عنودية الشيخ أنمار (متوقفة حاليا)

البارت 13

تمارا..ايي بس لا تتأخر عليه ما أستحمل أضل هنا بعد

علي ..لا باجر صبح يمج يلا ديري بالج على نفسج سلميلي على امي

تمارا..اوكي يوصل يلا مع السلامة

علي..لله وياج

تمارا..سديتة من علي رأستن حطيت راسي على المخدة ضليت أتكلب من الوجع ما كدرت أنام كمت حضرت الجنطة مال ملابس و رجعت نمت بفراشي لحد ما أذن الفجر كمت توضيت و فرشت السجادة و كمت اصلي خلصت صلاة ضليت كاعدة على سجادة شوية أدعي ياربي سهل علية يارب خلص الصبر يارب محد يصدك بية بس أنتة انتة تدري ان اني ما أسوي هيج أشياء بس ياربي ماريد غير شي واحد هو ان يضهر الحق اه كمت شلت السجادة و تمددت رأستن نمت من التعب كعدت ورة شكم ساعة كعدت على صوت من جوة كمت نزلت جوة شفت علي..

علي ..بعد ما سديت الخط انتضرت الشمس تطلع عمود اروح كمت بدلت ملابسي و طلعت بالسيارة امشي بكل سرعتي ورة 2وصلت للبيت جدي طبيت للبيت نزلت من السيارة دكيت الباب جاي يطلع أنس كال

أنس ..علي شجابك هنا مو عندك شغل بغداد

علي ..كلت بصياح انتة إلصم و لا كلمة اريد أسمع منك فاهم للك

أنس ..شبيك أخوية ليش هيج تحجي

علي ..ليش فوكاهة تكول ليش لك ياغبي أختك تنضرب و يهينوها كبال عينك وانتة ساكت وسفة من رجال يشوف اختة تنضرب و ميحجي

أنس ..بس خلي أفهمك أختك الغلطت أحنا انطينها مجال هواي

علي ..وللي من وجهي دفعتة و طبيت جوة لكيت امي كاعدة و ولد يطلع بكصة أنس و ولد شاب لابس دشداشة و عكال اي هذا أنمار شافتني امي واجت كالت

ام علي..هلا يا بعد عيني شلونك يمة

علي..من لله بخير

ام علي..شجابك يمة بهيج وكت بس لا صاير شي ال سارة

علي ..لا ماكوو شي لعد و ين تمارا شو ماهي

ام علي..نايمة فوك

علي ..كمت أصيح تماراااا تماراااا وين نزلي

الشيخ أنمار..هيي لا تصيح أحترم على اقل حتى سلام مسلمت

علي..مالك شغل بكيفي أسلم او لا تمارااا و شوية نزلت تمارا بس كوة تمشي ياعيني شنو مسوبيج هذا نزلت رأستن اجتي الي و حضنتني وكامت تجي و كالت

تمارا..بعد ما نزلت جوة و شفت علي عبالك ردتلي روحي رحت علية حضنتة و كمت أبجي اااه كلت زين اجيت علي أخذني وياك لا تعوفني هنا

الشيخ أنمار..كعدت الصبح طبيت سبحت و طلعت لبست دشداشة و عكال حطيت عطر ونزلت جوة ورة شوية اندكت الباب كام أنس فتحة جان يطب ولد شاب على ما أضن علي حجة و ية عمتي وسأل على تمارا و كام يصيح رحت الة كلت 👆ورة شوية نزلت تمارا وراحت حضنت اخوها و كامت تجبي صح انقهرت عليها بس كل هذا من ايدها بس من كالت اخذني وياك فقدت وكلت شنوو شنو ياخذج وياا

علي ..اي عندك مانع راح اخذ أختي واروح لا عبالك اني هناك و ماسمع شجاي يصير هنا وشنو تسوي لأختي بس اريد افتهم شغلة انتة شنو صفتك حتى تمد ايدك عليها لك اني اخوها ما ماد ايدي عليها تجي انتة تضربها

الشيخ أنمار..تماراا مراح تطلع منا و اذا على الضرب اختك تستاهل كلة من ايدها هي غلطانة

علي..هي مو بكيفك متطلع منا اي مالك الحق تضربها ماشي تماراا روحي بدلي عمود انروح بس ابقى بعد هنا مادري شيصير

تمارا..بعد ما سمعت علي شكال رحت دا اصعد اباع على أنمار كلت بنفسي كلة من وراك اتحمل شوف راح تحس بقيمتي بعد ماروح ما أجة من حبك بس أذية صح بعدني احبك بعد كل الي سويتة بية بس كرامتي غالية عندي صعدت شوية شوية فوك رحت للغرفة حضرت جنطة مالتي من أبارحة طلعت ملابس راح ألبسهن بنطرون أحمر و بدي أبيض و فوكة ستره رصاص مورد بورد أحمر هاي ملابس 👇

نزلت جوة و نزلت الجنطة اتلكاني علي اخذها مني أجة لزمني أنمار من أيدي و كال

الشيخ أنمار..شفتها نزلت من فوك و بيدها الجنطة اخذها منها علي متحملت أشوفها راح تروح كدامي كلت هيي وين ماخذها هاا اشو هذا اجة وخر أيدي وكال

علي ..من نزلت تمارا اخذت الجنطة من عدها جاي نطلع اشوف تمارا وكفت درت وجهي شفت أنمار لازم ايدها اجيت و خرت أيدة و كلت لا تلزمها فاهم انتة شنو فكر نفسك عبالك أنس و ابوية ميحجون هاي هية اخذت راحتك وية اختي اني غير يلااا تمارا

الشيخ أنمار..هيي انتة ألزم السانك احسلك ترة ما أخليك تطلع منا عايش و تماراا ماتروح وياك

علي ..ما أستحملت فوك ما سوة بتمارا صدك هو حجة هيج اجيت و ضربتة بوكسي

الشيخ أنمار..بعد ما ضربني ما أستحملت كمت علية بوكسي و يعني لعبت بي طوبة لحد ما وكعتة بالكع و اجتي تمارا كالت

تمارا..ردنا نطلع و لزمني أنمار اجة علي جاي يوخرة وضلوو يتحاجون لحد ما علي ضرب أنمار و أنمار رجع اله الضربة و رد يضربة اني هنا كلش خفت على علي اخاف يصير بي شي رحت و كفت كدامة و كلت ........يتبع

-------------------------------------
السلام عليكم شلونكم نشالله تكونو بخير ...😘❤😻

شلونه بارت اليوم!

شنوو تتوقعون شراح يصير بين أنمار و تمارا !!؟

و شنو ردة فعل أنمار من تروح تمارا!!

أنتضرو البارت الجاي من الرواية ...😊💜

شكرااااا الكم عسلاتي  على الف قراء احبكممم انطيتوني ايجابية اكتب شكراااا ونشالله ما أقصر وياكم بتنزيل البارتات ❤❤🌸🌸🌼🌸🌸❤❤

مع تحياتي الكم ..

#الكاتبة "أّلَجِوِدِ''