻠﻮﻥ ﺩﺭﺍﺳﻪ ﻓﻬﺴﻪ ﺣﻴﺴﻮﻥ ﻛﻠﺸﻲ ﺣﺘﻰ ﻳﺨﻠﻮﻧﻲ ﺍﺑﺘﻌﺪ ﻋﻨﺞ ﻓﺎﻟﺘﺨﻠﻴﻬﻢ ﻳﺴﻮﻥ ﻫﺬﺍ ﺍﻟﺸﻲ ﻭﺗﻔﺮﺣﻴﻬﻢ
ﺣﻴﺎﺓ : ﺧﺎﻟﺪ ﻭﺍﻟﻠﻪ ﻛﻤﺖ ﺍﺧﺎﻑ ﻳﻌﻨﻲ ﺷﺤﻴﺴﻮﻥ ﻣﺜﻼ ﻭﻳﺎﻳﻪ
ﺧﺎﻟﺪ : ﻭﻟﺞ ﻣﺎﻳﻜﺪﺭﻭﻥ ﻳﺴﻮﻟﺞ ﺷﻲ ﻭﺍﻧﻲ ﻋﺎﻳﺶ ﻭﺍﺷﻢ ﺍﻟﻬﻮﻯ ﻭﺍﻟﻠﻪ ﺍﺫﺑﺢ ﺍﻱ ﻭﺍﺣﺪ ﻳﻮﺻﻞ ﺻﻮﺑﺞ ﺑﺲ ﻫﻤﻪ ﺣﺘﻰ ﺳﺎﻟﻔﻪ ﺍﻟﻔﺼﻠﻴﻪ ﺟﺒﺮﻭﻧﻲ ﺑﻴﻬﺎ ﻭﻫﻤﻪ ﻳﻌﺮﻓﻮﻥ ﺍﻧﻲ ﻣﺎﺣﺐ ﻫﺎﻱ ﺳﺎﻟﻔﻪ ﺑﺲ ﺳﻮﻫﺎ ﺣﺘﻰ ﺍﺫﺍ ﻣﻘﺒﻠﺖ ﻳﺴﻮﻧﻲ ﺍﻧﻲ ﻃﺎﻟﻊ ﻋﻦ ﺷﻮﺭ ﺍﻟﻌﺸﻴﺮﻩ ﻭﻣﻦ ﻫﺎﻱ ﺳﻮﺍﻟﻒ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻋﺎﺩ ﻫﺴﻪ ﺍﻧﺖ ﺯﻭﺟﺖ ﺍﻟﻔﺼﻠﻴﻪ ﻭﺻﺎﺭ ﻋﺪﻫﺎ ﺣﻘﻮﻕ
ﺧﺎﻟﺪ : ﻟﻌﺒﺎﻟﺞ ﻫﻤﻪ ﺑﺲ ﻭﻳﺎﺝ ﻫﻴﺞ ﺣﺘﻰ ﻣﻦ ﺟﺎﻧﺖ ﺍﻡ ﺍﻣﻞ ﻫﻴﺞ ﻳﺴﻮﻥ ﻭﻣﻦ ﻋﺮﻓﻮ ﺣﺎﻣﻞ ﺟﺎﻧﻮ ﻋﻤﺎﺗﻲ ﻳﻮﻣﻴﺎ ﻳﺠﻮﻥ ﺣﺘﻰ ﻇﻞ ﺍﻡ ﺍﻣﻞ ﺗﺸﺘﻐﻞ ﻭﺗﺘﻌﺐ ﻭﺍﻣﻲ ﺗﺮﻯ ﻓﻘﻴﺮﻩ ﺍﺫﺍ ﺣﺠﺖ ﺣﺠﺎﻳﻪ ﻳﺴﻮﻥ ﻧﻔﺴﻬﻢ ﻣﻄﺮﺩﻳﻦ ﻭﻣﻮ ﺑﻌﻴﺪﻩ ﻳﻜﻠﻮﻥ ﺍﻡ ﺷﻴﺦ ﺧﺎﻟﺪ ﻛﺘﻠﺘﻨﺎ ﻭﻃﺮﺩﺗﻨﺎ
ﺣﻴﺎﺓ : ﻋﺰﻩ ﺑﻌﻴﻨﻬﻢ ﺫﻭﻟﻪ ﻋﺼﺎﺑﻪ
ﺧﺎﻟﺪ : ﻫﻤﻪ ﻣﻮ ﻛﻠﻬﻢ ﻫﻴﺞ ﺑﻴﻬﻢ ﺍﻟﻲ ﻛﻠﺒﻪ ﻋﻠﻴﻪ ﻭﻳﺨﺎﻑ ﻋﻠﻴﻪ ﻫﺬﺍ ﻋﻠﻲ ﺗﺮﻯ ﻓﻘﻴﺮ ﺑﺲ ﻋﻤﺎﺗﻲ ﻳﺤﺮﻛﻨﺎ
ﺣﻴﺎﺓ : ﻳﻌﻨﻲ ﺑﺲ ﻋﻠﻲ ﻫﻴﺞ ﻭﻳﺎﻗﻲ ﺍﺧﻮﺗﻚ
ﺧﺎﻟﺪ : ﺣﺴﻴﻦ ﻭﺣﻤﻴﺪ ﻭﺑﺴﻤﻪ ﺫﻭﻟﻪ ﺗﺮﺑﻴﺘﻲ ﺷﻜﻠﻠﻬﻢ ﻳﻜﻠﻮﻟﻲ ﺗﺎﻣﺮ ﻭﺣﺎﺿﺮ ﺑﺲ ﻫﺬﺍ ﻋﻠﻲ ﺣﺘﻰ ﻣﻦ ﺟﺎﻥ ﺍﺑﻮﻳﻪ ﻋﺎﻳﺶ ﺟﺎﻥ ﺷﺎﻟﻊ ﻛﻠﺒﻪ
ﺣﻴﺎﺓ : ﺍﻱ ﻭﺍﻟﻠﻪ ﺧﺎﺻﻪ ﺣﺴﻴﻦ ﻭﺭﺩﻩ ﻣﺎﻝ ﺍﻟﻠﻪ ﻛﻠﺶ ﺣﺒﺎﺏ
ﺧﺎﻟﺪ : ﻣﻮ ﺣﺴﻴﻦ ﻻﻥ ﻋﺎﻳﺶ ﻭﻳﺎﻧﻪ ﺷﻔﺘﻲ ﻫﻴﺞ ﻭﺍﻻ ﺣﻤﻴﺪ ﻭﺑﺴﻤﻪ ﻣﺜﻞ ﺣﺴﻴﻦ ﻭﺍﻛﺜﺮ
ﺣﻴﺎﺓ : ﺗﻌﺮﻑ ﺷﺘﻤﻨﻰ
ﺧﺎﻟﺪ : ﺷﻨﻮ
ﺣﻴﺎﺓ : ﺍﺟﻴﺒﻠﻚ ﻭﻟﺪ ﻭﺍﺧﻠﻴﻬﻢ ﻳﻤﻮﺗﻮﻥ ﺑﺤﺴﺮﺗﻬﻢ
ﺧﺎﻟﺪ : ﻫﻬﻬﻬﻪ ﺩﻳﻠﻪ ﺍﺳﺘﻌﺠﻠﻲ ﺑﺲ ﻛﻮﻥ ﺗﻮﺍﻡ ﺗﻮﺍﻡ ﺣﺘﻰ ﺍﻟﺤﻚ ﺍﺭﺑﻴﻬﻢ
ﺣﻴﺎﺓ : ﺣﺒﻴﺒﻲ ﺍﻟﻠﻪ ﻳﻨﻄﻴﻚ ﺍﻟﺼﺤﻪ ﻭﺍﻟﻌﺎﻓﻴﻪ
ﻭﺻﻠﻨﺎ ﻟﻠﺒﻴﺖ ﻭﻃﺒﻴﻨﺎ ﺟﻮﻩ ﺧﺎﻟﺘﻲ ﻭﺍﻣﻞ ﻭﺍﻳﻪ ﺍﺳﺘﻘﺒﻠﻮﻧﺎ ﺗﺤﻀﻦ ﻭﺑﻮﺱ ﻭﺟﺎﻧﻮ ﻛﻠﺶ ﻓﺮﺣﺎﻧﻴﻦ ﺑﻴﻨﺎ ﺧﺎﻟﺪ ﺷﻮﻳﻪ ﻭﻛﺎﻝ ﺣﻄﻠﻊ ﻋﻨﺪﻱ ﺷﻐﻞ ﻭﻃﻠﻊ
ﺍﻧﻲ ﺑﺪﻟﺖ ﻭﻃﻠﻌﺖ ﻟﻜﻴﺖ ﺍﻳﻪ ﻭﺍﻣﻞ ﺑﺎﻟﻤﻄﺒﺦ ﺳﺌﻠﺖ ﺍﻣﻞ ﺷﺼﺎﻳﺮ
ﺍﻣﻞ : ﻟﻴﺶ ﺑﺎﺑﺎ ﻣﺤﺠﺎﻟﺞ
ﺣﻴﺎﺓ : ﻻ ﻣﺤﺠﺎﻟﻲ ﺗﻔﺎﺻﻴﻞ ﺑﺲ ﻫﻴﺞ ﺑﺸﻜﻞ ﻋﺎﻡ ﺣﺠﻪ
ﺍﻣﻞ : ﻭﻟﺞ ﻭﺭﻩ ﻣﺮﺣﺘﻮﺍ ﻋﻤﻮ ﻋﻠﻲ ﺳﻮﻩ ﺳﻮﺍﻳﺎ ﺻﻴﺎﺡ ﻭﻋﻴﺎﻁ ﻭﻳﻜﻔﺮ
ﺣﻴﺎﺓ : ﻟﻴﺶ
ﺍﻣﻞ : ﻻﻥ ﺑﺎﺑﺎ ﺯﻭﺟﺞ ﻭﺻﺎﺭ ﻋﻨﺪﺝ ﺣﻘﻮﻕ ﻭﻟﺞ ﻭﺍﺟﻪ ﻋﻤﻮ ﺣﻤﻴﺪ ﻭﺣﺴﻴﻦ ﻭﻛﺎﻣﻮ ﻳﺘﻌﺎﺭﻛﻮﻥ ﻭﻳﻪ ﻋﻠﻲ ﻭﻋﻠﻲ ﻋﺒﺎﻟﺞ ﺳﻜﺖ ﺭﺍﺡ ﻛﺎﻝ ﻟﻠﻌﻤﺎﻡ ﻭﺳﻮﺍﻫﺎ ﺳﺎﻟﻔﻪ ﺷﻜﺒﺮﻫﺎ
ﺣﻴﺎﺓ : ﻋﺰﻩ ﻫﺬﺍ ﻣﻴﻜﻮﻝ ﺍﺧﻮﻳﻪ ﺷﻮﻥ ﻳﺴﻮﻱ ﻫﻴﺞ ﺑﻲ
ﺍﻣﻞ : ﻭﻟﺞ ﻳﺎﺍﺧﻮ ﻛﺎﺗﻞ ﻧﻔﺴﻪ ﻋﺎﻟﺸﻴﺨﻪ ﻳﺮﻳﺪ ﻳﺎﺧﺬﻫﺎ ﻣﻦ ﺍﺑﻮﻳﻪ ﺣﺘﻰ ﻳﻜﻮﻡ ﻳﻠﻌﺐ ﺑﻜﻴﻔﻪ
ﺣﻴﺎﺓ : ﻇﻠﻴﺖ ﺳﺎﻛﺘﻪ ﻭﻇﻞ ﺑﺎﻟﻲ ﻋﻠﻰ ﺧﺎﻟﺪ ﻭﻛﻞ ﻫﺎﻱ ﺍﻟﻤﺸﺎﻛﻞ ﻣﻦ ﻭﺭﺍﻳﻪ ﻭﺍﻟﻠﻪ ﻟﻮ ﺍﺩﺭﻱ ﺟﺎﻥ ﻣﻘﺒﻠﺖ
ﺯﻳﻦ ﻟﻌﺪ ﻭﻳﻦ ﺳﺎﺭﻩ ﻣﺸﻔﺘﻬﺎ
ﺍﻳﻪ : ﺭﺍﺣﺖ ﻟﺒﻴﺘﻬﻢ ﻭﺭﻩ ﻣﺮﺣﺘﻮﺍ ﻋﻠﻲ ﻭﺩﺍﻫﺎ ﻫﻲ ﻭﺟﻬﺎﻟﻬﺎ ﻭﻣﻦ ﺗﻌﺎﻭﻙ ﻋﻠﻲ ﻭﻳﻪ ﻋﻤﺘﻲ ﺑﻌﺪ ﻣﺮﺟﻊ ﻟﻠﺒﻴﺖ
ﺍﻣﻞ : ﺧﻞ ﺗﻮﻟﻲ ﻫﺎﻱ ﺷﻴﻜﻠﻮﻟﻬﺎ ﺳﻮﻱ ﺣﺘﻰ ﺭﺍﺋﻲ ﻣﺎﻋﺪﻫﺎ
ﻟﻠﻌﺼﺮ ﺍﺩﻙ ﻋﻠﻰ ﺧﺎﻟﺪ ﻭﻛﻠﻪ ﻳﻨﻄﻴﻨﻲ ﺭﻓﺾ ﺍﺩﺯﻟﻪ ﻣﺴﺠﺎﺕ ﻣﻴﺠﺎﻭﺏ
ﻭﺭﺍﻫﺎ ﺳﻤﻌﺖ ﺳﻴﺎﺭﻩ ﺩﺧﻠﺖ ﺍﻟﻜﺮﺍﺝ ﺑﺎﻭﻋﺖ ﻟﻜﻴﺘﻬﺎ ﺳﻴﺎﺭﻩ ﺧﺎﻟﺪ ﺷﻮﻳﻪ ﻭﺩﺧﻞ ﺧﺎﻟﺪ ﺳﻠﻢ ﻭﺭﺍﺡ ﻟﻠﻐﺮﻓﻪ ﻳﺒﺪﻝ ﺍﻧﻲ ﺑﺴﺮﻋﻪ ﻭﺭﺍﻩ ﻟﻠﻐﺮﻓﻪ
ﺣﻴﺎﺓ : ﺣﺒﻴﺒﻲ ﻭﻳﻦ ﺟﻨﺖ ﻭﺍﻟﻠﻪ ﻇﻞ ﺑﺎﻟﻲ
ﺧﺎﻟﺪ : ﻭﻟﺞ ﻟﻴﺶ ﻳﻈﻞ ﺑﺎﻟﺞ ﻗﺎﺑﻞ ﺷﻜﻮ
ﺣﻴﺎﺓ : ﻇﻠﻴﺖ ﺷﻜﺪ ﺍﺩﻙ ﻭﺍﺩﺯ ﻣﺴﺠﺎﺕ ﻭﺍﻧﺖ ﻣﺎﻛﻮ
ﺧﺎﻟﺪ : ﻣﺎﻛﺪﺭ ﻭﺩﺍﻋﺘﺞ ﻫﻮﺳﻪ ﻭﻛﺎﻋﺪ ﻭﻳﻪ ﺷﻴﻮﺥ ﻭﻋﻤﺎﻡ ﻣﻜﺪﺭﺕ ﺍﺭﺩ
ﺣﻴﺎﺓ : ﻭﺻﺎﺭ ﻧﺤﻠﺖ ﺍﻟﻤﺸﻜﻠﻪ
ﺧﺎﻟﺪ : ﺗﻨﺤﻞ ﺗﻨﺤﻞ ﺭﻭﺣﻲ ﺳﻮﻳﻠﻲ ﻏﺪﻩ ﺣﻤﻮﺕ ﺟﻮﻉ
ﺣﻴﺎ ﺓ : ﺍﻱ ﺻﺎﺭ ﻃﻠﻌﺖ ﺳﻮﻳﺘﻠﻪ ﺍﻟﻐﺪﻩ ﻭﻛﻤﻠﺖ ﺭﺣﺖ ﻭﺩﻳﺘﻠﻬﻴﺎ ﺟﺎﻥ ﻳﻢ ﺧﺎﻟﺘﻲ ﻛﺎﻋﺪ ﻭﺩﻳﺴﻮﻟﻔﻮﻥ ﺧﻠﻴﺘﻠﻪ ﺍﻟﻐﺪﻩ ﻭﻛﻌﺪ ﻳﺎﻛﻞ ﺑﺲ ﻫﻮ ﺟﺎﻥ ﺿﺎﻳﺞ ﺑﺲ ﻣﺠﺎﻥ ﻣﺒﻴﻦ ﻫﺬﺍ ﺍﻟﺸﻲ ﺍﻟﻲ ﺣﺘﻰ ﻣﻦ ﺍﺣﺠﻲ ﻭﻳﺎﻩ ﻳﻈﻞ ﻳﻜﻠﻲ ﻣﺎﻛﻮ ﺷﻲ ﻭﺳﺎﻟﻔﻪ ﻣﺎﻝ ﺟﻬﺎﻝ ﻭﻣﻦ ﻫﺎﻱ ﺳﻮﺍﻟﻒ
ﻇﻞ ﺍﻟﻮﺿﻊ ﻫﻴﺞ ﺟﻢ ﻳﻮﻡ ﺣﺘﻰ ﻋﻠﻲ ﻣﻦ ﻳﻮﻡ ﺍﻟﺮﺟﻌﻨﺎ ﻣﻦ ﺍﻟﻌﻤﺎﺭﻩ ﻣﺎﻛﻮ ﺍﻟﻲ ﻋﺮﻓﺘﻬﺎ ﻣﺎﺧﺬ ﻣﺮﺗﻪ ﻭﻃﺎﻟﻊ ﺯﻋﻼﻥ ﻭﻛﺎﻳﻠﻠﻬﻢ ﻟﻮﺍﻧﻲ ﻟﻮ ﺍﻟﻔﺼﻠﻴﻪ ﺑﺎﻟﺒﻴﺖ
ﺑﺲ ﻣﺤﺪ ﻛﻠﻲ ﻫﺬﺍ ﺍﻟﺸﻲ ﺣﺘﻰ ﺍﻣﻞ ﻣﺤﺠﺖ ﺑﺲ ﺍﻧﻲ ﺳﻤﻌﺖ ﺧﺎﻟﺘﻲ ﺗﺤﺠﻲ ﻟﺨﺎﻟﺪ ﺑﺼﺪﻓﻪ
بيج قصص عراقيه حقيقيه من واقعنا.روعه الطائي
ﺑﻴﻮﻡ ﺟﻨﺖ ﺑﺎﻟﻐﺮﻓﻪ ﻭﺳﻤﻌﺖ ﻫﻮﺳﻪ ﺑﺮﻩ ﺻﻴﺎﺡ ﻓﻄﻠﻌﺖ ﺍﺷﻮﻑ ﺷﻜﻮ ﻟﻜﻴﺖ ﺧﻮﺍﺕ ﺧﺎﻟﺪ ﺟﺎﻳﺎﺕ ﻣﺎﻋﺪﺍ ﺑﺴﻤﻪ ﻭﻳﺎﻫﻦ ﻋﻤﺎﺕ ﺧﺎﻟﺪ ﻭﺩﻳﺘﻌﺎﺭﻛﻦ ﻭﻳﻪ ﺧﺎﻟﺘﻲ ﺑﺲ ﺍﻟﻲ ﺍﺗﻌﺠﺒﺖ ﻣﻨﻪ ﺫﻧﻲ ﺧﻮﺍﺕ ﺧﺎﻟﺪ ﻳﻌﻨﻲ ﻫﺎﻱ ﺍﻣﻜﻢ ﺷﻮﻥ ﻫﻴﺞ ﻃﺎﺑﻜﺎﺕ ﻭﻳﻪ ﻋﻤﺎﺗﻜﻢ ﻋﻠﻴﻬﺎ ﻭﻳﻌﺮﻓﻮﻫﺎ ﻣﺮﻳﻀﻪ ﻭﻣﺘﺘﺤﻤﻞ ﻫﺎﻱ ﺳﻮﺍﻟﻒ
ﻭﺍﻧﻲ ﺍﺗﻤﻨﻰ ﺑﺲ ﺍﻣﻲ ﺗﺠﻴﻨﻲ ﺑﺎﻟﺤﻠﻢ ﺣﺘﻰ ﺍﺷﻮﻓﻬﺎ ﺍﺑﻮﺳﻬﺎ ﻣﺤﺪ ﻳﻘﺪﺭ ﺍﻟﻨﻌﻤﻪ ﺍﻟﻲ ﺑﻴﻦ ﺍﻳﺪﻳﻪ
ﺷﺎﻓﻮﻧﻲ ﻭﺍﻛﻔﻪ ﺟﺎﻥ ﺯﻳﻨﻪ ﻧﺪﺍﺭﺕ ﻋﻠﻴﻪ
ﺻﻴﺢ ﺍﺟﺘﻲ ﺍﺟﺘﻲ ﺍﻡ ﺳﺤﻮﺭﻩ ﻭﻟﺞ ﺣﻴﻪ ﻃﻠﻌﺘﻲ ﻣﻦ ﺟﻮﻩ ﻟﻴﺠﻮﻩ ﻇﻠﻴﺘﻲ ﺗﺤﻔﺮﻳﻦ ﻭﺗﺤﻮﻣﻴﻦ ﻟﺤﺪ ﻣﺨﻠﻴﺘﻲ ﺧﺎﻟﺪ ﺟﻮﻩ ﺍﺑﻄﺞ
ﺍﻧﻲ ﻇﻠﻴﺖ ﺳﺎﻛﺘﻪ ﻋﺰﻩ ﺷﺒﻴﻬﺎ ﻫﺎﻱ ﺧﺎﻟﺘﻲ ﻣﻘﺒﻠﺖ ﻇﻠﺖ ﺗﺮﺯﻝ ﺑﺰﻳﻨﻪ
ﻭﻛﻠﺘﻠﻲ ﺍﻓﻮﺕ ﻟﻠﻐﺮﻓﻪ ﻣﻌﻠﻴﻪ ﺑﻴﻬﻢ
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ ﻗﻔﻠﺖ ﺍﻟﺒﺎﺏ ﻋﻠﻴﻪ ﺧﻔﺖ ﻟﻴﺠﻮﻥ ﻋﻠﻴﻪ ﻳﻜﺘﻠﻮﻧﻲ ﻻﻥ ﻭﺍﻟﻠﻪ ﻳﺨﻮﻓﻮﻥ ﺷﻮﻥ ﻋﻴﺎﻁ ﻭﺻﻴﺎﺡ ﻳﻌﻨﻲ ﻣﻮ ﺑﻌﻴﺪﻩ ﻋﺪﻫﻢ ﻳﻜﺘﻠﻮﻧﻲ
ﺭﺩﺕ ﺍﺧﺎﺑﺮ ﺧﺎﻟﺪﻋﻠﻴﻬﻢ ﺑﺲ ﺑﻌﺪﻳﻦ ﻛﻠﺖ ﻫﻮ ﻧﺎﻗﺺ ﻛﺎﻓﻲ ﺍﻟﻲ ﺑﻲ ﻫﻮ ﻧﻮﺏ ﺳﻮﺍﻟﻒ ﻧﺴﻮﺍﻥ ﻋﻠﻴﻪ
ﻇﻞ ﺍﻟﺼﻴﺎﺡ ﻣﺸﺘﻐﻞ ﻭﺭﻩ ﺷﻮﻳﻪ ﻫﺪﺀ ﺍﻟﺒﻴﺖ ﻛﻠﺖ ﻳﺠﻮﺯ ﺭﺍﺣﻮ ﻓﺘﺤﺖ ﺍﻟﺒﺎﺏ ﺭﺣﺖ ﻟﻠﻬﻮﻝ ﻟﻜﻴﺖ ﻣﺎﻛﻮ ﺍﺣﺪ ﺑﺲ ﻟﻜﻴﺖ ﺧﺎﻟﺘﻲ ﻛﺎﻋﺪﻩ ﻋﺎﻟﻘﻨﻔﻪ ﻭﻣﺮﺟﻌﻪ ﺭﺍﺳﻬﺎ ﻟﻴﻮﺭﻩ ﻭﺍﻳﻪ ﺗﺸﺮﺑﻬﺎ ﻣﺎﻱ ﻭﺍﻣﻞ ﺗﻬﻔﻴﻠﻬﺎ
ﺍﻧﻲ ﺭﺣﺖ ﻳﻤﻬﺎ ﻛﺘﻠﻬﻢ ﺷﺒﻴﻬﺎ ﺧﺎﻟﻪ
ﺍﻣﻞ : ﺍﻟﻠﻪ ﻻﻳﻨﻄﻴﻬﻢ ﺳﻮﻭ ﻫﻴﺞ ﺑﻴﺒﻲ ﻭﺍﻟﻠﻪ ﺍﺫﺍ ﻣﺎﻛﻮﻝ ﻻﺑﻮﻳﻪ ﻋﻠﻴﻬﻢ ﻳﻌﺮﻑ ﺷﻮﻥ ﻳﻄﻴﺢ ﺣﻈﻬﻢ
ﺧﺎﻟﺔ : ﻭﻟﺞ ﻻ ﺩﻛﻮﻟﻴﻦ ﻻﺑﻮﺝ ﻭﺍﻟﻠﻪ ﻳﻤﻮﺕ ﺧﻮﺍﺗﻪ ﻣﻨﺎﻗﺺ ﻣﺸﺎﻛﻞ
ﺣﻴﺎﺓ : ﻃﺒﻌﺎ ﺧﺎﻟﻪ ﺑﺎﻟﻜﻮﻩ ﺗﺤﺠﻲ ﻛﺘﻠﻬﺎ ﺧﺎﻟﻪ ﺧﺎﻑ ﺿﻐﻄﺞ ﺻﻌﺪ ﻋﺎﺩ ﺭﺍﺣﺖ ﺍﻳﻪ ﺟﺎﺑﺖ ﺟﻬﺎﺯ ﺍﻟﻀﻐﻂ ﻭﻗﺎﺳﺘﻪ ﻃﻠﻊ ﻣﺮﺗﻔﻊ ﻋﺎﺩ ﺭﻛﺾ ﺟﺒﻨﺎﻟﻬﺎ ﺣﺒﺎﻳﻪ ﺿﻐﻂ ﺍﺧﺬﺗﻬﺎ
ﺧﺎﻟﺔ : ﺧﻞ ﺍﻣﺪﺩ ﺷﻮﻳﻪ ﻣﺎﻛﻤﺖ ﺍﺷﻮﻑ ﺷﻲ
ﺣﻴﺎﺓ : ﺍﻱ ﺧﺎﻟﻪ ﻣﻮ ﻣﺮﺗﻔﻊ ﺿﻐﻂ ﻧﺎﻣﻲ ﺍﺭﺗﺎﺣﻲ ﻋﺎﺩ ﺧﻠﻴﻨﺎﻫﺎ ﺗﻨﺎﻡ ﻭﻃﻠﻌﻨﺎ ﻛﺘﻠﻬﺎ ﻻﻣﻞ ﺷﻜﻮ ﺷﺒﻴﻬﻦ ﺫﻧﻲ ﺟﻨﻲ ﻫﺪﺍﺩﺍﺕ
ﺍﻣﻞ : ﺧﺎﻑ ﺍﻧﻲ ﺟﻨﺖ ﺑﺲ ﺍﻛﺮﻫﻬﻢ ﻫﺴﻪ ﺍﻣﻮﺕ ﻣﻨﻬﻢ ﻭﺑﻮﺩﻱ ﺍﺣﺮﻛﻬﻢ ﺣﺮﻙ
ﺣﻴﺎﺓ : ﺩﺣﺠﻲ ﺷﻜﻮ
ﺍﻣﻞ : ﺧﻞ ﻳﻮﻟﻦ ﺟﻨﻲ ﻳﻨﺒﺤﻦ ﻛﺎﺩﺭﺍﺕ ﺑﺲ ﻋﻠﻰ ﺑﻴﺒﻲ ﺑﺲ ﻣﻦ ﻳﺸﻮﻓﻦ ﺍﺑﻮﻳﻪ ﻳﺨﺮﺳﻦ
ﺍﻳﻪ : ﺍﻧﻲ ﺧﺎﺑﺮﺕ ﺣﺴﻴﻦ ﻛﻠﺘﻠﻪ
ﺍﻣﻞ : ﻳﺎ ﻟﻴﺶ ﻛﺘﻴﻠﻪ
ﺍﻳﻪ : ﻭﻟﺞ ﺷﻔﺖ ﻋﻤﺘﻲ ﺑﻜﻮﻩ ﺟﺮ ﺍﻟﻨﻔﺲ ﺧﻔﺖ ﻋﻠﻴﻬﺎ ﻛﻠﺘﻠﻪ ﻳﺠﻲ ﻳﻮﺩﻳﻬﺎ ﻟﻠﻤﺴﺘﺸﻔﻰ ﺷﻲ
ﺣﻴﺎﺓ : ﻛﻠﺘﻴﻠﻪ ﻣﻴﻜﻮﻝ ﻟﺨﺎﻟﺪ
ﺍﻳﻪ : ﺍﻱ ﻛﻠﺘﻠﻪ ﺍﺻﻼ ﻛﺎﻝ ﺍﻧﻲ ﻣﻮ ﻭﻳﺎﻩ
ﻭﺭﻩ ﺷﻮﻳﻪ ﺍﺟﻪ ﺣﺴﻴﻦ ﻭﺣﻤﻴﺪ ﺳﺌﻠﻮ ﻋﻠﻰ ﺧﺎﻟﺘﻲ ﻛﻨﺎﻟﻬﻢ ﺟﻮﻩ ﻧﺎﻳﻤﻪ ﻋﺎﺩ ﺭﺍﺣﻮ ﻳﺸﻮﻓﻮﻫﺎ ﺑﺲ ﻫﻲ ﻣﻘﺒﻞ ﺗﺮﻭﺡ ﻟﻠﻤﺴﺘﺸﻔﻰ ﺩﻛﻮﻝ ﺻﺮﺕ ﺯﻳﻨﻪ
ﻇﻠﻮ ﻳﻤﻬﺎ ﻟﺤﺪ ﻣﺎﺟﻪ ﺧﺎﻟﺪ ﻓﺎﺕ ﺷﺎﻑ ﺧﺎﻟﺘﻲ ﻣﻮ ﻋﻠﻰ ﺑﻌﻀﻬﺎ
ﺧﺎﻟﺪ : ﺷﺒﻴﺞ ﻳﻤﻪ ﺷﻜﻠﺞ ﺗﻌﺒﺎﻥ
ﺧﺎﻟﻪ : ﻻﻳﻤﻪ ﻣﺎﺑﻴﻪ ﺑﺲ ﺷﻮﻳﻪ ﺿﻐﻄﻲ ﺭﺗﻔﻊ
ﺧﺎﻟﺪ : ﻣﻦ ﺷﻨﻮ ﺭﺗﻔﻊ ﻣﻨﻮ ﺿﻮﺟﺞ
ﺧﺎﻟﺔ : ﻳﺎﻋﻴﻨﻲ ﻣﻨﻮ ﺍﻟﻲ ﻳﻀﻮﺟﻨﻲ ﻭﺍﻧﺖ ﻣﻮﺟﻮﺩ ﺑﺲ ﺍﻧﻲ ﻻﻥ ﻣﻨﻤﺖ ﺯﻳﻦ ﺑﺎﻟﻠﻴﻞ
ﺧﺎﻟﺪ : ﻣﻘﺘﻨﻌﺖ ﺑﻜﻼﻡ ﺍﻣﻲ ﺍﺷﺮﺕ ﻟﺤﻴﺎﺓ ﺗﻠﺤﻜﻨﻲ ﻟﻠﻐﺮﻓﻪ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻣﻦ ﺷﻔﺖ ﺧﺎﻟﺪ ﻳﺎﺷﺮﻟﻲ ﻟﺤﻜﻴﻨﻲ ﻋﺮﻓﺖ ﻣﺼﺪﻙ ﺧﺎﻟﺘﻲ ﻃﺒﺖ ﻟﻠﻐﺮﻓﻪ ﻭﺭﺍﻩ
ﻫﺎ ﺣﺒﻴﺒﻲ ﺍﺣﻀﺮﻟﻚ ﺗﺎﻛﻞ
ﺧﺎﻟﺪ : ﺷﺒﻴﻬﺎ ﺍﻣﻲ ﻣﻨﻮ ﻣﻀﻮﺟﻬﺎ
ﺣﻴﺎﺓ : ﻣﺤﺪ ﻣﻮ ﻛﻠﺘﻠﻚ ﻣﻨﺎﻳﻤﻪ ﺯﻳﻦ
ﺧﺎﻟﺪ : ﺑﺎﻋﻲ ﺍﻋﺮﻑ ﻛﻠﺶ ﺯﻳﻦ ﺍﻣﻲ ﻓﻜﻠﻴﻠﻲ ﺷﺒﻴﻬﺎ ﺍﻣﻲ
ﺣﻴﺎﺓ : ﻇﻠﻴﺖ ﻣﺘﺮﺩﺩﻩ ﺍﻛﻠﻪ ﻟﻮ ﻻ ﺑﺲ ﺑﻌﺪﻳﻦ ﺧﻔﺖ ﻣﻨﻪ ﻻﻥ ﻛﺎﻡ ﻳﻌﻴﻂ ﻋﻠﻴﻪ ﻛﻠﺘﻠﻪ .. ﺧﻮﺍﺗﻚ ﻭﻋﻤﺎﺗﻚ ﺟﺎﻧﻮ ﻫﻨﺎ ﻭﺷﻮﻳﻪ ﺻﺎﺭ ﺣﺠﻲ ﺑﻴﻨﺎﺗﻬﻢ
ﺧﺎﻟﺪ : ﻭﺻﺎﺭ ﺣﺠﻲ ﻋﻠﻰ ﺷﻨﻮ
ﺣﻴﺎﺓ : ﻭﺍﻟﻠﻪ ﻣﺎﻋﺮﻑ ﺍﻧﻲ ﺟﻨﺖ ﺑﻐﺮﻓﺘﻲ ﻭﻣﻦ ﻃﻠﻌﺖ ﺧﺎﻟﺘﻲ ﻛﻠﺘﻠﻲ ﺍﻓﻮﺕ ﺟﻮﻩ
ﻫﺬﺍ ﻋﺎﻓﻨﻲ ﻭﻃﻠﻊ ﻃﻠﻌﺖ ﻭﺭﺍﻫﺎ
ﺧﺎﻟﺪ : ﻳﻤﻪ ﺫﻧﻲ ﺍﻟﺪﺑﺴﺰﻳﺎﺕ ﺟﺎﻧﻦ ﻫﻨﺎ ﻭﻣﺎﺩﻛﻠﻴﻠﻲ ﻭﺍﻟﻠﻪ ﻻﻧﺪﻣﻬﻦ ﻋﺎﻟﻴﻮﻡ ﺍﻟﺠﻮﻱ ﺑﻲ
ﺣﻴﺎﺓ : ﺍﻧﻲ ﺟﻨﺖ ﻭﺭﻩ ﺧﺎﻟﻪ ﺑﺴﺮﻋﻪ ﺑﺎﻋﺖ ﻋﻠﻴﻪ
ﺧﺎﻟﺔ : ﻳﺎﻳﻤﻪ ﻟﺴﻮﻱ ﻫﻴﺞ ﺩﺧﻴﻠﻚ ﻭﺍﻟﻠﻪ ﻣﺎﺑﻴﻪ ﺷﻲ ﺫﻧﻲ ﺣﺎﻟﻬﻦ ﺣﺎﻝ ﻋﻠﻲ ﻋﻤﺎﺗﻬﻦ ﻳﺤﺮﻛﻨﻬﻦ
ﺧﺎﻟﺪ : ﺍﻧﻲ ﺍﻋﻠﻤﻬﻦ
ﺩﻳﻄﻠﻊ ﺑﺲ ﺧﺎﻟﻪ ﻇﻠﺖ ﺗﺤﻠﻒ ﺑﻲ ﻭﺣﺴﻴﻦ ﻭﺣﻤﻴﺪ ﻻﺯﻣﻲ ﻭﺧﺎﻟﺪ ﺍﺣﺲ ﺍﻋﺼﺎﺑﻪ ﻛﻠﻬﻦ ﻃﺎﻟﻌﺎﺕ ﻣﻦ ﻛﺪ ﺍﻟﻌﺼﺒﻴﻪ ﻣﺎﻟﺘﻪ ﻇﻠﻴﺖ ﺍﻧﻲ ﺩﻣﻮﻋﻲ ﺗﻨﺰﻝ ﻣﺎﺩﺭﻱ ﻟﻴﺶ ﻳﻤﻜﻦ ﺧﻔﺖ ﻳﺼﻴﺮ ﺑﻲ ﺷﻲ
ﻭﺑﺎﻟﻜﻮﻩ ﻛﻌﺪﻭﻩ ﻟﺨﺎﻟﺪ ﻭﻇﻠﻮ ﻳﺤﺠﻮﻥ ﻭﻳﺎﻩ ﻭﻳﻬﺪﻭﻥ ﺑﻲ
ﻣﻊ ﺍﻟﻌﻠﻢ ﺧﺎﻟﺪ ﺟﺎﻥ ﻫﺎﻱ ﺍﻟﻔﺘﺮﻩ ﻛﻠﺶ ﻋﺼﺒﻲ ﻭﻣﺸﺎﻛﻞ ﺭﻛﻊ ﻓﻮﻙ ﺭﺍﺳﻪ ﺑﺲ ﺍﺑﺪ ﻣﺤﺴﺴﻨﻲ ﺑﻬﺬﺍ ﺍﻟﺸﻲ ﻛﻞ ﻣﻴﺸﻮﻓﻨﻲ ﻳﺘﻐﺰﻝ ﺑﻴﻪ ﻭﻳﺎﺧﺬﻧﻲ ﺑﺤﻀﻨﻪ ﻭﻇﻞ ﻳﻜﻠﻲ ﺍﻧﺖ ﺍﻟﺮﺍﺣﻪ ﻣﺎﻟﺘﻲ ﻭﺍﺧﺮ ﺍﻳﺎﻡ ﻛﺎﻡ ﺩﺍﻳﻤﺎ ﻳﻜﻠﻲ ﻣﻬﻤﺎ ﺍﺳﻮﻱ ﻟﺘﻌﻮﻓﻴﻨﻲ ﺻﺎﺭ ﺩﺍﻳﻤﺎ ﻳﺮﺩﺩ ﻟﺘﻌﻮﻓﻴﻨﻲ
ﻭﺻﺎﺭ ﻳﻜﻠﻲ ﺧﻠﻴﻨﻲ ﺑﺲ ﺍﻧﻲ ﺍﺣﺒﺞ
ﻛﻤﺖ ﺍﺧﺎﻑ ﻣﻦ ﺣﺠﻴﻪ ﻻﻥ ﺣﺠﻴﻪ ﺻﺎﺭ ﻛﻠﻪ ﻟﺘﺨﻠﻴﻬﻢ ﻳﻔﺮﻗﻮﻧﺎ ﻭﻟﺘﻌﺮﻓﻴﻨﻲ ﻭﺣﺠﻲ ﻛﻠﻪ ﻫﻴﺞ
ﺑﻴﻮﻡ ﺍﺟﻪ ﺣﺴﻴﻦ ﻟﻠﺒﻴﺖ ﻛﺎﻟﻨﺎ ﻳﺮﻳﺪﻭﻥ ﻳﻄﻠﻌﻮﻥ ﺧﺎﻟﺪ ﻭﻳﺨﻠﻮﻥ ﻋﻠﻲ ﺷﻴﺦ ﺑﺪﺍﻟﻪ
ﺍﻧﻲ ﻛﻠﺖ ﻳﺎﺭﻳﺖ ﻭﻳﺨﻠﺺ ﻣﻦ ﻫﺎﻱ ﺍﻟﻤﺸﺎﻛﻞ ﻭﺍﻟﺘﻌﺐ ﻭﺷﻨﻮ ﻭﺍﺫﺍ ﺍﺧﺬﻭ ﻣﻨﻪ ﺍﻟﺸﻴﺨﻪ ﻗﺎﺑﻞ ﺷﻜﻮ ﻳﺒﻘﻰ ﺷﻴﺦ ﻏﺼﺒﺎ ﻣﺎ ﻋﻠﻰ ﺍﻟﻜﻞ
ﺭﺟﻊ ﺧﺎﻟﺪ ﺑﺬﺍﻙ ﺍﻟﻴﻮﻡ ﻋﺼﺒﻲ ﻭﺿﺎﻳﺞ ﻓﺎﺕ ﻟﻠﻐﺮﻓﻪ ﺣﺘﻰ ﺧﻔﺖ ﺍﺩﺧﻞ ﺍﺷﻮﻓﻪ ﺑﺲ ﺧﺎﻟﺘﻲ ﻇﻠﺖ ﺩﻛﻠﻲ ﺩﺧﻠﻲ ﻳﻤﻪ ﺷﻮﻓﻴﻪ
ﺩﺧﻠﺖ ﻟﻜﻴﺖ ﻛﺎﻋﺪ ﻭﻳﺪﺧﻦ ﻭﻳﻬﺰ ﺑﺮﺟﻠﻪ ﺍﻧﻲ ﻣﻦ ﻫﺰﺕ ﺭﺟﻠﻪ ﻋﺮﻓﺖ ﺍﻋﺼﺎﺏ ﺻﺎﻳﺮ
ﺭﺣﺖ ﻛﻌﺪﺕ ﻳﻤﻪ ﻣﺤﺠﻴﺖ ﺷﻲ ﻟﺰﻣﺖ ﺍﻳﺪﻩ ﺑﺴﺘﻬﺎ ﻫﻮ ﻟﺘﺎﻑ ﻋﻠﻴﻪ
ﺍﺣﺒﻚ
ﺧﺎﻟﺪ : ﺑﻌﺰ ﻋﺼﺒﻴﺘﻲ ﻭﺿﻮﺟﺘﻲ ﻣﻦ ﺍﺷﻮﻑ ﺣﻴﺎﺓ ﻳﻤﻲ ﺍﻧﺴﻰ ﻛﻠﺸﻲ ﻣﻦ ﻣﺸﺎﻛﻞ ﻭﻃﻼﻳﺐ ﺧﻠﺘﻨﻲ ﺍﺑﺘﺴﻤﻠﻬﺎ ﻭﺍﻧﻲ ﺍﻟﻬﻢ ﻛﺎﺗﻠﻨﻲ
ﺣﻴﺎﺓ : ﻣﻦ ﺷﻔﺘﻪ ﺍﺑﺘﺴﻢ ﺣﺠﻴﺖ .. ﻳﺎﻋﻤﺮﻱ ﻟﺴﻮﻱ ﻫﻴﺞ ﺑﻨﻔﺴﻚ ﻭﺍﻟﻠﻪ ﺍﺧﺎﻑ ﻋﻠﻴﻚ ﺍﺫﺍ ﺻﺎﺭ ﺑﻴﻚ ﺷﻲ ﻣﻨﻮ ﺍﻟﻲ ﺍﻧﻲ
ﺧﺎﻟﺪ : ﻟﺘﺨﺎﻓﻴﻦ ﻣﺎﺑﻴﻪ ﺷﻲ
ﺣﻴﺎﺓ : ﺧﺎﻟﺪ ﻋﻮﻑ ﻛﻠﺸﻲ ﺧﻞ ﻋﻠﻲ ﻳﺼﻴﺮ ﺑﺪﺍﻟﻚ ﻭﺧﻞ ﺗﻨﺤﻞ ﻫﺎﻱ ﺍﻟﻤﺸﺎﻛﻞ ﻭﺍﺻﻼ ﺍﻧﺖ ﻣﻤﺴﺘﻔﺎﺩ ﺷﻲ ﺑﺲ ﺍﻟﻘﻬﺮ ﻭﺗﻌﺐ ﻭﺩﺍﻳﻤﺎ ﻋﺼﺎﺏ
ﺧﺎﻟﺪ : ﻭﻟﺞ ﺍﻧﻲ ﻟﻮ ﺑﻴﺪﻱ ﺍﻧﻄﻴﻬﻢ ﻛﻠﺸﻲ ﻭﺍﺧﻠﺺ ﺑﺲ ﻳﺎﺣﻴﺎﺓ ﻟﻮ ﺍﻋﺮﻓﻬﻢ ﻛﺪ ﺍﻟﻤﺴﺆﻭﻟﻴﻪ ﻟﻮ ﺍﻋﺮﻓﻬﻢ ﻳﻌﺪﻟﻮﻥ ﻭﻳﻜﻠﻮﻥ ﺍﻟﺤﻖ ﺍﻧﻲ ﺍﻟﻨﺎﺱ ﺍﻟﻲ ﺑﺤﻤﺎﻳﺘﻲ ﻋﺎﻳﺸﻪ ﺗﻌﺮﻓﻴﻦ ﺷﻜﺪ ﺑﺲ ﻳﺸﻮﻓﻦ ﺍﻟﺸﻴﺨﻪ ﺭﺍﺣﺖ ﻣﻨﻲ ﻳﺎﺫﻭﻫﻢ ﻭﺍﻟﻨﺎﺱ ﺍﻟﻲ ﺍﻋﻴﻠﻬﻢ ﻭﻣﺸﻐﻠﻬﻢ ﺑﺎﻟﻜﻴﺎﻋﻴﻦ ﺷﻜﺪ ﺫﻭﻟﻪ ﻛﻠﻬﻢ ﻳﺒﻄﻠﻮﻫﻢ ﺑﺲ ﺍﺭﻭﺡ ﻣﺎﻋﺪﻩ ﺍﻟﻘﺮﺍﺭﺍﺕ ﺍﻟﻲ ﺣﻴﻜﻮﻣﻮﻥ ﻳﺎﺧﺬﻭﻫﺎ ﺍﻟﻲ ﺗﻜﺴﺮ ﺍﻟﻈﻬﺮ ﻋﺎﻟﻌﻤﺎﻝ ﻭﺍﻟﻤﺴﺎﻛﻴﻦ
ﺣﻴﺎﺓ : ﺍﺩﺭﻱ ﻭﻳﻦ ﻋﺎﻳﺸﻴﻦ ﺧﺎﻟﺪ ﻛﻞ ﻫﺬﺍ ﻻﻥ ﺯﻭﺟﺘﻲ ﻭﺍﻟﻠﻪ ﻟﻮ ﺍﻋﺮﻑ ﻫﻴﺞ ﻳﺼﻴﺮ ﺟﺎﻥ ﻣﺎﻗﺒﻠﺖ ﺟﺎﻥ ﻇﻠﻴﺖ ﻓﺼﻠﻴﻪ
ﺧﺎﻟﺪ : ﻭﻟﺞ ﻣﺎﻟﺞ ﺩﺧﻞ ﺑﺲ ﻫﻴﺞ ﺗﻜﻮﻣﺖ ﻫﻮﺍﻱ ﻣﺸﺎﻛﻞ ﻭﺻﺎﺭﺕ ﻫﺎﻱ ﺳﺎﻟﻔﻪ ﻛﺒﻮ ﻋﻠﻴﻪ
ﺣﻴﺎﺓ : ﺯﻳﻦ ﺷﺤﺴﻮﻱ ﺍﻧﺖ ﻫﺴﻪ
ﺧﺎﻟﺪ : ﻭﺍﻟﻠﻪ ﻣﺎﺩﺭﻱ ﻟﺘﺨﺎﻓﻴﻦ ﺭﺑﺞ ﻳﺤﻠﻬﺎ
ﺣﻴﺎﺓ : ﺧﺎﻟﺪ
ﺧﺎﻟﺪ : ﻋﻴﻮﻧﻪ
ﺣﻴﺎﺓ : ﻃﻠﻜﻨﻲ ﺣﺘﻰ ﺗﺮﺗﺎﺡ ﻣﻦ ﻫﺎﻱ ﺍﻟﻤﺸﺎﻛﻞ
ﺧﺎﻟﺪ : ﻭﻟﺞ ﺍﻧﺘﻲ ﻣﺨﺒﻠﻪ ﻭﺍﻟﻠﻪ ﺍﺫﺍ ﺣﺠﻴﺘﻲ ﻫﺎﻱ ﻛﻠﻤﻪ ﻣﺮﻩ ﺛﺎﻧﻴﻪ ﺍﻣﻮﺗﺞ ﻭﻟﺞ ﻣﺎﺻﺪﻛﺖ ﺻﻴﺮﻳﻦ ﺍﻟﻲ
ﺣﻴﺎﺓ : ﻛﻤﺖ ﺍﺑﺠﻲ ﻭﺍﺣﺠﻲ ﻭﺍﻟﻠﻪ ﻳﺎﺧﺎﻟﺪ ﺗﻌﺒﺖ ﻣﻦ ﺯﻭﺟﻨﺎ ﻛﻠﺖ ﺣﻴﺎﺗﻲ ﺣﺘﺘﻐﻴﺮ ﻭﺻﻴﺮ ﺍﺣﻼ ﺑﺲ ﺻﺎﺭﺕ ﺍﺳﻮﺀ ﻟﻮ ﻇﺎﻟﻪ ﻋﻠﻰ ﺫﻳﺞ ﺍﻻﻳﺎﻡ ﺟﺎﻧﺖ ﺍﺣﺴﻦ ﺗﻌﺒﺖ ﺍﻋﺮﻑ ﺑﻴﻚ ﺗﻌﺒﺎﻥ ﻭﺿﺎﻳﺞ ﻭﺩﺗﺤﺎﻭﻝ ﻣﺘﺒﻴﻦ ﻛﺪﺍﻣﻲ ﻫﺬﺍ ﺍﻟﺸﻲ ﺑﺲ ﺍﻧﻲ ﺗﺮﻯ ﺩﺍﺷﻮﻑ ﻭﺍﺣﺲ ﺑﻴﻚ ﺍﺭﻳﺪ ﺍﺧﻠﺼﻚ ﻣﻦ ﻫﺬﺍ ﺍﻟﺘﻌﺐ ﻭﺍﺭﻳﺤﻚ
ﺧﺎﻟﺪ : ﺟﺮﻳﺘﻬﺎ ﺑﺤﻀﻨﻲ ﻭﻟﺞ ﻳﺎﺗﻌﺐ ﻫﺬﺍ ﺗﻌﺐ ﺍﺷﻮﻓﻪ ﻭﺍﻧﺘﻲ ﻣﻮ ﻳﻤﻲ ﻻﺟﻴﺒﻴﻦ ﻫﺬﺍ ﺍﻟﻤﻮﺿﻮﻉ ﻋﻠﻰ ﻟﺴﺎﻧﺞ ﺍﺑﺪ ﻭﻟﺞ ﻟﻌﺒﺎﻟﺞ ﺑﺲ ﻻﻥ ﺯﻭﺟﻨﺎ ﻭﻟﺞ ﻛﻮﻣﻪ ﻣﺸﺎﻛﻞ ﺻﺎﺭﺕ ﻭﻛﻤﺖ ﺍﺧﺬ ﻗﺮﺍﺭﺍﺕ ﻫﻢ ﻣﺮﺍﺿﻴﻦ ﻋﻠﻴﻬﺎ ﻓﻜﺒﻮ ﻋﻠﻴﻪ ﻭﻣﻨﻮ ﺩﻳﺴﻮﻱ ﻫﺎﻱ ﺍﻟﻤﺸﺎﻛﻞ ﺗﺮﻯ ﺟﻬﺎﻝ ﻭﻟﻪ ﻛﺒﺎﺭ ﺍﻟﻌﺸﻴﺮﺓ ﻭﻳﺎﻳﻪ ﻃﺎﺑﻜﻴﻦ
ﻭﻟﺞ ﺍﻧﺘﻲ ﻣﺎﻟﺞ ﺩﺧﻞ ﻛﺎﻓﻲ ﺑﺠﻲ ﻟﺨﺎﻃﺮﻱ ﺑﻌﺪﻳﻦ ﻣﻮ ﻛﻠﺘﻴﻠﻲ ﺣﺠﻴﺒﻠﻚ ﻭﻟﺪ ﺍﺧﻠﻴﻬﻢ ﻳﻤﻮﺗﻮﻥ ﻗﻬﺮ ﻧﺴﻴﺘﻲ ﻟﻮ ﻻ
ﺣﻴﺎﺓ : ﺿﺤﻜﺖ ﻭﺍﻧﻲ ﻋﻴﻮﻧﻲ ﺩﻣﻮﻉ ﻻ ﻣﻨﺴﻴﺖ ﺍﻥ ﺷﺎﺀﺍﻟﻠﻪ ﻳﺼﻴﺮ ﻭﺍﺧﻠﻴﻬﻢ ﻛﻠﻬﻢ ﻳﻤﻮﺗﻮﻥ ﻗﻬﺮ ﻭﺍﺧﻠﻲ ﺍﺑﻨﻲ ﻳﺼﻴﺮ ﺷﻴﺦ ﻣﺜﻞ ﺍﺑﻮﻩ
ﺧﺎﻟﺪ : ﺍﻥ ﺷﺎﺀﺍﻟﻠﻪ ﺑﺎﺑﻌﺪ ﻛﻠﺒﻲ
ﻭﺭﺍﻩ ﺍﻳﺎﻡ ﻃﺒﻌﺎ ﺍﻟﻤﺸﺎﻛﻞ ﺯﻳﺪ ﺯﻳﺪ ﻭﺧﺎﺻﻪ ﻭﺭﻩ ﻣﺎ ﺧﺎﻟﺪ ﺍﺷﺘﺮﻯ ﺍﺭﺍﺿﻲ ﻣﻦ ﺍﻟﻔﻼﺣﻴﻦ ﺑﺴﻌﺮﻫﻢ ﺑﺲ ﺣﺘﻰ ﻳﺴﺎﻋﺪﻫﻢ ﻭﻃﺒﻌﺎ ﺍﻧﻄﺎﻫﻢ ﺍﻓﻠﻮﺳﻬﺎ ﺑﺲ ﺧﻼﻫﻢ ﻳﻈﻠﻮﻥ ﻳﺸﺘﻐﻠﻮﻥ ﺑﻴﻬﺎ ﻫﻨﺎ ﻋﻠﻲ ﺍﺟﻪ ﻟﻠﺒﻴﺖ ﻳﺘﻌﺎﺭﻙ ﻭﻳﻪ ﺧﺎﻟﺪ ﻛﻠﻪ ﻛﺎﻋﺪ ﺗﻮﺯﻉ ﺑﻔﻠﻮﺳﻨﺎ ﻣﻨﺎ ﻭﻣﻨﺎ ﻭﺣﺠﻲ ﺣﺠﻲ ﻛﻮﻣﻪ ﺑﺲ ﺧﺎﻟﺪ ﻣﺎﻧﻄﻰ ﻣﺠﺎﻝ ﺍﺑﺪ ﻇﻞ ﻳﺘﻌﺎﺭﻛﻮﻥ ﺑﻴﻨﻬﻢ ﻭﺧﺎﻟﺘﻲ ﺗﺤﺠﻲ ﻭﺗﻬﺪﺀ ﺑﻴﻬﻢ ﻭﻣﻴﻔﻴﺪ ﺷﻜﺪ ﺷﺎﻳﻔﻪ ﻧﺎﺱ ﻗﺒﻴﺤﻪ ﺑﺲ ﻣﺜﻞ ﻋﻠﻲ ﺍﺑﺪ ﻣﺸﺎﻳﻔﻪ ﻫﻴﺞ ﻭﺍﺣﺪ ﻣﺴﻤﻮﻡ ﻭﻣﺠﻨﺖ ﺍﻋﺮﻑ ﻟﻴﺶ ﻫﻴﺞ ﺩﻳﺴﻮﻱ ﻳﻌﻨﻲ ﻣﻌﻘﻮﻟﻪ ﻛﻠﻪ ﻋﻠﻤﻮﺩ ﻓﻠﻮﺱ ﻭﻫﻲ ﻛﻠﻬﺎ ﺑﺎﺟﺮ ﻋﻜﺒﻪ ﺭﺍﻳﺤﻪ
ﺑﺲ ﺗﻔﺎﺟﺌﺖ ﺑﺴﺎﻟﻔﻪ ﺻﺎﻳﺮﻩ ﻗﺒﻞ ﻣﺎ ﻋﻠﻲ ﻳﺰﻭﺝ ﺳﺎﺭﻩ ﻋﻠﻲ ﺟﺎﻥ ﻳﺤﺐ ﻭﺣﺪ ﺍﺳﻤﻬﺎ ﺳﻤﺎﺡ ﻳﻜﻠﻮﻥ ﺟﺎﻧﺖ ﻣﻮ ﻛﻠﺶ ﺯﻳﻨﻪ ﺳﻤﻌﺘﻬﺎ ﻭﻇﻞ ﻭﻳﺎﻫﺎ ﻭﺭﺍﻳﺪ ﻳﺰﻭﺟﻬﺎ ﺑﺲ ﺧﺎﻟﺪ ﻣﻘﺎﺑﻞ ﻫﺬﺍ ﺑﺲ ﻫﻮ ﺭﺍﻳﺢ ﻋﺎﻗﺪ ﻋﻠﻴﻬﺎ ﻋﻘﺪ ﺳﻴﺪ ﻭﺟﺎﻳﺒﻬﺎ ﻟﻠﺒﻴﺖ ﻭﺧﺎﻟﻬﻢ ﻛﺪﺍﻡ ﺍﻻﻣﺮ ﺍﻟﻮﺍﻗﻊ ﻭﺍﻟﻲ ﺳﻤﻌﺘﻪ ﺟﺎﻧﺖ ﻭﻛﺤﻪ ﻭﺟﺎﻭﺏ ﻭﺗﺤﺮﻙ ﺑﺲ ﻋﻠﻲ ﺟﺎﻥ ﻳﺴﻤﻊ ﻛﻼﻣﻬﺎ ﻭﻣﻴﺮﻓﺾ ﻃﻠﺐ ﺍﻟﻬﺎ ﺟﺎﻧﺖ ﺳﻮﻱ ﻣﺸﺎﻛﻞ ﻭﻳﻪ ﺧﺎﻟﺘﻲ ﺑﺲ ﺧﺎﻟﺘﻲ ﺟﺎﻧﺖ ﻣﺪﻛﻮﻝ ﻟﺨﺎﻟﺪ ﻟﺤﺪ ﻓﺪﻳﻮﻡ ﻣﺮﺗﻪ ﻃﻠﺒﺖ ﻣﻦ ﻋﻠﻲ ﻳﺜﺒﺖ ﺯﻭﺍﺟﻬﻢ ﺑﺎﻟﻤﺤﻜﻤﻪ ﻭﺟﺎﻥ ﻓﻌﻼ ﺩﻳﺜﺒﺘﻪ ﺑﺲ ﺧﺎﻟﺘﻲ ﻣﻘﺎﺑﻠﻪ ﺑﺲ ﺧﺎﻟﺪ ﻗﻨﻌﻬﺎ ﻭﺟﺎﻥ ﻓﻌﻼ ﺩﻳﺜﺒﺖ ﺍﻟﺰﻭﺍﺝ ﻟﺤﺪ ﻣﺎﻓﺪﻳﻮﻡ ﺻﺎﻳﺮﻩ ﻣﺸﻜﻠﻪ ﺑﻴﻦ ﺧﺎﻟﺘﻲ ﻭﺳﻤﺎﺡ ﻭﺳﻤﺎﺡ ﻣﺎﺩﻩ ﺍﻳﺪﻫﺎ ﻋﻠﻰ ﺧﺎﻟﺘﻲ
ﺻﺎﻳﺮﻩ ﻣﺸﻜﻠﻪ ﺑﻴﻦ ﺧﺎﻟﺘﻲ ﻭﺳﻤﺎﺡ ﻭﺳﻤﺎﺡ ﻣﺎﺩﻩ ﺍﻳﺪﻫﺎ ﻋﻠﻰ ﺧﺎﻟﺘﻲ ﺿﺎﺭﺑﺘﻬﺎ ﻭﺧﺎﻟﺘﻲ ﻣﺘﺨﺮﺑﻄﻪ ﻭﺫﻳﺞ ﻣﻦ ﺧﻮﻓﻬﺎ ﻓﻠﺘﺖ ﻻﺑﻴﺖ ﺍﻫﻠﻬﺎ ﺧﺎﻟﺪ ﻣﻦ ﻋﺮﻑ ﺻﺎﺭ ﻛﺎﻟﺐ ﺍﻻﻣﻪ ﻛﻠﺐ ﻭﺣﺘﻰ ﺿﺎﺭﺏ ﻋﻠﻲ ﻭﻛﺎﻳﻠﻪ ﻫﺴﻪ ﻃﻠﻜﻬﺎ ﻻ ﺍﺗﺒﺮﻯ ﻣﻨﻚ ﻭﺣﺘﻰ ﺍﻟﻌﺸﻴﺮﺓ ﺍﻃﻠﻌﻚ ﻣﻨﻬﺎ ﻭﻓﻌﻼ ﻋﻠﻲ ﻃﻠﻚ ﺳﻤﺎﺡ ﻭﺭﻩ ﻓﺘﺮﺓ ﺧﺎﻟﺘﻲ ﺯﻭﺟﺖ ﻋﻠﻲ ﻟﺴﺎﺭﻩ ﺣﺘﻰ ﻟﻴﻈﻞ ﻳﻔﻜﺮ ﺑﺴﻤﺎﺡ
ﻓﺎﻋﺘﻘﺪ ﻫﻮ ﺩﻳﺴﻮﻱ ﻫﻴﺞ ﻻﻥ ﺿﺎﻳﺞ ﻻﻥ ﺧﺎﻟﺪ ﻭﺍﻛﻒ ﻭﻳﺎﻳﻪ ﻭﺍﻱ ﺷﻲ ﺍﺭﻳﺪﻩ ﻳﺴﻮﻳﻪ ﺣﺘﻰ ﺳﻤﻌﺖ ﻣﻦ ﺍﻣﻞ ﻋﺴﺎﺱ ﺳﺎﻣﻌﻪ ﺳﺎﺭﻩ ﺑﻴﻮﻡ ﺗﺘﻌﺎﺭﻙ ﻭﻳﻪ ﻋﻠﻲ ﺩﻛﻠﻪ ﺭﺟﻌﺘﻬﺎ ﻟﺴﻤﺎﺡ ﻳﻌﻨﻲ ﻳﻤﻜﻦ ﺭﺍﺟﻊ ﻣﺰﻭﺟﻬﺎ ﺑﺲ ﺑﺪﻭﻥ ﻋﻠﻢ ﺍﻫﻠﻪ
ﻛﻠﻪ ﻫﺎﻱ ﺍﻟﻤﺸﺎﻛﻞ ﻋﺪﺕ ﺍﻻ ﺑﻴﻮﻡ ﺍﺟﻪ ﺧﺎﻟﺪ ﻭﺟﻬﻪ ﻣﺎﻳﺘﻔﺴﺮ ﻭﻣﻴﺤﺠﻲ ﻭﻳﻪ ﺍﻱ ﺷﺨﺺ ﻭﺍﻟﻌﺼﺒﻴﻪ ﻣﺎﻟﺘﻪ ﺑﺤﻴﺚ ﻓﺎﺕ ﻟﻠﺒﻴﺖ ﺣﺘﻰ ﺑﺪﻭﻥ ﻣﻴﺴﻠﻢ ﻭﺭﺍﺡ ﻟﻠﻐﺮﻓﻪ ﻃﺒﻚ ﺍﻟﺒﺎﺏ ﻛﻞ ﻗﻮﺗﻪ ﻇﻠﻴﻨﺎ ﻛﻠﻨﺎ ﺧﺎﻳﻔﻴﻦ ﺭﻭﺣﻠﻪ ﻓﺨﺎﻟﺘﻲ ﺭﺍﺣﺘﻠﻪ ﻟﻠﻐﺮﻓﻪ ﻭﻇﻠﺖ ﻓﺘﺮﻩ ﺑﺎﻟﻐﺮﻓﻪ ﻭﻳﺎﻩ ﻭﻃﻠﻌﺖ ﺧﺎﻟﺘﻲ ﻫﻢ ﻭﺟﻬﻪ ﻣﻴﺘﻔﺴﺮ ﻭﺑﺴﺮﻋﻪ ﺭﺍﺣﺖ ﻟﻐﺮﻓﺘﻬﺎ ﻭﺳﺪﺕ ﺍﻟﺒﺎﺏ ﻋﻠﻴﻬﺎ
ﻇﻠﻴﻨﺎ ﻫﻴﺞ ﻟﺤﺪ ﻣﺎﺟﻪ ﺣﺴﻴﻦ ﻭﻛﻠﻲ ﺑﺎﻟﻘﺮﺍﺭ ﺍﻟﻲ ﻣﺎﺧﺬﻱ ﻋﻠﻰ ﺧﺎﻟﺪ ﻟﻮ ﻳﺴﻮﻳﻪ ﻟﻮ ﻳﺘﻨﺎﺯﻝ ﻻﺧﻮ ﻋﻦ ﺍﻟﺸﻴﺨﻪ
ﻇﻠﻴﺖ ﺑﺤﺎﻟﻪ ﺻﺪﻣﻪ ﻣﺎﻋﺮﻑ ﺷﺤﺠﻲ ﻇﻠﻴﺖ ﺍﻓﻜﺮ ﻣﻌﻘﻮﻟﻪ ﺧﺎﻟﺪ ﻳﺴﻮﻳﻬﺎ ﻻ ﻣﺴﺘﺤﻴﻞ ﻣﻴﺴﻮﻳﻬﺎ ﺑﺲ ﺫﻛﺮﺕ ﻛﻼﻣﻪ ﻣﻦ ﻛﻠﻲ ﻣﺎﻛﺪﺭ ﺍﻋﻮﻑ ﺷﻴﺨﻪ ﻻﺧﻮﻳﻪ ﻻﻥ ﻳﻌﺮﻓﻪ ﻣﻮ ﻛﺪﻫﺎ
ﻭﻋﺮﻓﺖ ﻋﻠﻲ ﻣﻘﺘﺮﺡ ﻋﻠﻰ ﺍﻟﻌﺸﻴﺮﻩ ﻫﺬﺍ ﺍﻟﻘﺮﺍﺭ ﻭﻃﻠﻊ ﺣﻘﺪﻩ ﻋﻠﻰ ﺧﺎﻟﺪ ﻣﻦ ﺧﻼﻩ ﻳﻄﻠﻚ ﺳﻤﺎﺡ ﻭﻳﺰﻭﺝ ﺳﺎﺭﻩ ﻫﺴﻪ ﻃﻠﻊ
